Originally posted by build.mk Законот ги предвидува следните услови кои општините, општините во градот Скопје и градот Скопје е потребно да ги исполнат за да се стекнат со надлежност во име на Република Македонија да располагаат со државното градежното земјиште

Ова не ми е јасно. Кој ќе биде надлежен за земјиштето на територија на град Скопје??? Би било логично тоа да се општините, а градот да добива процент од собраните средства. Но збунува оваа формулација која како да сугерира дека и градот ќе стекне надлежност. Како може тоа, со оглед на фактот дека градот (административно) нема некоја одделна територија, туку неговата територија се состои од териториите на општините кои влегуваат во негов состав?


Edited by Cloverstack - 18-Nov-2010 at 16:12

Државата ќе продава градежно земјиште за стопански објекти и за хотели по почетна цена од едно евро Скопје - Почетната цена на јавните наддавање за продажба на градежно неизградено земјиште на кое според деталните урбанистички планови е предвидена изградба на објекти за индустрија и стопанство и за хотели, ќе биде евро за метар квадратен на територијата на целата држава.
- Таква одлука донесе Владата на вчерашната седница, со цел да се стимулира БДП и нови вработувања, како и развој на туризмот, информира денеска на прес-конференција миистерот за транспорт и врски Миле Јанакиески одговарајќи на новинарски прашања.

Локации со земјиште за изградба на стопански и индустриски објекти има во општина Ѓорче Петров, во индустриската зона Жабени во Битола, како и во Валандово. Јанакиески најави дека во соработка со општините и останатите надлежни институции штом ќе бидат создадени можности сите останати локации со таква намена ќе бидат ставени на продажба преку јавно наддавање.

Во однос на процесот на гасификацијата министерот за транспорт очекува во првиот квартал од наредната година да бидат готови проектите.
- Во меѓувреме во соработка со Министерството за финансии контактираме со повеќе меѓународни банки за обезбедување финансии за почнување на изградбата во текот на наредната година, информира Јанакиески и додаде дека е во финална фаза решавањето на клириншкиот долг со Русија, од кои наjголем дел од средствата ќе бидат искористени за гасификацијата. (МИА)

http://www.porta3.com.mk/index.php?option=com_content&task=view&id=2587&Itemid=125

Милијарди евра или трошки за општините

Во Агенцијата за катастар на недвижности се евидентирани 90.330 парцели на државно градежно земјиште со кои во иднина ќе управува локалната самоуправа
Капитал тежок од неколку стотици до неколку милијарди евра ќе добијат општините како наследство од државата со новиот закон за управување со градежното земјиште, кој најскоро треба да биде изгласан од Собранието. До денеска се очекуваат забелешките од страна на релевантните институции, по што законот ќе биде доставен до Владата, велат од Министерството за транспорт и врски. Со трансферот на надлежностите за управување со градежното земјиште, општините се надеваат да привлечат повеќе инвеститори и да изградат цели нови станбени и бизнис-квартови, со што целосно ќе се смени ликот на населените места. И додека дел од градоначалниците задоволно тријат раце, други изразуваат сомнение дека до стапување во сила на новиот закон (една година по донесувањето) централната власт ќе го распродаде најатрактивното земјиште и за нив ќе останат само непривлечните локации. - Може ќе се опариме, а може и да се попариме - додаваат тие. Од Агенцијата за катастар на недвижности ни изјавија дека во нивната база на податоци се евидентирани вкупно 90.330 парцели на државно градежно земјиште со вкупна површина од 148782916 квадратни метри или 14878 хектари. Со новиот закон целото ова градежно земјиште ќе премине во надлежност на општините. Ако овие површини се претворат во пари, според пазарните услови, се добиваат суми од неколку десетици милијарди евра. Произлегува дека градежното земјиште во моментов е најсилниот економски адут со кој располага државата. Така, доколку целокупното државно градежно земјиште се продаде по симболична цена од само 10 евра за квадратен метар, општините ќе инкасираат 1,4 милијарда евра. Кога пак продажната цена би била 100 евра за метар, се добиваат фантастични 14,8 милијарди евра. За некои од атрактивните локации во главниот град досега беше постигната цена и од над 500 евра за квадратен метар, што значи и многу повеќе пари за општините. Сепак, се чини дека најразвиените општини и најмногу ќе заработат, бидејќи во руралните области или нема значителни површини на државно градежно земјиште или неговата цена е многу ниска. Во Министерството за транспорт и врски истакнуваат дека во првите шест месеци од годинава се објавени 106 огласи за отуѓување на неизградено градежно земјиште, сопственост на Република Македонија, по пат на јавно наддавање, од што во државната каса влегле 169.555.280 денари или 2,7 милиони евра. Од овие средства 80 отсто се слеваат во буџетот на општините, каде што се наоѓа земјиштето, а 20 отсто во буџетот на државата. - До крајот на 2010 година предвидено е да бидат распишани јавни објави за отуѓување на неизградено градежно земјиште. Меѓу нив поатрактивни локации се земјиштата предвидени за изградба на бензинска пумпа и хотел во општината Штип, хотели во општината Аеродром, Охрид и Крушево, како и хотелски комплекс во Битола, на граничниот премин Меџитлија - велат од Министерството за транспорт и врски. Од локалната самоуправа сметаат дека е неприфатливо законот да стапи во сила речиси една година по усвојувањето, бидејќи во тој временски период централната власт ќе ги продаде сите атрактивни локации и за нив нема да остане многу. - Не се согласувам по една година да се спроведува законот. Рокот треба да се скрати - вели Изет Меџити, градоначалник на Чаир. Градоначалникот на градот Скопје, Коце Трајановски, проблемот со градежното земјиште не го гледа во одземањето на овластувањата една година по усвојувањето на законот, туку во неподготвеноста на општините да управуваат со него. - И во 2005 година кога беше децентрализацијата, не бевме подготвени за тој процес, но сепак влеговме. Можеби ќе ни требаат 5-6 месеци за усовршување на администрацијата, но веруваме дека успешно ќе менаџираме со оваа надлежност - смета Трајановски. Од ЗЕЛС нагласуваат дека иако барале право на сопственост над земјиштето, добиле само право да управуваат со него. За дел од единиците на локалната самоуправа проблем е и немањето детални урбанистички планови, што го поврзуваат со недостигот на финансиски средства. Од Министерството за транспорт и врски нагласуваат дека откако општините ќе почнат да управуваат со неизграденото градежно земјиште ќе се воведе принципот на извршување на сите административни активности на едно место, што претставува огромна придобивка.

http://www.novamakedonija.com.mk/NewsDetal.asp?vest=9131010126&id=10&prilog=0&setIzdanie=22081

Општините ќе располагаат со државното земјиште

Државното градежно земјиште ќе биде во сопственост на општините

за рушење тешко но и тоа е поентата, да бидеш правно осигуран дека никој нема да може да те заобиколи, на некој начин убаво кажа досега пример во случај на некаква експропријација на тоа земјиште станарите може само спогодбено нешто да издејствуваат (да им го поправат плочникот пред влез) додека сега комотно можат да се пазарат со оној кој сака да го користи или откупи тоа земјиште!

е сега јасно се знае дека без можност во дуп  и согласност на повеќето станари пример ни зградата не може да се доградува, па и дискутабилно е колку веднаш ваквата инвестиција е исплатлива, но како што наведува премиерот може да се третира како залог за идните генерации, иако реално и сега може да се експлоатира како земјиште на кое ќе се изнајмува пример простор за рекламни паноа, а може да и од привремени објекти да се профитира доколку за тоа некој има интерес и воедно истата појава е дозволена во општината, киосци, тезги итн. така и општината топ и станарите камен за одржување фасади...              

на хартија да, во пракса... незнам... Ние сме рекордери во имање регулативи и закони, каскаме во спроведувањето. Не верувам дека нешто драстично би се сменило.

Еве да видиме баш колку ќе се спроведе законот за пушење после нова година на пример .

Originally posted by lslcrew Добро а како е ова регулирано кај новоизградените станови?! Со купување на стан се добива соодветен дел од земјиштето како учинок или на крај кога ќе се распродадат становите постои некоја заврзлама земјитето да остане у сопственост на инвеститорт и да се доведе до некоја правна пат ситуација?! Има ли можност за некои вакви злоупотреби?!

можност за злоупотреби нема и сопственоста се префрла од продавачот на купувачите, односно сите имаат учество во катастарската евиденција и врз основа на таа добиваат имотен лист, со кој потоа можат да бркаат хипотеки, надградби, доградби итн., досега ова беше покривано само со поседовен лист и врз основа на него се подигаше хипотека но од друга страна обврските кон општината квалитетно изостануваа и само колективно имаа одговорност станарите односно куќниот совет

Прашање: Имам поседовен лист, но истиот не ми го признаваат како валиден документ со кој можам да ја докажам сопственоста врз мојот имот. Што е разликата меѓу поседовен и имотен лист? Одговор: Имотниот лист е јавна исправа со која се докажува запишаното право на сопственост и други стварни права на недвижностите во согласност со закон. Имотниот лист содржи податоци за: катастарските парцели, зградите и посебните делови од зградите и други објекти, носителите на правата на недвижностите, правото на сопственост и други стварни права на недвижностите, како и други права чие запишување е утврдено со закон, правната основа на запишување, висината на побарувањето што се обезбедува со заложното право, предбележувања и прибележувања. Во поседовниот лист се содржани податоци за земјиштето, односно за катастарските парцели и нивните корисници во согласност со Законот за премер и катастар на земјиште, и истиот не е доказ за запишаното право на сопственост.http://www.katastar.gov.mk/mk/Faq.aspx

заврлами имало досега но тоа беше заради корупцијата и несредената еведенција во катастарот, сега вече не би требало да има вакви проблеми бидејќи базата на податоци е дигитализирана, односно потешко е да се манипулира со електронскиот катастар каде секој во секое време има увид за што, кога и дали има промена во сопственоста 

е сега како оди цел овој процес и мене не ми е познато, односно како точно оди записот во катастар, дали секој стан си има поединечен упис или тоа оди на заеднички лист тоа незнам!

земјиштето досега беше општествено а за многу згради од минатото нема ни градежна дозвола, најверојатно за ова да се испегла во општина станарите треба овој процес да го поминат, не е нешто скапо ниту невозможно тешко, но исто мислам дека со ова и се отвора простор зградите односно граѓаните во нив да понесат одговорност за фасадите пример и евентуално пеналите штоби следеле доколку истите не се одржуваат, тука исто се и надградбите и проширувањата... просто не е мозможно само заради полнење буџет оваа улсуга да е достапна, особено не доколку еден квадрат чини 1 евро, ајде да беше како што е за класичен откуп каде во зависност од местоположбата и категоризацијата муабетот тера и над 3000 ден квадрат па да рече човек целта е полнење буџет но со едно евро за вкупно 5000 стана тоа е смешен изговор

според изјаваите на премиерот станува збор само за можност за стопанисување со земјата околу своите онјекти кои за тоа имаат услови, во основа ова значи да можеш односно имаш право дворот да си оградиш, уредиш или го користиш за некоја активност, приимер правење скара абез притоа да ти дојде комунална инспекција, добро карикирам незнам дали воопшто е дозволено некој во близина на згради за колективно домување да прави пикник муабети но тоа е поентата, а следствено и си ги превзема како граѓанин сите обврски кои доаѓаат со тоа право за сопственост на дворно место, кое сепак во иднина доколку стопанот од него ќе може да профитира, во случај државата или некој приватник да се реши нешто да гради... 

Дворовите ќе се откупуваат по едно евро за квадрат Граѓаните и фирмите добија можност да го купат државното земјиште на кое имаат изградено свои објекти по цена од едно евро за квадратен метар. Новата владина мерка веднаш стапува во сила и според неа, по едно евро за квадрат ќе се продава и земјиштето под и околу колективните станбени згради, објектите за спорт и рекреација, јавните институции и земјиштето околу инфраструктурните објекти, како термоцентрали, трафостаници, водоводи и патишта. Новата мерка не се однесува на земјиштето кое се наоѓа под и околу фабриките. Цената по која досега се продаваше државното градежно изградено земјиште беше поделена во неколку категории. Најскап беше квадратот во централниот дел на Скопје кој изнесуваше 13 евра или 800 денари. Отсега иста цена ќе важи за цела држава. -За двор од 500 квадрати во општините Центар, Карпош, Аеродром, Кисела Вода или Чаир, требаше да се плати околу 5.500 до 6.000 евра. Со намалувањето на цената, за истиот двор граѓаните ќе треба да платат само 500 евра или за цели 5.000 до 6.000 евра помалку, односно 10 до 12 пати поевтино - објасни премиерот Никола Груевски. Според него, предностите и користа од оваа најнова мерка на Владата се очигледни. -Стотици илјади македонски граѓани еднаш засекогаш ќе ја обезбедат сопственоста на дворното земјиште за себе и за своите поколенија. Тоа е праведен општествен процес во кој и тие конечно ќе почувствуваат придобивки од транзицијата, од преминот кон приватна сопственост и изградба на пазарна економија, ќе се забрза и заокружи историскиот процес на приватизацијата на земјиштето со што граѓаните конечно ќе стекнат сопственост на земјиштето под нивните куќи и во дворовите, ќе можат да го стават во функција ова земјиште при земање кредит во банка, или при продажба - потенцира премиерот Груевски. Согласно владината одлука, станарите на зградите пропорционално би го откупиле дворот на зградата што ќе им даде можност за доградба. Досега ова земјиште не можеше да биде ставено под хипотека ниту да се добие дозвола за градба за него. Уредбата за приватизација на дворното место е донесена уште минатата година. Засега нема официјални податоци колку граѓани платиле за својот двор. Тие реагираат дека со новата владина мерка се ставени во нерамноправна положба со граѓаните кои сега многу поевтино ќе ги откупат своите дворни места. Најавуваат поведување постапка пред Уставен суд и прашуваат дали ретроактивно ќе им бидат вратени парите што претходно ги платиле. http://www.vecer.com.mk/default.asp?ItemID=6175AF496B1B044EAED75BC99615A6C7

ЕКСПЕРТИТЕ ЖЕСТОКО ГО НАПАЃААТ ОТКУПОТ НА ЗЕМЈИШТЕТО ПОД ЗГРАДИТЕ Дворовите одат на Уставен суд Пазарот на недвижен имот целосно ќе колабира ако влезе во сила Законот за домување, според кој никој нема да може да го продаде станот ако не го купи земјиштето под зградата. Адвокатите сметаат дека законски не е можно сопственоста на земјиштето и на градежните објекти да биде различна и најавуваат преиспитување на уставноста на ваквото законско решение. - Овој закон ќе направи хаос зашто 99 проценти од сопствениците на станови го немаат купено дворното место. Тоа ќе предизвика последици од правен и од економски карактер. Кај агенциите за недвижен имот ќе се одрази катастрофално на и така лошата ситуација. Ќе треба да затвориме и да отпуштаме работници зашто никој нема да пушта огласи и ќе немаме работа. Само во Скопје има околу 120 агенции за недвижен имот со по најмалку двајца вработени - вели Сашо Поп Илоски, директорот на агенцијата за недвижен имот „Хепинес“. Тој додава дека е најтрагично што при донесувањето на законот не ги консултираат засегнатите страни. - Пред да донесат закон треба да проверат дали е тоа можно, да ја слушнат и нашата мака. А, тие не само што воопшто не не консултираат, туку и не не информираат и ние за овие работи дознаваме преку медиумите - вели Поп Илоски. Според адвокатката Снежана Андреевска правото на сопственост, кое дозволува продажба на имотот, не може да биде ограничено. - Правото на располагање со сопственоста не смее да има никакви ограничувања при продажба, освен ако имотот не е ставен под хипотека или ако продавачот не е носител на правото на сопственост, како и ако сопственикот е починат, а не се регулирани наследните односи - вели Андреевска. Таа смета дека откупот на дворното место под зградите е најголемата глупост што била донесена и со неа се лажат граѓаните дека добиваат повеќе права. - Дворното место околу зградата треба да им се понуди на продажба на приземните станови, кои директно излегуваат и го користат ова земјиште. Во спротивно, ако тоа се подели на цела зграда ќе има повреда на правото на мирно уживање во домот зашто секој ќе може да дојде и да стави столче под прозорец на овие станови. Местото под зградата, пак, треба да им припаѓа на сите станари. За овој закон планирам да поднесам иницијатива до Уставниот суд - вели Андреевска. Во Министерството за финансии велат дека земјиштето под зградите треба да се приватизира зашто, во спротивно, излегува дека становите лебдат во воздух. - Кога биле градени зградите на државно земјиште, компанијата не го откупувала земјиштето од државата. Потоа дошло до приватизација на становите, но не и на земјиштето - објаснуваат во Министерството. http://www.vreme.com.mk/DesktopDefault.aspx?tabindex=0&tabid=1&ArticleID=129964&EditionID=1902

дворното место на зградите од секогаш го користеле сите станари, би требало да е на приземјашите, но бидејќи тоа законски беше регулирано само со договор за користење на тие дворови но не и за соптвеност, доколку тој на призмје не си го средеше и оградеше дворот пред неговиот стан секој можеше да го користи што и во доста слуачаи беше реалност односно секој од другите станари можеше пример да го уреди истиот тој двор како нему што му се сака!

не е нешто опасна работава, но правно истата е недоречена, сепак за да се заведе станот во катастар треба да има имотен лист за одредена локација што е возможно да се додели доколку за истото се направи купо-продажба со државата, најверојатно ова го третираат сега законски како појава бидејќи во централниот депозитар каде се депонираат хипотеки и слични товари врз објекти тоа се мора да е објект кој има и поседовен лист што е возможно само во ваков случај! односно објектот во случајов станот доколку нема откупено земја имаме ситуација каде зградата односно станот е дивоградба... 

сепак би сакал да видам како ќе помине ова на уставен и која е адекватна алтернатива старите згради да останат дивоградба!?