build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Проблем со диви депонии

Bookmark and Share
 Post Reply Post Reply Page  <1 5678>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #121 Posted: 09-Nov-2021 at 09:45
Ако веднаш не се стори нешто, сите ќе испоцркаме!





Жители на Гази Баба бараат веднаш да се затвори претоварната станица во Вардариште која ЈП ”Комунална хигиена” ја користи тука да се истовараат камионите за собирање смет, а потоа отпадот се селектира и се носи во депонијата “Дрисла”. Иако претоварната станица е оградена со ограда, според фотографиите што се споделуваат на Фејсбук, надвор од овој простор е вистинска депонија.

Велат дека се шири непријатна миризба низ населбите Маџари, Ченто, Хиподром и Ќерамидница затоа што отпадот се пали. Го повикуваат новиот градоначалник на Гази Баба, Бобан Стефковски експресно да се зафати и да го реши проблемот.

– Новата енергија што ја носи новиот градоначалник со себе е очигледна и има целосна поддршка да продолжи така. Агендата му е одлична, веднаш експресно да пристапи кон чистење на сите депонии, а во наредна фаза очекуваме и покрупни проекти. Главна болка за сите нас останува Вардариште (знаеме дека е надлежност на Град Скопје), и ако веднаш не се стори нешто сите ќе испоцркаме – вели Далибор Коцевски.

Тој апелира до Стефковски и до новиот состав на Советот на Општината веднаш да покренат иницијатива и заедно со Град Скопје да се пристапи кон затворање на сите приоди до таму.

– Мора тоа да се стори бидејќи константно се полни со ѓубре кое потоа дивонаселените таму го палат и сите нас нè труе. А потоа да се почне со проектот за ремедијација, за кој знаеме дека е скап, ама сигурен сум дека не е поскап од нашето здравје – потенцира Коцевски.

За Љубица Бошковска средувањето на тој простор ќе значи и крај на мизерната живеачка на дивонаселените жители, од кои има и деца кои боси и голи шетаат по ѓубриштата.

– Вардариште треба да е на прво место, пред сè останато, како и средувањето на дивонаселените Роми кои пустошат и кој знае во какви услови живеат и какви болести може да рашират. Колку само дечиња се шетаат голи и боси наместо да се во училишта и градинки – вели Бошковска.

Досегашните градски власти за проблемот со дивата депонија Вардариште се правдаа дека станува збор за сериозен проект и за чистењето на оваа депонија потребна е помош од централната власт бидејќи тоа чини многу.

https://www.vecer.press/ако-веднаш-не-се-стори-нешто-сите-ќе-ис/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #122 Posted: 11-Nov-2021 at 19:00
проблемот со пластични шишиња во вардар се случил неколку пати досега, од каде се излеваат?
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #123 Posted: 14-Nov-2021 at 15:21
Никако да започне чистењето на дивите и општинските депонии во Источниот и Североисточниот регион

Од март преку април до септември. Ова беа досегашните ветувања за почеток на чистењето на дивите и општинските депонии што се лоцирани во Источниот и Североисточниот плански регион. И по поминати неколку месеци, од Министерството за животна средина и просторно планирање нема прецизна информација за тоа кога официјално ќе почне затворањето на општинските депонии во 18-те општини од двата региона, како и на отпадот расфрлан по 30-тина ѓубришта.

Од надлежното министерство за Мета.мк информираат дека проектната документација за чистење и рекултивација на локациите е доставена до Секторот за централно финансирање и склучување договори на Министерството за финансии (CFCD), од каде согласно процедурите на ЕУ, се чека одобрување.

„Без завршување на оваа административна постапка невозможно е да се пристапи кон започнување на предвидените активности“, велат од Министерството за животна средина и просторно планирање.

Инаку, последното ветување дадено кон крајот на август беше дека целокупниот процес ќе стартува во септември.

Владата ја донесе одлуката за отпочнување на постапката за чистење и рекултивација на депониите уште на 18 јули годинава, откако претходно беа избрани германска и турска компанија кои ќе го отстрануваат ѓубрето од локациите на досегашните депонии и ѓубришта.

Планираниот рок за извршување на целиот проект е една година, додека во него е предвидено да се инвестираат околу 10 милиони евра. Чистењето и рекултивацијата на депониите е дел од имплементацијата на регионалниот систем за управување со отпад за Источниот и Североисточниот плански регион, која што треба да биде крунисана со изградба и пуштање во употреба на современа регионална депонија по стандарди на ЕУ во општина Свети Николе.

Покрај отстранувањето на отпадот од општинските депонии и ѓубриштата, јавните комунални претпријатија ќе имаат обврска за одржување на овие локации, за што се потпишани и договори со нив. Локациите каде досега се трупаше отпад ќе бидат оградени, а овие претпријатија ќе мора еднаш годишно да вршат мониторинг на квалитетот на подземните води и визуелна проверка на теренот.

Исто така, тие ќе треба да ги одржуваат каналите за атмосферски води на затворените локации. Планирано е два пати годишно да се врши сечење на тревата и топографско набљудување во однос на слегнување на телото на депонијата и стабилноста на прекривката.

По осмата година од затворањето на депониите, општините преку јавните претпријатија се должни еднаш годишно да продолжат со мониторингот на подземните води и топографското набљудување на депониите.

Затворањето на депониите и ѓубриштата во Источниот и Североисточниот плански регион ќе се одвива во две фази. Во Источниот регион се регистрирани вкупно 12 несоодветни општински депонии и 72 диви ѓубришта, додека во Североисточниот регион има вкупно шест нестандардни општински депонии за чистење и 32 диви ѓубришта.

https://meta.mk/nikako-da-zapochne-chistenjeto-na-divite-i-opshtinskite-deponii-vo-istochniot-i-severoistochniot-region/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #124 Posted: 26-Nov-2021 at 15:08
ВИДЕО | Стојкоски: Ќе ги санкционираме сите кои ќе фрлаат смет во исчистената депонија



Се’ уште се работи на расчистување на отпадот од депонијата во Ново Село, која според најавите на градоначалникот на општина Ѓорче Петров, Александар Стојкоски, ќе се претвори во парк со содржини за рекреација.

– Активностите на терен ќе продолжат и во следниот период, иако траат веќе подолго време. Планираме да засадиме дрвца и да обезбедиме услови за спортско-рекреативен живот. Целта е да го заживееме просторот и од депонија да го претвориме во место за социјализација на локалното население, рече Стојкоски денеска во Утрински брифинг.

Површината на сметиштето е околу 6,6 хектари, дел од ѓубрето се пренесува во Дрисла, додека чистата земја се користи за да се порамни површината.

Според градоначалникот поголем предизвик од самото чистење, ќе биде одржувањето на депонијата.

– Ќе има засилени инспекциски контроли од страна на инспекциските служби и комуналните редари. Ќе бидеме многу ригорозни во делот на санкционирање за сите кои ќе се обидат повторно да депонираат смет од различен карактер. Ќе бидат поставени и надзорни камери, а апелирам и до локалното население да ни помогне при детектирање на сторителите, со видео и фото материјали, по што ние ќе постапиме во координација со полициската станица Ѓорче Петров. Бидејќи ние не можеме толку да исчистиме колку што можат несовесните граѓани да депонираат отпад, додава Стојкоски.

Тој вели дека изминатиов месец ја санирале пешачката патека на кејот на Вардар, аплицирале за изградба на нова детска градинка во Стопански двор, а ќе ги испитаат можностите за доградба на нови капацитети во рамки на веќе постоечки детски градинки.

– Наследивме многу предизвици во однос на започнати, а нерализирани проекти, но и во делот на финансиите. Се обидувам да ги реализирам проектите за асфалтирање на улици кои беа започнати, во јавен интерес на граѓаните е да се завршат сите веќе отпочнати работи, нагласува градоначалникот Александар Стојкоски.

https://www.slobodenpecat.mk/video-stojkoski-kje-gi-sankcionirame-site-koi-kje-frlaat-smet-vo-ischistenata-deponija/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #125 Posted: 19-Dec-2021 at 17:23
Интензивно чистење на градските депонии во Скопје





Од Град Скопје соопштија дека интензивно продолжуваат со чистење на дивите депонии кои беа мапирани на повеќе локации низ градот. Денеска целосно беше исчистена дивата депонија во Карпош на улицата Марк Твен.

– Градот Скопје веќе исчисти повеќе од 120 диви депонии во првите 30 дена од мандатот на градоначалничката Данела Арсовска. Со чистењето на дивите депонии на подрачјето на Скопје каде вообичаено се согорува отпад, значително ќе се придонесе за намалување на аерозагадувањето, како и ќе се елиминира потенцијална опасност од загадување на подземните води и почвата во градот – информираа од Град Скопје.

Скопје без диви депонии е еден од главните проекти на кој градската администрација активно работи во соработка со општините и јавните претпријатија под Град Скопје

https://www.vecer.press/интензивно-чистење-на-градските-депо/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #126 Posted: 06-Jan-2022 at 17:51
Дива депонија го загрозува бунарскиот систем Нерези – Лепенец, одговорни нема



Градежен шут, вреќи со ѓубре, остатоци од реновирање по дома, гуми и различни други ѓубришта се исфрлени на дивата депонија во близина на првата заштитна зона на бунарскиот систем Нерези – Лепенец.

Фотографиите од депонијата ги објавија „Независни од Карпош – за заштита на Карпош“, од каде посочуваат дека уште пред три месеци алармирале за очајната состојба на овој простор, но дека за оваа сотојба никој од надлежните не се нашол одговорен. Според нив, депонијата веднаш до мостот и натаму си стои, но формирана е и нова во близина на поранешната фирма АДГ АБ Скопје.

– Неколку пати му посочивме на градоначалникот за депонијава, одговорот беше – инспекторите не можеле да казнуваат таму, опасно било, имале закани. Еве ние, 30 минути сликавме и немавме никаков проблем. Камери си има на 50 метри, ама очигледно ова не е криминал за (не)надлежните – информираат на социјалните мрежи од „Независни од Карпош – за заштита на Карпош“

Тие велат дека побарале измени во Буџетот за да се обезбедат средства за проект за зафаќање и спроведување на непрочистените отпадни води од испустите во реките Вардар и Лепенец во втората заштитна зона на бунарскиот систем Нерези-Лепенец, но советниците го одбиле предлогот со образложение дека овој проблем е во надлежност на Град Скопје.

– Но амандманот на колегите од ВМРО-ДПМНЕ за изготвување почетен проект за санација и ремедијација на втората заштитна зона на бунарското подрачје Лепенец – Вардар во Карпош 4 го прифатија, што е во ред и ние го гласавме. Сепак, ако целта навистина е заштита од загадување на водата за пиење на бунарите на бунарското подрачје Лепенец-Вардар во Карпош 4, тогаш не треба да затвораме очи за состојбата преку Вардар, зошто овде азабестните кровови сè уште не се закопани – велат од „Независни од Карпош – за заштита на Карпош“, кои имаат две советнички во Советот на Општина Карпош.

https://www.slobodenpecat.mk/diva-deponija-go-zagrozuva-bunarskiot-sistem-nerezi-lepenec-odgovorni-nema/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #127 Posted: 16-Jan-2022 at 14:44
Град Скопје денес започна со чистење на депонијата кај железничкиот мост на реката Вардар во општина Гази Баба. На оваа депонија секојдневно се исфрла комунален отпад и градежен шут кој придонесува кон загадување на почвата, подземните води и воздухот, но пред се го загрозува здравјето на жителите од оваа општина.
Градот во соработка со јавните претпријатија интензивно ќе работи на целосно чистење на оваа дива депонија, која зафаќа површина од над 13.000 метри квадратни.
Целосно е исчистена и депонијата во населба Лисиче на ул. Ѓорѓи Крапчев на површина од околу 18.000 метри квадратни, со исчистена и транспортирана голема количина на комунален отпад, смет и градежен шут.
Градот Скопје продолжува со интензивно чистење на дивите депонии кои се мапирани на територијата на Скопје, а екипите на јавните претпријатија работат во две смени со цел побрзо и поефективно чистење и санирање на истите. Дополнително, Градот воведе засилен инспекциски надзор и неселективно ќе бидат изрекувани големи казни за сите кои не го почитуваат законот, а со тоа и ја загадуваат животната средина и го загрозуваат животот и здравјето на граѓаните.







https://www.facebook.com/CityofSkopje
Back to Top
Влатко View Drop Down
Senior Member
Senior Member
Avatar

Joined: 01-Aug-2016
Location: Skopje
Online Status: Offline
Posts: 511
  Quote Влатко Quote  Post ReplyReply #128 Posted: 17-Jan-2022 at 10:31
Депонија Визбегово, наводно решен проблем, сликања, камери, министри, градоначалници











Edited by Влатко - 17-Jan-2022 at 10:32
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #129 Posted: 25-Jan-2022 at 15:48
Целосно е исчистена дивата депонија на кејот на реката Вардар во општина Гази Баба

Екипите на Град Скопје денеска завршија со чистење и целосно е исчистена дивата депонија кај кејот на реката Вардар во општина Гази Баба, која зафаќаше површина од над 13.000 квадратни метри. Собрани се над 4.000 кубни метри комунален отпад и градежен шут што секојдневно ја загадуваше животната средина и го загрозуваше здравјето на жителите од оваа општина.
Градот Скопје интензивно работи на чистење на депонии во населбата Лисиче, Ново Село во општина Ѓорче Петров, како и целосно чистење на дива депонија во населено место Брњарци, општина Гази Баба.



https://www.facebook.com/CityofSkopje
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #130 Posted: 25-Jan-2022 at 17:46
Во модерниот Project Management има нешто што се вика Lessons Learned на крај на затварање проект. Епа јас сакам да ги прашам модерните менаџери што лекции научија со затворањето на овој "проект" за чистење на депонијата? Дали ја научија лекцијата дека треба д се превенира во следните месеци да тука повторно се создаде депонија? Една бандера со камера и светло нема! Ајнштајн што рекол, правање истата работа повторно и повторно и очекување различен резултат, е тоа е лудост! За некој месец пак ќе се случи депонија, пак ќе се пофалат со еднократно чистење и така тоа се повторува до недоглед. Значи имаме практично успоставен процес без почеток и крај, а не завршена работа. Ајде направете го одлагањето отпад во Дрисла бесплатно! Ајде ставете минимум заштита, камера, светло, ограда, чувар, нешто!
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #131 Posted: 26-Feb-2022 at 18:24
На местата на исчистените диви депонии, граѓаните повторно фрлаат ѓубре

Како последица на ваквиот однос кон чистата животна средина на дел од населението, градоначалниците на социјалните мрежи честопати излегуваат со апели до локалното население на веќе исчистените локации да не се расфрла повторно отпад и на тој начин општината да не инвестира одново и одново во одржување на една иста локација, а граѓаните да живеат во чиста и здрава еколошка средина.

Засилени се активностите за расчистување на дивите депонии. За жал, сликите со расфрлен комунален смет се повторуваат на исти локации. Апелираме за поголема одговорност од локалното население и пријавување на сторителите – апелираше градоначалникот на Општина Ѓорче Петров Александар Стојкоски на својот фејсбук-профил.

Околу ниската еколошка свест кај дел од населението за фрлање на отпадот на јавните површини низ градот, говорат и последните податоци добиени од Град Скопје дека комуналните редари за само една недела на терен изрекле 19 казни за прекршување на Законот за јавна чистота.

Комуналните редари санкционираат несовесни граѓани за прекршоци како фрлање и оставање отпадоци од градежен материјал, фрлање и оставање хартија, отпушоци, амбалажи и други отпадоци, фрлање стари предмети од домаќинство и смет од вршење дејности, продажба и излагање земјоделски и индустриски производи. Активностите беа спроведени во општините Центар, Карпош и Аеродром, додека дополнителни екипи дејствуваат на Водно и на други локации – информираат од Град Скопје.

Колку за потсетување, според податоците добиени од градските власти, во изминатите неколку месеци на целата територија на градот Скопје се исчистени околу 150 диви депонии на голем број локации. На некогашните локации каде што со децении се расфрлал секаков тип отпад, предвидено е изградба на паркови за да се спречи повторно неправилно одлагање отпад.

https://www.slobodenpecat.mk/na-mestata-na-ischistenite-divi-deponii-gragjanite-povtorno-frlaat-gjubre/
Back to Top
Vire View Drop Down
Senior Member
Senior Member
Avatar

Joined: 17-Aug-2021
Online Status: Offline
Posts: 349
  Quote Vire Quote  Post ReplyReply #132 Posted: 26-Feb-2022 at 18:55
Инсфраструктурата и архитектурата се главни кривци по мене за то шо загадуват љуѓево и шо не се грижат за животната средина.Едноставно те мотивират местово да фрлиш,да плукниш,да не ти е гајле. Можи звучит чудно ама сум убеден во то,истите тие ко ќе појдат Париз,Лондон,Рим...не му паѓат напамет да фрлат
ни едно книвче негде,и не само дека ќе ги казнат 100ци евра.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #133 Posted: 02-Mar-2022 at 17:55
Ја чистиме општината од малите депонии кои ја грдат сликата на Центар. Денеска собравме околу 700 отпадни гуми кои го загадуваа просторот зад хотелот „Вип“ во населбата Крњево.
Мапиравме и околу 40 локации чии сопственици ќе бидат задолжени да го исчистат отпадот од својот имот во даден рок во спротивно, ЈП „Комунална Хигиена“ ќе го исчисти отпадот, на трошок на сопственикот.
Ова е дел од акцијата за чистење отпад од приватни имоти која скопските општини ја спроведуваат заедно со градот.





https://www.facebook.com/photo?fbid=340449634762152&set=pcb.340449734762142
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #134 Posted: 02-Mar-2022 at 18:05
Ова треба да се завземе како став на ниво на градот и на сите сопственици на неуреден приватен имот да им ги исчисти имотите и да им испорача сметка за тоа или да им наложи тие самите да си го уредат просторот па макар не граделе и со децении.
И онака градот е преплавен од отпад па барем овој фактор да се елиминира.
Back to Top
FT View Drop Down
Senior Member
Senior Member
Avatar

Joined: 22-Jun-2010
Location: Kocani
Online Status: Offline
Posts: 565
  Quote FT Quote  Post ReplyReply #135 Posted: 02-Mar-2022 at 20:07
Originally posted by stef4o

Ова треба да се завземе како став на ниво на градот и на сите сопственици на неуреден приватен имот да им ги исчисти имотите и да им испорача сметка за тоа или да им наложи тие самите да си го уредат просторот па макар не граделе и со децении.
И онака градот е преплавен од отпад па барем овој фактор да се елиминира.


И Кочани е преплавен со вакви запустени места. Зошто бе на никој не му е гајле како изгледа средината низ која се движат секојдневно? Ни луѓето, ни ВлАсТа
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #136 Posted: 02-Mar-2022 at 22:00
Има повеќе фактори,прво и најлошо е што сме навикнати на купишта отпад и понатаму упорно се фрла на секое место особено по периферијата на градот но ете и среде Центар има депонии.
Понатаму има исто така многу имоти каде сопствениците ги оставиле да пропаѓаат поради разни причини и со тек на време истите станале мета на бездомници,опасност за градот од нивно ненадејно уривање и слично.
Мноштво неформални собирачи на отпад,диви населби,пазари(бувљак канта пазар) и слично кои повторно генерираат многу отпад.
Треба барем скопските општини па и другите да се организираат и колку толку да ги спречат овие работи и на приватен и на општински имот а секако да има и некакви казни.
Инаку не знам дали само мене ми се чини или навистина Гази Баба е е една од општините со најмногу мини депонии,поготово Маџари и делови од Ќерамидница просто неверојатно колку се нечисти.
Премногу ќе треба да помине време да одиме на подобрување во овој дел,можеби некои идни генерации би постапувале посовесно но сега за сега нема такво нешто на повидок.
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2271
  Quote Denko Quote  Post ReplyReply #137 Posted: 02-Mar-2022 at 22:32

Ovoj problem bil otsekogas i ne znam zosto nadleznite ne go resavaat. Ne deka i graganstvoto e so razviena svest za cistota no nadleznite se tie koi treba da kreiraat red i pravila.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #138 Posted: 12-Mar-2022 at 08:22
Се расчистува голема депонија кај Касарната во Прилеп



Прилепските комуналци една недела ја чистат дивата депонија зад Касарната и како што информираат од јавното претпријатие „Комуналец“, досега се исчистени, транспортирани и депонирани во депонијата „Алинци“ над 500 кубни метри отпад. Се планира од оваа депонија да се исчистат уште над 300 кубни метри отпад.

Депонијата се простираше од почетокот на касарната, токму каде завршува улицата „Ердован Шабаноски“, па по целата површина околу бодликавата жица, кружно до патот за Вештачкото езеро.

Прилепскиот градоначалник Борче Јовчески и директорот на јавното претпријатие „Комуналец“, Рубинчо Абрашоски, сметаат дека без оглед колку ќе чини и колку време ќе одземе од другите планирани активности, мора да се исчистат сите поголеми и помали диви депонии околу градот.

Инаку, остануваат за чистење 10 помали и две големи диви депонии, исто со по над 1000 кубни метри отпад. Едната е по патот за Вештачкото езеро од левата страна, односно колскиот пат кој води кон светски познатата карпа „Скаменета баба“, каде преку целата година доаѓаат странски туристи кои вежбаат болдеринг, а кои изминативе години редовно постираат кратки видеа на кои се истакнува негрижата за зачувувањето на околината. Воедно, ќе се чисти и дивата депонија со локација пред Градските гробишта.

https://alsat.mk/mk/se-raschistuva-golema-deponija-kaj-kasarnata-vo-prilep/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #139 Posted: 22-Mar-2022 at 13:43
ВО КУМАНОВО ИМА НАД 80 ДИВИ ДЕПОНИИ, НАЈВАЛКАНО Е НА ВЛEЗОТ НА НАСЕЛБАТА „ПЕРО ЧИЧО“, НО НЕМА КАЗНЕТИ



Купишта ѓубре, пластика, стар мебел, градежен шут повторно се натрупани на дивата депонија на влезот на населбата „Перо Чичо“ во Куманово. Иако оваа депонија беше целосно расчистена пред само десетина месеци и беа поставени контејнери, жителите од околните куќи продолжија со старите навики да го фрлаат сметот под куќите, неводејќи грижа за животната средина ниту за последиците по здравјето.

Граѓаните кои ги сретнавме во близина на депонијата реагираат поради ваквата состојба, бидејќи за да стигнат до дома мора да поминат низ ѓубрето. Тие вината ја лоцираат кај граѓаните кои живеат тука, но и кај надлежните кои треба да спроведат строги контроли и ригорозни казни, за да го санкционираат однесувањето на поединци.

„Залудни се обидите на Општината да го исчисти овој простор, ако нема казни. Секој ден проаѓаме тука пешки, има секави бактерии кои ги носиме дома на обувките. Направија детско катче за да го заштитат просторот, мислејќи дека тоа ќе ги одваратат несовесните граѓани, но попусто. Единствен проблем е да се затвори тој дел со подигање ѕид, па да нема простор каде да се фрла. Едно време имаше најава дека железница ќе направи тунел, ама изгледа ништо и од тоа. Но, мислам дека треба и јавното претпријатие почесто да го собира сметот за да не се собира во толку голема количина“, вели еден кумановец.

Градоначалникот Максим Димитриевски на неодамнешната седница на општинскиот Совет за превенција кажа дека Општина Куманово во изминатите 4 години потрошила повеќе од 8 милиони денари за чистење на дивите депонии и речните корита во градот, но признава дека и дека покрај сите акции не можат да постигнат да ги исчистат сите депонии со смет и градежен шут кои ги создаваат граѓаните, но и сопственици на култиватори и камиони.

„Интензитетот на создавањето на диви депонии не стивнува, во моментот има повеќе од 80 диви депонии на повеќе локации во општината. Страшно е што на дивите депонии што континуирамо ги чистиме повторно се фрла ѓубре. Една од нив е на локацијата кај Туш, каде минатата година изнесовме 150 камиони со отпад, но сега не само што е повторно затрупана, туку демолирано е и детското катче. Исто е и со депониите на реките Кумановка, Липковка, Којнарка, кај воените магацини во Проевце, а сега имаме масовно создавање диви депонии во населите Долно и Горно Којнаре“, кажа Димитриевски.

Тој додаде дека голем број на незадоволни граѓани реагираат до Општината поради создавањето нови диви депонии, па затоа ги повика општинскиот и државен инспекторати, како и МВР заеднички да дејствуваат и да најдат решение за овој многу голем проблем во Куманово, бидејќи граѓаните не ги интересира кој е надлежен.

„Како што тргнал трендот, искрен да бидам, ние не можеме да исчистиме толку, колку што се создаваат диви депонии“, кажа Димитриевски.

На состанокот беше истакнато дека треба да се работи и на зајакнување на еколошката свест кај граѓаните за да се подобри комуналната хигиена во градот, а се постигна договор за формирање на тело за заштита на животната средина кое ќе изработи стратегија за борба против загадувањето.

https://sdk.mk/index.php/dopisna-mrezha/vo-kumanovo-ima-nad-80-divi-deponii-najvalkano-e-na-vlezot-na-naselbata-pero-chicho-no-nema-kazneti/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #140 Posted: 26-Mar-2022 at 17:36
СКОПЈЕ - ЦАРСТВО НА ДИВИ ДЕПОНИИ И ЃУБРЕ



https://24.mk/details/skopje-carstvo-na-divi-deponii-i-ubre
Carpe diem
Back to Top
 Post Reply Post Reply Page  <1 5678>

Forum Jump Forum Permissions View Drop Down



This page was generated in 0.117 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.