Градилишта

Двете згради кои се градат тука се тежок криминал...
Треба слика за да се долови, повисоки се од околните згради за кат...
Со име и презиме треба да се објават сите кои учествувале во носење решенија!

Хаос со градилиштата: Граѓаните наместо на тротоар по булевар заедно со автобусите и возилата



Во хаотичното живеење во Скопје, каде што автобусите на ЈСП и на приватните превозници, такви какви што се, се единствениот јавен превоз, каде нечистотијата по улиците стана препознатливо градско обележје, а улиците останаа претесни да го примат сѐ поголемиот наплив на возила, она што сериозно ги загрижува граѓаните е и незапирливата изградба на станбени и деловни објекти.

Целиот град е претворен во големо градилиште, се гради буквално во сите општини, во секој нов ДУП се предвидуваат нови градби. Откако советниците во општините ќе ги усвојат плановите, на граѓаните веќе не им помагаат никакви реакции и протести за да спречат каква било изградба. Па, така, во општина Ѓорче Петров, на пример, на просторот спроти пазарчето треба да никнат дваететина згради со височина од 7 до 20 ката.

Но, освен незапирливата изградба во Скопје која градот постепено го претвора во голема бетонска „спална соба“ без доволно вистински паркови, а не мали зелени површини што локалните власти од неразбирливи причини ги нарекуваат паркови, граѓаните реагираат и дека со градилиштата се узурпираат јавни површини.

Лимените тараби што ги оградуваат градилиштата одземаат тротоари, велосипедски патеки, а општинските инспектори сето тоа го толерираат, иако е надвор од парцелата за градба. Велат дека е само привремено решение, а штом заврши градбата, дека сѐ ќе се врати во претходната состојба.

Но изградбата трае и неколку години, како што е на пример случај со градилиштето на булевар Партизански одреди спроти Порта Буњаковец. Таму сосема е одземен тротоарот, а пешаците и велосипедистите се движат по велосипедската патека, протнувајќи се покрај кабастите контејнери, кои исто така се лоцирани на оваа патека. Денеска пак, не беше овозможено ниту движењето на тој простор, затоа што на едната лента беше поставена механизација, која граѓаните мораа да ја заобиколуваат движејќи се на средната лента по Партизанска заедно со автобусите и автомобилите.

Срамно е ова што се случува, ќе испогинеме тука затоа што нема каде да се помине. И никој не реагира. Изведувачите си прават што сакаат, а ако се пожалиме во инспекција, велат дека мора така поради изведување на градежните работи и дека брзо ќе се тргнат. Истото се случува и на улицата зад „Холидеј ин“, а поминете да видите зад Универзална сала како е. На улицата „9 Мај“ има неколку градилишта и како им текне ја затвараат улицата со механизација. Значи, во овој град никој не се грижи за граѓаните – реагира Ема Стојанова, која ја затекнавме токму на оваа локација.



Безбедноста на граѓаните честопати е загрозена поради градежните зафати на изведувачите на објектите. Притоа, никој не се грижи во такви случаи, кога механизацијата е неопходно да биде поставена надвор од градилиштата, да биде овозможен безбеден премин на пешаците, дали со помош на сообраќајна полиција или со редари од градилиштата.

За жал, апелите на граѓаните што бараат поголема безбедност на градските улици честопати не стигнуваат до „ушите“ на локалните власти. Инвеститорите и изведувачите со разни времени одобренија си ги изведуваат потребните активности, додека граѓаните се нервираат. Ним нема кој да им издаде „одобрение“ за безбедно и непречено движење по скопските улици.

https://www.slobodenpecat.mk/haos-so-gradilishtata-gragjanite-namesto-na-trotoar-po-bulevar-zaedno-so-avtobusite-i-vozilata/

(Фото) Со месеци: Поради бетонирање на градилиште во Центар, родители не можат ни деца во градинка да си остават – рекација нема





Камиони на градилиште секојдневно блокираат влез на градинка во Центар. Граѓаните неколкупати алармирале кај градоначалникот на Општината, Горан Герасимовски, кој пак им посочувал дека се преземени мерки. Но утринава, родителите кои носат деца во оваа градинка, немаат каде да ги паркираат возилата оти паркинг местата се блокирани.

Градинката Наум Наумовски Борче (ул.Борка Талески бр.50) е клон на ЈУДГ ОЦ Кочо Рацин Скопје во Центар. Карши градинката, се градат две згради и секој ден кога ги носиме децата во градинка, има камиони кои ја блокираат целата улицата. Од 7:30 до 8:30 (време кое е наменето за оставање на децата во градинка) неможе да се помине со кола и мораме да наоѓаме место за паркинг во соседните улички и да носиме деца во раце. Од 15:30 до 16:30, работниците најбезобразно низ целиот паркинг ставаат конуси и не ни дозволуваат да се паркираме затоа што ќе вршеле градежни работи“, сведочи Маја Арсовска, чии деца одат во оваа градинка.

Таа посочува дека ова се се случува пет месеци. Дополнително, проблем за градинката создава и бучавата која се зодава.

„И ве замолуваме, кој и да е инвеститор да си постави некаква звучна изолација, секој ден се вршат градежни работи и децата неможат да спијат.
И државата сериозно да подразмисли на едукација на градежните работници, бидејќи вчера двајца работници ме убедуваа дека тоа не е паркинг на градинката додека стоеја под знак за паркинг на кој пишување “Паркингот е наменет за градинката”, додава Арсовска.

„Скопје1“ за овој проблем алармираше кај Герасимовски кон средината на ноември, но и денеска, сликата е иста.

https://skopje1.mk/archives/274299

Ул.9 Мај зад Универзална



https://www.facebook.com/bunjakovets

тротоарите на ул.9-ти Мај





https://www.facebook.com/bunjakovets

Реакции за бројните градилишта и блокирани улици зад Универзална во Дебар Маало





https://www.facebook.com/bunjakovets

-----------------------------------------------------------------------------
Целосно блокирани неколку улици во скопски Центар – граѓани не можат да си дојдат дома

Не се живее!“ - Оваа е краткиот и јасен комантар на жителите во улицата 9 Мај во скопски Центар. Причина, не можат да стигнат ни до своите домови поради градежните активности на инвеститори кои за време и на викенд масовно бетонираат нови згради.

Надвор од сите стандарди и без никави процеди на граѓаниоте им се блокирани улиците, па приморани се да прават прекршоци и да заглавуваат во метеж за да можат воопшто да пристапат во своите домови.

Канал 5 на терен виде дека огромни градежни машини целосно го блокирале улиците.

Да биде скандалот поголем граѓаните само со еден знак се пренесочени во еднонасочна улица каде што не смеат да возат, но и ако свртат таму ќе ги пречека друга машина која исто така прави целосна блокада. Гневни поради небулозниот лаверинт. Велат дека хаосот во овој дел на градот е веќе неподнослив и дека трае предлого. Ги обвинуват институциите за целсно незаинтересираност за нив.

Канал 5 контактираше со Општина Центар од каде ни кажаа дека ваквата состојба е недозволива и дека нивни инспектори веќе се излезени на терен и го констатирале хаосот. За сообраќајот велат дека надлежно МВР, кои пак одговорноста ја префрлија на локалните власти и инвеститорите.

За ваквата состојба реакција има и од иницијативата „Во одбрана на Дебар Маало“ кои обвиниваат дека никој не се грижи за граѓаните и дека локални фими си ставаат сообраќајни знаци со кои ги насочуваат граѓаните директно да праваат сообраќани прекршоци. Прашуваат и чија ќе биде одговорноста ако се случи некоја несреќа.

Инаку, во овој дел на градот има повеќе градилишта кои и во минатото беа затворани од инспекторите поради бројни неправилности и недостаток на елементарно политување на процедурите. И покрај се таму сега слобосно се гради, а одговорност за ваквата состојба никој не понесува.

МВР доцна попладнево излегле на терен со цел да се нормализира состојбата.



https://kanal5.com.mk/celosno-blokirani-nekolku-ulici-vo-skopski-centar-gragjani-ne-mozhat-da-si-dojdat-doma/a607126

Градилишта низ Скопје - профитот пред животот









На градилиштата низ Скопје гинат и работници и граѓани, бидејќи објектите често се необезбедени според пропишаните стандарди. Здруженијата за заштита при работа обвинуваат дека градежните фирми многу импровизираат и повеќе се грижат за профитот, отколку за животот и здравјето на работниците.

Градежниот работник кој доживеа трагична судбина на градилиштето кај Старата железничка станица минатиот месец, беше меѓу последните смртни случаи кои покажаа дека условите за работа во градилиштата низ Скопје се опасни. Но освен за работниците, градилиштата се ризик и за граѓаните. Пред само неколку дена во срцето на главниот град се случи застрашувачка сцена кога багер од градилиште удри во 66-годишна која го загуби животот.

Опасноста при изградбата на градежните објекти демне низ секој агол во главниот град Скопје. Ако фрлите само површен поглед, се гледа како работници работат на голема височина на згради без заштитни скелиња или мрежи.

Ваквите локации, освен за работниците, се ризик и за граѓаните кои минуваат во близина на градилиштата. Од зградата на „Технометал Вардар“ во центарот на Скопје летаат бетонски парчиња надвор од заштитната ограда додека работниците кршат бетон.

Неправилностите на градилиштата се бројни и на тоа континуирано реагираме до институциите, но одговорите кои ги добиваме се дека треба да си ја гледаме работата, вели Милан Петковски од Македонското здружение за заштита при работа (МЗЗПР.) Според него, работниците се небезбедни бидејќи компаниите и инвеститорите се грижат брзо да ги завршат градбите и да заработат, а не за работниците.

„Според анализите кои ние ги правиме на годишно ниво, а всушност се базирани на едноставна равенка на Меѓународната трудова организација, 4 проценти од БДП ни оди на компензации кои се директни или индиректни заради несреќите или професионалните заболувања на работното место. Тоа во бројки, ако треба на некој од менаџерите поблиску да му ја доближи темава, би изнесувало околу 400 милиони евра на годишно ниво за компензации. Тука се сите оние болнички трошоци, неодработени работни часови, загинувања на работни места, адвокатски трошоци, оштети на работните места и друго“, вели Петковски за Радио Слободна Европа.

Дејноста градежништво е на второ место според бројот на смртни случаи на работно место, според податоците на МЗЗПР од 2022 година, кога имало шест смртни случаи. Истата година имало 14 несреќи во оваа дејност.

Од МЗЗПР наведуваат дека бројките во нивните извештаи се конзервативни и дека во голема мера не го отсликуваат вистинскиот број на несреќи на работно место во сите дејности, кои во просек годишно изнесуваат околу 1.500, според податоците на институтот за Јавно здравје. Според нивните податоци најмногу несреќи се случуваат во преработувачката индустрија. Вкупно 147 повредни на работно место се случиле лани во сите дејности и 22 смртни случаи.

Кога станува збор за безбедноста на градилиштата, низа закони ја регулираат оваа област и треба да ја гарантираат безбедноста на работниците и на граѓаните: Законот за работни односи, Законот за безбедност и здравје при работа, Законот за градење, како и други правилници. Државата е потписник и на конвенции и директиви од оваа област и тие треба да ги почитуваат инвеститорите и работодавачите. За безбедносните контроли се задолжени државните инспекторати – трудов, градежен, инспекторатот за безбедност и здравје при работа, како и општинските инспекторати.

Побаравме одговори од Државниот инспекторат за градежништво и урбанизам на дали и колку реагираат на неправилности на градежни објекти, но не беа достапни за одговор до објавувањето на текстот.

Законите предвидуваат дека на едно градилиште, независно дали е висока, ниска градба или инфраструктурен проект, инвеститорот на локацијата треба да има лице за координирање на активностите.

Од МЗЗПР објаснуваат дека алатите и механизацијата треба да бидат според европските стандарди, а доколку на градежната локацијата има одредени ризици за работниците кои не можат да се отстранат, тогаш работникот треба да добие лична заштитна опрема пред да одлучи дали ќе прифати или ќе одбие да работи, бидејќи такво право има според Законот за заштита при работа во случај ако процени дека неговата безбедност е загрозена. Локациите на кои се гради треба да бидат јасно одделени од останатиот дел каде не се вршат работи, пристапот да биде регулиран, а скелињата треба да бидат заштитени со мрежа, според МЗЗПР.

„Но, во конкретните ситуации, најчесто македонскиот работник, а гледам дека не се разликуваат многу ни оние кои доаѓаат од страна, всушност се учени дека треба да молчат и да работат за да не ја загубат својата работа и всушност, според едно истражување кое ние го имавме, 85 проценти од македонските работници не си ги знаат своите права, ниту пак оддалеку ја третира темата за безбедност и здравје при работа“, вели Петковски.

Има многу импровизација во работата градежните фирми, кои инсистираат работата брзо да се заврши, а има многу неквалификуван кадар, вели Никола Велковски од Групацијата за градежништво при Стопанската комора. И тој укажува дека голем дел од фирмите се фокусирани само на профит и на брзината за градење, за разлика од заштита на работниците.

„Градежните фирми мора да имаат овластени инженери – раководители на градилиштата. Во најголем дел го имаат на хартија, но го немаат на лице место. Тука исто така треба да се позанимаваат и општинските и републичките градежни инспекции, за контрола на тоа колку се запазени мерките од аспект на лична заштита и од аспект на заштита на објектот. Гледате дека голем дел од објектите ги затвораат улиците кој како ќе стигне и кој како сака. Немаат сообраќајни решенија за сообраќаен режим при формирање на градилиште“, вели Велковски.

https://www.slobodnaevropa.mk/a/gradilishta-niz-skopje---profitot-pred-zhivotot-/32548877.html

И кога ќе се тргне градилиштето, пак слична ситуација, недоволно големи тротоари, автомобили паркирани на сите страни итн. Битно профит...

Булеварот направен како автопат, и онака малиот тротоар узурпиран од градилиште, а откако ќе се тргне градилиштето пак тротоарот нема да биде соодветен... Македонски урбанизам.

ПОВЕЌЕ ГРАДЕЖНИЦИ ГРАДАТ СПРОТИВНО НА ЗАКОН, ЌЕ ГИ ЗАЧЕСТИМЕ КОНТРОЛИТЕ, ВЕЛИ ГЕРАСИМОВСКИ

Повеќе градежници не ги почитуваат законските прописи на градилиштата, вели градоначалникот на Општина Центар Горан Герасимовски. Затоа, вели тој, формирана е нова комисија која секојдневно ќе врши инспекциски контроли низ општината.

„Иако имаат уредна документација за градба, по зачестените контроли на терен увидовме дека не се почитуваат законските прописи на повеќе градилишта. Поради тие причини формиравме нова комисија и тројно ги зголемивме инспекциските контроли. Новата комисија ќе врши целосен увид на градежните работи на активните градилишта и ќе контролира дивоградби. Тие ќе бидат одговорни да следат точно што се случува на терен, од почнување на градбата до нивно завршување“, вели Герасимовски.

Општина Центар во моментов е претворена во големо градилиште. Откако се укина мораториумот инвеститорите повторно ги започнаа постапките за добивање градежни дозволи, со што се продолжи бетонизацијата на центарот на градот.

Покрај контролите за дивоградби и за одвивање на градежните зафати кај легалните објекти со одобренија за градба, комуналните инспектори од Општина Центар изминатите неколку недели спроведуваа контроли согласно Законот за јавна чистота. На терен изведувачите се информираат за насоката градежните објекти да не вклучуваат во сообраќај моторни возила со валкани тркала, да не оставаат градежен шут, отпад и градежен материјал, освен на места определени за таа намена и да не се пали и уништува смет. Инспекцијата апелира и граѓаните да се воздржат од палеље на огнови на отворено за греење на работниците. Сите возила што излегуваат од градилиштата мора да имаат чисти и измиени тркала и да се покриени со церади, поради контрола на прашината.

Според извештаите од комуналната инспекција, известени и контролирани се околу 20 градилишта, утврдени се неколку неправилности и санкционирани се превозници со валкани тркала. Извршени се повеќе вонредни надзори по пријави од граѓани, при што се изречени 3 глоби на правни лица и одговорни лица, во вредност од по 1.300 евра за оставање градежен шут на јавни површини и неизградено градежно земјиште во приватна сопственост.

https://sdk.mk/index.php/dopisna-mrezha/poveke-gradezhnitsi-gradat-sprotivno-na-zakon-ke-gi-zachestime-kontrolite-veli-gerasimovski/