Лидл маркети

Нели купија парцела спроти хотел „Фени“ и комплексот во изградба „Мала Америка“?

Edited by UROS - 06-Oct-2023 at 11:03

Утре започнува изградбата на „Лидл“ кај Куманово

Утре во индустриската зона Новине и Речица и во Куманово ќе започне да се гради големиот логистички и диструбитивен центар на „Лидл“. Утре треба да бидат удрени темелите на логистичкиот центар кој се очекува да вработи стотина лица.

Компанијата ќе го гради на околу 17 хектари земјиште што за 5,3 милиони евра го купи од општината.

На настанот ќе присуствува и ќе се обратат премиерот Димитар Ковачевски и вицепремиерот за економски прашања и инвестиции Фатмир Битиќи

https://fokus.mk/utre-zapochnuva-izgradbata-na-lidl-kaj-kumanovo

Со инвестиција од 80 милиони евра „Лидл“ ќе отвори повеќе од 150 работни места



Комплексот се простира на 170 хектари, а самиот објект ќе биде со површина од 64.000 метри квадратни. Инвестицијата е вредна 80 милони евра и ќе се отварат нови 150 работни места.

„Денеска ја претставуваме нашата најголема инвестиција во Северна Македонија, нашиот логистичкиот центар. Лидл Северна Македонија е дел од меѓународното семејство на „Лидл“ и овде, заедно со нашиот тим, кој во моментов брои повеќе од 100 вработени, сакаме да го имплементираме искуството што го стекнавме во повеќе од 30 земји со ист стандард и ист квалитет. Ќе инвестираме околу 80 милиони евра само во изградба на логистичкиот центар за да создадеме модерен и одржлив објект, според најновите градежни стандарди. „Лидл“ е одговорен, сигурен и фер партнер и за купувачите и за своите добавувачи. Дел од нашата корпоративна политика е воспоставување долгорочна и сигурна соработка со локалните производители“ изјави Рубријан Хаџиев, генерален директор на „Лидл“ во Македонија.

Конструиран според современи технологии и приспособен за ефикасно работење во голем обем, логистичкиот центар ќе биде опремен со специјализирани машини, системи за автоматизација и логистичка опрема, целосно посветени на оптимизација на операциите. Логистичкиот центар дополнително ќе биде пример за одржливо и еколошко работење, ќе користи електрична енергија од обновливи извори на енергија и ќе биде опремен со фотоволтаични елементи кои генерираат вкупна моќност од приближно 1,7 MW.

Покрај претставниците на „Лидл“, на свеченоста присуствуваа и премиерот Димитар Ковачевски, вицепремиерот Фатмир Битиќи, министрите Оливер Спасовски, Љупчо Николовски, градоначалникот на Куманово, Максим Димитриевски и германската амбасадорка Петра Дрекслер.

За премиерот Ковачевски, работењето на „Лидл“ на македонскиот пазар значи потврда за вредноста и капацитетите на овој пазар и ја стимулира националната економија.

„Со инвестиција од 80 милиони евра и нови над 150 работни места во финалната фаза на нивното проширување, Лидл планира најголема, но и долгорочна инвестиција во нашата држава, која сметам дека ќе отвори големи перспективи како за нашата национална економија, така и за нашата држава која преку ваквите успешни бизнис модели ќе оствари поголем пробив на меѓународните пазари“, кажа Ковачевски.

https://www.kumanovonews.mk/vesti/so-investicija-od-80-milioni-evra-lidl-kje-otvori-povekje-od-150-rabotni-mesta

Edited by UROS - 25-Mar-2024 at 12:43

Edited by UROS - 04-Apr-2024 at 16:10

Дали ќе има лидл маркети и во Тетово