Бул. Љубљанска (+ Мост од Карпош 4 кон Злокуќани)

Не заборавајте дека надвозник/подвозник на пруга треба да се направи прво во Кисела Вода со цел да се спојат Аеродром и Кисела Вода зашто тој проект реално, колку што се сеќавам, беше промовиран во политичките програми на последните локални избори.

За тоа со Маџари, ако некогаш се стави градско - приградската железница во сообраќај, ќе има повеќе железнички сообраќај и самото тоа по себе ќе дојде до степен да треба да се изгради подвозник под пругата.

Него интересно што Данела го продолжи проектот, оти нели овој беше на Шилегов а гледам сите по форумот зборите како Данела ги закочила сите проекти на Шилегов. Интересно.

Originally posted by user8642 Не ја ширете приказната сега за мсотот во Маџари, нема потреба да идеме накај подземниот премин и останати пошироки долгорочни планови. Зборувам исклучиво за изведба на делот обележан со црвено, кој секако е дел од идните планови за градот. Се работи за коридор од 1200 метра профил 2+2 без средишно зеленило, од кои 200 метри се мост. Значи 4 врзани ленти, нешто како Првомајска, како Рузвелтова, како Џон Кенеди, како 8-ми Септември во делот на Александар Палас и слично. 1200 метри вкупно, од кои 1000 се улица на рамно, значи боза за изведба. На мапата подолу ги имате со портокалово и жолто обележано правците на сливање на сообраќајот према центар. Значи сега тековите се по портокалово, би било со мостов во иднина по жолтото. Дури и лиините од последна 5-ка/15-ка може да се продолжат за една станица па да опфаќаат и индустриската зона или да идат до Хиподром. Другата мапа е гоогле трафик, да се види потребата од мостот. Се тоа што се гледа со темноцрвено ќе се слие преку овој нов мост и ќе излезе на два булевара 3+3 во Аеродром. Кој поминал околу 3ипол 4 попладне во индсутрикста зона, знае за какви гужви зборувам.

Ова се збори од 70тите години и ништо не е помрднато во врска со ова прашање.

Има некоја активност за пробивање на улицата од Илинденска до мостов?

од твитер

Мостот што ќе ги поврзе Карпош и Злокуќани ќе биде готов до крајот на годинава



Новиот мост што се гради на реката Вардар на улицата Љубљанска во Општина Карпош ќе биде готов до крајот на годинава. Станува збор за мост што ќе ги поврзе населбите Карпош 4 и Злокуќани, а ќе биде со широчина од 24 метри со четири коловозни ленти, со пешачки и велосипедски патеки од двете страни. Ова го најави вицепремиерот задолжен за економски прашања, координација на економските ресори и инвестиции, Фатмир Битиќи при увидот во градежните работи што го изврши денеска, заедно со генералниот директор на ТАВ Неџат Курт.

За изградбата на новиот мост се одвоени над 6,2 милиони евра и ќе поврзе два дела од градот, поточно фреквентните улици „Илинденска“ и „Скупи“. Овој мост ќе биде нова патна врска помеѓу општините Карпош, Ѓорче Петров, Чаир, Бутел и Шуто Оризари, информираат од владината прес-служба.

„Задоволен сум од динамиката со која се врши изградбата бидејќи долната конструкција на мостот е завршена и моментално се работи на горниот дел. Веќе е завршено и бетонирањето на главните носачи, попречните носачи и плочата помеѓу крајниот столб и средниот столб и во наредниот период ќе се поставуваат скелиња за поставување на плоча помеѓу столбовите“, изјави Битиќи.

Вицепремиерот Битиќи изрази задоволство за динамиката на започнатите проекти од ТАВ програмата.

„Имаме над 76% реализација на започнатите проекти од ТАВ програмата, и реализацијата на овие значајни проекти се одвива успешно според предвидената динамика. Од вкупно 82 започнати проекти во вредност од 49,7 милиони евра, до денес се завршени 60 инфраструктурни проекти во разни општини низ државата, а тековно се работи на 22 други. За останатите 10 проекти овие денови ќе почне реализацијата“, изјави Битиќи.

Генералниот директор на ТАВ, Неџат Курт во неговата изјава рече дека мостот ќе биде голема придобивка за локалните заедници и дека ТАВ како аеродромски оператор, покрај аеродромското работење како главна дејност, со задоволство придонесува за развојот на локалната инфраструктура во Северна Македонија.

„Како еден од 90-те специјални проекти чија вкупна вредност е 49,7 милиони евра, мостот „Љубљанска” е од огромно значење бидејќи ќе поврзе два динамични дела на град Скопје и во исто време ќе додаде вредност и придобивка за локалните заедници и особено за граѓаните на град Скопје“, рече Курт и додаде дека тука нема да биде крајот на соработката со Владата на Северна Македонија во делот на подобрување на инфраструктурата.

Инаку, преку ТАВ програмата, Владата и ТАВ градат водоводи, канализации, спортски сали, патишта и улици, градинки, домови за стари лица, младински центри, поточно инфраструктурни проекти кои се значајни за нашите сограѓани.

https://meta.mk/mostot-shto-kje-gi-povrze-karposh-i-zlokukjani-kje-bide-gotov-do-krajot-na-godinava/

Сликите се од пред едно 4 дена






free picture texting from computer