build.mk Homepage
Forum Home Forum Home > Главни теми > Инфраструктура > Градска инфраструктура
  Active Topics Active Topics
  FAQ FAQ  Forum Search   Register Register  Login Login

Улица Васко Карангелески-Аеродром

Bookmark and Share
 Post Reply Post Reply Page  <1234 8>
Author
Message
  Topic Search Topic Search  Topic Options Topic Options
vladegf View Drop Down
Senior Member
Senior Member
Avatar

Joined: 20-Dec-2009
Location: skopje
Online Status: Offline
Posts: 637
  Quote vladegf Quote  Post ReplyReply #21 Posted: 28-Jul-2021 at 22:01
Отиде курбан уште еден дрворед. На здравје
Back to Top
zorant View Drop Down
Groupie
Groupie


Joined: 26-Aug-2019
Online Status: Offline
Posts: 93
  Quote zorant Quote  Post ReplyReply #22 Posted: 29-Jul-2021 at 10:10
Навистина ќе биде жално ако се исечат дрвјата на делот кај Кам...
Има некој начин да се избегне тоа? (теоретски, практично секако не верувам)
Back to Top
antigona View Drop Down
Groupie
Groupie
Avatar

Joined: 16-Jan-2012
Online Status: Offline
Posts: 86
  Quote antigona Quote  Post ReplyReply #23 Posted: 29-Jul-2021 at 11:36
Спасот е да си остане профилот ко што е...не гледам потреба од проширување со повеќе сообраќајни ленти, а ова со изградба на булевари каде треба и не треба станува и опсесија (и лесна коруптивна можност)! Секако, треба да се пробие улицава до 3та Македонска бригада, но како обична двосмерна улица...и потоа, уште побитно, да се пробие спојувањето од 3та Македонска бригада преку пругите кон Кисела Вода...на овој потег, како и уште едно такво поврзување на Аеродром со Кисела Вода предвидено со ГУП-от до Раде Кончар...

Вакви едноставни проекти, како што е и понатаму поврзување на бул. 3та Македонска Бригада со бул. Кочо Рацин крај Олимпискиот Базен, потоа продолжувањето на Илинденска со мост преку Вардар директно кон Влае и Ѓорче, изградба на нивелирани раскрсници кај Тутунски комбинат и Мавровка, многу повеќе ќе придонесат за растеретување на сообраќајот отколку некаков си БТР со реорганизирање на сообраќајот по Партизанска или бул. Јане Сансански, уништување на средишното зеленило таму и сл....

Originally posted by zorant

Навистина ќе биде жално ако се исечат дрвјата на делот кај Кам...Има некој начин да се избегне тоа? (теоретски, практично секако не верувам)


Edited by antigona - 29-Jul-2021 at 11:37
Back to Top
zorant View Drop Down
Groupie
Groupie


Joined: 26-Aug-2019
Online Status: Offline
Posts: 93
  Quote zorant Quote  Post ReplyReply #24 Posted: 07-Aug-2021 at 11:26
Поминав денес тука, после сликањето изгледа не се случува ништо друго.
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #25 Posted: 07-Aug-2021 at 12:00
Доста премислувања имаат направено градските планирачи за оваа улица. Еве претходниве години мислеле дека главниот коридор треба да врти по соседната улица кај кружниот тек накај амбулантата Јане Сандански, па отпосле е даден приоритет на овој новиов коридор позади новите згради. Исто запазен е тој стариот објект на влезот во касарната и покажале грижа како општина, иако истата оваа општина си ја сруши старата административна зграда која имаше архитектонско значење некакво.

На првата страна од темава гледам извадок од некој план кај што има искривена чудна раскрсница, ама сега неможам да ја најдам, ги најдов овие слики од тоа што е достапно по нет. Општина Аеродром сеуште нема на нивната веб страна важечки или во процедура ДУП-ови за градските опфати И-13 и И-16 кај што би можело да се види што точно ќе се изведе на раскрницата.

Исто така според катастар коридорот лежи на приватно колективно земјиште под зграда кај новите згради. Дали ќе има тука некаква мини-експропријација или општината има направено "од готово вересија" со тоа што релативно нови згради се ставени толку блиску до коридорот?





Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #26 Posted: 14-Aug-2021 at 08:50
нема никаква активност(од твитер)

Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #27 Posted: 09-Sep-2021 at 17:23
Обележани се за сечење над 100 дрвја во Аеродром кај Воен базен за проширување на улица,









https://www.facebook.com/ZelenHumanGrad/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #28 Posted: 09-Sep-2021 at 17:25
Денес минував вдолж улицава и навистина сите дрва вдолж трасата се маркирани за сечење,нема никаква активност само еден стациониран багер и малку заграден простор од паркингот пред кафаната Фирма која треба да се руши

Back to Top
Théoden View Drop Down
Senior Member
Senior Member
Avatar

Joined: 31-May-2018
Location: Р. Македонија
Online Status: Offline
Posts: 527
  Quote Théoden Quote  Post ReplyReply #29 Posted: 09-Sep-2021 at 18:10
Па овие барем помалите дрвца би било полесно да се пресадат. Ohno
Ама решиле да сечат. Што значи, веројатно нема да има активности пред изборите.
Back to Top
zorant View Drop Down
Groupie
Groupie


Joined: 26-Aug-2019
Online Status: Offline
Posts: 93
  Quote zorant Quote  Post ReplyReply #30 Posted: 09-Sep-2021 at 19:45
Вчера поминав од другата страна, откај Трета Македонска Бригада, таму имаат започнато со расчистување на просторот.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #31 Posted: 09-Sep-2021 at 19:53

Многу лошо.

Моментално воопшто нема сообраќајна потреба за проширување на овој сегмент!

Многу порационално ќе биде прво да се пробие новиот сегмент до 3-та Македонска бригада (кој навистина ќе донесе значителни бенефити), па после тоа да се види дали ќе биде толку потребно проширување на постоечкиов сегмент, или ќе биде доволна само реконструкција.


Дури и во случај да се создаде гужва на улицава, големо прашање е колкава треба да биде гужвата, за да мора да се брза со проширување. Низ градов има многу поприоритетни сообраќајни проекти, отколку што е проширувањето на овој сегмент. Ама овде не треба експропријација, ниту треба комплицирани и скапи градежни зафати... многу е полесно да им се улета на дрвја.

Edited by Cloverstack - 09-Sep-2021 at 22:41
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #32 Posted: 09-Sep-2021 at 22:25
Шилегов ја збореше оваа улица како алтернатива за колите кои доаѓале од Лисиче и ќе оделе према новиот мост. Малтене, како некоја алтернатива на булевар Јане Сандански и Авној. Незнам од каде му е таа идеја, ама улицава ја рачунаат на исто ниво како да е Рузвелтова. Не е баш јасно до крај што планираат, ама очигледно нешто не е во ред.
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #33 Posted: 09-Sep-2021 at 23:45
Потребно е да е пандан на Рузвелтова 2х2 бидејќи има огромна урбанизација на цела Трета македонска и треба да има проточна спојка со Јане Сандански. За поголема безбедност добро ќе беше да има минимален зелен појас во средина и нормално, велосипедски патеки. А дрвата секако дека мора да се пресадат.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #34 Posted: 10-Sep-2021 at 12:33
Originally posted by <Fresno>

Потребно е да е пандан на Рузвелтова 2х2 бидејќи има огромна урбанизација на цела Трета македонска и треба да има проточна спојка со Јане Сандански.


Не е спорно дека има наплив на урбанизација околу Трета македонска бригада и дека е неопходно Аеродром да има многу подобро „напречно“ поврзување. Но не би рекол дека Васко Карангелески мора да биде баш пандан на Рузвелтова во секој поглед.

Како 2х2 профил е одамна планирана и е насушно потребно да се пробие врската што треба да продолжи накај Кисела Вода:
http://www.build.mk/forum/forum_posts.asp?TID=1061&PID=249713#249713

Како друга врска, веќе ја имаме Коста Новаковиќ. Оваа улица обезбедува поврзување со Јане сандански на две локации. Секако посредно, преку два краци, ама врши многу работа.

Уште една попречна 2х2 врска е планирана со продолжување на Бојмија кон Трета македонска бригада.



Со оглед на ова претходното, не сум баш убеден дека Васко Карангелески мора да биде 2х2 по целата должина, по секоја цена. Еве по сегменти:

1. Првиот сегмент од 100-тина метри почнувајќи од Трета Македонска бригада, апсолутно да, треба да биде со 4 или 5 ленти. Има две вкрстувања на мала дистанца, а и сообраќајот од/кон новата улица кон Џеваир сигурно ќе расне.

2. За вториот сегмент, до воен базен (~250 метри), веќе сум во дилема дали се неопходни 4 ленти. Особено што ширината на расположливиот коридор тука е проблематична и не може да се изведе асален 2х2 без искривување на улицата кон касарната. Во секој случај браво за мајмуните што ги насадиле маркичките за згради толку блиску до оската на оваа сообраќајница

3. За третиот сегмент (овој кадешто треба да се касапат дрвјата), мислам дека е стварно нерационално толку зеленило да се покрие со асфалт, во замена за дискутабилна придобивка.

Наместо слепо ширење на цели улици, поголема проточност можеме да обезбедиме со поефикасни крстосници (најчесто гужвите се генерираат таму, а не на обичните сегменти). Значи доволно е проширувања да се направат само на крстосниците, а веќе редно е да поработиме и на оптимизација и координација на семафорите. Особено второво ќе донесе фантастични заштеди и придобивки. Засега секој семафор ни е приказна за себе, и плус циклусот му е ист во 4 поручек и во 4 сабајле. Дефинитивно подобро парите и енергијата да се насочат во поправање на тој проблем, отколку неинтелигентно само да лупаме нови ленти.

Јас не сум лик што слепо скока да го одбрани секое дрво. Но се трудам да ги измерам придобвките наспроти штетите. Се трудам да го видеам пошириокиот контекст. Во конкретниов случај не гледам оправдување за сечење не толку дрвја. Особено не гледам оправдување за брзањето, бидејќи првиот и вториот сегмент сеуште не се ни пробиени.


4. Четвртиот и петиот сегмент си остануваат 2х2 како што се сега, таму нема ништо спорно.





Originally posted by <Fresno>

А дрвата секако дека мора да се пресадат.

Сигурно има лимит колкави дрвја можат да се пресадат.

А дури и со помалите дрвја Градот засега не успева да се справи. Баш завчера поминав покрај фудбалскиот терен карши СЦ Јане Сандански, таму пресадија дрвја од трасата на бул. АСНОМ. Колку што можев да видам сите се исушени!

Пред тоа со машината извадија неколку дрвца од плоштад Македонија (ради посетата на Папата), па после ги вратија. И тие исто така се исушија. Во тој случај беше и очекувано, со оглед дека плочникот е пречка, па веројатно уште во старт им ги сотреа корењата бутајќи ја корпата низ тесните отвори во плочникот. Не е исклучено дека едноставно толкав им е интелектуалниот капацитет.

За други обиди за пресадување не се сеќавам, иако сум сигурен дека ќе фрчеше Пи-Ар доколку имаше такви обиди.

Уште поинтересно, машината беше купена во време на Коце, а таа власт ни едно ебано дрво не пресади.

Очигледно има проблем со машината, или поверојатно е дека има проблем со кадарот. Тој проблем мора да се реши, пред да имаме надеж дека барем помалите дрвја ќе можат да се пресадуваат. Сигурно пресадувањето носи ризик дека дрвото ќе се исуши, ама мора тој ризик да го сведат во некоја нормала. Да се сушат 100% или 90% е вон паметот.

Малку оф-топик, ама овој проблем со пресадувањето дефинитивно мора да се реши итно, пред да стартува реализацијата на БРТ трасите.


Edited by Cloverstack - 10-Sep-2021 at 12:42
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #35 Posted: 10-Sep-2021 at 18:22
Да, секако дека може по приоритетни сегменти да се работи, но вака од око ми изгледа како логична врска меѓу двата булевара, особено во контекст на новиот мост. Дури и ми изгледа погодна за јавен превоз во иднина (линија до East Gate на пример), со некој тип на тивки е-автобуси.

Нормално, треба да се земат во предвид и Фрањо Клуз, Новаковиќ и врската со Кисела вода. Крстосниците и семафорите генерално мора да се средат. Во последно време низ Аеродром до толку се десинхронизирани, што имаат негативен ефект и возачите од нервоза ги бркаат или поминуваат на црвено. Во тој центар за контрола на сообраќај, ако ништо друго нема ли барем некои пресети што може да се вратат после секое исклучување поради делегации итн.? Ние место да имплементираме AI што ќе оптимизира самостојно, немаме ни базично подесување.

За дрвата, јасна е работата. Ќе ги пресадат во некоја непогодна земја, еднаш ќе ги полеат и ќе ги заборават.

Back to Top
Théoden View Drop Down
Senior Member
Senior Member
Avatar

Joined: 31-May-2018
Location: Р. Македонија
Online Status: Offline
Posts: 527
  Quote Théoden Quote  Post ReplyReply #36 Posted: 22-Sep-2021 at 11:31

Активисти и локалци протестираа против најавата за сеча на дрва во Аеродром

Вести, Граѓани

Локални жители на населбата Аеродром и активисти за животна средина денеска преку протест го изразија својот револт од најавата за сеча на дрва кај улицата „Васко Карангелески“, каде деновиве стигна и механизацијата со цел да се почне со проширување на улицата.

Активистот и кандидат за советник во Град Скопје Марјан Калевски од групата „Зелен Хуман Град“ која го организира протестот, потенцираше дека наместо одговорно планирање, во континуитет се гледаат, како што вели, некохерентни и неретко контрадикторни, но конзистентно автоцентрични политики.

„Таков е и најновиот случај со наводната реконструкција на булевар Крсте Мисирков, каде што има катастрофално решение за пешаци, а никакво решение за велосипедисти. Функционерите постојано постојат за да му служат на јавниот интерес, оние кои не си ја исполнуваат должноста, мора да бидат сменети“, рече Калевски.

Истовремено, тој изјави дека Скопје мора да се развива одржливо и праведно и дека мора да се стреми кон реализирање на целите за одржлив развој на Обединетите нации.

фото: Радио МОФ

фото: Радио МОФ

„Што значи, не смееме да си дозволиме уништување на здрави дрва стари половина век, за некакви автоцентрични проекти од минатиот век. Град што не се развива одржливо е град што умира, не смееме да дозволиме неукост и автократија да ни го земаат здравјето и да не чинат животи“, додаде тој.

Според Марија Бургиева која беше дел од протестот, главен приоритет треба да биде заштита на зеленилото заради тоа што, како што рече, мотото на Општина Аеродром бил „тивка, зелена и чиста населба“.

„Сега сè помалку и помалку е зелена, тивка и чиста и заради тоа треба да биде главен приоритет да се зачува и тоа што е веќе од зеленило посадено, засадено и живее. како што се на пример тука едни од поголемите дрва со големи крошни, кои што се тука веќе 20-30 години. Нема резон и смисла да се сечат тие дрва, прво не знам ни дали смее да се сечат такви дрва, затоа што се навистина клучен дел од зеленилото, и дополнително да се сечат дрва што се засадени пред две години, уште немаат фатено убав корен“, изјави Бургиева за Радио МОФ.

Меѓу демонстрантите беше и  Тамара Јованов Апасиев која изјави дека на протестот е присутна како жителка на Аеродром, затоа што сака да даде поддршка на водењето политики кои се за граѓаните, а не против нив.

„Аеродром порано беше населба која што беше една од најзелените населби, додека во последните неколку години се случува страшна бетонизација на населбата и стана со тек на време и една од најзагадените општини во Скопје. Според тоа сметаме дека мора да се бараат други решенија кои што не се во насока на уништување на она што постои како зеленило, туку напротив да се бараат поедноставни решенија, можеби да се проба во смисла на градење на кружни текови, наместо сечење на дрва да се растерети сообраќајот“, рече Јованов Апасиев,

Истовремено, таа посочи дека постојат истражувања кои покажуваат дека со проширувањето на улиците незадолжително се добива растеретување на сообраќајот.

фото: Радио МОФ

„Напротив доколку постојат повеќе тесни грла, може да се случи на 200-500 метри, километар да се реши метежот, додека подолу или погоре од решението повторно да имаме тесни грла, а зеленилото веќе да биде уништено, што значи дека апелираме оваа и сите идни власти да размислуваат во насока на барање на решенија кои што ќе го интегрираат зеленилото, а да не го уништуваат“, додаде таа.

Е.П/М.К.





Edited by Théoden - 22-Sep-2021 at 11:33
Back to Top
fichot View Drop Down
Senior Member
Senior Member
Avatar

Joined: 02-Feb-2010
Location: Skopje
Online Status: Offline
Posts: 2598
  Quote fichot Quote  Post ReplyReply #37 Posted: 22-Sep-2021 at 12:18
А зошто не почекаат да се направи мостот и булеварот отаде Вардар па да се анализира состојбата потоа дали има потреба или не? Во моментов мислам дека нема никаква потреба од проширување.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #38 Posted: 22-Sep-2021 at 14:29
Од реакцијата на Град Скопје

-------------------------------------------
ГРАД СКОПЈЕ: „ЗЕЛЕН ХУМАН ГРАД“ МАНИПУЛИРА СО ГРАЃАНИТЕ ВО ОДНОС НА ЗЕЛЕНИЛОТО НА УЛИЦА ВАСКО КАРАНГЕЛЕСКИ
Град Скопје ги демантира наводите на „Зелен хуман град“ со кои свесно се манипулира јавноста дека со пробивањето на ул. Васко Карангелески ќе биде изгубено зеленило. Спротивно на тоа по завршувањето на изградбата и пробивањето на улицата и нејзиното поврзана со бул. Трета македонска бригада ќе биде засаден дрворед од повеќегодишни високостеблести садници по должината на целата улица, со што речиси тројно ќе се зголеми зеленилото по должината на улицата.
Дополнително покрај тројното зголемување на дрворедот улицата во делот од крстосницата со ул. Владимир Комаров до крстосницата со бул. Трета македонска бригада ќе добие нови тротоари, велосипедски патеки, нова атмосферска канализација и ново ЛЕД осветлување. Со тоа се зголемува нивото на безбедноста и на велосипедистите и на пешаците кои се движат на овој потег, особено имајќи предвид дека во непосредна близина се наоѓаат основното училиште Љубен Лапе, еден пензионерски дом и поликлиниката Јане Сандански.
Дополнително проектот за изведба на оваа сообраќајница беше претставен пред иницијативата #НаTочак на состанок одржан на 23.06. каде што се покажани решенијата за велосипедските патеки, тротоарите, новото осветлување и зазеленување на тротоарите. Ова е од особена важност за учениците од блиското основно училиште кои во моментот немаат тротоар од својата страна на улицата.
Од претставникот на иницијативата е искажано разбирање за нужното проширување, а 4 дена подоцна на истата локација Град Скопје со поддршка на иницијативата #НаТочак го реализираше настанот „Улици за Луѓе“ кога улицата беше цел ден затворена за автомобили.
Потегот од улицата кој поминува покрај основното училиште во моментов нема ниту пешачка, ниту велосипедска патека од страната на училиштето, а тротоар има само од страната на пензионерскиот дом, што и денес го прави движењето на пешаците и на велосипедистите на овој потег недоволно безбедно.
Оваа сообраќајница е од исклучително големо значење за новите населби кои се изградија на местото на некогашните воени бараки и некогашната касарна Гоце Делчев, каде што популацијата е повеќекратно зголемена.

https://www.facebook.com/CityofSkopje/
Back to Top
anna75 View Drop Down
Groupie
Groupie


Joined: 16-Sep-2021
Online Status: Offline
Posts: 47
  Quote anna75 Quote  Post ReplyReply #39 Posted: 22-Sep-2021 at 15:19
Да кажеш дека нема потреба од проширување на улицава е ноторна глупост, извинете.
Ако не живеете во близина, немате појма какви гужви секојдневно се создаваат на трета македонска и со какви проблеми години наназад се соочуваме сите ние кои живееме во новоизградените згради на трета македонска. Проширување на улицата и спојување со трета македонска е од огромно значење за овој дел од населбата, оти и така скоро ништо не се прави тука, препуштени сме сами на себе, па уште и улицава нека не ја прават!!
Back to Top
Théoden View Drop Down
Senior Member
Senior Member
Avatar

Joined: 31-May-2018
Location: Р. Македонија
Online Status: Offline
Posts: 527
  Quote Théoden Quote  Post ReplyReply #40 Posted: 22-Sep-2021 at 20:37
Веројатно поприоритетно би било да се пробие улицата до Трета македонска бригада отколку да се прошири, макар била со две летни по целата должина. Кога можеше Есенинова да почне да се прави во таков профил, иако треба да биде четири ленти според плановите, зошто и овде да не се направи истото?

Back to Top
 Post Reply Post Reply Page  <1234 8>

Forum Jump Forum Permissions View Drop Down



This page was generated in 0.094 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.