Технички прием,квалитет на градба(општо)

Најава никаква бар до денес. Мислам дека треба да се помириме со фактот дека нема да добиеме клучеви до 31ви. Според мене би можеле да одат на варијанта да се јават до 31ви, но ќе објаснуваат како демек веќе подготвуваат записници бидејќи се е готово со комплексот и дека за некои 15 дена во Новата Година 2022 ќе ги предадат клучевите, односно да го потпишеме записникот (ова исто така претпоставувам дека ќе го направат за да не смират нас станарите за да не ги вознемируваме за време на празниците), но апелирам доколку најдете забелешки за станот или општо за останатиот дел од комплексот запишете го во записникот, секако дека дополнително ќе се пролонгира предавањето на станот, но да знаете и дека со самото потпишување на записникот ви започнува истекот на гаранцијата на станот. Досегашното искуство кажува дека тие не се ажурни и се глуви на сите забелешки што ги имаат досега за средување, истите не ги имаат чепнато со прст а им се укажани многу пати досега. Не верувам дека и воопшто ќе ги корегираат доколку ние станарите не реагираме на сите тие забелешки во записникот бидејќи досега усното укажување на забелешките немаат никаков ефект, не е ништо корегирано. Поентата ми е дека доколку не им ги укажаме забелешките сите ние, тие во никој случај нема да ги корегираат зошто мислат и очекуваат дека тоа може да помине кај станарите но отпосле ќе видите самите дека ќе имате проблеми за најразлични работи, затоа верувам дека така и ќе останат, и ќе започне истекот на гаранцијата на становите. Апелирам повторно до сите кои очекуваат стан во градба да им биде готов, независно кој е инвеститорот, да си ги отворите добро очите и внимавајте што потпишувате.

Знам за некои пријатели лично кои купија таму стан, ми кажаа дека имале забелешки но уште во текот на градбата ги имаат корегирано бидејќи тие нон-стоп имаа пристап до станот кога и да посакаа одеа на увид и буквално на денот на потпишување тие немале забелешки бидејќи од претходно ги имаат корегирано сите недостатоци и на денот за примопредавање го потпишаа записникот и си ги зедоа клучевите. Тоа и така треба да биде, но овие се глуви за било каква забелешка. Не знам дали некој друг имал вакво искуство? Како со намера не корегираат ништо за да отпосле плус ви изгубат време или пак да добијат на време? Навистина не ми е јасно. И имаат многу антипатичен пристап што те убедуваат дека ќе се среди, те лажат како мало дете дека е средено а ништо не чепкаат, те гледаат во очи и те лажат дека е нешто средено. Крајно човек ќе се доведе во ситуација да го прифати станот таков каков што е и да си викне мајстори и сам да си го досреди. Ама зошто кога е НОВ стан?! Не купуваш стар стан...туку НОВ кој го чекаш со години за да ти го направат и на крај пак не е направено како што треба!

Мислам дека најдобро ќе биде, за општо добро (посебно за станарите) да се донесе закон да не може да се продаваат станови во градба туку откако ќе биде готова зградата т.е кога ќе помине технички прием. Во тој случај ќе излезе на виделина кој се всушност „вистински инвеститори“, а се останато што чекаат пари за да се продаде стан и да се исплатат подизведувачи со истите пари ќе отпаднат, ќе ги снема. Во тој случај мислам дека ќе останат само 2-3 инвеститори сериозни. Бидејќи вака, ем ги даваш сите пари однапред и без разлика што секој човек има право да си го види станот, да си направи увид при градбата.. тоа право за жал не му е овозможено од страна на некои „замислени“ инвеститори.

Многу негативности на форумов , од поединци. Никој со сила не влијае дали да се купи во градба или не, секој има право на свој избор.
Од утре се почнува со влез 5 и 6 , потоа влез 3 и 4 така ни кажаа, а секој при примопредавање нека гледа . Станува збор за над 350 стана, да се надеваме дека сите до 31,12 ќе ги земеме клучевите .
Среќно на сите комшии кој имаат земено станови во комплексот .

Да не има некоја фотка од денешното предавање на клучеви?

Не се гои прасе пред Божиќ!

А тие што имаат платено паркинг уште пред 2 години, сеуште чекаат на повик мислам. Дали е во прашање записникот овде или нешто друго(пари)? Шала на страна, зошто пари за паркинг кога нема да биде во употреба уште пола година?!

Луѓе мислам дека е време веќе да направиме вибер група или некоја друга група на друга платформа-фејсбук или слично, каде ќе можеме да споделиме повеќе информации. Мислам дека веќе нема време за чекање, на мене ако не ми се јават ќе одам на 1ви пред Урбан Гарден со сиот мебел што ми е купен бидејки тогаш ми е крајниот рок(кој неколку пати го одложувам) за истиот во продавниците каде спие веќе 8 месеци и на истиот плаќам кирија. А и каде сум подстанар моментално имам рок да се отселам до крајот на месецот. Ако го чита некој од нив форумов, доколку не ми го предадат станот, нека ми ослободат еден контејнер од нивните.

Edited by crespitto - 24-Dec-2021 at 19:48

Дали идат по спратови со делење клучеви?

Originally posted by team17 Нема парно??? Добро луѓе, баш ме инересира како се одлучувате на вакво нешто. Па постојано ќе имате вибрации и непријатно зуење. Срамота за инвеститорот...

Да,комплексов е предвиден да се затоплува преку инвертери што искрено не го одобрувам во населби каде веќе има воспоставена топлификациона мрежа,па дури и да нема соодветен развод кон тој дел можело за овие 3 години да ги ангажираат БЕГ и да се среди тоа.