![]() |
![]() |
![]() |
Спортска сала Партизан-Карпош |
![]() |
Post Reply ![]() |
Author | |
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() Posted: 28-Dec-2019 at 20:26 |
Реконструкција на салата Партизан во Карпош
-------------------------------------------------------- Партизан обединува“ во дворот на спортската сала „Партизан“ во Карпош 4./галерија Карпошани денеска на пладне се собраа пред спортската сала „Партизан“ во населбата Карпош 4, за да го одбележат враќањето на овој култен спортски објект во владение на Општината, која најави дека ќе почне со активности за негова ревитализација. На настанот присуствуваа градоначалникот на општината Карпош, Стефан Богоев, претседателката на меѓународната невладина организација „Културно ехо“, Симона Димковска, директорот на Агенција за млади и спорт, Дарко Каевски, како и проектантот на спортската сала „Партизан“, Трајко Димитров, истакнат македонски архитект. Во продолжение слики од моменталната состојба со салата ![]() ![]() ![]() Ова е веројатно идејното решение ![]() https://www.facebook.com/OpstinaKarpos/ |
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
ГРАЃАНИТЕ ГО ИЗБРАА ИДЕJНИОТ ПРОЕКТ ЗА „ПАРТИЗАН“
![]() ![]() Завршена е анкетата за избор на идеен проект за обнова на спортската сала „Наум Наумовски – Борче“ позната како „Партизан“. Во периодот од 08 – ми до 18 – ти февруари, преку веб страната на општината гласаа 1.322 граѓани, а мнозинство гласови, вкупно 878 доби идејниот проект кој е подготвен од архитектите Томас Ромеро Тали, Метју Сатори и Хавиер Ромеро.Идејниот проект кој беше подготвен од Ивона Крстеска, Марија Гелмановска, Ана Грковска и Александар Кочовски доби 444 гласови. Двата идејни проекти беа подготвени на волонтерска основа од Меѓународната невладина организација „Културно ехо“. И двата гарантираат задржување на автентичноста на објектот, но и додавање на нова вредност на салата, мултифункционалност и прилагодување на урбаниот контекст. Општина Карпош, избраниот идеен проект ќе го достави до Агенцијата за млади и спорт, при што ќе следи подготовка на основен проект и реконструкција на салата. Изборот на идеен проект ја потврди заложбата на локалната самоуправа за вклучување на стручната јавност, граѓаните и организациите во носењето на одлуки. „Партизан“ е култен спортски објект, којшто трајно се заштити, а Карпош го доби на трајно користење. https://www.facebook.com/OpstinaKarpos/ |
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
Проектот за „Партизан" во завршна фаза
![]() Во завршна фаза е изработката на основниот проект за реконструкција на спортската сала „Наум Наумовски – Борче" (Партизан) во Карпош 4. Од прес-службата на Општина Карпош информираат дека граѓаните го избрале идејното решение подготвено од Меѓународната НВО „Културно ехо", кое е пред финализација и конечна верзија на основен проект. Општина Карпош извршила проверка и на статиката на објектот. Констатирано е дека салата е во добра статичка состојба и не е потребно нејзино уривање до темел, туку реконструкција на делови од објектот и инсталациите. Агенцијата за млади и спорт ќе ги почне активностите за реконструкција на овој култен спортски објект. – Како резултат на иницијативата на Општина Карпош овој простор е трајно заштитен, и тој сега е во владение на локалната самоуправа, а патем се преземаат активности за што поскоро негово повторно враќање во функција на спортот, соопштуваат од локалната самоуправа. Во целиот овој процес е вклучен и проектантот на салата архитектот Трајко Димитров, кој со своите совети и мислења придонесува овој објект да добие нова вредност. https://kanal5.com.mk/proektot-za-partizan-vo-zavrshna-faza/a429925 |
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
САЛАТА „ПАРТИЗАН“ УШТЕ СТОИ НЕЧЕПНАТА И РАЗУРНАТА, ОД ОПШТИНА КАРПОШ ВЕЛАТ НАСКОРО ЌЕ ПОЧНЕ РЕНОВИРАЊЕТО
![]() Спортската сала „Партизан“ во скопската населбата Карпош 4 уште стои нечепната, без никаква градежна активност за нејзино повторно враќање во функција како што неколку години најавуваат од Општина Карпош. Пред три години од Општина Карпош најавија дека разурнатата сала повторно ќе биде култно место во Карпош, но реновирањето никако да почне. Најпрво од Општината чекаа Владата да им го предаде објектот, потоа се правеше проект, па се распишуваше анкета на која граѓаните требаше да го одберат решението. Мандатот на градоначалникот Стефан Богоев истекува за три месеци, а нема абер од почнување на градежните работи бидејќи уште не е готов основниот проект ниту пак е распишан тендер за избор на фирма изведувач. Од Општина Карпош велат дека работат на овој проект и дека основниот проект е на финална ревизија по што ќе биде доделен на Агенцијата за млади и спорт (АМС) и на Општина Карпош. „Дополнително, ќе биде доставена и информација до Владата, за почетокот на реконструкцијата на објектот и Агенцијата за млади и спорт ќе објави јавна набавка за избор на изведувач. Претходно, општина Карпош го врати објектот во свое владение и тој простор повеќе не може да биде пренаменет за зграда или друга намена. Ова, исто така беше една од заложбите и ‘Партизан‘ сега е трајно заштитен“, велат од Општина Карпош. Од Општината велат дека донесена е одлука за изградба на затворен пливачки базен кој ќе биде лоциран до салата „Партизан”, со што овој дел ќе прерасне во современ спортско – рекреативен центар. „Овие денови го завршуваме и административниот процес за базенот, кој го финансира и гради Агенцијата за млади и спорт“, додаваат од Општината. Спортската сала „Наум Наумовски-Борче“ во населбата Карпош 4, или позната кај скопјани како „Партизан“ е изградена во 1969, како донација на француската влада за обнова на Скопје после катастрофалниот земјотрес во 1963. Некогашната култна сала сега е разурната, искршена, во делови запалена, затрупана со бетон, цигли, ѓубре, шут, стакло. https://sdk.mk/index.php/dopisna-mrezha/salata-partizan-ushte-stoi-nechepnata-i-razurnata-od-opshtina-karposh-velat-naskoro-ke-pochne-renoviraneto/ |
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
Избран изведувачот: Салата „Партизан“ за две години ќе им се врати подновена на карпошани
Избраната фирма „Спектартермо“ од Скопје, која ги исполнила критериумите од објавениот оглас, има обврска да подготви план за реализација и откако ќе ги заврши сите подготовки, да започне со работа, па во рок од 20 месеци Карпош и Скопје да ја добијат повторно во функција култната спортска сала. „Спектартермо“ ДОО Скопје е градежната компанија што ќе ја обнови спортската сала „Партизан“ во Карпош 4. Агенцијата за млади и спорт, по објавениот оглас со кој бараше изведувач на работите, деновиве склучи договор со оваа фирма, која беше една од трите која со своја понуда се јави на огласот. Еден од основните критериум за доделување на договорот беше најниската понудена цена, која е нешто пониска од проценетата вредност во огласот, односно со вклучен ДДВ изнесува 69.495.605 денари. На објавениот оглас покрај „Спектартермо“, учествуваа и „Еуровиа“ ДООЕЛ од Желино и „Бауер БГ“ ДОО од Скопје. Избраната фирма, според договорот објавен на Јавни набавки, има обврска да подготви план за реализација и откако ќе ги заврши сите подготовки да започне со работа, па во рок од 20 месеци, Карпош и Скопје да ја добијат повторно во функција реновираната култна спортска сала. Иницијативата за спас и обнова на „Партизан“, Општина Карпош ја започна на почетокот на 2019 година. По враќањето на салата во владение на општината, локалната власт во соработка со здружението „Културно ехо“ спроведе анкета за избор на идејно решение за реконструкција на салата. Идејните проекти беа подготвени од домашни и странски млади архитекти на здружението, а изборот преку анкета го направија граѓаните на Карпош. Карпошани најмногу, односно 878 гласови дадоа за идејното решение подготвено од архитектите Томас Ромеро Тали, Метју Сатори и Хавиер Ромеро. Врз основа на овој идеен проект, Агенцијата за млади и спорт потоа го работеше основниот проект. Во меѓувреме, во мај минатата година, експертски тим предводен од Страшо Поповски, дипломиран градежен инженер и компанијата „АДИНГ“ АД Скопје, изврши процена на статичката стабилност и употребливост на салата „Партизан“. Притоа, тие утврдиле дека објектот е направен од армирано-бетонска конструкција, која е во генерално добра состојба, по што се констатирало дека нема значајни оштетувања на бетонот, што значи дека со санација на објектот и на неговите инсталации, „Партизан“ може повторно да се врати во функција. Изработката на основниот проект траеше речиси две години, а тендерот за избор на изведувач беше распишан дури во септември годинава. Спортската сала „Партизан“ е изградена непосредно по катастрофалниот земјотрес 1963 година, како донација од Франција, а е дело на архитектот Трајко Димитров. Веднаш до салата ќе биде изграден затворен пливачки базен, кој ќе можат да го користат учениците од општинските основни училишта, а во попладневните часови и околните жители. https://www.slobodenpecat.mk/izbran-izveduvachot-salata-partizan-za-dve-godini-kje-im-se-vrati-podnovena-na-karposhani/ |
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
Карпошани се одлучија за „Партизан“, а не за нови згради
Иницијативата за спас и обнова на „Партизан“, Општина Карпош ја започна на почетокот на 2019 година. Оттогаш се вложија сериозни напори за оваа спортска сала, која е дел од колективната меморија на скопјани да се врати во владение на општина Карпош, имајќи предвид дека со салата стопанисуваше приватен концесионер на несоодветен начин. По враќањето на „Партизан“ во владение на општината и со нејзината реконструкција, трајно се отстрани заканата на овој простор да „никнат“ нови згради Најдоцна за две недели ќе почне реконструкцијата на спортската сала „Партизан“ во Карпош 4. На тендерот кој Агенцијата за млади и спорт го распиша во септември е избрана фирмата „Спектартермо“, со која е склучен договор вреден 75 милиони денари со вклучен ДДВ. Наумче Мојсовски, директор на Агенцијата за млади и спорт, вели дека со реконструкцијата нема да се менува изгледот на салата која е со површина од 1.617 квадратни метри. Иницијативата за спас и обнова на „Партизан“, Општина Карпош ја започна на почетокот на 2019 година. Оттогаш се вложија сериозни напори за оваа спортска сала, која е дел од колективната меморија на скопјани да се врати во владение на општина Карпош, имајќи предвид дека со салата стопанисуваше приватен концесионер на несоодветен начин. По враќањето на „Партизан“ во владение на општината, трајно се отстрани заканата на овој простор да „никнат“ нови згради. Локалната самоуправа во соработка со здружението „Културно Ехо“ спроведе анкета за избор на идејно решение за реконструкција на салата. Идејните проекти беа подготвени од домашни и странски млади архитекти на здружението, а изборот преку анкета го направија граѓаните на Карпош. Агенцијата за млади и спорт го подготви основниот проект, по што објави јавна набавка за избор на изведувач за реконструкција на салата. Рокот на изведба на спортската сала е 18 месеци. Спортскиот објект е дело на архитектот Трајко Димитров, кој според првичната идеја требало да има два ката, но според добиените средства е реализирано приземје и еден кат. Во салата се играло одбојка, гимнастика, кошарка, борење, бокс, атлетика, слетови, ритмичко-спортска/модерна гимнастика, пинг-понг, стрелаштво и други спортски активности. Салата работела секој ден од 8 до 22 часот, со програма за сите возрасти, од деца од предучилишна возраст до највозрасната категорија. Преку тогаш функционалното друштво „Партизан“, добар дел од рекреативните посетители на салата стануваат успешни професионални спортисти, освојувајќи голем број на медали, дипломи и плакети. Покрај салата „Партизан“ треба да се гради базен. Мојсовски вели дека тендерот за базенот сè уште не е завршен. – Претходно, тендерот беше поништен бидејќи цените наведени во него и добиените понуди, не соодветствуваа. Се јавија пет фирми со многу различни цени од наведената во тендерот, обелодени Мојсовски, додавајќи дека базенот ќе чини околу 43 милиони денари и ќе се гради паралелно со уште три затворени базени во Кавадарци, Чаир и Струмица. Тој информираше дека се работи за типски школски базен според светски стандарди кој ќе биде со должина од 25 метри, широчина од 8 до 9 метри и длабочина од 1,2 метри, а ќе биде со површина од 641 квадратен метар. Базенот ќе го користат, пред сè, учениците од основните училишта во Карпош, во рамките на физичко образование, а по часовите, попладне ќе можат да го користат и заинтересирани граѓани. https://www.vecer.press/карпошани-се-одлучија-за-партизан/ |
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
Донесени се некои контејнери во дворот,можно е наскоро да почнат со реконструкцијата
![]() ![]() https://www.facebook.com/photo/?fbid=10224349253417348&set=pcb.5130065740382100 |
|
Carpe diem
|
|
![]() |
|
Влатко ![]() Senior Member ![]() ![]() Joined: 01-Aug-2016 Location: Skopje Online Status: Offline Posts: 512 |
![]() ![]() |
Да го прочитаме првиот пост и да си поплачеме. Добро бе, какви ли се не луѓе седат (седеле и ќе седат) во институциите???
|
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
Партизан повторно ќе биде место каде што ќе се афирмираат младите спортисти во различни спортови и од каде ќе произлезат многу нови спортски имиња. Реконструкцијата ќе чини 69.5 милиони денари, а инвеститори на проектот се Агенција за млади и спорт и Општина Карпош. Изведувач на градежните работи е фирмата „Спектатермо ДОО Скопје“. По целосната реконструкција на салата која е предвидено да трае 18 месеци, објектот целосно ќе биде ставен на располагање на карпошани.
![]() ![]() https://www.facebook.com/OpstinaKarpos |
|
Carpe diem
|
|
![]() |
|
FT ![]() Senior Member ![]() ![]() Joined: 22-Jun-2010 Location: Kocani Online Status: Offline Posts: 567 |
![]() ![]() |
Одлична сала и одличен проект. Најголемиот проблем овде е кој дозволил салата да стане ваква?
|
|
![]() |
|
Leo ![]() Groupie ![]() Joined: 02-Mar-2022 Online Status: Offline Posts: 90 |
![]() ![]() |
ајде фала богу тргна работава
![]() |
|
![]() |
|
Џоле ![]() Moderator Group ![]() ![]() Joined: 23-Apr-2013 Location: Скопје Online Status: Offline Posts: 15041 |
![]() ![]() |
СКОПСКАТА САЛА „ПАРТИЗАН“ ЌЕ БИДЕ ГОТОВА ВО ОКТОМВРИ, ЗАВРШЕНА Е ФАСАДАТА И СЕ РАБОТИ НА ВНАТРЕШНОСТА, ВЕЛИ МОЈСОСКИ
![]() Култната сала „Партизан“ во скопски Карпош ќе биде готова и пуштена во употреба во октомври, најавува директорот на Агенцијата за млади и спорт Наумче Мојсоски. Досега е извршено расчистување на градежниот шут со кој беше затрупан објектот со години, реконструирани се кровните површини со замена на нов термоизолационен кров и нови олуци. Во внатрешниот дел изведени се нови преградни ѕидови, нови санитарни јазли, а поставена е и нова водоводна и хидрантна инсталација. Поставени се термоизолациски прозори и фасадата е целосно завршена. „Во наредниот период предвидено е да се изведат останатите работи односно поставување кошулица, молерисување на ѕидовите, поставување плочки и санитарија во тоалетите, поставување врати, електрика и уредување на надворешноста околу објектот. Во октомври очекуваме објектот да биде готов и пуштен во употреба, со што повтроно ќе се врати сјајот на некогашната култна сала“, вели директорот Мојсоски. Агенцијата за млади и спорт почна да ја прави салата „Партизан“ лани во април. Реконструкцијата ќе чини 1,1 милион евра кои се обезбедени од Владата, а изведувач на градежните работи е фирмата „Спектартермо“. Салата „Партизан“ повеќе од 20 години не функционира и со години стоеше распадната, запуштена, искршена, полна со ѓубре и отпадоци. САКАМДАКАЖАМ.МК во јануари 2019 алармираше за состојбата на салата, по што тогашниот градоначалник Стефан Богоев најави нејзина реконструкција и враќање во употреба. Беше избрано идејно решение од архитекти од Шпанија и Бразил кои го донираа проектот на Општината. Спортската сала „Наум Наумовски-Борче“ или позната кај скопјани како „Партизан“ е изградена во 1969, како донација на француската влада за обнова на Скопје после катастрофалниот земјотрес во 1963. Проектот за салата е на архитектот Трајко Димитров кој почина вчера на 92 години. А. АНТЕВСКА https://sdk.mk/index.php/dopisna-mrezha/skopskata-sala-partizan-ke-bide-gotova-vo-oktomvri-zavrshena-e-fasadata-i-se-raboti-na-vnatreshnosta-veli-mojsoski/ |
|
За сè има вторпат
|
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
Салата „Партизан” во октомври ќе блесне во сиот свој сјај
![]() ![]() ![]() Реконструкцијата на некогашната култна сала „Партизан“ ќе заврши во октомври, кога се очекува објектот да биде пуштен во употреба, најави на својата фејсбук-страница директорот на Агенцијата за млади и спорт, Наумче Мојсовски. -Расчистен е градежниот шут со кој беше затрупан објектот, реконструирани се покривните површини со замена на нов термоизолациски покрив и нови олуци. Во внатрешниот дел изведени се нови преградни ѕидови, нови санитарни јазли и поставена е нова водоводна и хидрантна инсталација – напиша Мојсовски. Тој додава дека во наредниот период ќе следува поставување кошулица, молерисување на ѕидовите, поставување плочки и санитарија во тоалетите, поставување врати, електрика и уредување на надворешниот дел околу објектот. Агенцијата за млади и спорт санацијата на салата „Партизан“ ја започна лани во април. Реконструкцијата ќе чини 1,1 милион евра, кои се обезбедени од Владата, а изведувач на градежните работи е фирмата „Спектартермо“. Салата „Партизан“ повеќе од 20 години не функционира и со години стоеше распадната, запуштена, искршена, полна со ѓубре и отпадоци. Спортската сала „Наум Наумовски-Борче“ или позната кај скопјани како „Партизан“ е изградена во 1969 година, како донација на француската Влада за обнова на Скопје покатастрофалниот земјотрес во 1963 година. Проектот за салата е на архитектот Трајко Димитров, кој почина деновиве, на 92-годишна возраст. https://www.vecer.press/салата-партизан-во-октомври-ќе-блес/ |
|
Carpe diem
|
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
Од септември спортската сала „Партизан“ ќе биде предадена на општина Карпош
Оваа недела имам закажано состанок со градоначалникот на Општина Карпош за да се договориме околу приклучоците за загревањето на салата, па очекуваме таа да биде готова до почетокот на септември, кога и ќе ја предадеме на општината, изјави директорот на Агенцијата за млади спорт, Наумче Мојсовски. Реконструкцијата на салата официјално започна на 21 април минатата година Изградбата на спортската сала „Партизан“ во Карпош е при крај. Како што информираше директорот на Агенцијата за млади и спорт, Наумче Мојсовски, треба само да се договори приклучувањето за греење на салата, па се очекува таа да биде предадена на Општина Карпош на почетокот на септември. – Оваа недела имам закажано состанок со градоначалникот на Општина Карпош за да се договориме околу приклучоците за загревањето на салата, па очекуваме таа да биде готова до почетокот на септември, кога и ќе ја предадеме на општината – изјави Мојсовски. Ова е одговорот на многумина карпошани и скопјани кои со нетрпение очекуваат салата да биде завршена и на социјалните мрежи прашуваат кога таа ќе може да се користи. – Дали некој знае до каде е Партизан? Битно е, бидејќи не е само обичен спортски центар, битeн е како центар на заедницата. Кафулиња не се замена. Битни се простори за заеднички активности на жителите на заедницата, млади и стари. Јадрата на заедниците, предолго се потценуваат. (На пример: кошевите пред „Партизан“ ги претворија во паркинзи, култното домче во Тафталиџе ќе биде зграда, според профилната слика на групава) – прашува Ленче Даниловска. Oбновата на оваа сала со површина од 1.617 квадратни метри, речиси од корен чини околу 70 милиони денари. Реконструкцијата на салата официјално започна на 21 април минатата година. Taa се реконструираше според идејниот проект што го избра Општина Карпош, а е на меѓународната НВО „Културно ехо“, подготвен од архитектите Томас Ромеро Тали, Метју Сатори и Хавиер Ромеро, кој доби најмногу гласови од граѓаните и тоа 878, додека идејниот проект, кој беше подготвен од Ивона Крстеска, Марија Гелмановска, Ана Грковска и Александар Кочовски, доби 444 гласа. Врз основа на идејниот, пак, се изработи и основниот проект. Спортската сала „Партизан“ е изградена непосредно по катастрофалниот земјотрес 1963 година, како донација од народот на Франција. Спортскиот објект е дело на архитектот Трајко Димитров, кој според првичната идеја требало да има два ката, но според добиените средства е реализирано приземје и еден кат. Во салата се практикувале следниве спортски содржини: одбојка, гимнастика, кошарка, борење, бокс, атлетика, слетови, ритмичко-спортска/модерна гимнастика, пинг-понг, стрелаштво и други спортски активности. Салата работела секој ден од 8 до 22 часот, со програма за сите возрасти, од деца од предучилишна возраст до највозрасната категорија. Преку тогаш функционалното друштво „Партизан“, добар дел од рекреативните посетители на салата стануваат успешни професионални спортисти, освојувајќи голем број на медали, дипломи и плакети. https://www.vecer.press/од-септември-спортската-сала-партиз/ |
|
Carpe diem
|
|
![]() |
|
Џоле ![]() Moderator Group ![]() ![]() Joined: 23-Apr-2013 Location: Скопје Online Status: Offline Posts: 15041 |
![]() ![]() |
![]() ![]() https://www.facebook.com/VladaMK/?locale=mk_MK |
|
За сè има вторпат
|
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
САЛАТА „ПАРТИЗАН“ ВО СКОПСКИ КАРПОШ ГОТОВА НАРЕДНИОТ МЕСЕЦ, НЕ СЕ ЗНАЕ ДАЛИ ЌЕ ЈА СТОПАНИСУВА ОПШТИНАТА КАРПОШ ИЛИ ЌЕ СЕ ДАДЕ НА ПРИВАТНИК
Салата „Партизан“ во скопската општина Карпош 4 ќе биде готова за еден месец, велат од општина Карпош. Со тоа по повеќе од 15 години овој култен спортски објект за скопјани, ќе биде повторно ставен во функција за спорт и рекреација. Салата ја реконструира Агенцијата за млади и спорт, а по завршување на градежните работи ќе биде предадена на Општина Карпош. Како ќе функционира салата односно кој ќе ја стопанисува, дали тоа ќе биде Општината или ќе биде дадена на приватна фирма како што беше претходно, кога пропадна, се` уште не се знае. „Не сме одлучиле се` уште кој ќе стопанисува со салата. Тоа ќе се одлучи откако ќе завршат градежните работи, кои се при крај и наредниот месец очекуваме да биде готова“, ни изјава градоначалникот на Општина Карпош Стевчо Јакимовски. Спортската сала „Наум Наумовски-Борче“ во населбата Карпош 4, или позата кај скопјани како „Партизан“ е изградена во 1969, како донација на француската влада за обнова на Скопје после катастрофалниот земјотрес во 1963. Салата во 2005 година од Јавното претпријатие за стопанисување со спортски сали беше дадена под концесија на 30 години на фирмата „Сенгруп“. Но, наместо да ја заживее, салата целосно пропадна, беше разурната, запалена, искршена, затрупана со бетон, цигли, ѓубре, шут, стакло и наликуваше дека во секој момент може да се урне. По серијата текстови на САКАМДАКАЖАМ.МК, Владата и Агенцијата за млади и спорт во април лани почнаа да ја реновораат салата, а вчера веднаш до салата почнаа градежни работи и за изградба на затворен базен. [URL][https://sdk.mk/index.php/dopisna-mrezha/salata-partizan-vo-skopski-karposh-gotova-naredniot-mesets-ne-se-znae-dali-ke-ja-stopanisuva-opshtinata-karposh-ili-ke-se-dade-na-privatnik/[URL] |
|
Carpe diem
|
|
![]() |
|
Џоле ![]() Moderator Group ![]() ![]() Joined: 23-Apr-2013 Location: Скопје Online Status: Offline Posts: 15041 |
![]() ![]() |
ПУШТЕНА ВО УПОТРЕБА САЛАТА „ПАРТИЗАН“ ВО СКОПСКИ КАРПОШ, ЈАКИМОВСКИ ВЕЛИ СО СОВЕТНИЦИТЕ ДОПОЛНИТЕЛНО ЌЕ СЕ ОДЛУЧИ КОЈ ЌЕ ЈА СТОПАНИСУВА
![]() Спортската сала „Партизан“ во скопската општина Карпош денеска повторно е пуштена во употреба. Со тоа, по повеќе од 15 години, овој култен спортски објект за скопјани кој беше уништен откако беше даден на приватен концесионер, повторно е ставен во функција за спорт и рекреација. Салата „Наум Наумовски-Борче“ во населбата Карпош 4, позната кај скопјани како „Партизан“, ја реконструираше Агенцијата за млади и спорт за што беа издвоени 1,1 милиони евра. Сега ќе биде предадена на Општина Карпош. Кој ќе ја стопанисува салата, дали тоа ќе биде Општината или ќе биде дадена на приватна фирма како што беше претходно кога пропадна, градоначалникот Стевчо Јакимовски не кажа на денешното свечено отварање. ![]() „Кој ќе ја стопанисува салата ќе одлучиме заедно со советниците откако ќе ни биде предадена. Овој објект е симбол на заедништвото, но морам да кажам дека во изминативе 20 години тој беше симбол и наши погрешни одлуки со кои спортските објекти беа во раце на погрешни луѓе кои го запреа животот, младоста, духот, спортувањето во овој објект. За среќа, дојдоа луѓе кои препознаа вистинска потреба на граѓаните и создадоа вистинска намена на овој објект“, рече Јакимовски. САЛАТА „ПАРТИЗАН“ ВО СКОПСКИ КАРПОШ, ПОДАРОК ОД ФРАНЦИЈА ПО ЗЕМЈОТРЕСОТ, СЕ РАСПАЃА, РАЗУРНАТА И ЗАПАЛЕНА Спортската сала „Наум Наумовски-Борче“ е изградена во 1969, како донација на француската влада за обнова на Скопје после катастрофалниот земјотрес во 1963. Таа е проект на архитектот Трајко Димитров, кој почина лани, а кој беше активен и во иницијативите за обновата. Салата во 2005 година од Јавното претпријатие за стопанисување со спортски сали беше дадена под концесија на 30 години на фирмата „Сенгруп“. Но, наместо да ја заживее, салата целосно пропадна, беше разурната, запалена, искршена, затрупана со бетон, цигли, ѓубре, шут, стакло и наликуваше дека во секој момент може да се урне. По серијата текстови на САКАМДАКАЖАМ.МК во 2019, Владата и Агенцијата за млади и спорт во април лани почнаа да ја реновираат салата, а во септември годинава веднаш до салата почнаа градежни работи и за изградба на затворен базен. https://sdk.mk/index.php/dopisna-mrezha/pushtena-vo-upotreba-salata-partizan-vo-skopski-karposh-jakimovski-veli-so-sovetnitsite-dopolnitelno-ke-se-odluchi-koj-ke-ja-stopanisuva/ |
|
За сè има вторпат
|
|
![]() |
|
stef4o ![]() Moderator Group ![]() ![]() Joined: 20-Oct-2015 Location: Skopje Online Status: Offline Posts: 19705 |
![]() ![]() |
КОВАЧЕВСКИ И ЈАКИМОВСКИ ПРЕД 3 МЕСЕЦИ СЕЧЕА ЛЕНТА ЗА „ПАРТИЗАН“, НО САЛАТА УШТЕ СТОИ ЗАКЛУЧЕНА
![]() Салата „Партизан“ во скопски Карпош три месеци после свечено пуштање во употреба стои заклучена и не се користи. На 29 декември лани тогашниот премиер Димитар Ковачевски, заедно со градоначалникот на Општина Карпош Стевчо Јакимовски и директорот на Агенцијата за млади и спорт Наумче Мојсоски рекоа дека салата после повеќе од 15 години повторно е во функција. Но, по заминувањето и церемонијата за свечено отворање, салата е заклучена и уште не може да се користи. Од Општина Карпош велат дека салата уште не е пуштена во употреба оти треба да се изврши доопремување. „Салата треба да се поврзе на греење и да се постават радијатори. Потоа треба да се набават кошеви, рипстоли, греди, и друга спортска опрема која треба да ја испорача Агенцијата за спорт. Општина Карпош во меѓувреме има распишано тендер за осветлување на спортската сала“, велат од Општина Карпош. Уште не е одлучено ниту кој ќе стопанисува со салата. На отворањето Јакимовски кажа дека за тоа ќе одлучат советниците во Советот на Општина Карпош. Спортската сала „Наум Наумовски-Борче“ е изградена во 1969, како донација на француската влада за обнова на Скопје после катастрофалниот земјотрес во 1963. Таа е проект на архитектот Трајко Димитров, кој почина лани, а кој беше активен и во иницијативите за обновата. Салата во 2005 година од Јавното претпријатие за стопанисување со спортски сали беше дадена под концесија на 30 години на фирмата „Сенгруп“. Но, наместо да ја заживее, салата целосно пропадна, беше разурната, запалена, искршена, затрупана со бетон, цигли, ѓубре, шут, стакло и наликуваше дека во секој момент може да се урне. По серијата текстови на САКАМДАКАЖАМ.МК во 2019, Владата и Агенцијата за млади и спорт во април 2022 почнаа да ја реновираат салата, а во септември лани веднаш до салата почнаа градежни работи и за изградба на затворен базен. https://sdk.mk/index.php/dopisna-mrezha/kovachevski-i-jakimovski-pred-3-mesetsi-sechea-lenta-za-partizan-no-salata-ushte-stoi-zakluchena/ |
|
Carpe diem
|
|
![]() |
Post Reply ![]() |
Forum Jump | Forum Permissions ![]() You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |