те мрзи да читаш а? Одговорот е во последните 3-4 поста

Еве и сиже од Нова Македонија. Ајде втора среќа 

Нов тендер до изградба на автобуска станица во Прилеп   На нов тендер што го објави Министерството за транспорт и врски прилепската самоуправа ќе се обиде да најде инвеститор за изградба на современа автобуска станица. Автобуската станица треба да се гради во близина на Железничката станица       - Објектот е предвиден со урбанистичкиот план. Ќе има површина од 413 квадратни метри со висина од 7, 2 метри. Со тендерот е предвидено земјиштето да биде дадено под закуп на 40 години. Со изградбата на автобуската станица ќе се заокружи транспортниот центар во градот - вели Илија Карески, раководител на секторот за урбанизам во општината. Вкупната вредност на земјиштето е над два милиони денари. Претходно пропадна тендерот со кој преку јавно приватно партнерство се бараше инвеститор за изградба на автобуската станица.       Автор: Ка.М.

http://www.novamakedonija.com.mk/NewsDetal.asp?vest=111891018521&id=10&prilog=0&setIzdanie=21840

Ај и трета мајка

Трет обид за нова автобуска станица во Прилеп Нова објава на Министерството за транспорт и врски за давање под долготраен закуп на земјиштето на кое треба да никне градска автобуска станица во Прилеп. Земјиштето со површина од 4.267 метри квадратни и почетна цена од 2.133.500 денари (500 денари за метар квадратен) се дава под закуп од 40 години. Парцелата е опфатена со урбанистички план УАЕ бр. 21, дел урбан блок 21/2. Објектот треба да биде висок 7,2 метри и со површина од 413 метри квадратни, а ќе се гради непосредно до постоечката железничка станица, со што ќе се заокружи транспортниот центар во Прилеп. Најповолниот понудувач се обврзува дека во рок од 6 месеци од солемнизирање на договорот, ќе обезбеди одобрение за градба на предвидениот објект, а истиот ќе го изгради во рокот предвиден согласно одредбите од Законот за градење, од денот кога одобрението за градба станало правосилно. Пријавите за учество можат да се доставуваат најдоцна до 07.04.2010, а јавното наддавање ќе се оддржи на 14.04.2010. Во првиот обид, општината не успеа да го реализира проектот преку јавно-приватно партнерство, а не беше успешен ни минатогодишниот обид на министерството, под исти услови како сегашниот.

http://www.build.com.mk/?p=2242

Originally posted by La Linea 7 перони за пристигнување и 24 за поаѓање овозможуваат во станицата дневно да циркулираат 450 возила. Во моментов искористеноста на капацитетот е двојно помала што значи дека во иднина автобуската станица може да овозможи континуирано и квлитетно користење на уште околу 250 автобуси Ова го пишува на веб сајтот на Автобуската станица - СкопјеСкопје има 700 000 жители и има вкупно 12 перони кои се користат(од вкупно 24)Прилеп има 70 000 жители, 10 пати помалку, и има 5 перони. Мислам дека бројката е на место...

Не се доволни 5 перони поради една навидум небитна ситница.Прилеп е 'попатна станица, постојка' за линиите од/до :

- Охрид , Ресен, Битола и Крушево(над 50 тргнувања во двата правци)спрема Источна Македонија и Скопје од нивните превозници

- Поголем дел превозници од Централна/Источна Македонија (Кавадарци, Кочани, Радовиш, Струмица, Берово, Гевгелија) работат барем по една линија накај Битола и Охрид како универзитетски и туристички центри, во летен период бројот е зголемен

- линиите на Пелагонија Транс за Скопје, Кичево и Струмица (14)

- редовните линии за/од Крушево/Битола на секои ~ 30 мин. полни со студенти и средношколци

- меѓународни линии за Виена, Софија, Белград, Истанбул и Данска/Шведска

- поради немање друга опција често и автобусите со грчки шопинг тури или автобуси од екскурзии се паркирани тука

Бројот на национални и меѓународни превозници е над 20.Сличен е и бројот на локални (најчесто со комбе или минибуси) превозници до селата кои се уште еден проблем плус за капацитетот на оваа станица.
Во последен период дел од нив се префрлија со тргнувања од катната гаража и сега имаме два проблеми со гужва од патници и возила на катната гаража и немање доволно простор на *автобуската*.

Или ваква ситуација:
Чекам 15:00 автобус за Битола (две опции Принц Травел - Ресен и Скорпион - Крушево, значи две возила).Во 15:00 е поставен уште еден автобус на Пелагонија за Скопје, во 15:00 е тука и автобусот од Битола за Струмица и отприлика во тој период +/- 5 мин. и автобусот за Радовиш.
Ги додаваме и локалните превозници за селата и таксистите = проблем.Доволно е да ја видиш сликата и да го замислиш хаосот.

Една добра вест од Прилеп

По неколку неуспешни обиди отуѓена парцелата за изградба на нова Автобуска станица Денеска и вчера се одржаа електронските аукции за продажба на државно градежно земјиште за различни намени на повеќе локации од општинава. По неколку неуспешни обиди отуѓена е парцелата на местото од Противпожарниот дом на која ќе се гради Транспортен центар со Автобуска станица, бензинска пумпа и придружни деловни содржини. Постигната е цена од 970 денари за квадратен метар. Исто така отуѓен е плацот за изградба на втората колективна зграда во кругот на Касарните. Двете успешно спроведени аукции, кои беа со досега најбогата понуда, повторно предизвикаа голем интерес кај физичките и правни лица од градов и земјава. Станува збор за парцели од рамките на седмиот по ред јавен повик распишан од страна на Општина Прилеп кој се однесува на продажба на државно земјиште за изградба на индустриски погон од лесната незагадувачка индустрија, деловен објект во старата градска чаршија, колективна зграда во дворот на Касарните, како и изградба на транспортен центар на локацијата кај Пожарниот дом и 14 парцели за објекти за индивидуално домување. Почетната цена за земјиштето наменето за погон во Индустриската зона Прилеп 1, како и објектите за индивидуално домување изнесуваше 61 денар, за Транспортниот центар стартната аукциска цена беше 880 денари, за колективната зграда 1 380 денари, додека за парцелата наменета за деловен објект во градската чаршија почетната цена беше највисока и изнесуваше 2 300 денари. На двете електронски наддавања спроведени од одделението за управување со државно неизградено земјиште при Локалната самоуправа, учествувале 50тина правни и физички лица. По објавата на неколку неуспешни тендери на вчерашната аукција отуѓена е парцелата со вкупна површина од 5 иљади 299 метри квадратни наменета за изградба на Транспортен центар на местото од сегашниот Противпожарен дом. Постигната е цена од 970 денари за квадрат. Исто така, отуѓен е плацот во дворот на Касарните наменет за колективна зграда по цена од 1520 денари за квадратен метар, како и земјиштето во старата градска чаршија кое достигна последна цена од 4 иљади 201 денар за квадрат. Повеќе од половината од плацевите наменети за објекти за индивидуално домување во новата населба Градина се отуѓени. Најповолните понудувачи на двете аукции за да станат нови сопственици треба да ги уплатат средствата во рок 15 дена од завршување на постапката на јавното наддавање.

http://www.kanalvizija.com/index.php/2011-06-30-23-44-03/327-avtobuska31

Originally posted by Cloverstack А каде ќе се префрли пожарната станица?

Последно што слушнав дека возилата на пожарната ќе бидат разделени на три места низ градот со цел побрзо стигнување на одредената цел.
Сепак како главна база ќе биде старото ЕМУЦ на патот за Крушево не далеку од сегашната,другата дисперзирана база ќе биде во јавното претријатие СТЕРНА и за третото сеуште се барало решение.

Сепак ова го изјави градоначаникот на една пресконференција,дали е официално и колку е изводливо не знам,може @gjoko како позапознат со овие работи да даде свое мислење.

Вака некако,со црно сегашната пожарна,со црвено новата главна база,со плаво првата дисперзирана база.



Edited by ovaj_stariov - 01-Nov-2012 at 13:05

Originally posted by gjoko ги матит умот со три посебни единици.треба да се формираат 4 смени со по најмалку двајца возачи и двајца пожарникари,тоа е најмалку 16,по три места 48 луѓе во кои не е вкалкулирано дека некој се разболел,некој има годишен одмор ,и доаѓаме до бројка каде треба најмалку двојно повеќе од сегашните луѓе во единицата. тоа се прави во Скопје каде градот е стварно голем и каде има релна потреба од дисперзирани единици.за Прилеп тоа е луксуз

Баш за тоа сакав мислење од некој навлезен во работите.Зошто вака на прв поглед изгледа интересно,но треба да се пресметаат позитивните и негативните страни на таков проект.

Никнува нова автобуска станица во Прилеп, ќе ја менаџира „Пелагонија бус“
21/11/2012 // Пред 6 часа // ИНФРАСТРУКТУРА // Коментирај

Општина Прилеп денеска на електронска аукција ја продаде парцелата од 5.300 метри квадратни површина кај железничката станица, на која ќе се гради транспортен центар со нова автобуска станица.

Како купувач се јави Сања Шестакова, која најави дека станицата ќе биде пуштене идната година, а ќе се гради на површина од 500 до 700 метри квадратни, каде што ќе се сместат сите неопходни објекти и простор за автобуската станица. Исто така таа најави дека планираат се категоризират во прва категорија со работно време 24 часа.


Автобуската станица ќе ја менаџира фирмата „Пелагонија бус“.

„ Имаме искуство кога е во прашање автобускиот сообраќај. Сопственици сме на автобуските во Берово, Штип и Велес. Ќе се гради според стандарди и да се задоволат сите услови пропишани со закон за патен сообраќај“, вели Шестакова.


Веројатно оваа фирма Пелагонија Бус е сосем различна од превозникот Пелагонија Транс, газда на сегашната ‘станица‘.Само ме збуна ова дека се веќе газди на станиците во Берово, Штип и Велес.Мислам дека на првите две газда е Берово Транс , а третата порано беше Тедико...ај ќе го почекаме Sanos_A за посигурни информации од Истокот...

Во ваква нова ситуација, можат да размислат да го обноват делот од исклучокот кај Лагово, покрај Марфил и Сигурносно Стакло до под Железничка, за да не кружат на влез во Прилеп.

Edited by Тркало - 21-Nov-2012 at 18:18

Originally posted by Тркало Веројатно оваа фирма Пелагонија Бус е сосем различна од превозникот Пелагонија Транс, газда на сегашната ‘станица‘.Само ме збуна ова дека се веќе газди на станиците во Берово, Штип и Велес.Мислам дека на првите две газда е Берово Транс , а третата порано беше Тедико...ај ќе го почекаме Sanos_A за посигурни информации од Истокот...

Една потврда - Пелагонија Бус не е во никаква врска со превозникот Пелагонија Транс и е заедничка ќерка фирма на Руле Турс и Берово Транс кои веќе спомнав дека се концесионери или сопственици на АС во Берово и Скопје (веројатно како посебни субјекти) + Велес и Штип каде е ‘газда‘ заедничкиот субјект.
Од неврзани муабети слушнав и за нивна наводна заинтересираност за АС Охрид.

Веќе можи да ставите едно чеканче

Поставени камен темелите за новата автобуска станица Во присуство на Министерот за транспорт и врски Миле Јанакиески, сопствениците, градоначалникот Марјан Ристески и пред голем број на граѓани, денеска беа поставени камен темелите на нова автобуска станица. “Станицата ќе биде на 500 до 700 метри квадратни со сите неопходни објекти и простор за автобуската станица. Сакаме да се категоризираме во прва категорија со работно време 24 часа. Ќе има билетарница, тобако, да се издава простор под наем за други придружни објекти. Веќе имаме искуство во ова дејност. Сопственици сме на автобуски во Берово, Штип, Велес ”, вели Горан Трпкоски претставник на Фирмата „Пелагонија бус“. Според градоначалникот Марјан Ристески изградбата на нова современа автобуска станица во Прилеп се заговараше со децении, зашто сегашната во центарот на градот не задоволува никакви услови. Новиот поширок простор околу новата автобуска станица ќе се доуредува. - Во близина е железничката станица. Преку Европската унија и Владата заедно со локалната самоуправа се обезбедени средства за уредување на целиот простор што ќе ја зафаќа железничката станица - тротоарите, зелените површини, осветлувањето, сообраќајно уредување со кружни текови, изјави градоначалникот Ристески. Досегашниот Противпожарен дом, на чие место ќе се гради станицата, ќе биде дислоциран во старите простории на СОУ ,,Ристе Ристески – Ричко”. Новата автобуска станица ќе биде менаџирана од компанијата Пелагонија бус.

http://prilep.gov.mk/news/mk/postaveni-kamen-temelite-za-novata-avtobuska-stanica/