Чаир и Бутел

Скопје Север (морам со линк, зашто не ги прикажува фотографиите на форумов)

http://www.skyscrapercity.com/showpost.php?p=116962615&postcount=1798

Две згради од населбата Серава во општина Чаир. Првата и не е толку лоша, ама втората е ужасна.

DSC05446 by george k. 1981, on Flickr

DSC05448 by george k. 1981, on Flickr

Координати?

Ова нели е плацот кај што се бунеа да не градат во парк?

Се гради и една нова зграда во Чаир, во делот кај што започнува улицата „Дижонска“, од страната на Скопје Север...

DSC06293 by george k. 1981, on Flickr

DSC06294 by george k. 1981, on Flickr

Претпоставувам ова е локацијата > 42.021848, 21.437428

Неконтролираното градење ги налути чаирчани

Во последно време честа слика во оваа општина се градежниците, кои на секој чекор градат зграда. Од тие причини чаирчани почнаа јавно да го искажуваат својот револт.



Градежна експанзија во општината Чаир

По центарот на градот и по општината Аеродром, која се ориентираше кон станбеното, односно колективното живеење, Чаир допрва почнува да ги чувствува проблемите од пренаселеноста. Во последно време честа слика во оваа општина се градежниците, кои на секој чекор градат зграда. Од тие причини чаирчани почнаа јавно да го искажуваат својот револт. Последни во низата негодувања се градежните активности спроти стадионот на ФК „Слога“, лоциран веднаш до тамошниот пазар. Чаирчани негодуваат и за сѐ почестото градење на зелените површини меѓу зградите, кои до пред извесно време биле паркови или тревници.

Мистериозно градење

На локацијата спроти стадионот, каде што ќе никне огромна зграда, беа лоцирани едни од најпознатите чаирски дуќанчиња, бурекчилници и мини-кафеани за тамошното население. Сите тие беа урнати и на нивно место никој не знае што точно ќе се гради. Од тие причини неформалната група граѓани „Сакаме чист Чаир“ изминатиот период реагираше на градењето, тврдејќи дека општинските власти не дале никакви информации за изградбата.

- И покрај тоа што протестиравме, општинските органи не дадоа никакво објаснување. Работите продолжуваат како ништо да не се случило. Бараме објаснување и транспарентност за изградбата. Сакаме да знаеме кој ќе гради и каков објект ќе направи? Без информации, објектот ќе го сметаме за нелегален и во спротивност на желбите и барањата на локалното население - стои во соопштението на „Сакаме чист Чаир“.

Од неформалната група граѓани преку социјалните мрежи побараа од локалните власти да ја прекинат изградбата на објектот. Според нив, со масовната изградба на згради се стеснува животот во Чаир.
- Изградбата мора да прекине. Ние сме мала општина за да го проголтаме ова стеснување, намалување на просторот за живеење со изградби, но и со доселување нови жители во иднина - се вели во соопштението.
Мислење за овој проблем што го мачи населението не успеавме да добиеме од страна на надлежните во општината.

Загрозени и зелените површини

Чаирчани исто така реагираат на изградбата, и тоа не само на оваа зграда туку и општо на севкупната состојба со градењето во општината. Велат дека прекуноќ се случува да почнат градежни работи, без никаква јавна дебата.

- Очигледно нас никој не нѐ прашува. Вчера си поминал на едно место и сѐ било нормално. Утре не знаеш на што ќе наидеш. Се изградија преголем број згради во оваа населба. Ако досега бевме препознатливи по тоа што во летните периоди имавме посвеж и попријатен воздух, сега ќе станеме задушлив топол простор како Центар - вели Џ.И., жител на скопски Чаир.

Тој додава дека соседите од спротивната зграда буквално им гледаат во спалните и во дневните соби.
Проблем не е само оваа зграда. Чаирчани велат дека имаат проблем со уште една зграда спроти болницата, како и сѐ почестата узурпација на зелените површини за нови градби. Пред староизградените згради во самиот парк е изградена огромна зграда во која ќе живеат повеќе од 100 лица.
- Се жалевме, што не направивме за да се прекине изградбата, но залудно е. Некој си го купил земјиштето и тоа е тоа. Сега, наместо пред зградата да имаме парк како некогаш, ние гледаме во ѕидовите на новата зграда - вели една жителка на тамошните згради.

http://www.novamakedonija.com.mk/NewsDetal.asp?vest=111814912225&id=14&prilog=0&setIzdanie=23325

Скопје Север (сликано на 1 јануари)

DSC06853 by george k. 1981, on Flickr

концентрационен логор... понатака не знам што да кажам

Originally posted by Bojan10 Не, ама СК2014 е главниот проблем. Ова кој го ферма, тука човечињата ќе го арчат животот. На вакви кокошарници инвеститорите имаат 500 еур од квадрат ќар, чиста пара.

како прво, никој не ги тера човечињата баш тука да се изнакупуваат станови... да не беа човечињата, инвеститорот ќе си пропаднеше...

второ... да Ск2014 е главна тема, поради ред фактори, фактот дека ако не постоеше Ск2014, редовно ќе се нафрлавме на вакви објекти, е доволен
ама ова како и да е не се теми во втор план, иако во моментот се помалку популарни... еве нека дојде на пример maks од темата Ск2014 нека збори тука како Ск2014 менувало светогледи и не знам уште што...

или све што е надвор од мал ринг не е од особена културна, општествена, економска и не знам уште каква важност?... дада... во една популарна тема како Ск2014, ги критикуваме конкретно ваквите гета низ градов, во контекст на зададеново прашање, ама тоа било премногу утопистичко размислување

Originally posted by Bojan10 Па тоа само го потврдува мојот став дека народот не знае што сака. Треба некој стручен да му објасни на народот и да му помогне да не живее во кокошарник или конц логор. Ма што има да му објаснува, не смее да се гради вакво нешто и готово. Стручниот треба да ја спречи глупоста на народот, а не да соработува со апашите (инвеститорите) и да се вградува во зделката. Која е разликата меѓу архитектот на АЕК и архитектот на кокошарнициве низ Скопје, морално гледано. Работат по налог и нема механизам кој ќе ги спречи. Потребен е мастер план за развој на стамбеното домување во Скопје, и врховно тело кое ќе ги крати желбите на инвеститорите, едноставно ќе рече „ова не може“.

епа ете, ги кажа магичните планови, мастер план
ама големи мастер планови може да се повлечат само од политиката... приватен инвеститор секогаш ќе гледа да помине најефтино со најголем профит, па макар и да има огромна социјална свест...

ама кај нас, истата политика негува мастерплански решенија за кокошарници во Маџир маало, во Аеродром, во Расадник, во Лисиче и т.н.
а истата политика можеше да повлече комплетен и синхронизиран развој на градот, и решавање и крпење на барем некои од неговите поголеми проблеми... и тоа зборам само во поглед на организација и администрација, не зборам за невозможни проекти или некоја светски позната архитектура