Хотел Буши(Технометал Вардар) Центар

ПОСТАВЕНИ СКЕЛИЊА НА ЗГРАДАТА НА „ТЕХНОМЕТАЛ-ВАРДАР“ КОЈА ТРЕБА ДА СТАНЕ ХОТЕЛ, ОПШТИНА ЦЕНТАР НЕМА ДАДЕНО ОДОБРЕНИЕ ЗА РЕКОНСТРУКЦИЈА



Скелиња се поставени околу цела зграда на поранешен „Технометал-Вардар“ во најстрогиот центар на Скопје, а со лимени тараби е ограден и просторот. Внатре во зградата се донесени градежни матријали за реконструкција на објектот кој треба да стане хотел. Сопственик на зградата е фирмата „Буши фешн“, која го купи објектот кога „Технометал-Вардар“ отиде во стечај.

Иако на терен се почнати градежни работи за реконструкција на објектот и адаптација во хотел, од Општина Центар велат дека досега немаат издадено никаква дозвола за овој објект.

„Во Деталниот урбанистички план Мал Ринг предвидено е објектот на градежна парцела 4.5.6 да се задржи во постојна состојба, што значи дека не е предвидена надградба или доградба за конкретната градежна парцела. Согласно Законот за градење, потенцијалниот инвеститор би можел да побара одобрение за реконструкција, адаптација или пренамена за дел од објектот. Општина Центар – Скопје досега нема издадено одобренија за реконструкција, адаптација или пренамена“, велат од Општина Центар.

Зградата на „Технометал-Вардар“ е изградена во 1980 година и е со површина од 8.000 метри квадратни. Зградата е дело на архитектите Димитар Димитров и Росанда Минчева, и е едно од препознатливите објекти на современата македонска архитектура.

Беше ставена на продажба откако во 2019 беше отворена стечајна постапка за „Технометал-Вардар“. Поради обврски кон „Комерцијална банка“ објектот беше одземен од банката, а потоа ставен на продажба, по што зградата беше купена од „Буши фешн“.

„Технометал-Вардар“ беше основана пред 60 години и во времето на поранешна Југославија беше водечка фирма во трговија со мермер, челик, обоени матели и неметали, опрема, машини и друго.

https://sdk.mk/index.php/dopisna-mrezha/postaveni-skelina-na-zgradata-na-tehnometal-vardar-koja-treba-da-stane-hotel-opshtina-tsentar-nema-dadeno-odobrenie-za-rekonstruktsija/

ЗАТВОРЕНА ПАТЕКАТА КАЈ ЗГРАДАТА НА „ТЕХНОМЕТАЛ-ВАРДАР“ ВО ЦЕНТАРОТ НА СКОПЈЕ, ПОЧНАА ГРАДЕЖНИТЕ РАБОТИ ЗА ДА СТАНЕ ХОТЕЛ



Со лимени тараби заградена е пешачката патеката за движење од плоштадот ВМРО покрај зградата на „Технометал-Вардар“, за да се излезе на улица Македонија во строгиот центар на Скопје. Инвеститорот, фирмата „Буши фешн“ која ја купи зградата, почна со градежни работи на објектот, кој според првичните најави треба да биде хотел.

Сега не е можно движење во овој дел кој е ново градилиште во центарот на градот.

Овој дел со години беше депонија, а изминатиов период додека се чистеше просторот, градежен матријал се трупаше на плочникот, и парчиња паѓаа и низ улица Македонија.

Зградата на „Технометал-Вардар“ е изградена во 1980 година и е со површина од 8.000 метри квадратни. Зградата е дело на архитектите Димитар Димитров и Росанда Минчева, и е едно од препознатливите објекти на современата македонска архитектура.
Беше ставена на продажба откако во 2019 беше отворена стечајна постапка. Поради обврски кон „Комерцијална банка“ објектот беше одземен од банката, а потоа ставен на продажба, по што зградата беше купена од „Буши фешн“.

„Технометал-Вардар“ беше основана пред 60 години и во времето на поранешна Југославија беше водечка фирма во трговија со мермер, челик, обоени матели и неметали, опрема, машини и друго.

https://sdk.mk/index.php/dopisna-mrezha/zatvorena-patekata-kaj-zgradata-na-tehnometal-vardar-vo-tsentarot-na-skopje-pochnaa-gradezhnite-raboti-za-da-stane-hotel/

Опасни парчиња стакло и мермер висат од фасадата на зградата на „Технометал Вардар“





И покрај преземените мерки за чистење на објектот, зградата на „Технометал Вардар“ од страната на улицата „Македонија“ спроти спомен домот на „Мајка Тереза“ претставува потенцијална опасност по минувачите. Од соголената фасада се надвиснати зашилени парчиња стакла кои при најмал ветер можат да паднат и да повредат некого, а од се уште недемонтирани прозорци висат и метални шипки. Парчиња мермер закачени со еден штраф висат од фасадата, а од покривот само што не паднале скапани даски.

Бидејќи до сега никој не алармирал за опасноста што демне, некој совесен граѓанин се сетил на поголема и видлива картонска кутија со големи букви напишал: „Внимавај паѓаат предмети- Опаснооо!“, потпирајќи ја на билбордот пред зградата како предупредување некој да не настрада.

И додека екипа на ВЕЧЕР го фотографираше објектот и состојбата во кој тој се наоѓа, поминуваше група турски туристи кои низ преминот под зградата се упатија кон хотелот „Бест Вестерн“. Но, за жал, овие луѓе не знаат за опасносна што демне од зградата, ниту пак можат да прочитаат (бидејќи не го знаат македонскиот јазик) што пишува на картонската табла што некој очаен незнаејќи како поинаку да помогне се обидел да ја постави.
Треба ли некој да настрада за некој да се сети да реагира и да преземе мерки. Ќе биде доцна кога некому врз глава ќе падне некоја мермерна плоча или ќе се исече од остатоци од стакло.

Од Центарот за управување кризи се запознаени со случајот. Велат дека последнава година најмалку два пати е аларманирано за опасноста од парчињата лим кои што висат, се нишаат, а и паѓаат при посилен ветар и дожд.

– Конкретно, во последната година преку единствениот број 112                           во ЦУК и Регионалниот центар на ЦУК за Град Скопје е рагирано на 08.04.2022 година до надлежните за откорнат лим што опасно виси од зградата на „Технометал Вардар“, а потоа на 06.06.2022 година кога падна лим и за малку не ги повреди граѓаните кои во тој момент се движеа на просторот под зградата. Сега повторно е контактирано со надлежните да се отстрани било каква опасност од зградата, за граѓаните коишто се движат и престојуваат во тој простор во центарот на градот – велат од ЦУК и велат за секаква опасност граѓаните да пријавуваат на единствениот број 112.

Инаку, зградата на „Технометал Вардар“ ја купи фирмата „Буши фешн“.

https://www.vecer.press/опасни-парчиња-стакло-мермер-висат-о/

https://www.facebook.com/ShansaZaCentar

ОД НЕОГРАДЕНОТО ГРАДИЛИШТЕ „ТЕХНОМЕТАЛ-ВАРДАР“ ВО СКОПЈЕ ОД ГОЛЕМА ВИСИНА СЕ ФРЛА ГРАДЕЖЕН ШУТ ДОДЕКА ДОЛУ ПОМИНУВААТ ЛУЃЕ



Со месеци на неограден градежен простор на улица Македонија, паѓаат плочи, стакла, цигли и железа од зградата „Технометал-Вардар“ во строгиот центар на Скопје, која се реновира за да стане хотел.

Градежниот шут им паѓа на минувачите буквално на глава и чудо е што некој не настрадал посериозно, велат вработените во соседните згради, институции.

Соговорниците за САКАМДАКАЖАМ.МК тврдат дека пријавиле за оваа повеќемесечна опасност по животите, но дека никој од Општина Центар, ниту од Град Скопје не реагира.

Деновиве од зградата „Технометал-Вардар“ се слушаат силни звуци, се крши и се фрла од голема висина голема количина дебело стакло и други делови од зградата, како греди и цевки.

Уште во октомври, од Општина Центар Горан рекоа дека интервенирале, односно инспектори излегле на терен и ѝ изрекле опомена на фирмата „Буши фешн“, која ја купи зградата, да го исчисти просторот.

https://sdk.mk/index.php/dopisna-mrezha/od-neogradenoto-gradilishte-tehnometal-vardar-od-golema-visina-se-frla-gradezhen-shut-dodeka-dolu-pominuvaat-luge/

Каква ќе биде судбината на соголената зграда на некогашниот „Технометал Вардар“?



Не се знае што ќе се гради на местото на таа зграда. Правниот тим на компанијата „Буши“ вели сè додека не се средат документите до крај, не сакаат да се изјаснат околу тоа, иако имаше шпекулации дека ќе се гради хотел. Од Општина Центар велат дека инвеститорот нема поднесено барање за издавање на одобрение за градба.

– На седница на Советот на Општина Центар е изгласана исправка на техничка грешка, односно наместо А2 намена или домување во станбени згради (која до тогаш стоела во графичкиот дел од планот), се впиша намена Б4- деловни простории (како што стои во текстуалниот дел од планот и во имотните листови) – потенцираа од Општина Центар. Според ДУП-от, објектот треба да има приземје + мезанин + 5 ката, кој ќе биде деловен и предвидено е да ја задржи постојната состојба



Зградата на некогашен „Технометал Вардар“, која се наоѓа во строгиот центар на градот, веднаш до белата палата на ВМРО-ДПМНЕ, е соголена и зјае празна. Во зградата се извадени сите прозорци и врати, а каква ќе биде понатаму судбината на овој објект сè уште не се знае. Околината на зградата беше напуштена и полна со смет, поради што, како што велат од Општина Центар, неколку пати интервенираа до сопственикот на компанијата „Буши“, која ја купи зградата за да исчисти.

Не се знае што ќе се гради на местото на таа зграда. Правниот тим на компанијата „Буши“ вели сè додека не се средат документите до крај, не сакаат да се изјаснат околу тоа, иако имаше шпекулации дека ќе се гради хотел.

Од Општина Центар велат дека инвеститорот нема поднесено барање за издавање на одобрение за градба.

– На седница на Советот на Општина Центар е изгласана исправка на техничка грешка, односно наместо А2 намена или домување во станбени згради (која до тогаш стоела во графичкиот дел од планот), се впиша намена Б4 – деловни простории (како што стои во текстуалниот дел од планот и во имотните листови) – потенцираа од Општина Центар.

Оттаму додаваат дека ДУП за овде предвидува објект со приземје + мезанин + 5 ката, кој ќе биде деловен и предвидено е објектот да нема никаков развој, односно да ја задржи постојната состојба.

Инаку компанијата „Буши фешн“, која ја купи зградата на Технометал Вардар, поседува дуќани за злато, како и хотелот „Буши ресорт и СПА“ во Старата скопска чаршија. Зградата на „Технометал Вардар“, која е со површина од над 7 илјади квадратни метри, е изградена во 1980 година. Беше ставена на продажба откако во 2019 беше отворена стечајна постапка. Поради обврски кон Комерцијална банка, објектот беше одземен од банката, а потоа ставен на продажба, по што зградата беше купена од „Буши фешн“.

„Технометал Вардар“ беше основана пред 60 години и во времето на поранешна Југославија беше водечка фирма во трговија со мермер, челик, обоени метали и неметали, опрема, машини и друго.

https://www.vecer.press/каква-ќе-биде-судбината-на-соголената/

https://faktor.mk/semejstvoto-bushi-i-turski-investitor-spremaat-6-milioni-evra-za-hotel-na-mestoto-na-tehnometal-vardar

Зградата на „Технометал Вардар“ опасна руина во центарот на Скопје



Се распаѓа поранешната зграда на Технометал во центарот на Скопје. Просторот е небезбеден, ама има сопственик, па институциите се правдаат дека имаат ограничени надлежности. Околните станари живеат во страв.

Секој ден кога ќе излезе од дома Гоце Мојсовски погледнува нагоре за некое дрво или парче лим да не му падне врз главата. Со своето семејство живее во строгиот центар на Скопје, а неговиот стан е лепенка со некогаш репрезентативната зграда на „Технометал Вардар“.

Ама откако фирмата отиде во стечај, а зградата доби нов сопственик, од февруари почна кошмарот за Мојсовски.

Вели дека преку ноќ бил отпуштен чуварот кој колку толку се грижел за безбедноста на објектот. Бидејќи зградата останала незаштитена, во неа почнале да влегуваат луѓе кои го ваделе се она што има некаква вредност. Му го обиле и влезот, а и покривот за оттаму да се качуваат на покривот на „Технометал Вардар“ направен од бакар, по што продолжиле да го корнат и лимот со којшто е обложен.

А сето тоа и среде бел ден, над главите на минувачите на улица „Македонија“. Еднаш за влакно избегнал да биде погоден од парче кое паднало од покривот на зградата.

„Не е безбедно воопшто затоа што паѓаше лим, паѓаа дрва одозгора кога поминуваа луѓе, пред влезот на зградата паѓаа, позади исто паѓа шут каде што се поминува на паркот. Едно време имаше една жолта лента веројатно од сопственикот поставена дека паѓа шут, сега и таа е искината. Ги извадија решетките од атмосферската канализација и тука има дупки и може да се пропадне ноќе. Во радиус од 50 метри тука не е безбедно“, раскажува Мојсовски.

Пријавувале десетици пати во полиција, контактирале и со сопственикот кој им бил достапен во првите месеци, но решение сѐ уште не нашле. На неколку недели бил ангажиран чувар, ама и него брзо го снемало.

Па така, станарите останале сами, да се борат со ветерници и залудно да пријавуваат кај надлежните. Како што раскажува Мојсовски, полицијата еднаш ги уапсила тие што влегувале во зградата, ама за една недела повторно се вратиле назад.

Пожарот од пред некој ден дополнително го разгоре револтот за опасната петкатница во центарот на Скопје која има околу 8000 квадрати. Нејзин сопственик сега е познатата скопска компанија „Буши Фашион“. Ама, ако некогаш оваа зграда беше гордост за Скопје, сега е вистинска руина сместена меѓу пешачката зона на улица „Македонија“, белата палата на ВМРО ДПМНЕ и некогашен Рекорд.

Иако во неколку наврати беше чистен, просторот околу зградата секојдневно се полни со шут, ѓубре и искршени стакла. И за време на нашата посета на објектот внатре се движеа неколку лица. Двајца работници надвор пак се обидуваа да го исчистат дворот, изнесувајќи купишта стакло, градежен шут и изгорени материјали од минатонеделниот пожар кој според проценките на пожарникарите направи материјална штета од 9.000 илјади денари.

Во неформален разговор, работниците кажаа дека се ангажирани од сопственикот на зградата за да го исчистат дворот. Се жалеа на луѓето кои влегуваат во објектот и им фрлаат стакла. Додека разговаравме, се слушна ново кршење стакло на првиот кат во зградата, од кое дел заврши надвор, во дворот.

Одржувањето на просторот треба да биде задача на сопственикот на објектот, барем според законот за јавната чистота, а за контролата се задолжени општинските инспектори.

Од Општина Центар потврдија дека нивни инспектори излегле на терен и изрекле опомена за фирмата „Буши фашион“. Всушност досега, напишале две казни. Едната за паднат градежен шут на државно земјиште, односно на плочникот кој гледа на улица „Македонија“, а второто било решение за отстранување на смет и отпад во приватен имот.

„Истото решение е испочитувано од страна на сопственикот, а отпадот беше веднаш отстранет, со помош на градежна механизација“, велат од општината.

Еднаш излегол на терен и овластен градежен инспектор од Центар и извршил увид на објектот, но тоа го сторил за да даде решение за отстранување за доградба на локал на улица „Македонија“.

„Сопственикот Буши Фашион од Општина Центар досега нема побарано одобрение или дозвола за вршење на било какви градежни работи и активности на фасадата на зградата“, велат од Општината.

Од Град Скопје пак појаснуваат дека имаат врзани раце бидејќи се работи за приватен објект, па велат дека надлежна е општината.

„Град Скопје согласно закон нема градежна инспекција ниту ингеренции, а за конкретниов случај веќе ги има информирано надлежните општински инспекции“, велат од Градот.

РСЕ во текот на изминатата недела се обиде да добие став за проблемот од компанијата „Буши Фашион“. Оттаму ни кажаа дека сопственикот не е во земјата, но ветија дека штом ќе се врати ќе организираме состанок, што не се случи до објавувањето на текстот. Она што е познато од досегашните медиумски објави, е дека планот за зградата на Технометал е таа да стане хотел.

Фирмата „Технометал Вардар“ беше основана пред 60 години и во времето на поранешна Југославија беше водечка во трговијата со мермер, челик, обоени метали и неметали, опрема и машини. Транзицијата беше тежок период, па компанијата во 2019 година отиде во стечај. Со нејзиното работење се врзуваат познати имиња во јавноста, како Трифун Костовски, Минчо Јорданов, Ристо Гуштеров.

https://www.slobodnaevropa.mk/a/зградата-на-технометал-вардар-опасна-руина-во-центарот-на-скопје-/32125804.html

Купена и таксана да биде хотел, зградата на „Технометал Вардар“ сè уште е „гулабарник“





Просторот во и околу зградата на „Технометал Вардар“, некогашниот симбол на македонскиот извоз, е целосно запуштен. Стаклата на влезната врата во зградата, со површина од над 7 илјади квадратни метри, во срцето на Скопје, на улица „Македонија“, се искршени и најчесто во вечерните часови се собираат групи кои потоа зад себе оставаат ѓубре.

Плочникот надвор не се гледа од птичји измет, се шири непријатна миризба, има обраснато трева и искршено стакло. Не е препорачливо навечер тука да се поминува бидејќи нема светло, иако на зградата на „Технометал Вардар“ сосед ѝ е „Белата палата“ на ВМРО-ДПМНЕ. Очигледно е дека чистачи од „Комунална хигиена“ не поминале со месеци.

Зградата е изградена во 1980 година. Во неа беше дирекцијата на „Технометал Вардар“ – водечка фирма во поранешна Југославија во трговијата со челик, мермер, обоени метали и неметали, опрема, машини и друго. Но, нејзината судбина не е ништо поразлична од онаа на многу некогашни гиганти, кои во транзицијата преку ноќ станаа „голубарници“. Во изминатите години по транзицијата, просторот во зградата најчесто се издаваше на разно-разни фирми.

Во 2019 година беше отворена стечајна постапка. Поради обврски кон Комерцијална банка, зградата беше одземена. Потоа банката даде одобрение за продажба на илјадници квадратни метри деловен простор, по што, во јануари годинава објектот беше купен од „Буши фешн“, компанијата која го поседува и хотелот-спа „Буши“ во Старата скопска чаршија.

Од новиот сопственик тогаш беше речено дека идејата им е зградата во строгиот центар на Скопје да го направат хотел. Вработени во „Буши фешн“ ни рекоа дека газдите ги знаат плановите, не сакајќи да споделат повеќе детали.

https://www.vecer.press/купена-и-таксана-да-биде-хотел-зградат/

ФОТО) Се краде лимот од покривот на „Технометал“, не е безбедно, а полицијата и газдата не реагираат



Што се случува со зградата на некогашниот гигант „Технометал“? Жителите во околните згради и оние кои работат таму или доаѓаат во локалите може секојдневно да слушнат силно тропање, а некогаш од покривот летаат и лимови.

Жителите на околните згради се сведоци како групи Роми, секојдневно се околу некогашната централа на „Технометал“ чии влезови се затворени со тараби. Во текот на денот може да се видат и луѓе на покривот.

Случајот трае повеќе од еден месец. Многупати е пријавувано во полициската станица Беко, од каде креваат раце, со образложение дека дури и да ги фатат, кога одат пред обинител се ослободдуваат и повторно се враќаат на местото кое го гледаат како извор на егзистенција.

-Што да правиме, да ставиме некој да ве пази 24 часа?, одговараат од полицијата.

Жителите се јавувале и кај сопственикот на зградата, според кажувањата тоа е истиот кој го има хотелот и спа „Буши“. Оттаму имале ветувања дека ќе испратат чувари, но ако се суди според состојбата на теренот, тоа не се случува бидејќи лицата кои го корнат покривот секојдневно се тука.

Ситуацијата е алармантна, бидејќи се работи за голема опасност по безбедноста.

Прво, тоа е безбедноста на жителите, кои велат дека лицата кои им влегуваат насилно во влезовите и им крадат работи, и се плашат за безбедноста на нивните домови.

Второ, безбедноста на сите кои се движат околу оваа зграда, која во еден дел излегува и на улицата „Македонија“ каде сега поради топлото време има многу гости во локалите кои седат надвор, а додека седат врз нив паѓа ѓубре, даски, а некогаш и лимови.

И трето, безбедноста на тие кои се качуваат по покривите иако тоа го прават на сопствена одговорност.

Прашањето е: Кој ќе одговара ако се случи некоја несреќа – полицијата или газдата кои кренаа раце од она што се случува во центарот на градот?

https://skopskoeho.mk/foto-se-krade-limot-od-pokrivot-na-tehnometal-ne-e-bezbedno-a-policijata-i-gazdata-ne-reagiraat/