Поврзување ул.Џон Кенеди-Пластичарска

УЛИЦАТА ЏОН КЕНЕДИ ВО ЧАИР ЌЕ СЕ ПРОБИВА НИЗ РОМСКОТО МААЛО ЗА ДА СЕ СПОИ СО ПЛАСТИЧАРСКА

Улицата Џон Кенеди ќе се пробива низ ромската населба во Чаир за да се спои со булеварот Никола Карев или познатата Пластичарска улица. Град Скопје почнува со постапка за изработка на проект за оваа нова улица, кој ќе биде основа за нејзина изградба, за што беше склучен договор за меѓуопштинска соработка со општините Чаир и Карпош.

Се предвидува улицата Џон Кенеди да продолжува од крстосницата со улицата Македонско-косовска бригада до булеварот Никола Карев кај Американската амбасада. На трасата сега се наоѓаат куќи од ромското маало, а за нејзина изведба триесетина ќе бидат урнати, а сопствениците ќе бидат обесштетени. Улицата ќе биде со четири коловозни ленти, по две во двата правци и како што вели градоначалникот Петре Шилегов ќе се овозможи брз проток на сообраќајот во овој дел.

„Пробивањето на оваа улица е дел од визијата и коридорите кои ги градиме во северниот дел од градот, со цел да овозможиме побрз проток на сообраќајот и пократко време за патување. Овој дел од Скопје со години бил запоставуван. Во моментов го прошируваме булеварот Никола Карев, работиме на улицата Македонско-косовска бригада и очекувам годинава да завршиме со проектирање на новата улица и догодина да стартуваат градежните работи. Со тоа ќе заокружиме една целина во овој дел кој години наназад е тесно грло“, вели градоначалникот Петре Шилегов.

Град Скопје минатата недела го распиша и тендерот за изградба на клучката кај Момин поток вреден 18 милиони евра. Шилегов вели дека станува збор за капитален проект за Скопје бидејќи во овој дел односно кај „Хубо Маркет“ и крстосницата кон Визбегово се најголемите гужви во Скопје, а според пресметките тука дневно минуваат 25.000 возила.

„Клучката ќе биде на две нивоа и ќе се изведува во ридот. До крај на мај ќе завршиме со проширување на улицата Никола Карев и летово го стартуваме овој проект кој за 2,5 години не само што ќе му даде нов лик на градот туку ќе отвори нови коридори. Исто така со ваква инфраструктура ќе овозможиме и поттикнеме ширење на градот во овој дел, што е и моја заложба, двете страни на Вардар да бидат еднакво атрактивни за градба. Имајќи предвид дека добар дел од овој простор потпаѓа под општините Карпош, Центар и Чаир, со реализација на ваквите проекти ќе се оневозможи во иднина да имаме узурпација на просторот од нестандардна градба, ќе се намали притисокот во деловите кои се веќе изградени, а истовремено Карпош и Центар ќе добијат нов простор за урбан развој“, додава Шилегов.

https://sdk.mk/index.php/dopisna-mrezha/ulitsata-dhon-kenedi-vo-chair-ke-se-probiva-niz-romskoto-maalo-za-da-se-spoi-so-plasticharska/

Мислам дека е пожелно јасно да се објасни од градот за што се работи. Да не случајно се работи за продолжување на Македонско-Косовска Бригада, а не за Џон Кенеди. Мислам дека улицата Џон Кенеди како локација во Скопје е попозната од другава и затоа е така пренесено. Значи Џон Кенеди не е никакво продолжение на тунелот под Кале туку се вкрстува со тој коридор.



Edited by user8642 - 02-May-2021 at 10:54

Проект за продолжување на „Џон Кенеди“, ќе се уриваат куќи во ромското маало за излез до амбасадата на САД





Улицата “Џон Кенеди“ во Чаир ќе се поврзува со Пластичарска. Планот е да излезе кај амбасадата на САД на Кале. Град Скопје започна постапка за подготовка на проект за нова улица која ќе минува низ ромското маало.
Проектот предвидува улицата да има 4 коловозни ленти, по две во секој правец. За реализација градските власти треба да урне и да изврши експропријација на неколку куќи.

„Против, против… тоа не може да се направи, ова е старо Топанско, тој не може да ја урне. Старото Топанско постои одамна, ние сме стари скопјани, нема да дозволиме тоа да се случи. Ќе почнеме со штрајк, Топанско не може да се урне. Не сме малку, многу сме, нема шанси тоа да се случи“, рече жител на Топанско поле.

„Не, не, ние сме во центар, добро ни е тука. Сега поради тоа што луѓето немаат, сиромашни се, немаат каде да земаат, не се вработени… јас тука сум многу години“, рече друг жител.

„Веќе со години велат дека треба да се урне, но не е направено. Со години и децении велат така. Еве погледнете го патот, децата немаат кај да поминат, одат на училиште, катастрофа, што да кажам. Овој дел никој не го гледа, за Топанско никој не се грижи“, реагираше еден од жителите.

Моментално улицата која поминува низ оваа маало е во многу лоша состојба. Тесна, без тротоари, многу дупки и отпад.
Од Град Скопје велат дека со овој проект ќе се овозможи побрзо движење на сообраќајот и пократко време за патување.

„Верувам до крајот на годината ќе имаме готов проект и ќе можеме да зборуваме за повеќе детали. Планот е годинава да завршиме со проекција и следната година да почнат активностите на терен, значи ќе бидат видливи и активностите на терен. Моментално имаме еден приклучок таму, но не знам дали таа улица може да се нарече улица бидејќи нема ниту тротоари, ниту простор за да поминат автомобилите. Многу е опасно и за пешаците и луѓето кои живеат таму“, истакна Валон Салиху, портпарол на Град Скопје.

Проектот предвидува работните активности да почнат кај што се вкрстуваат улиците Џон Кенеди и Македонска- Косовска бригада до булеварот Никола Карев. Жителите беа малку информирани за овој проект кој се очекува да почне со реализација следната година.

https://mk.tv21.tv/proekt-za-prodolzhuvane-na-dhon-kenedi-ke-se-urivaat-kuki-vo-romskoto-maalo-za-izlez-do-ambasadata-na-sad/

Џон Кенеди ќе се спојува со Пластичарска


ДАЛИ ЌЕ СЕ РЕШАТ СООБРАЌАЈНИОТ ГРЧ, МЕТЕЖОТ И ДЕПОНИИТЕ ВО ЧАИР
Жителите на главниот град што живеат во северниот дел на Скопје ќе добијат засилен сообраќаен проток и надеж за исчезнување на застоите со пробивање нова, клучна улица. Имено, на минатата седница на советот на Град Скопје беше донесена одлука за продолжување на булеварот Џон Кенеди во општината Чаир, од улицата Македонско Косовска бригада до булеварот Никола Карев. Со овој проект ќе се растовари сообраќајниот метеж, кој досега беше еден од најголемите проблеми во овој дел од градот.

СЕ РЕШАВА ДОЛГОГОДИШЕН ПРОБЛЕМ НА ЖИТЕЛИТЕ НА ЧАИР

Доколку некогаш сте се нашле на оваа локација во општината Чаир, тогаш знаете дека досега најголемиот проблем беше тоа што булеварот Џон Кенеди кон Ромското Маало се стеснуваше и стануваше тесна и мала уличка, која тешко можеше да одговори на сообраќајните проблеми на жителите и на оние што ја користат оваа траса. Оваа уличка всушност е близу Пластичарската улица, а со тоа е и во близината на Бит-пазар и централното градско подрачје од едната страна и Кејот на Вардар и Градскиот парк од другата страна. Поради тие причини таа е наголемо користена не само од жителите на Чаир и Бутел туку и од другите жители на Скопје што се обидуваат да го избегнат познатиот битпазарски сообраќаен метеж.
– Во минатото оваа улица не се користеше толку, меѓутоа изминатиот период фреквенцијата е доста зголемена. Најверојатно граѓаните се обидуваат да ги избегнат Бит-пазар и тамошниот метеж, па се упатуваат тука, каде што исто така владее хаос. Буквално врие од возила. За велосипедисти и пешаци воопшто нема место, едноставно локацијата е таква што нема капацитет да одговори на потребите на сите – вели Владимир, кој живее во непосредна близина на оваа локација.
Според него, освен што ќе се среди проблемот со сообраќајот и ќе се изградат и велосипедски патеки, ќе се реши и проблемот со ѓубрето што го фрлаат некои од тамошните жители, бидејќи иако локацијата се користи од возачите, не се користи воопшто од пешаците и важи за едно од местата во Скопје што е подзафрлено.
– Искрено, се радувам на овој проект исклучиво заради тоа што нема да има закочен сообраќај, но и нема да имаме проблем со ѓубре, кое некои несовесни жители го фрлаат токму тука, на самиот агол на крстосницата – вели тој.

ЗА ПРОБИВАЊЕТО НА УЛИЦАТА ЌЕ СЕ УРИВААТ КУЌИ

Советот на Град Скопје ќе го реализира овој проект со меѓуопштинска соработка помеѓу градската власт и општините Чаир и Карпош.
– Во план е Џон Кенеди да се пробива низ ромската населба во Чаир, за да се спои со булеварот Никола Карев, или познатата Пластичарска улица, на крстосницата со улицата Македонско-косовска бригада (во близината на Амбасадата на САД) – информираат градските власти.
За изградбата на улицата ќе биде потребно да се урнат неколку куќи, за што градот ќе им плати обесштетување на сопствениците.
– Во план е оваа улица да биде со четири коловозни ленти, по две во двата правци, а повеќето детали ќе се знаат по изработката на соодветните проекти – велат од Градот.
Градоначалникот на Скопје, Петре Шилегов, за пробивањето и изградбата на оваа улица истакна дека тоа е дел од визијата и коридорите што се градат во северниот дел на градот, за да се овозможи побрз проток на сообраќајот за пократко време на патување.
– Овој дел од Скопје со години бил запоставуван. Во моментов го прошируваме булеварот Никола Карев, работиме на улицата Македонско-косовска бригада и очекувам годинава да завршиме со проектирање на новата улица и в година да стартуваат градежните работи. Со тоа ќе заокружиме една целина во овој дел, кој со години е тесно грло – нагласи Шилегов.

https://www.novamakedonija.com.mk/makedonija/skopje/џон-кенеди-ќе-се-спојува-со-пластичарс/