Гранични премини и царински терминали

Нови гранични премини меѓу Македонија и Србија

Ирина Гелевска	Коментари (0)

Лојане во Македонија и Миратовац во Србија, две села оддалечени 3 километри, но невозможно да се посетат во лето кога има навала на туристи.

„Од Лојане до село Миратовац нема ни 3 километри, а селаните треба да патуваат повеќе 40 км“, рече Неџат Османи, секретар во општина Липково.

„Во лето кога доаѓаат туристи, невозможно е да се стигне или е потребен цел ден“, вели Рамаз Луфшиу, заменик градоначалник на општина Прешево.

Причината е немање локален граничен премин, кои би го користеле само жителите од пограничниот појас, па тие во лето мора да чекаат во колони на преминот Табановце.

На меѓуграничната зона меѓу село Лојане и село Миратовац асфалтниот пат веќе три години од Миратовац до пограничната зона е направен.

Македонија и Србија од 2003 година имаат потпишано Протокол за отворање на локалните премини, Лојане-Миратовац, Огут-Трговиште и Големо Црцорење-Голеж, но изградбата се одолговлекуваше.

„Имаше некој одредени проблеми, од српска страна одлуката не беше верифицирана од Владата и затоа не можеше да се оди со тоа темпо“, изјави Тодор Нанев, МНР.

„Имаше административни и материјални проблеми, но ова е еден од чекорите што мора да се преземат за да се отворат премините што е можно побрзо“, рече Сава Станковиќ, МНР на Србија.

Локалните премини треба да бидат по европски терк, со заедничка контрола на македонски и српски граничен полицаец за побрзо преминување на границата.

Прогнозите се дека новите гранични премини на македонско-српската граница ќе бидат отворени за најмногу една година.