Ако продолжи засилената динамика на продавање на државното земјиште за општините ќе остане само неатрактивното земјиште и проблемите, сметаат дел од градоначалниците. Во последните дваи“8211;три месеци државата секојдневно објавува огласи во дневните весници за јавно наддавање на земјиште за изградба на индустриски, комерцијални и на деловни објекти, станбени згради, хотели, бензински пумпи. Измените во законите за преминување на државното земјиште во општинска сопственост треба да бидат донесени до третото тримесечје в година, а да се применуваат кон крајот на 2010 година. Според заклучоците на работната група за градежно земјиште, во управување на општините ќе преминат градежните парцели на кои се предвидени градби од трета, четврта и од петта категорија. Во овие категории спаѓаат и улиците, патиштата, парковите и плоштадите, а за таа цел е наменет најголем дел од градежното неизградено земјиште. Тоа земјиште на кое се предвидуваат градби од прва и од втора категорија, и кои се од национален интерес, ќе останат во државна сопственост и него ќе го управува Владата. - Ќе остане само тоа што не може да се продаде, односно проблематичното земјиште со нерасчистени односи и продажба на дворното земјиште. Јасна е тенденциозноста од страна на државата да ги продаде најатрактивните парцели - вели Стевче Јакимовски, градоначалник на општина Карпош.
Во општините Гостивар и Тетово сметаат дека општините требало да го добијат земјиштето многу порано, а сега стравуваат дека ќе добијат неупотребливо планинско земјиште.
- Со оваа динамика до септември нема да остане земјиште. Државата зголемениот број продажби ги оправдува со намерата за привлекување најголем број инвеститори, но тоа може да го направат и општините. Нејзината политика е да ги продаде најатрактивните локации. Позитивната страна е што за разлика од пред две години кога општините не добиваа ни денар од продажбата, сега тој сооднос е некаде околу полаи“8211;пола. Во наредниот период општините ќе треба да добијат 80 проценти од продажбата на градежното земјиште што беше договорено меѓу Владата и ЗЕЛС - вели Скендер Палоши, поранешен заменик-министер за транспорт и за врски, а сега вработен во Секторот за урбанизам во Гостивар.
Тој додава дека преминот на државното во општинско земјиште требало да се случи со минатиот Закон за градежно земјиште, но тогаш најголеми проблеми биле реформите на катастарот, процесот на денационализација и слабиот административен капацитет на општините.
Различно мислење, пак, имаат градоначалниците на општините Струмица и Ѓорче Петров. Тие сметаат дека не е важно кој го продава земјиштето, туку клучно е да се поттикнува економскиот развој.
- Не верувам дека земјиштето ќе се „истроши“. Дај Боже да го купуваат и да инвестираат, без разлика дали го продава државата или општината. Иако сум опозиција мислам дека не е тенденциозно зашто земјиштата што одат на аукција се претходно подготвени за продажба - вели Зоран Заев, градоначалник на општина Струмица.

Аукциите со слаб одѕив

Министерството за транспорт и за врски од мај годинава досега објави 127 аукции за отуѓување градежно неизградено земјиште. Оттогаш се продадени 38 локации, а една е дадена под долготраен закуп. За 34 локации најповолните понудувачи ја имаат уплатено цената за градежното земјиште, а за другите пет локации се уште тече рокот за уплата.

http://www.novamakedonija.com.mk/NewsDetal.asp?vest=9259959594&id=14&setIzdanie=21796

Државата сака да си ја врати парцелата за „Кинески ѕид“

Од Транспорт обвинуваат дека претходната влада незаконски ги продала земјиштата

Деветнаесет градежни парцели кои државата ги отуѓила пред повеќе од две години можно е повторно да се вратат во нејзина сопственост. Со образложение дека претходната влада земјиштата ги продала незаконски, Министерството за транспорт и врски повело судски постапки за раскинување на договорите за отуѓување. Дел од нив биле склучени за време на изборната кампања, кај дел од нив земјиштето не било вклучено во Деталниот урбанистички план, кај некои пак не биле почитувани роковите или пак се продале по цена пониска од пазарната. Со одземање на сопственоста на купените парцели се соочуваат осум сопственици на земјиште во Тетово, и по тројца за локации во Струмица и Скопје. Во Основниот суд во Скопје е поведена постапка за раскинување на договорите за локација во Општина Центар со намена за изградба на хотел кај Градскиот стадион (т.н. Кинески ѕид). Поведена е постапка и за раскинување и на договорот за парцела во Општина Ѓорче Петров со намена за трговски центар. Од Транспорт и врски засега немаат направено процена колкава е нанесената штета на државата. Тоа, велат, ќе се утврди по завршувањето на судските спорови. Досега, и по две години од нивното поведување, завршница нема. Освен за 19-те посочени предмети, велат од Транспорт, има пет решенија за ништавност на трансформација на земјиште, од кои едно е за локација за изградба на хотел во Скопје.

Инаку, од Транспорт додаваат дека локацијата каде што е изграден ТЦ „Рамстор“ не е предмет на поведените судски спорови, бидејќи Министерството чека одговор од Комисијата за заштита од конкуренција, од што ќе зависи судбината на таа парцела.

http://utrinski.com.mk/?ItemID=758D961AEF0FB148AA7FB6B62B981F86

Скопје, 8 октомври (МИА) -  Општините најдоцна до крајот на месецов треба да достават планови за просторно планирање до Министерството за транспорт и врски доколку сакаат за да бидат вклучени во владината програма за нивно финансирање во наредната година.

Ова го договорија градоначалниците на повеќе општини и министерот за транспорт и врски Миле Јанакиески на денешната средба посветена на проблемите на локалните власти со урбанистичкото планирање.

Јанакиески информира дека досега е искористен мал износ од трите милиони евра што за годинава ги издвои Владата за планирање на просторот. За наредната година за таа намена се планираат два милиона евра.  

Министерот за транспорт им објасни на градоначалниците дека со доставување план за просторно планирање ќе имаат две бенифиции,  финансиирање и согласност по скратена постапка за десет до 15 дена. 

- Пожелно е плановите да бидат со намена за трговски центри, хотели, катни гаражи, ... односно се што ќе биде интересно за вложување како од домашни така и од странски инвеститори, рече Јанакиески.

Министерот за транспорт најави оти наскоро Владата ќе донесе одлука да го зголеми процентот што го земаат општините од продажбата на државното земјиште. - Во Владата размислуваме и најверојатно набргу ќе се зголеми процентот што ќе биде од продажба на земјиште, кој сега за државата е 60, а за општините 40. Се планира тој процент да биде повеќе за општините отколку за државата. Тоа начелено  е прифатено, но треба да се утврди процентот, рече Јанакиески.

Тој побара градоначалниците да достават нови предлог локации кои ќе се нудат на продажба преку  јавно наддавање. Со новата уредба  за градежно земјиште, укажа Јанакиески, се овозможува и продажба на земјиште доколку помалку од 50 проценти се во сопственост на приватно лице.