Комплекс Гранд спроти Холидеј Ин-Центар

СТОПАНСКА БАНКА – СКОПЈЕ ПОЧНА ДА ЈА ГРАДИ НОВАТА УПРАВНА ЗГРАДА

Новиот дом за вработените и клиентите на Банката се очекува да биде комплетиран за околу 2 години, а ќе го гради инвеститорот на комплексот „Гранд Скопје“, МГ Фешн.

Денес на свечена церемонија Стопанска банка АД – Скопје го одбележа започнувањето на градежните работи за изградба на нова управна зграда. Како дел од урбаната средина во срцето на градот, новиот современ објект ќе обезбеди врвни услови за работа за вработените на Банката и за нејзините бројни клиенти.

Стопанска банка АД – Скопје, како дел од Групацијата на Националната Банка на Грција, со години остварува високи резултати во работењето, кои ѝ овозможуваат да инвестира во нов , современ деловен објект со кој ќе се продолжи по патот на успехот. Ова е прв ваков објект на Банката од нејзиното основање и благодарение на соработката со домашна градежна компанија, тимот на Банката и нејзините клиенти ќе добијат нов, модерен простор, целосно прилагоден на современите потреби.

Ни претставува навистина голема чест што потенцијалите и квалитетот на комплексот „Гранд Скопје“ се препознаени од Банката со најдолга традиција на македонскиот пазар, Стопанска банка АД – Скопје, која стана наш партнер и официјален иден корисник на овој административно-деловен објект. Првооснованата банка во државата ќе добие одлични услови за работа и тоа во најсовремен комплекс во срцето на градот. Станува збор за современ објект кој ги исполнува највисоките архитектонски стандарди и нормативи за градење на енергетски ефикасни објекти кои овозможуваат заштеда на енергија и имаат минимално влијание врз животната средина.“ – МГ Фешн, инвеститор на комплексот „Гранд Скопје“

Информации за објектот:

Новиот дом за вработените и клиентите на Банката се очекува да биде комплетиран за околу 2 години. Станува збор за 11-катница која ќе изобилува со природно светло и ќе нуди пријатен работен амбиент. На приземјето ќе има централна филијала и многу наменски простори за други активности. На горниот кат вработените ќе имаат на располагање пространа зелена тераса која покрај големата употребна вредност, ќе даде дополнителен архитектонски ефект на објектот. Катовите се проектирани со агилен дизајн и овозможуваат флексибилност и модуларност, односно можност да бидат прилагодени соодветно за работата на секој организациски дел. Дополнително внимание се посвети и на високата енергетска ефикасност на зградата, со што Банката значително ќе помогне во зачувувањето на животната средина, сега и во иднина.

https://kapital.mk/стопанска-банка-скопје-почна-да-ја-гра

Originally posted by my Macedonia Може некој да покаже каде точно? Да кај грант но каде точно? Зад/десно лево?

Ова ќе му дојде до улицата до ГТЦ и до Холидеј Ин, баш пред некој ден целосно го заградуваа паркингот.

аха немат да испадни како некоја социјална зграда,колку и другите две што немат да испаднат како социјални згради

Канцелариската зграда, што е заокружена погоре од сигурно инфо ќе ја гради Стопанска Банка. Ако не се лажам и камен темелник удираа. Се надевам ќе биде како на рендерето. Искрено од трите згради само таа ми има некаков естетски квалитет.

Редно беше да се среди центаров. Се надрвам ќе влијае и на околните згради па дури и на ГТЦ да заживее

МГ Фешн: Довербата од Стопанска банка А.Д. – Скопје е доказ за квалитетот на „Гранд Скопје“

Стопанска банка А.Д. – Скопје е новиот инвеститор на административно-деловниот објект кој инвеститорот МГ Фешн го гради во рамки на комплексот „Гранд Скопје“. Се работи за вториот објект на овој комплекс, чиј камен-темелник беше поставен вчера, на 23 ноември 2022 г.

Од МГ Фешн велат оваа капитална инвестиција на Стопанска банка, која овој објект ќе го користи како свој деловен простор, всушност претставува потврда за квалитетот на градбата на административно-деловниот објект, но и препознавање на потенцијалите на целиот комплекс „Гранд Скопје“.

„Ни претставува навистина голема чест што потенцијалите и квалитетот на комплексот ‘Гранд Скопје’ се препознаени од банката со најдолга традиција на македонскиот пазар, Стопанска банка А.Д. – Скопје, која стана наш партнер и официјален иден корисник на овој административно-деловен објект. Прво основаната банка во државата ќе добие одлични услови, и тоа во најсовремен комплекс во срцето на градот, и искрено се надеваме дека ќе ја оправдаме нејзината доверба“, велат од МГ Фешн.

Од компанијата потенцираа и дека објектот нуди низа поволности за идниот корисник, почнувајќи од премиум локацијата и современа внатрешна организираност со концепт на агилен дизајн, па сè до примена на највисоките стандарди за квалитет.

„Комплексот ги исполнува највисоките архитектонски стандарди и нормативи за градење на енергетски ефикасни објекти кои овозможуваат заштеда на енергија и имаат минимално влијание врз животната средина. Се работи за објект со енергетски ефикасна фасада, употреба на висококвалитетни материјали согласно најнапредните стандарди во градежништвото, но и напредни системи за греење и ладење, висококвалитетни електрични инсталации и безбедносни системи. Дополнително, за овој објект ќе биде обезбеден и подземен паркинг за возила и велосипеди, но и лесен и непречен пристап за лица со попреченост“, истакнаа од МГ Фешн.

Инаку објектот, кој е проектиран од реномираното архитектонско биро „Синдикат студио“ од Скопје, е идеално поврзан со околината што овозможува низа поволности, особено за вработените на Стопанска банка. Близината на шопинг галеријата, како и софистицираниот урбан парк кои ќе бидат дел од целиот комплекс „Гранд Скопје“ за вработените нудат уникатен простор за одмор и релаксација, а пак пространата тераса на вториот кат која ќе изобилува со ниско и високо зеленило, претставува одлично место за социјализација и дополнително ја зголемува атрактивноста на објектот.





https://grandskopje.mk/мг-фешн-довербата-од-стопанска-банка-а/

Од денешната обиколка,паркингот веќе е сведен на минимум останат е само уште еден мал дел за паркирање,а околните улички во пределот со куќите се во очајна состојба не знам што ќе прават со тој дел но лошо е да остане таков лош контраст меѓу комплексот и маалото со распаднати куќи.

Просторот каде треба да никне новата зграда на Стопанска Банка е веќе ограден но сеуште без активности само поставена е инфо табла





Со кулата Гранд Ривер стигнати се до приземје и веќе се гледаат арматури над тарабите

Тука веќе има подготвителни активности и за 3тата зграда а градилиштетот е целосно оформено и заградено.

Денешни,во преден план ископ и поставување шипови за новата деловна зграда на Стопанска Банка а во позадина лево напредокот на карабината од кулата Гранд Ривер

Originally posted by Џоле Стефчо, твои се фоткиве?

Да.

Edited by stef4o - 01-Feb-2023 at 18:39