Бул. Љубљанска (+ Мост од Карпош 4 кон Злокуќани)

Добро е што сепак нешто се прави. Но секој инженер мора да биде критичен со цел работите да се прават ПОДОБРО, секогаш може подобро, секогаш треба да се залагаме за подобро.

Во однос на ИЛИНДЕНСКА, мислам дека е страмота што улица од 2-3 километри ќе се реновира во многу фази, до сега 3 пати се сече лента. Мислам дека до крајот и комплетирањето барем уште едно 5-6 ленти ќе се сечат.... Е ТОЕ Е СРАМОТА толку ли глуп народ може на вакви однесувања да верува и да не ги осуди....

Реално во СКОПЈЕ НИТУ ЕДЕН булевар проектиран во времето на ЈУГОСЛАВИЈА кога имало стандарди и кога се правело прописно, до ден денес не е ДОВРШЕН, значи ниту една улица од крај до крај не е целосно комплетирана секаде нешто фали. Скопје нема главни булевари сите некаде СЛЕПО или во некаков теснец завршуваат. Многу тешко се напушта градот гледано од секоја населба, секаде има пречки стеснувања, лош асфалт, дупки тесни улици.

А замислете наеднаш да тргне економијата на земјата, наеднаш се повеќе и повеќе луѓе да купуваат возила и да се движат, па има да има ТОТАЛЕ застој. Апсурдно но реално, ние имаме среќа што имаме толку млади кои се невработени па спијат до 2-3 попладне и не прават гужви низ град.

Тоа е трагедијата која никој несака да ја каже и да си ја признае со цел да почнат од некаде да се решаваат ваквите сообраќајни проблеми.

П.С. Најдобро да си траеме, дека ако ги направат булеварите ќе им текне ПАТАРИНИ да стават, е тек тогаш од дома да не излезеш.

Крајот на бул. Илинден во Карпош 4. Сега и да го премостуваат Вардар, на другиот брег има куќи што сериозно пречат. Случајно налетав на фоткава на твитер, па си велам да ја споделам. Автор: @Giotto_mkd



Edited by Џоле - 19-Mar-2018 at 10:06

И повторно прашањето што мора да се постави исто како и кај мостот што требаше да биде панормаксо тркало. Дали овие "сајли" имаат некаква конструктивна улога или се само декоративни, да не речам непотребен вишок.         Фундаментите на сајлите ме тераат да мислам дека имаат некаква конструктивна улога, ама може би не. Не треба Македонија многу да експериментира со методи на градење кои после тоа захтеваат многу оперативни редовни оддржувања, не сме многу педантни ние со такви работи. Еден мост ГоцеДелчев реално ни е проблем редовно да му ги стегаме сајлите. Другата екстремна крајност за оваков народ е камени мост, го градиш и можеш да го баталиш 700 години и пак да врши работа. Затоа треба да се држиме до класични методи на градба, мост на револуцијата, оној кај Ману, обединети нации, новиот кај железничка, мост близнаци и такви класични типови.

Второ, зашто толку лош рендеров или не е ни рендер воопшто него само low-res export некој колку да не биде без ич.

Originally posted by stef4o Добро е што воопшто има некаков рендер,за разлика од мостот кон Ќерамидница каде нема ниту една матна сликичка.

Да, а најмногу ме чуди што никој новинар (барем колку што имам видено) не се дрзнал официјално да го праша Градот или пак градоначалникот за тоа како би изледал мостот.

ГОТОВ ПРОЕКТОТ ЗА НОВИОТ МОСТ ОД КАРПОШ 4 ДО УЛИЦА СКУПИ, ДО КРАЈОТ НА ГОДИНАВА ЌЕ ПОЧНЕМЕ СО ГРАДБА, ВЕЛИ ШИЛЕГОВ

Град Скопје заврши со проектирање на новиот мост од улицата Љубљанска во Карпош 4, покрај скејт паркот на кејот на Вардар до улицата Скупи. Според проектот, мостот ќе биде со четири коловозни ленти, по две ленти во двата правци, велосипедска и пешачка патека.

Градоначалникот Петре Шилегов вели дека до крајот на месецов ќе биде распишан тендерот за избор на фирма која ќе ги изведува градежните работи и најдоцна до декември ќе стартува изградбата.

„Овој мост ќе ги спојува населбите Карпош 3 и 4 по улица Љубљанска покрај ТЦ „Сити мол“, со Злокуќани и Бардовци на улица Скупи. Со тоа, во голема мера ќе се скрати времето за движење на граѓаните од овие делови на градот. Во втората фаза од овој проект се предвидува продолжување на булеварот Словенечка до Волково, што ќе биде замена за проектот за продолжување на Илинденска, кој не може да се изведе поради бунарите за вода кои се во овој дел“, вели градоначаликот Шилегов.

Изградбата на мостот со улиците за приклучок според првичните проценки ќе чини околу 6 милиони евра.

Град Скопје во моментов работи на изградба на мостот од Општина Аеродром до населбата Керамидница. Досега се завршени земјените работи и од наредната недела ќе почне поставувањето на темелите на мостот.

А. АНТЕВСКА

https://sdk.mk/index.php/dopisna-mrezha/gotov-proektot-za-noviot-most-od-karposh-4-do-ulitsa-skupi-do-krajot-na-godinava-ke-pochneme-so-gradba-veli-shilegov/

Да се „радуваме“ за „мостот“, а „клиничкиот центар“ може и нова локација после 15ти да добие како што е нели праксата низ годините.

Бардовци станува доста атрактивно место со изградбата на мостов и продолжувањето на Словенија.

Да се немало визија!!!!

Веројатно бидејќи Љубљанска е поврзана со Московска. Што и не некоја добра причина, бидејќи лесно може раскрнисцата со Партизанска да се премести кај Манапо со Лондонска, која пак е со ист профил од 4 ленти.

Тежок "феномен" е тој во Скопје што се појави со таканаречени елитни населби. Кој курац бре трговци-поединци со алаш-вериш финти, со по едвај десетина вработени што собрале по 100 кЕур на мускули со превари, газејќи по туѓи судбини, се прогласија и се замишљаат дека се елита?? Што па елита кога такви има веќе илјадници во општествово?! Какви се овие елитни населби во Бардовци, Радишани, Орман?

Нема ништо елитно тука ако знаеш како се стигнува од Бардовци до центар на Скопје, преку улица на која се продава зелки на сезонски див пазар! Нема ништо елитно во Волково/Орман испод вијадуктот до Лепенец со нерегулиран водотек и комарци, со последна станица на јавен превоз на километар пред населбава. И за да дојдеш до град ти треба пола саат и треба и ромска населба да поминеш. Каква е таа елитна населба во Радишани со улички од по два метра која до скоро немаше булевар на километри од нејзе и треба преку Јаја Паша да дојдеш до град.

Па уште искомплексирани полубогаташи кои се со амбиција да станат елита па се населуваат во атарите на ваквите кобајаги елитни населби и си замишљаат дека се они исто така елита. И дека ако живеат блиску до елитата и нив "ќе ги префати" или "ќе ги зарази" елитизмот. Греотки покондурени! Водно заради тоа стана фавела без никакви услови за живеење, на која во скоро време вредноста ќе и падне испод цените на Лисиче.

За каков селски елитизам збориме тука? Декорираниот ѕид којшто ќе ја огради населбата или куќата ги прави сељаците внатре елита? Феудалец одвоен од рајата? Кој е тој малограѓански селски елитизам, менталитет на чорбаџијата и измеќарите? Кој ви курац сељачишта?!! Дајте една саглам куќа да видиме! Една саглам населба да видиме.

Направите во Скопје населба со пристап до булевар преку улица со минимум 4 ленти (испод не се признава), комунални услуги до беспрекорност, вантрешни комуникации со по 4 ленти (2 за возење, 2 за паркирање), парцели со по 2000 квадрата, процент на изграденост не повеќе од 10-15% од самите парцели, без поткровја, без глупи декорации, без ковано железо, без капии и ѕидини како средновековни тврдини. И да видам цена од 1-2милион еур по куќа и стварно да биде елитно, цената да биде филтер. Зеленило до максимум каде што може. Е тоа е елитна населба, такво нешто нема и нема да има скоро време. На пример во предградијата на Вашингтон и некои побогати градови во Америка, ова е осовна конфигурација на населба што ја раскажав по последниов пасус. Видете ја Санта Моника во Калиформнија како изгледа. И тамо исто масфтрав има потрошено, иста количина и бетон и стакло и асфалт. Ама тоа во Македонија можеме само на филм да го гледаме. А не е тешко да го имаме, само до паметот е !

Има само една населба во Скопје која може да биде приближно во категорија на елитна населба, која уствари и некако природно се наметна така, а никогаш специјално не е рекламирана и продавана како елитна населба иако е таква елитна уште од почетоците во минатиот систем. Има неколку амбасади, повеќе резиденции на амбасади и повеќе приватни куќи. Само ова може да биде елитна населба, друго не се признава во Скопје сега за сега.



Edited by user8642 - 06-Jul-2020 at 18:43