drugovo info go imame i tuka na nasiov portal no me iznenadi ostroumniov infografik na utrinski sklepan za elektronski nepismenite sogragjani
za sleden novitet ostanuva samo 3d fly-through i za podzemniot katastar kolku odma da ima coek predstava kade i kako da se prikluci najlesno na komunalnite instalacii, kolku i toa da e bezbednosno rizichno
ЗГРАДИТЕ И ПАРЦЕЛИТЕ ЌЕ СЕ ПРЕТСТАВУВААТ ВО ТРИ ДИМЕНЗИИ
За околу три години ќе биде воведен 3Д-катастар на недвижностите, за што се потребни законски измени, со што ќе се воведе 3Д-парцела и волумен наместо квадратен метар
Наскоро недвижностите во државата ќе бидат претставувани во три димензии. Од Агенцијата за катастар на недвижности информираат дека за околу три години ќе биде воспоставен 3Д-катастар за станбените згради и за парцелите. За воведувањето и одржувањето на тридимензионалниот катастар ќе се користат искуства од холандскиот катастар преку ТАИЕЏ програмата на Европската комисија.
„Воведувањето трета димензија во приказот на недвижностите ќе овозможи поедноставно разбирање на границите на правата врз недвижностите што ќе создаде поедноставна слика на тоа кој и што има, на кој начин го употребува и до каде се простираат неговите права врз соодветната недвижност, како во длабочина на земјата така и во висина“, рече денеска на прес-конференција директорот на Агенцијата за катастар на недвижности, Славче Трпески.
Прв чекор кон 3Д-катастарот годинава ќе бидат воведување на висината при премерот на објектите, геореференцирање на етажните скици, како и електронско издавање податоци за нив. Целиот процес треба да овозможи воведување нови просторно дефинирани единици, како што се 3Д-парцела, волумен на кат и стан, да се олесни процесот на идентификација на дел од зграда и да се подобри визуализацијата на регистрираните недвижности. За активностите ќе биде потребна промена на законската рамка, со што ќе се овозможи воведување 3Д-парцела и волумен наместо квадратен метар.
Според имплементаторот на експертската мисија, Клас ван дер Хок од холандскиот Катастар, Агенцијата за катастар на недвижности е на вистински пат да воспостави 3Д- катастар за три години. „Во однос на 3Д веќе имате многу податоци, но само како дводимензионални парцели, или како 2Д-модел и атрибути. Предизвикот е реалниот свет да се направи видлив и да се визуализира во системот. Се надевам дека холандскиот Катастар ќе може да ви помогне да го направите вистинскиот чекор“, рече Хок.
Воспоставувањето 3Д-катастар претставува тренд на истражување во современите и развиените земји од Европа и во светот. Како што рече директорот Трпески, стремежот за воспоставување функционален 3Д-катастар е резултат на високоразвиените пазари на недвижности кои ги менуваат правилата на живеење и потребите од воведување нови пристапи во начинот на регистрација на недвижностите и правата врз нив.
Ало Катастар, а едно две три рекламни кампањи ако може
Контакт центарот функционира од мај 2014 година и досега има примено 48.510 повици од кои за 24.420 повици веднаш е дадена потребната информација која ја барале граѓаните што се јавиле. [1]
Три нови услуги на контакт-центарот на Агенцијата за катастар на недвижности
Три нови услуги на контакт-центарот промовираше во среда Агенцијата за катастар на недвижности(АКН).
Станува збор за Онлајн-исправка на техничка грешка, Закажи состанок и Модул „Кампања“.
Онлајн-исправка на техничка грешка овозможува граѓаните по електронски пат, преку е-пошта info@katastar.gov.mk или преку бесплатната телефонска линија 0800-80-800 да пријават техничка грешка на податоците во Катастарот, со што таа ќе биде разгледана и исправена, а граѓанинот ќе биде благовремено информиран.
„Втората новина ‘Закажи состанок’ овозможува граѓаните само со еден повик на бесплатната инфо-линија 0800 80 800 да закажат состанок со раководно лице од Катастарот во точно утврдено време со кое ќе може да изврши консултации во врска со предмет од интерес на граѓанинот или стручен совет за решавање на некој имотно-правен проблем“, соопшти директорот на Катастарот Славче Трпески.
Третата новина, новиот модул „Кампања“ овозможува масовно информирање на клиентите за одредени теми, новости, промени итн.
Според Трпески, целта за формирање на новите сервиси и модули е граѓаните и бизнис-заедницата да ги добијат услугите од Катастарот на брз, ефикасен и економичен начин.
бре 4 години без абер во нишкава, патем имаме и нов геодетски портал
09.04.2016 - Македонија доби регистар на градежно земјиште
Регистарот е изработен по тригодишна работа на експертски тим составен од претставници од надлежните институции и за него се инвестирани 250 илјади евра обезбедени од Буџетот на Агенцијата за катастар на недвижности.
Регистарот е достапен за професионалните корисници како што се планерските куќи, Министерството за транспорт и врски, Агенцијата за планирање на просторот, општините и геодетите, а од јуни годинава ќе биде достапен за користење и за граѓаните и за бизнис заедницата.
– Досега во Регистарот се внесени 477 урбанистички планови и урбанистичко планска документација доставени од општините. Упатувам апел општините кои сеуште не доставиле урбанистички планови во сила, тоа да го направат во најкраток можен рок, истакна денеска на прес-конференција директорот на Агенцијата за катастар на недвижности, Славче Трпески.
Бенефит од оваа нова алатка на Катастарот ќе имаат сите инволвирани страни почнувајќи од планерите до општините и граѓаните. Со него се овозможува брз и едноставен пристап во секое време до урбанистичката планска документација, следење на реализацијата на урбанистичките планови, како и можност граѓаните во секое време да видат што е планирано да се гради на нивната парцела…
Претставници од Комората на овластени архитекти и инженери изразија задоволство од новата алатка која им е ставена на располагање оценувајќи дека Регистарот претставува нов импулс за геодетските компании и унапредување на постапката за проектирање.
Агенцијата за катастар на недвижности на 18 март 2015 година го воспостави Регистарот на цени и закупнини со што им се овозможи на граѓаните на Република Македонија пристап до сите информации поврзани со трансакциите на недвижниот имот. Преку ГИС порталот на Агенцијата, граѓаните можат да ги добијат сите информации за одредена трансакција, односно нејзината микролокација, катастарската општина на чија територија е извршена трансакцијата, типот на трансакцијата (продажба, закуп итн.), вредноста, валутата во која е изразена вредноста, површината на парцелата и датумот кога е реализирана трансакцијата.
До почетокот на имплементацијата на Регистарот на цени и закупнини на недвижностите, сите физички или правни лица кои сакаа да купат или да продадат имот, или да дадат или земат под закуп недвижен имот, се соочуваа со проблемот на недоволен број податоци и информации за цените од пазарот на недвижности и се потпираа на несигурни и неофицијални податоци од луѓе или правни лица кои купуваа или продаваа имот.
За да се овозможи јавен пристап до овие информации, Агенцијата за катастар на недвижности најпрво направи анализа на состојбите во Република Македонија и измени на Законот за катастар на недвижности. Со измените на Законот за катастар на недвижности усвоен во април 2013 година („Службен весник“ 55/2013), Агенцијата е надлежна за воспоставување на системот за масовна проценка. Реализацијата на проектот започна со изготовка на Студијата за воведување на системот за масовна проценка на недвижностите во Република Македонија од експертот Душан Митровиќ од Република Словенија, кој заедно со одбран тим од Агенцијата започна со работа во септември 2013 година. Студијата овозможи детални насоки за воспоставување на системот за масовна проценка, детаљна анализа на состојбата во Република Македонија, пред сѐ во делот на пазарот со недвижности, како и наплата на данокот на имот и промет, детален акциски план со зацртани активности за да се воспостави систем за масовна проценка на недвижностите. Еден од главните проблеми кои произлегоа од направената анализа беше малата транспарентност на пазарот со недвижности, односно малиот број информации за јавноста во врска со недвижностите, нивната вредност, карактеристиките, како и информациите за атрактивноста на одредена локација.
Со цел да се зголеми транспарентноста на пазарот на недвижности се направија промени во Законот за катастар на недвижности („Службен весник“ 115/2014) усвоени во август 2014 година со што Агенцијата стана надлежна за воспоставување и одржување на Регистарот на цени и закупнини. Регистарот на цени и закупнини претставува јавен регистар во кој се евидентираат сите трансакции со недвижностите, цената која е содржана во правниот основ за промет со недвижностите, како и други податоци содржани во изјавите кои ги даваат продавачите/закуподавците на недвижноста заверени кај нотар.
Во овој период беше воспоставено и Одделението за масовна проценка на централно ниво како составен дел на веќе постоечкиот Сектор за геоматика. Во одделението работат 5 референти кои се задолжени за верифицирање на секоја трансакција одделно, како и за одржување и ажурирање на Регистарот на цени и закупнини.
По воспоставувањето на сите технички и правни услови, на 18 март 2015 година, со првиот упис на трансакција за купопродажба беше воспоставен Регистарот на цени и закупнини.
Во период од 4 месеци, односно од 18.3.2015 до 17.7.2015 година, во Регистарот на цени и закупнини се евидентирани 7233 трансакции низ целата територија на Република Македонија кои се однесуваат за купопродажба на недвижности, закуп на недвижности, откуп од Република Македонија, продажба преку лицитација и купопродажба од инвеститор. Доколку го поделиме бројот на трансакциите по типови трансакции, тогаш може да се забележи дека 55%, односно 3994 трансакции се продажба на недвижности, 42% односно 3008 трансакции отпаѓаат на закупите и мал дел, односно 123 отпаѓаат на откуп од Република Македонија, 98 на продажба на недвижности од инвеститори и само 10 трансакции се однесуваат на продажба преку лицитација.
Покрај граѓаните, од овој регистар голема полза ќе имаат и огромен број институции и приватни бизниси. За таа цел е потпишан Меморандум за соработка со Комората на проценувачи на Република Македонија, со која ќе се воспостави и база на проценки на недвижностите во Република Македонија.
Соработката помеѓу Комората на проценувачи на РМ и Агенцијата за катастар на недвижности ќе се реализира преку:
воспоставување и одржување на базата на процени;
учество во пилот-проект за масовна проценка на недвижности;
спроведување обуки од областа на процената, односно масовната проценка на недвижностите;
доставување податоци кои можат да бидат од значење за работата на Комората и на АКН;
други активности од заеднички интерес кои произлегуваат од надлежностите на двете институции;
со цел имплементација на Меморандумот за соработка, АКН ќе ја воспостави и ќе ја одржува базата на процени и ќе обезбеди бесплатен пристап на проценувачите до базата.
При изготвувањето на процените, проценувачите кои се членови на Комората ќе можат бесплатно да ги користат податоците од базата на процени.
Приватните и државните компании ќе добијат сопственост на подземните
инсталации. Преку законски измени или комплетно нов закон ќе се
овозможи засновање право на сопственост врз подземната инфраструктура и
ќе може да се добие имотен лист за сопственоста по тој основ, најави
денеска на прес-конференција портпаролот на Владата Александар Ѓорѓиев.
Проектот за воведување подземен катастар и негово електронско
функционирање, што го почнува Владата, според Ѓорѓиев, е од
исклучителна важност за граѓаните и за компаниите и исполнување на уште
едно ветување.
Со реализацијата на проектот, појасни, ќе се зголеми вредноста на
компаниите и можноста за располагање со инфраструктурата во правниот и
економскиот промет, но и алатка за обезбедување нови средства. При
градењето ќе се знае каква инфраструктура има на теренот за подземните
градби и ќе може да се утврди нивната точна местоположба.
За инвеститорите ќе значи точна информација при планирање, безбедност
при градба, помали трошоци. Одобренијата за градба ќе може да се
издаваат побрзо затоа што ќе биде позната состојбата на теренот, што ќе
биде од корист за граѓаните и инвеститорите, посочи владиниот портпарол.
Според акцискиот план за реализација на проектот што го усвоила Владата,
македонската Агенција за катастар на недвижности ќе го воспостави
подземниот катастар преку искуствата на Словенија, Литванија, Холандија
и од Шведска. Во тие држави веќе се обучуваат стручни лица од
Агенцијата. Најдоцна до октомври ќе се изготви физибилити студија за
воспоставување подземен катастар, а до крајот на годината измени на
законот за катастар на недвижности или пак комплетно нов закон за
инфраструктурни градби. Во активностите ќе бидат вклучени Заедницата на
единиците на локалната самоуправа и стопанските комори.
Владиниот портпарол појасни дека со добивањето сопственост за подземните
инсталации ќе се зголеми вредноста и на државните и на приватните
компании. Тие ќе може да располагаат со таа сопстевност, да ја користат
како хипотека или како покритие, што ќе ги подобри нивните перформанси.
Се планира по донесувањето на законот во текот на следната година
Агенцијата за катастар на недвижности да воведе електронски катастар и
на подземните градби. Така ќе има точна информација дали на определена
парцела има подземни водови, на која длабочина се, за каков вид вод
станува збор. Ако нема водови на таа парцела, подземниот катастар на
потенцијалните инвеститори ќе им даде информација на која оддалеченост е
најблискиот вод за струја, телефон, водовод, пат, гас. Ќе се зголеми и
безбедноста при изведување градежни работи.
За да се реализира електронското катастарско впишување на
инфраструктурните објекти и за нив да се издава имотен лист, според
Ѓорѓиев, ќе се изврши скенирање и снимање на подземната инфраструктура.
Владата за таа намена на општините ќе им обезбеди финансии.
Комплетно проектот за воведување катастар на инфраструктурни градби ќе
биде воведен во функција во 2013 година по што ќе започне процесот за
запишување на постојните инфраструктурни градби што се очекува да трае
во наредните неколку години. За новите градби инвеститорите ќе имаат
законска обврска да ги запишат во катастарот.
Во изготвувањето на подземниот катастар ќе учествуваат сите фирми и
претпријатија што имаат свои подземни инсталации, а исто така голем дел
имаат и своја база на податоци за она што го поставувале под земја
изминатите години, па и децении
Со донесување на Законот за подземен катастар ќе се овозможи
евидентирање и запишување на право на сопстве-ност на сите подземни
инфраструктурни водови. Со овој проект на идните инвеститори им се
овозможува поголема прегледност на подземните инфраструктурни водови, со
што се олеснува постапката за добивање на одобрение за градење и се
овозможува поефикасна реализација на идните инвестиции. Исто така, се
овозможува искористување на подземните инфраструктурни водови од страна
на нивните сопственици при добивање на кредити, можност за ставање под
хипотеки и сл.
Р о к з а д о н е с у в а њ е н а з а к о н о т : o к т о м в р и 2 0 1 1 г о д и н а .
Р о к з а и м п л е м е н т а ц и ј а : д е к е м в р и 2 0 1 4 .
Првата статија од Нова Македонија е од 3 август 2011.
Сега сме ноември 2011.
Дали некој има информација околу тоа дали се има случено нешто ново околу донесувањето и почетокот на имплементацијата на законот за подземен катастар ?
Моја претпоставка е дека ништо ново се нема случено, но сепак еве, можеби грешам, па затоа прашувам.
На темите Трамвај Скопје (LRT) и Скопје 2020 / Скопје 2020 се прави муабет за метро, а ништо од тоа не е возможно и ќе остане така се додека не се усвои закон за подземен катастар и се додека истиот не се имплементира целосно најдоцна до 31 декември 2015, доколку воопшто планираме во 2020 година скопскиот јавен превоз да биде организиран онака како што дискутираме во темите Трамвај Скопје (LRT) и Скопје 2020 / Skopje 2020.
А за оптички Интернет и други инвестиции кои имаат потреба од подземен катастар па да не правиме муабет.
НЕИЗВЕСНА Е РЕАЛИЗАЦИЈАТА НА ДОЛГОНАЈАВУВАНИОТ ПРОЕКТ Без закон нема подземен катастар
Даниела Трајковска
Скопје
се уште нема подземен катастар, иако неговото постоење е неопходно, а
неговата реализација се најавува со години. Дигиталниот катастар на
подземната инфраструктура би бил од голема полза за граѓаните, а особено
за инвеститорите и за градежните компании. При секоја изградба би
можело да се добие план на подземните инсталации што се наоѓаат на
одредена парцела од еден центар, без притоа да се оди од една до друга
институција и да се собираат истите информации со месеци. -За да градам
куќа, треба да поминам низ сите институции за да дознаам дали на таа
локација има некоја мрежа. Па, така, трчам од Водовод, во ЕВН, па во
„Телеком“, и така до бескрај. За да ги добијам сите информации, треба да
чекам со денови, а може и со месеци - вели Сашо П. Градот премногу
амбициозно, но не доволно подготвено, му пристапи на овој проект. Рокот
за реализација на подземниот катастар е до септември наредната година,
но ништо од неговата реализација се уште не е почнато. Портпаролот на
Градот Неделчо Крстевски вели дека се уште не е донесен закон, со кој би
било можно да се користат скиците за подземната инфраструктура на
„Телеком“, ЕВН или на „Топлификација“. Со тоа се доведува во прашање и
самата реализацијата на проектот бидејќи градот може да ги користи само
информациите на јавното претпријатие „Водовод и канализација“. - Град
Скопје подготвува соработка преку размена на просторни податоци од
јавните претпријатија основани од градот. Со оваа соработка очекуваме
прием на податоците за подземниот катастар во надлежност на јавните
претпријатија. Додека за информациите од приватните претпријатија, кои
се иматели на просторни податоци, како „Телеком“, ЕСМ-ЕВН,
„Топлификација“, треба да се создаде законска претпоставка за нивно
користење - изјавија од Градот. Истата информација ни ја потврдија и од
„Телеком“. Според нив, идејата е навистина добра, меѓутоа, како што
велат, бидејќи информациите со кои тие располагаат за сопствената
инсталација се доверливи, не можат да ги дадат на Градот, се додека за
таа проблематика не се донесе законска рамка. - Со задоволство би
учествувале во проектот, меѓутоа, додека не се донесе законот,
невозможно е да ги дадеме нашите доверливи информации за подземната
мрежа - изјавија од „Телеком“. Од Град Скопје велат дека решавањето на
подземниот катастар бара соработка меѓу државната и локалната власт,
јавните претпријатија и институции, основани од државата и од приватни
компании, кои се иматели на податоците за подземната инфраструктура. Од
Агенцијата за катастар на недвижности немаат никакви информации за тоа
дали надлежноста за подземната инсталација ќе биде нивна.http://www.time.mk/read/NONE/3559b9e19e/index.html
Светската
банка денес додели дополнителни девет милиони евра за продолжување на
реформите во македонскиот катастар преку проектот „Катастар на
недвижности и регистрација“. Заемот треба да се врати во наредните 25
години со осум години грејс период и каматна стапка од шестмесечен либор
за евровалута со варијабилен распон која моментно изнесува 1,2
проценти.
Средствата треба да помогнат во дигитализацијата на постоечките
катастарски мапи и планови и достапност на овие графички информации до
граѓаните и приватниот и јавниот сектор преку интернет. Ќе се подобрат и
точноста и ефикасноста на премерот преку комплетирање и надградба на
државната геодетска референтна мрежа, а предвидена е и модернизација на
работниот процес во Управата за имотно-правни работи при Министерството
за финансии со цел нудење поефикасни и побрзи услуги за граѓаните.
Според министерот за финансии Зоран Ставрески, кој во име на
Република Македонија го потпиша договорот со Светската банка, Катастарот
на недвижности е воспоставен во 99 проценти од катастарските општини, а
последните неколку години енормно е зголемен бројот на запишаните
купопродажби, хипотеки и други трансакции, што укажува и на подобрување
на ефикасноста во одржување на катастарот. Воедно времето за
регистрација на купопродажба е скратено од 60 на пет дена.
Од вчера официјално почна да работи електронскиот систем за
Катастар. Засега е достапен за територијата на Скопје, а во блиска
иднина се очекува да профункционира и во останатите градови од државата
Проектот чинеше околу 320 илјади евра, средства обезбедени од
буџетот на Катастарот и на него се работеше неполни две години.
Според
вицепремиерот задолжен за економски прашања Владимир Пешевски, со
воведувањето на е-Катастарот значително ќе се зголеми сигурноста на
податоците и ќе се овозможи поефикасна услуга за граѓаните.
-
Сигурноста на податоците ќе биде значително зголемена бидејќи во реално
време ќе се има пристап до базата на податоци. Со тоа и работата и
процедурите во самиот Катастар се значително забрзани, така што
очекуваме и подобра услуга. Овој проект е еден од клучните за креирање
ефикасна бизнис-клима, особено во делот на работата со недвижностите и
воопшто за целиот градежен сектор - истакна Пешевски.
Дванаесет милиони долари за дигитализација на катастарот на
недвижности
Бордот на
директори на Светска банка вчера одобри 12 милиони долари дополнително
финансирање за Проектот за реформи во катастарот и регистрација.
Дополнителното финансирање, како што се наведува во денешното
соопштение, ќе помогне во продолжувањето на реформите во катастарот и ќе
ги надгради досегашните постигнати резултати.
Со дополнителните финансиски средства ќе се помогне во дигитализацијата
на постоечките катастарски мапи и планови и ќе се направи овие графички
информации достапни за граѓаните, приватниот и јавниот сектор, преку
интернет. Ќе ја подобри точноста и ефикасноста на премерот преку
комплетирање и надградба на државната геодетска референтна мрежа и ќе
ја поддржи Владата во изготвувањето на Стратегија и почетокот на
имплементацијата на Националната инфраструктура на просторни податоци.
Дополнителното финансирање ќе го помогне и модернизирањето на работниот
процес во Управата за имотно-правни работи при Министерството за
финансии, со цел пружање на поефикасни и побрзи услуги на граѓаните.Со
востанувањето на катастарот на недвижности, приоритетите на Агенцијата
за катастар на недвижности (АКН) се насочени кон натамошно подобрување
на услугите поврзани со рагистрацијата, подобрување на квалитетот на
податоците и подобрен пристап до податоци преку интернет, се наведува
во соопштението во кое се додава дека главните препреки за постигнување
на наведените подобрувања се хартиениот формат на катастарските мапи и
графичките податоци, како и некомплетната и застарена национална
геодетска референтна инфраструктура, што лошо влијае врз ефикасноста и
точноста на премерите.
- Сите се согласуваат дека ефикасен катастарски систем и развиени
земјишни пазари се клучни фактори за привлекување странски и домашни
инвеститори, рече Викторија Стенли, водач на тимот на Светска банка што
го дизајнираше проектот.Според неа Проектот помогна во востановувањето
на катастарот на недвижности и изградбата на капацитетот на Агенцијата
за катастар на недвижности и сега има можност да се надградат
постигнатите резултати и да се преземе следниот чекор. (МИА)
Скратеното време потребно за заверка на
имот во Катастарот, големиот број недвижности влезени во катастарската
евиденција, намалените цени за услугите, како и удвоените постапки за
откуп, продажба или префрлање недвижности, се главните реформи
спроведени во Агенцијата за катастар на недвижности изминативе години
поради кои институцијата доби награда од Светската банка.
Проектот
за реформи во македонскиот Катастар е еден од 12. победници на
натпреварот „Подобрување на животот на луѓето во Европа и во Централна
Азија“, на кој учествуваа 282 проекта финансирани од Светската банка.
Освен Македонија, признанија добија и проекти од Ерменија, Азербејџан,
Бугарија, Грузија, Киргистан, Молдавија, Таџикистан, Латвија, Русија,
Турција и од Украина.
Постојаниот претставник на Светска банка
во земјава, Маркус Репник, истакна дека Катастарот го добил признанието
поради постигнатите резултати со реформите при регистрацијата на имот,
како и поради внесените иновации во работењето. Според Репник, речиси 98
отсто од имотите во земјава се внесени во евиденцијата на Катастарот,
за разлика од пред пет години, кога биле евидентирани 43 отсто.
Трансакциите со недвижности лани биле удвоени на 100.000, наспроти
50.000 претходно. (Д.Т.)
Агенцијата
за катастар на недвижности од почетокот на месецов ги намали од 10 до
72 проценти износите на надоместоците за најчесто бараните услуги за
запишување во катастарот на недвижности и за издавање податоци за
правни и за физички лица
Според
новите цени, за запишување катастарска парцела се плаќа по 350 денари,
наместо 500 денари како досега, а за деловна просторија, резервоар,
силос со внесување на габаритетот на објектот по 500 денари, што е за
750 денари помалку од старата цена. Се намалува и цената на услугата за
запишување семејна станбена куќа со подрум и гаража, од 500 на 450
денари. Новата цена за впишување еден посебен дел од зграда е 350
денари, наместо досегашната 500 денари. За впишување една деловна
просторија за еден кат во комерцијални, индустриски, деловни,
инфраструктурни, административни, спортски и културни објекти се плаќа
по 350 денари. Старата цена на таа услуга изнесуваше 1.250 денари.
Непроменет останува надоместокот за издавање имотен/поседовен лист, за
кој се плаќа по 125 денари.
Агенцијата за катастар со нова интернет услуга со 2Д и 3Д функционалности
Станува збор за АКН - ГИС порталот со 2Д и 3Д функционалности преку кои се добива графички приказ за одредена парцела со податоци за самата недвижност, како и тридимензионален приказ на теренот во кој се наоѓа објектот. Сервисот овозможува да се види и конфигурацијата на теренот, односно релјефот и поставеноста на бараната недвижност во просторот, како и да се прочита надморската височина на која било точка на теренот.На потенцијалните корисници порталот им нуди можност за увид во ортофото и топографски карти во различни размери и години на снимање, можност за креирање сопствена геометрија и размена на документи, можност за читање и преземање точки од геодетската мрежа за различни геодетски мерења, увид и пребарувањето по координати за која било точка од територијата на државата, односно парцелата да ја лоцираат на графиката преку координати добиени со GPS уредот и да го видат нејзиниот број.http://www.sitel.com.mk/dnevnik/biznis/agencijata-za-katastar-so-nova-internet-usluga-so-2d-i-3d-funkcionalnosti
за да ги видите објектите во 3д откако ќе одберете град и катастарска општина, треба да ги активирате останатите опции во менијата од десна страна, во десниот панел покрај основното мени тука се и: 1.менито за слоеви каде има опции за 3д, ортофото, број на парцела, потоа 2.менито за изохипси и 3.менито за 3д параметри во кое може да се менува транспарентноста на 3д објектите, квалитетот-приказот на 3д објекти на картата во однос на зумот и висината-обемот на објектите и рељефот http://webgis.katastar.gov.mk/arec/help/arec_users_guide_mk.html
Ние ќе добиеме два милиони и шестотини илјади евра. Се појави
можност за оваа нова донација оти претходно бевме оценети како
институција која успешно ги заврши своите проекти. Ја добивме оваа
помош преку шведската амбасада изјави Љупчо Георгиевски, директот на
агенцијата за Катастар на недвижности
Ова е почеток на третата фаза од проектот. Мислам дека е многу
важно да се каже дека функционирањето на катастарот на пазарот на
недвижности во Македонија, но и во другите земји е важен предзнак за
функционирање на финансискиот пазар. Тоа е важен дел за привлекување на
странски инвеститори. Задоволни сме што можеме да ја финансираме
третата фаза од оваа успешна соработка изјави претставник од шведската
амбасада
Епа ваљда конечно ние како јавност ќе дознаеме што све се продаде кога се пордаваше ЕВН. Тоа ни тие што го продадоа незнат што продадоа па сега има како некоја мутна зона во договорот и не се знае што се продало. Мене колку тшо ми е познато земјиштето под трансформаторите не е продадено идопрва ќе треба. Е сега може ова ќе биде некој начин да се удри по ЕВН, за што искрено после целиов притисок што ни го направија и нема баш да ги жалам. Злоупотребија и судство и дипломатија и во непријатна ситуација ја ставаат и нашата и австриската влада, само затоа што некој ги тужел (не судска пресуда), туку зашто се тужени. За барање таков имунитет да воопшто неможе никој нив да ги тужи. Сега многу забегав настрана, ама муабетот ми беше дека вероватно ќе се обидат и со транформаториве да смутат нешто, барем таков впечаток имам.
Не би рекол дека со одлука може за сите зданија и во еден здив се да стокми, затоа и на овој начин без многу помпа ќе си ги среди тапиите.
Инаку катастарот е последното свирало на кавалот, се почнува токму во и со урбанизацијата, бидејќи доколку некој издал градежна дозвола реално тој објект потоа и би се впишал во катастар, така врти сучи во глобала цела тогашна власт била со партизански пристап, плукни залепи закачи абе важно се истера на крај работата.
А за ЕВН има доста отворени недоумици, допрва ќе чуеме дали оваа одлука на власта ќе ја оправи ситуацијата и кај нив, сепак не се работи за било која фирма и било кој инвеститор, во случајов кој ни е турбо закачен судски, ова без некаков компромис тешко дека ќе помине и со нив !?
Власта воопшто и не откупува сама од себе. Тамо работата многу лесно иде и со одлука на влада се трансформира сопственоста на земјиштето, ормално со тоа што се слеваат пари и во општините.Јавашлукот повеќе би го сместил во доментот на катастарот а не во урбанизмот. Барем во тоа поранештното време организирансота во урбанизмот ја оценувам како доста многу подобра него оваа мтна ситуација денеска, додека за сопстевноста на земјиштата и катастаор сум потполно согласендека владеел јавашлук, неорганизираност, описен катастар и три други чуда што денеска ако ништо друго барем имаме технологии и можност да ги оправиме.
А за ЕВН логично би било да го откупи земјиштето под трансформаторите, само голема замка ќе излезе ос оние трансформати кои се по дворови по туќи земјишта , по ниви. Но па од друга страна ЕВН како сопственик на одредено земјипште ќе има законска можност за непречен пристап до своето земјиште и нема повеќе да гледаме сцени од ранчери како си играат мајтап со цели села и населби.
Владата ја намали цената на дворовите на 1 евро за квадрат
Граѓаните и фирмите добиваат можност да го купат државното земјиште на кое имаат изградено свои објекти по цена од едно евро за метар квадратен. Кабинетот на премиерот Никола Груевски се собра во полн состав за да ја соопшти новата владина мерка која стапува во сила веднаш. Освен дворовите, по едно евро за квадрат ќе се продава и земјиштето под и околу колективните станбени згради, објектите за спорт и рекреација, јавните институции и земјиштето околу инфраструктурните објекти, како термоцентрали, трафостаници, водоводи и патишта. Новата мерка не се однесува на земјиштето кое се наоѓа под и околу фабриките. Цената по која досега се продаваше државното градежно изградено земјиште беше поделена во неколку категории. Најскап беше квадратот во централниот дел на Скопје кој изнесуваше 13 евра.
Конечно ред, целосно ќе се знае кој од каде и до каде има земја и право на неа, сега и власта сигурно ќе заштеди на откупување и легализирање на сопствените дивоградби! Во секој случај излегуваме од комунистичкиот јавашлук кој колективно владеел со урбанизмот во минатото http://www.build.com.mk/forum/forum_posts.asp?TID=79&PID=18583#18583
Само не ми е јасно ЕВН како ја третираат во случајов и дали има право да си откупи тоа земјата под трансформаторите која беше спорна при пописот на Ламбе, ако им допуштат и ним да се стокмат може ова да значи и рака за помирување од страна на власта, што малку е далеку од умот но преродба и се е можно
Центарот
за катастар на недвижен имот деновиве почна со предбележување на
објектите кои се во фаза на изградба. Како што информираат од
Агенцијата за катастар за недвижен имот, целта на оваа новина е јакнење
на правната сигурност во прометот на недвижен имот и спречување можни
злоупотреби при прометот на идните градби.
Предбележувањето се
врши во листот за предбележување на градба во кој се внесуваат податоци
за инвеститорите, за зградите, посебните делови од згради и други
објекти, како и податоци за правото на залог на градбата и на сите
други правни дела за промет на посебните делови на објектот. Со тоа
сите промени што ќе настанат се предбележуваат во листот и на тој начин
се избегнува можноста за ист посебен дел од објект што веќе е
предбележан на едно лице, да се бара предбележување за друго лице.
По
извршеното предбележување, секој заинтересиран субјект може да побара и
да добие имотен лист во кој е извршено предбележување дека зградата се
гради на предметната катастарска парцела.
Исто така, може да добие и лист за предбележување на градбата. (Б.А.)
Интересно објаснување за земјишните книги и катастарот има во еден постар текст за денационализацијата објавен во Вест
...
"Тие тапии се правени според пописен катастар, а сегашните податоци што ги користиме се од премерен катастар. Пописен катастар значи: од крушката на југ имотот граничи со Петре, на запад со Станко итн. Премерениот катастар утврдува КП (катастарска парцела) со точно одредена површина. Затоа се соочуваме со проблемот за идентификација. Онаму каде што е жив сопственикот од кого се одземало, може да дојде и да каже, посочувајќи една точка: 'Ова е мое земјиште, тоа почнува од оваа меѓа, од оваа нива'. Тогаш геометрите го идентификуваат земјиштето што е предмет на враќање и без ниакаков проблем тоа земјиште го враќаме. Малку сме претпазливи, бидејќи буквално се се сведува на кажување на граѓанин. Може да се случи да се посочува поатрактивно земјиште. Бидејќи постапката за денационализација е строго писмена, Советот за денационализација и комисиите, согласно Законот, немаат право да изведуваат докази врз основа на изјави на сведоци. Се постапува претпазливо за да не се случи на еден да му вратиме земјиште, на друг не, иако таков случај се уште сме немале. Ова особено може да се случи во оние појаси кои се уште се водат како земјоделско земјиште, меѓутоа се во првиот појас околу градовите каде што веќе се наsираат нови градби и полека се урбанизира"
Бидејќи не постои подземен катастар на Градот, при градежни работи често се оштетуваат инфраструктурните мрежи
„Почитувани
корисници, евентуалното забавување на интернет-банката е последица на
неочекуван прекин на еден од каблите со кои банката е поврзана со интернет, како последица на градежни работи во близина, кои се вон наша контрола“.
Ова
соопштение на интернет-страницата на Комерцијална банка до граѓаните е
само илустрација на хаосот што се случува при копањето на скопската
почва поради непостоење на подземниот катастар. Работници што ја
почнале изградбата на новата Филхармонија, кај Кејот на Вардар, ја
предизвикале хаваријата.
Закопани милиони евра
Ова
е само еден од стотиците, ако не и илјадниците примери, кои се
случуваат во главниот град изминативе децении. Никој точно не знае што
се' се крие во „подземјето“, односно не се знае каде и какви кабли и
цевки ни ја прошарале земјата. Добар пример за ова е третата делница од
улицата Македонија, која по реконструкцијата и поплочувањето беше
повторно раскопана, бидејќи „Топлификација“ реши да ги менува старите
топловодни цевки.
- Тоа беше вистинска срамота. Со месеци
чекавме да ја реконструираат, а потоа повторно ја раскопаа зашто некому
така му текнало. Со месеци владееше невиден метеж во градот поради тоа
што делницата беше затворена за сообраќај, а се задушивме и во прав -
револтирана е граѓанка од Градски ѕид.
Многу често се случува
цели улици и населби да останат без вода, струја, или телефонска линија
поради тоа што градежниците или нивните машини оштетиле мрежа при
копање за темели. Поправката на дефектите чини многу и трае долго. Со
денови изградбата на новиот објект стои во место што повторно се плаќа
екстра додека се чекаат екипи за поправка. Роковите се пролонгираат и
по неколку месеци. а граѓаните седат во темница, или не можат да се
искапат.
Проблеми со подземната инфраструктура поради отсуство
на катастар и координација нема само градската администрација, туку и
општините. И нивните каси се празнат поради немање прецизни податоци
што има под земја.
Податоци за подземниот катастар имаат
неколку претпријатија, како „Водовод и канализација“, „Топлификација“,
ЕВН, Телекомот, но проблем е што не се секогаш прецизни и обединети на
едно место - во Географскиот информациски систем (ГИС). Тој би
овозможил подобар и побрз пристап до овие информации и евиденција на
имињата на улиците, како и бројот на објектите, поврзани со
катастарските подлоги. Со тоа би се овозможиле размена на информациите
и соработка со институциите на локално и на државно ниво, како и меѓу
јавните и приватните претпријатија.
Немаат банка на податоци, се празни буџетот
Во
Градот Скопје признаваат дека немањето банка на податоци им ги отежнува
градежните работи, особено на капиталните објекти, поради што и се
одлеваат пари од градскиот буџет.
- Градот Скопје изминативе
години повеќепати се соочуваше со проблеми при изведбата на капиталните
инфраструктурни проекти токму поради непостоењето подземен катастар.
Непредвиденото наидување на подземна инсталација за градежните работи
значеше непотребно оддолжување, а со тоа и трошење пари - објаснуваат
градските власти. Десетина години се зборува за изработка на подземен
катастар, но никако да се изработи, иако постојано се најавува. Новите
прогнози од Градот велат дека ќе биде комплетиран во 2011 година.
-
Изработката на детален подземен катастар на инфраструктурата во Скопје
е скап и обемен проект. Важен е заради сите инфраструктурни зафати кои
се почнуваат на улиците на Скопје. Во неговата изработка треба да се
вклучат повеќе градски и државни институции. Подготовки веќе почнаа, а
реализацијата е влезена и во Изборната програма на новиот градоначалник
на Скопје, Коце Трајановски. Според Програмата, до крајот на 2011
година се планира изработка на катастар на водоводната,
канализациската, топловодната и гасната подземна инфраструктура, кој
редовно ќе се ажурира - изјавија од градското Одделение за односи со
јавноста. Катастарот се планира да биде дигитален, за побрзо да се
доаѓа до потребните информации, а ќе се иподготвува во соработка со
јавните претпријатија.
Трајановски ќе гради тунел од око
Градоначалникот Трајановски нема да го чека подземниот катастар за
да ја почне изградбата на тунелот под плоштадот. Капиталните проекти
може да се градат и без прецизни шеми.
- Изработката на
градскиот подземен катастар е стратегиска определба која треба да се
реализира во наредните две години, што не значи дека капиталните
проекти предвидени во програмата на градоначалникот ќе бидат одложени.
Во самите проектни решенија ќе се преиспитува подземниот катастар -
велат од градското одделение за односи со јавноста.
Четирипати скинати електрични кабли
При реконструкција на улицата Теодосиј Гологанов, пред неколку години, електричните кабли биле скинати дури четири пати.
При
изведба на инфраструктурата во Реонски центар - Аеродром биле пробиени
телефонските и електричните кабли, а истото се случило и при изградба
на мостот кај Маџир-маало. Голем дел од граѓаните по неколку дена биле
без струја и телефон. Во Горно Лисиче при градењето на фекалната
канализација неколкупати беа пукнати водоводните цевки.
You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum
Quote 
Бордот на
директори на Светска банка вчера одобри 12 милиони долари дополнително
финансирање за Проектот за реформи во катастарот и регистрација.
Дополнителното финансирање, како што се наведува во денешното
соопштение, ќе помогне во продолжувањето на реформите во катастарот и ќе
ги надгради досегашните постигнати резултати.
Со дополнителните финансиски средства ќе се помогне во дигитализацијата
на постоечките катастарски мапи и планови и ќе се направи овие графички
информации достапни за граѓаните, приватниот и јавниот сектор, преку
интернет. Ќе ја подобри точноста и ефикасноста на премерот преку
комплетирање и надградба на државната геодетска референтна мрежа и ќе
ја поддржи Владата во изготвувањето на Стратегија и почетокот на
имплементацијата на Националната инфраструктура на просторни податоци. 
Topic Options
