Технички прием,квалитет на градба(општо)

https://www.facebook.com/GoldenArtMKD/posts/4081644795270746

Голден Арт денес делеле клучеви од својата зграда, од мега акустик уште нема никаков контакт, да се надеваме дека ќе се јават наскоро.

Како е можно да живеееле? Од мега акустик велат дека треба сите 3 згради да се пуштат во исто време поради тоа што е комплекс и треба да пројдат сите технички прием. Инаку краен рок е крај на декември...

Дали има некој повеќе инфо за останатите две згради , кога поточно ќе биде правење записници и примопредавање на клучевите?
Благодарам.

.

Edited by crespitto - 13-Dec-2021 at 23:21

Ние се јавивме кај нивниот агент што ни го продаде станот и ни кажаа дека требало да се доправи улицата доле за да биде пристапна и ќе ни ги дале клучевите - тоа ќе било до крајот на месецов... Така разбравме ние

Originally posted by crespitto Откако зградата ќе помине технички прием, тогаш ќе може да бидат доделени клучеви од становите на купувачите. Но како стојат работите моментално тоа би било многу тешко да се направи зошто реално уште 3-те подземни нивоа(паркинзите) не им се средени и не знам кој свесен човек би ставил потпис дека е извршен технички прием на некои недовршени работи. Но ова е Македонија каде што ништо не треба да зачуди, се е корумпирано и секогаш подебелиот крај го извлекува чесниот човек во оваа наша држава, за жал. Може ќе направат технички прием но реално имаат многу за доработување, но луѓето треба да бидат свесни исто така дека готов стан значи дека се е готово и комплетирано, а работата не е да го прими купувачот станот и после уште една година да чека да ги доработат другите работи паркинзи, партер и друго, а тој за тоа време ќе ја паркира колата долу кај крстот или кај супер-тинекс. А во меѓувреме ќе си тече гаранцијата од станот. Исто така многу грешки имаат направено од брзање или е намерен фушерај во последно време, бидејќи становите ги имаат продадено многу одамна, којзнае што ќе излезе на крај, и бидете сигурни дека некои работи што ви ги имаат ветувано пред да ги купите становите, некои се променети, дали станува збор за плочки или нешто друго е сменето, гледајте да не е ставено нешто полошо од тоа што ви е ветено. Но како и да е, само да знаете дека тие не ве гледаат како човечки суштества и дека на нив им е гајле дали е се добро сработено, бидејќи за некои работи човек просто да не верува како ставаат тие надзори потпис за веќе завршени работи кои се лоши, како некое дете од градинка да врши надзор на работите и ставаат потпис. И да знаете исто така дека тие ќе гледаат да ве убедат дека е се во ред, како не треба да замерувате за најразлични работи и најбитното за нив е да ги предадат становите, едноставно да ги откачат, бидејки тие ве гледаат како пари а не како луѓе. А парите веќе ви ги зеле така да си ја завршиле главната работа. Мој совет е да си барате квалитет и се друго останато поврзано со станот. Сте ги купиле становите не ги имате добиено на лото или пак некој да ви ги има поклонето од страна на инвеститорите.. туку вие на некој начин сте соинвеститори не сте само купувачи бидејќи имате инвестирано предвреме пари, пари со кои во меѓувреме си работат инвеститорите и уште одозгора неможат да стигнат да завршат на време?! Замислете да требаше инвеститорите да ги продаваат становите откако ќе ги завршат 100%?! И ќе речат после ние сме „инвеститори“, а сите пари ги зеле предвреме.. ова го кажувам бидејќи забележувам дека поголем дел од станарите им е незгодно да им се јават или да ги прашаат до каде е работата, иако тие имаат должност да ги известат луѓето до каде е градбата, што и како се случува, но не го прават тоа воопшто, единствено што дадоа известување до станарите односно се пофалија како ги имаат ПРОДАДЕНО СИТЕ СТАНОВИ!!! А за да отидеш да го видиш станот треба да се јавиш еден месец претходно и прашање е дали ќе ти дозволат, како демек тие се Господ и не смееш да им се заѕвониш на луѓето што се претпоставени таму и зошто се многу, многу зафатени со тоа што по цел ден не излегуваат од контејнерите што се поставени покрај зградите. Епа не се завршуваат така лесно и квалитетно зградите самите препуштени на себе.. како во нивниот случај, пушти ги кооперантите сами нека си сработат како знаат и умеат за да си наплатат пари, а во меѓувреме некој слепец-надзор ќе им удри потпис и на крај пак самиот купувач на стан ќе треба да ангажира мајстори да им ги средуваат и чистат нивните го**а!

Ова делува на конфликт помеѓу двата инвеститори, а хејтот единствено може да го наруши угледот на комплексот што наводно е една целина, додека Голден Арт постојано изолирано ја рекламираше и промовираше само својата зграда. .

Колку сака нека звучи непрофесионално, бидејки и од нивна страна е многу непрофесионално како тие постапуваат. Да бидам искрен јас имам купено стан од Мега-Акустик уште пред 2 години цели и целосно исплатен до денар, тогаш ветуваа дека ќе се заврши во март 2021, после тоа ветуваа дека ќе се заврши во јуни, па во септември па еве дојде и нова година и тешко дека ќе биде готова. Па сега кога сум реален, ајде кажете ми вие дали е во ред од нивна страна?

Мислам дека доцнењето со изградба односно предавање на објектот во употреба е многу честа појава на нашиот пазар и истото произлегува од повеќе работи.

1.Си задаваат прилично кратки рокови каде во старт се свесни дека ќе има пролонгирање.
2.Се поголем недостиг на работна сила(особено на гипсари,плочкари,електричари,водоинсталатери,молери) па така единствено брзо одат армирачко бетонските и ѕидарските работи а потоа се заглавува уште минимум година година и половина во занатски работи.
3.Зависи што е ветено во договорите и исто така некои компании работат врз основа на соинвеститорство односно купување станови во почетна фаза на градба.
4.Временски фактори(најчесто се сведува на 30-тина дена скратено работење во лето и нешто помалку зимно време при снег и позначителен минус) но тоа обично не влијае премногу на роковите.
5.Зависи дали имаат сопствен тим за градба или ангажираат други изведувачи и подизведувачи при градбата.

Патем зависи многу од компанија до компанија колку што знам ГА,Елена Лука и Адора важат за прилично доследни со почитување на роковите при изградба и пуштање во употреба со тоа што обично по месец-два од пуштањето ги ставаат во функција подземните паркинзи.А знам и примери за поголеми доцнења(над 10 месеци) што повлекува исплата на пенали но сепак зависи кои клаузули се ставени во договорот при купувањето на стан.
Во иднина чинам проблемот со доцнење ќе биде се поголем бидејќи работната сила во овој сектор станува се подефицитарна и со тек на време ќе има поголеми одолговлекувања и при земјените и армирачко бетонските работи поради недостиг од возачи на кипери,миксери и друга механизација.

А деловните простори продадени ли се? Знае некој што се очекува да има долу, ако воопшто има нешто ?