Гранични премини и царински терминали

Штом кај Маркова нога уште не го направија, Мајден-Баово може за 10 години да го отворат...

А да, го спомнуваа тој назив. Каде е точно на карта? Search за Пулевец ми го дава Мали Козјак, а во негова близина има патче кај западниот триаголник. Таму да не е?


Има можност за отворање уште неколку гранични премини со сите соседи; треба да се направи анализа колку би чинела изградбата и одржувањето на инфраструктурата, а колкав би бил бенефитот. На новите со Србија, Косово и Албанија, имајќи ја предвид можноста за мал Шенген да се постават One Stop Shop контејнери, кои би се отстраниле со стапувањето во сила на малиот Шенген (мада поверојатно е прво тој да бидне, а дури потоа преминиве); доколку една МШ држава стане ЕУ членка пред друга, контејнерите би се вратиле. Треба да се потрудиме што побрзо WB6 да стане целосен дел од ЕУ, Шенген и Еврозоната.
Со квадрат се означени премини од прва категорија, со круг втора, со обичен круг трета; зелено постоечки, жолто најавен или на постоечка патна инфраструктура којашто треба да се рехабилитира и надгради; црвено оние до кои моментално не води пат, или тој е земјен или сосема неадекватен (вкл. и нефункционални постоечки).

Ова би била инвестиција од неколку десетици милиони евра, имајќи предвид дека на многу места треба да се градат сосема нови патишта, некаде треба да се подобрат постојните, а теренот е воглавно планински. За сметка на тоа би се подобриле врските на одредени микролокации, помеѓу Македонија и петте соседи, како и транзитот низ земјава.

Категоризација и листа на премини: http://www.igu.gov.mk/files/pdf/nacionalna_komisija/Kategroizacija_Vlada_tabelarno.pdf


Северна граница
Косово
- Надградба на Стрезимир во втора категрорија;
- ГП I кат. на тунелот Тетово-Призрен;
- Премин IIк кај Корбилиќ во Косово и IIк Белановце, рехабилитација на Танушевци IIIк;

Србија
- Лојане и Сопот во IIк;
- ГП Огут и Голема Црцорија да се надградат и пуштат во употреба во IIк, Славујевац и Луке во IIIк.


Источна граница
Бугарија
- Црна Скала IIк;
- Ајдучки Кладенец IIIк;
- Делчево и Ново Село во прва;
- Стиник IIIк.


Јужна граница
Грција
- Николиќ IIк;
- Надградба на Дојран во прва;
- ГП Смрдлива Вода IIк;
- Пулевец, Лажец и Маркова Нога IIк;


Западна Граница
Албанија
- Св. Наум и Блато во Iк;
- ГП Џепиште IIк.


Edited by Staro Skopje - 17-Jun-2020 at 22:26

Јас неможам да најдам посебна тема за гранични премини, иако бев убеден дека сум видел некаде по форумов. Ако има префрлете...

Бугарија ќе издвои 9 милиони евра за изградба на граничниот премин Клепало меѓу Берово и Струмјани Од страна на Вечер - 21/02/2021 Софија планира да издвои 9 милиони евра за изградба на граничниот премин „Клепало“ меѓу Струмјани и Берово, кој е стратешки проект за Бугарија и Северна Македонија, со што ќе се подобри поврзаноста помеѓу двете земји, ќе се олесни трговијата и ќе се поттикне туристичката размена, изјави бугарската заменик-министерка за регионален развој и јавни работи Деница Николова за „Бугарија он ер“. Како што јави дописникот на МИА од Софија, Николова нагласи дела проектот предвидува изградба на целата неопходна инфраструктура, вклучително и дел од патните прваци до граничниот премин. Николова потенцира дека во досегашното 17-годишно партнерство во областа на прекуграничната соработка меѓу Бугарија и Република Северна Македонија, заеднички се реализирани 230 проекти, од кои 60 се во рамките на претпристапните програми на ЕУ, а останатите 170 се спроведени во двата програмски периоди од 2007 година, па до сега. – Од 2014 година одвоивме над 19 милиони евра. Имаме 65 отсто искористеност на средствата, што значи дека проектите се успешно договорени и се реализираат на време и со поставените цели. Програмата, исто така, го поддржува подобрувањето на животната средина, развојот на туризмот, културата и слично, додаде Николова. Според бугарската заменик-министерка, во следните години програмата треба да се фокусира на развој на економскиот потенцијал и поддршка на компаниите што создаваат работни места, вработувања и можат да го зголемат животниот стандард и приходите. Николова најави дека во периодот до 2027 година, Бугарија планира да инвестира 50 отсто повеќе средства во развој на пограничните региони со Република Северна Македонија во рамките на програмата за прекугранична соработка, во однос досега издвоените нешто повеќе од 19 милиони евра. – Бугарската Влада вложи напори да го зголеми буџетот во знак на поддршка на териториите што се важни за нас, изјави Николова. https://www.vecer.press/%D0%B1%D1%83%D0%B3%D0%B0%D1%80%D0%B8%D1%98%D0%B0-%D1%9C%D0%B5-%D0%B8%D0%B7%D0%B4%D0%B2%D0%BE%D0%B8-9-%D0%BC%D0%B8%D0%BB%D0%B8%D0%BE%D0%BD%D0%B8-%D0%B5%D0%B2%D1%80%D0%B0-%D0%B7%D0%B0-%D0%B8%D0%B7%D0%B3/

ВО МАРТ ЌЕ СЕ ДОГОВАРААТ ДЕТАЛИТЕ, А ДО ОКТОМВРИ ТРЕБА ДА ЗАВРШАТ СИТЕ ТЕХНИЧКИ РАБОТИ ЗА ОТВОРАЊЕ НА ГРАНИЧНИОТ ПРЕМИН МАРКОВА НОГА

Македонија и Грција активно работат на усогласување и забрзување на постапката за отворање на граничниот премин Маркова Нога, изјави градоначалникот на Ресен, Живко Гошаревски, по вчерашната средба со колегата од грчката страна Панајотис Паскалидис. Средбата се одржа на самиот премин, а двете делегации ги договорија активностите што следуваат во текот на целата година за рампата да се дигне што побрзо.

„Има голема активност од двете страни. Мора прво да се урбанизира, да се направат конечни проекти со одобрение за градба, па да се усогласат катастарски. Предвиден е состанок на работните групи во средина на март во Солун, кога ќе се дефинираат сите детали. Очекувам сите технички работи да завршат до октомври, кога ќе се знае и вредноста на целиот проект и финансирањето со помош на Европска Унија“, изјави Гошаревски за САКАМДАКАЖАМ.МК.

Поради коронакризата беше одложен дел од средбите помеѓу претставници на министерствата за надворешни работи на Северна Македонија и Грција. Во меѓувреме, македонската страна продолжи со тековните работи за санирање на свлечиштето на патот кон границата.

Останува најавата дека ЕУ ќе помогне финансиски во средувањето на граничниот премин. Уште пред пандемијата беше најавено дека беа обезбедени 4,5 милиони евра за отворање на преминот, а преку ЕУ фондовите до крајот на 2020 беа предвидени други 45,5 милиони евра за соработка на општини од двете страни на границата. Но, пандемијата одложи голем дел од активностите.

Рампата на овој граничен премин е спуштена 53 години. Преку Маркова Нога-Герман некогаш се минувало само со лична карта, но во 1968 година беше затворен. Последното село на македонска страна Долно Дупени тогаш имаше 700 жители, а денес ни 100. Најблиското село од другата страна е Раби на два километра. Но, за да се стигне дотаму, се вртеше преку граничниот премин Меџитлија дури 100 километри, а со пандемијата и таму е забранет преминот за наши државјани.

Додека жителите од Преспа очекуваат да се пушти Маркова Нога, веќе седум месеци е затворен преминот Меџитлија поради пандемијата, па трпи локалната економија и замреа патувањата, дружбите и прекуграничната трговија.

https://sdk.mk/index.php/dopisna-mrezha/vo-mart-ke-se-dogovaraat-detalite-a-do-oktomvri-treba-da-zavrshat-site-tehnichki-raboti-za-otvorane-na-granichniot-premin-markova-noga/

Едно единствено позитивно од целата кавга со Бугарија е тоа што сакале неќеле ќе се поправи патот од Скопје до Софија, а и пругата маааалку ќе збрзне.

Зашто би се фрлале огромни пари на изградба на нови ГП. Треба да, да се отвораат нови точки на преминување, но псотоечките треба да им даваме времен карактер до заедничкиот шенген еден ден. Подобро да се отворат Клепало и Черната Скала отколку да се интервенира на Деве Баир. Крај крајева и бугарскиот терминал на Деве Баир (Гјуешево) е нов терминал и може интегрирано двете полиции да се сместат во таа зграда, а македонската да се сруши.

Originally posted by user8642 Зашто би се фрлале огромни пари на изградба на нови ГП. Треба да, да се отвораат нови точки на преминување, но псотоечките треба да им даваме времен карактер до заедничкиот шенген еден ден. Подобро да се отворат Клепало и Черната Скала отколку да се интервенира на Деве Баир. Крај крајева и бугарскиот терминал на Деве Баир (Гјуешево) е нов терминал и може интегрирано двете полиции да се сместат во таа зграда, а македонската да се сруши.

Да, бидејќи еве само што ги завршуваме преговорите со ЕУ и очекуваме прием, а Шенген за кусо исто така

МЕЏИТЛИЈА ЗАТВОРЕНА, БИТОЛЧАНИ СЕ СОМНЕВААТ ДЕКА НАМЕРНО СЕ ДРЖИ ЗАТВОРЕН ПРЕМИНОТ ЗА ГРЦИТЕ ДА НЕ ДОАЃААТ ДА ТРОШАТ ПАРИ ВО БИТОЛА

Три години по потпишувањето на Преспанскиот договор не само што не се отвори граничниот премин Маркова Нога, туку рампата остана спуштена и на Меџитлија-Ники, втор по фреквенција граничен премин кон Грција. За преминот во Преспа надлежните најавуваа дека ќе се дигне рампата по повеќе од половина век за да ги поврзи двете страни од Преспанското Езеро и да ја развие економијата.

Но, не само што тоа не се случи и покрај инфраструктурните интервенции на патот, туку повеќе од една година остана прекината и врската во Пелагонија од двете страни на границата. Во мај годинава имаше најава дека ќе се отворат сите копнени гранични премини кон Грција, но проработи само Богородица.

Битолчани се прашуваат зошто уште е пуштен граничниот премин Меџитлија-Ники под истите протоколи за заштита од ковид-19 како и Богородица-Евзони. Досега нема официјален одговор од властите во земјава и Грција кога конечно ќе протече сообраќајот на патници и стока на Меџитлија која на ден ја минуваа илјадници патници.

Бизнисмени од битолскиот крај кои соработуваа со општините од северна Грција прашуваат дали ова се мерки за заштита од ковид-19 или политичко ембарго?

„Имаме информации дека бизнисмени од другата страна на границата кои имаат хотели, ресторани, колонијали, бутици, стоматолошки ординации, фризерници потпишуваат дури и петиции кои се носат до надлежните за да не се дигне граничната рампа, за да не се дозволи луѓе од Грција да пазаруваат и ползуваат други услуги по поевтини цени од Битола и Прилеп. Имаме контакти со муштерии од Грција и тие ова ни го кажуваат“, вели битолски бизнисмени кои долги години соработуваа со Грција.
Познато е дека жители од пограничните општини во Грција во Битола добиваа двојно, па и тројно поевтини стоматолошки, фризерски услуги, купуваа храна на битолскиот пазар и се облекуваа во чаршијата и на Широк Сокак по многу поповолни цени отколку во Грција.

Последиците од пресечената трговска врска меѓу Битола и останатите погранични општини од грачка страна најмногу се чувствува во битолската чаршија. Таму и прометот од грчките посетители беше најголем. Добар дел од дуќаните се затворени, а другите кубурат. За една година затворени се повеќе од десетина дуќани во чаршијата, а оние кои објектите ги имаат изјамено, одвај заработувата да ја платат ќиријата.

„За дуќанот плаќаме наемнина по сто евра месечно, а со сегашниот промет и тоа да го подмириме е многу тешко. Порано доаѓаа муштерии од Грција. Кај нас купуваа месо, а во другиот дуќан во чаршијата пластични работи, во третиот се облекуваа и на крај ручаа во ресторан во пазарот со познати македонски специјалитети. Сега немаме ништо од тоа. Помош и да дава државата, попусто е, треба да се врати економијата во нормала“, вели дуќанџијата Мирослав Јовановски.

За една година од март лани до годинава, односно откако се појави пандемијата, според официјалните податоци на Агенцијата за вработување без работа во Битола останале 1.200 лица.

https://sdk.mk/index.php/dopisna-mrezha/medhitlija-zatvorena-bitolchani-se-somnevaat-deka-namerno-se-drzhi-zatvoren-preminot-za-grtsite-da-ne-doagaat-da-troshat-pari-vo-bitola/

СО ЕДНО ЗАСТАНУВАЊЕ ЌЕ СЕ МИНУВА ГРАНИЦАТА МЕЃУ МАКЕДОНИЈА И АЛБАНИЈА, ДОГОВОРИЈА ПРЕМИЕРИТЕ ЗАЕВ И РАМА

Заеднички гранични и цaрински контроли ќе има на граничните премини меѓу Македoнија и Албанија. Ова вчера го договорија премиерите Зоран Заев и Еди Рама кои учествуваа на Самитот на земјите од Западен Балкан чиј домаќин беше Албанија.

Воспоставување заеднички гранични и царински контроли ќе придонесе за зголемување на пропусната моќ на преминот за стокови пратки, за намалување на времето потребно за вршење на гранични формалности и значително ќе ја подобри инфраструктурата за примена на современи средства за контрола, соопшти Владата.

Премиерот Заев вели дека договорот е уште еден чекор во градењето на одличните односи помеѓу Северна Македонија и Албанија кои како добри пријатели и соседи го имаат како приоритет олеснувањето на меѓуграничниот проток во интерес на граѓаните и на деловните заедници на двете земји.

„Со потпишувањето на денешниот договор завршуваме еден сериозен процес на којшто работеа нашите Влади за да го отвориме „one stop shop“ терминалот каде што нашите граѓани ќе го преполоват своето чекање во делот на поминувањето на нашите граници, но пред сѐ и над сѐ, ќе се создадат услови за остварување на четирите европски слободи за слободен проток на стока, луѓе, капитал и услуги“, рече премиерот Заев по потпишувањето на договорот.

Земјава во август 2019 воспостави заеднички граничен премин со Србија на Табановце. Но, тој функционира само за излез од земјава. За влез во Македонија патниците застануваат два пати и им се вршат проверки и на граничниот премин Прешево, и на македонска страна на Табановце.

Од Министерството за внатрешни работи велат дека проектот сè уште функционира, но поради коронавирусот направени се одредени измени.

https://sdk.mk/index.php/makedonija/so-edno-zastanuvane-ke-se-minuva-granitsata-megu-makedonija-i-albanija-dogovorija-premierite-zaev-i-rama/

Све се ова глупости привремени. Ок се секако, поздравувам! Од ултра-скап мост Пељешац во Хрватска, до микро-премини насекаде и интегрирани управавуња. Целта е и мора да биде една и единствена, отворени граници за сите земји од регионот во рамки на Шенген Зона. Ако треба и по цена балканци да не припарат во тој систем. "Обе ручке" би потпишал ако треба фулл германско-француски-европски екипи да ги превземат сите контроли по гранични премини и аеродроми, и консензуално издавање пасоши, ако цената на тоа е порано влегување на Балканот во Шенген.

Edited by user8642 - 11-Jun-2021 at 16:24