Булевар 8ми Септември

Друштво, во овој подфорум не најдов нишка за булеварот 8ми септември па затоа решив да отворам нова тема. Имено секој ден поминувам таму со велосипед и не можам а да не го изразам мојот револт кон "реконструкцијава" која се одвива. Најпрвин секоја чест за градските власти за тоа што решија да го обноват но не ми е јасно како може толку да се нема визија. На целиот потег од Тојота до Мида нема никаде пешачки премин. Следствено на тоа сега се појави шанса за правење на подземни премини, барем два, кои би го врзувале стариот дел на паркот со салата Борис Трајковски и во продолжение со новиот парк. Рабниците се сите високи и проектантите и оперативците како да не мислат на инвалидизирани лица со количка или пак велосипедисти кои на места треба да рипаат од истите рабници. Понатаму, сега беше шанса да се стави жардиниера во средина како би се спречиле оние полукружни вртења на скопските шофери по целиот булевар каде ќе им дојде. И уште една работа која ми паѓа во очи е тоа што можеби и има шанса за проширување за уште една лента со што на некој начин ќе ја решат работата за наредни 20-25 години. Добри страни - новата вело патека (ќе видиме како ќе излезе), новиот асфалт, претпоставувам нов кружен тек кај Тојота за скоро време и веројатно реконструкција до семафорите на спојката со булевар Никола Карев. Накратко тоа се некои работи кои ми паѓаат во очи, доколку некој смета дека грешам, нека ме демантира во врска со овој булевар.

-