Кружен тек кај Момин Поток

КИЛОМЕТАРСКИ КОЛОНИ КАЈ МОМИН ПОТОК, ГРАД СКОПЈЕ 2 ГОДИНИ ГО ПРАВИ КРУЖНИОТ ТЕК, ОД КЛУЧКАТА НЕМА АБЕР



Две години Град Скопје го прави кружниот тек кај „Хубо маркет“ и уште не е готов. Клучката пак кај Момин поток нема абер, градежните работи се во почетна фаза, на терен уште не се наѕира клучката, туку досега само се копа ридот каде треба таа да се гради.

Овој дел и пред почетокот на градежните работи беше закрчен. Сега кога улицата е раскопана и градежни машини има насекаде, а се работи со бавна динамика, владее вистински хаос. Секој ден се создаваат гужви и километарски колони, а од дупките и прокопите сред улицата имаше цела година па граѓаните ги искршија колите.

При почетокот на градежните работи во јуни 2021 година, тогашниот градоначалник Петре Шилегов кажа дека кружниот тек и клучката ќе бидат готови за 2 и пол години со што Скопје ќе добие еден нов модерен лик. Но, овој рок нема да се испочитува бидејќи уште е на почеток изградбата на клучката која е најсложениот проект којшто Градот го работел. За две години Градот не успеа да го изведе ниту кружниот тек што е едноставно сообраќајно решение.

Градоначалничката Данела Арсовска воопшто не збори за овој проект ниту пак информира како течат градежните работи односно зошто се одвиваат со толку бавна динамика. Пред пола година на прашање на САКАМДАКАЖАМ.МК од нејзиниот кабинет само кусо ни рекоа дека изградбата на проектот „Клучка Момин Поток“ нема никаков застој и рокот за изведба е до февруари 2024 година. Но, според работите на терен овој рок нема шанси да се испочитува.

Изградбата на кружниот тек и клучката чинат 18 милиони евра.Оваа сообраќајница е една од клучните градски сообраќајници бидејќи дневно овде поминуваат 25.000 возила и метежот е голем.

Според проектот, со цел да се намали сообраќајниот метеж на овој потег се предвидува изградба на 2 кружни тека, првиот треба да ја замени крстосницата кај булеварот 8 Септември и улицата Скупи, а вториот треба да ја замени крстосницата на булеварот Никола Карев и патот кон Визбегово, обиколницата и косовската граница. Од вториот кружен тек улицата продолжува до крстосницата со булевар Словенија каде што се поврзува со булеварот Словенија и со булеварот Босна и Херцеговина.

https://sdk.mk/index.php/naslovna/kilometarski-koloni-kaj-momin-potok-grad-skopje-2-godini-go-pravi-kruzhniot-tek-od-kluchkata-nema-aber/

од твитер

ПО ДВЕ ГОДИНИ ГРАД СКОПЈЕ ГО ЗАВРШИ КРУЖНИОТ ТЕК КАЈ „ХУБО“, ОД КЛУЧКАТА КАЈ МОМИН ПОТОК НЕМА АБЕР



По две години градежни работи, Град Скопје деновиве конечно ја заврши изградбата на кружниот тех кај „Хубо маркет“ на еден од влезовите во главниот град.

Овој кружен тек кој заедно со клучката кај Момин поток треба да го намали метежот на влезот и излезот од Скопје, почна да се гради во јули 2021 година во време на ексградоначалникот Петре Шилегов.

Кружниот тек е асфалтиран и обележан со хоризонтална сигнализација, но просторот околу него уште не е среден.

Нема абер од изградбата на клучката кај Момин поток која е капитален проект за Градот, за која при почетокот на градежните работи ексградоначалникот Шилегов рече дека ќе биде готова за 2,5 години. Овој рок истекува до крајот на годинава, но дотогаш нема шанси да се заврши бидејќи градежните работи не се дојдени ниту до половина. Нема никаква динамика на работа и за две години само е ископан ридот, а ништо не е трасирано.

Од кабинетот на градоначалничката Данела Арсовска велат дека претходното раководство не ги завршило постапките на експропријација и имотно правни спорови и тоа влијае на динамиката.

„Во другите делови проектот е во рамки на законски и договорно утврдените рокови“, велат од Градот.

Според проектот, со цел да се намали сообраќајниот метеж на овој потег се предвидува изградба на 2 кружни тека, првиот треба да ја замени крстосницата кај булеварот 8 Септември и улицата Скупи, а вториот треба да ја замени крстосницата на булеварот Никола Карев и патот кон Визбегово, обиколницата и косовската граница. Од вториот кружен тек улицата продолжува до крстосницата со булевар Словенија каде што се поврзува со булеварот Словенија и со булеварот Босна и Херцеговина.

Изградбата на кружниот тек и клучката чинат 18 милиони евра.

Оваа сообраќајница е една од клучните градски сообраќајници бидејќи дневно овде поминуваат 25.000 возила и метежот е голем.

https://sdk.mk/index.php/dopisna-mrezha/po-dve-godini-grad-skopje-go-zavrshi-kruzhniot-tek-kaj-hubo-od-kluchkata-kaj-momin-potok-nema-aber/

Убо би било некој инструмент од Метеоролошки да стават тука, Сончев Часовник можеби или комотно современа скулптура со микс од метео направии таман во склад со алубонд околината!, а можат и со ласери да ја играат навечер, онаки од пазар за лесно да се менваат!

Ненаправената клучка го засенува новиот кружен тек кај Хубо



Конечно по две години кружниот тек кај Момин поток е асфалтиран и обележан со хоризонтална сигнализација. Но, просторот околу него сè уште не е уреден.

Иако, при почетокот на работите, беше најавено дека ќе биде завршено за 2,5 години но, работите не се ни блиску до завршување. Нема никаква динамика во изградбата, а во текот на последните две години, едноставно е ископан рид и не е направено ништо повеќе.

Изградбата на кружниот тек и клучката чинат 18 милиони евра.

Дополнително, веќе еден месец семафорите на улицата после кружниот тек за накај Визбегово се исклучени. Сигнализацијата е исклучена, полиција не го регулира сообраќајот, па возачите и останатите учесници во сообраќајот се снаоѓаат како знаат и умеат.

https://091info.mk/2023/09/07/ненаправената-клучка-го-засенува-нов

Од толку многу што се работи на проектот, никнало трева на насипот

Можеле кај Хубо кружниов некои растенија или нешто поразлично од асфалтов да наместат личи на дистописки кружен тек..

https://www.facebook.com/CityofSkopje

Originally posted by stef4o ОПАСНОСТ: Еден месец исклучени семафорите кај Момин поток за накај Визбегово Веќе четири недели семафорите на улицата после кружниот тек за накај Визбегово се исклучени. Сигнализацијата е исклучена, полиција не го регулира сообраќајот, па возачите и останатите учесници во сообраќајот се снаоѓаат како знаат и умеат. На овој потег, почнувајќи уште од кружниот тек кој стои со месеци недонаправен, буквално возењето и движењето претставуваат огромна опасност. Кружниот тек стои недовршен, зјаат кабли, подигнати бетонски ѕидчиња. Улицата по која се вози е крпеници. Хаосот станува уште поголем на семафорот кој сега е исклучен, особено што во овој дел има стационирано механизација, багери. Вообичаено, кога се менува одреден сообраќаен режим, Градот и надлежните се должни да ги информираат граѓаните за воведените промени. Дури и да станува збор за дефект. За исклучувањето на семафорот кај Момин поток никој ништо не информирал. https://091info.mk/2023/09/07/опасност-две-недели-исклучени-семафо

За скоро започнува и третиот месец како не работат а често поради тоа се случуваат сообраќајни незгоди, има ли некој било каква одговорност кај нас?