build.mk Homepage
Forum Home Forum Home > Главни теми > Проекти > Спортски
  Active Topics Active Topics
  FAQ FAQ  Forum Search   Register Register  Login Login

Базени и водени паркови

Bookmark and Share
 Post Reply Post Reply Page  <1 17181920>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #361 Posted: 20-Sep-2021 at 10:35
Затворените базени најавувани, но не изградени



Сеуште ништо од долгонајавуваните затворени базени во Охрид и Струга.Објектот во градот на мостовите е руиниран запуштен обраснат со трње и опколен со градежен шут .Стружани ќе чекаат нов изведувач за негова реконструкција бидејќи договорот со избраната фирма од 2019 бил раскинат. Од Агенцијата за млади и спорт посочуваат дека базенот кој ќе им служи на пливачите, спортистите и рекреативците ќе биде готов следната година.

Директорот на агенцијата за млади и спорт Мојсоски вели дека се интензивира изградбата на затворениот базен во Охрид инсталацијата е пуштена се работи на уредување на внатрешниот простор и се очекува месеците март - април идната година да биде пуштен во употреба.

Објектот во Охрид започна да се гради во 2015 и требаше да биде готов за 30 месеци, но сѐ уште не е завршен ,додека пак во Струга години наназад се најавува реконструкција на базенот последно во 2019 година отогаш до сега поставена е само табла и заграден е просторот.

https://sitel.com.mk/zatvorenite-bazeni-najavuvani-no-ne-izgradeni
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #362 Posted: 20-Sep-2021 at 11:29
ИЗБРАН НОВ ИЗВЕДУВАЧ ЗА БАЗЕНОТ ВО СТРУГА ОТКАКО Е РАСКИНАТ ДОГОВОРОТ СО ФИРМАТА КОЈА НЕ НИ ПОЧНА ДА ГО ГРАДИ



Затворениот базен во Струга, кој со години е нефункционален и вон употреба, за една година ќе биде изграден. Тендерската постапка за избор на нов изведувач за негова реконструкција заврши, а фирмата која ќе го гради струшкиот базен за десетина дена треба да започне со градежните активности. Според, најавите стружани ќе добијат модерен и функционален базен на местото каде 15 години има рушевини и купишта смет.

Директорот на Агенцијата за млади и спорт Наумче Мојсоски, вели дека фирмата која претходно го добила тендерот поради финансиски проблеми и ковид-пандемијата не можела да ги исполни обврските, па договорот бил раскинат на штета на самата фирма и активирана е банкарската гаранција.

Стружани не веруваат во ваквите најави, оти пред избори сите давале лажни ветувања, а тие 15 години гледале само руина со срушени ѕидови и купишта отпад.

Реконструкцијата за стушкиот базен, која требаше да чини 30 милиони денари, предвидуваше функционален базен до крајот на 2021. Рокот е пробиен и за изградбата на затворениот базен во Охрид. Објектот започна да се гради во 2015 и требаше да биде готов за 30 месеци, но и по 5 години сè уште не е завршен.

Проектот чини околу 5 милиони евра, а инвеститор е Агенцијата за млади и спорт. Мојсоски најави дека и овој базен до следната сезона ќе биде завршен.

https://sdk.mk/index.php/dopisna-mrezha/izbran-nov-izveduvach-za-bazenot-vo-struga-otkako-e-raskinat-dogovorot-so-firmata-koja-ne-ni-pochna-da-go-gradi/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #363 Posted: 18-Jan-2022 at 07:56
СЕ ЗАТВОРА ГРАДСКИОТ БАЗЕН ВО КУМАНОВО ОТИ ТРОШОКОТ ЗА СТРУЈА И ГАС СКОКНА ОД 15.000 НА 50.000 ЕВРА МЕСЕЧНО

Затворениот градски базен во Куманово од утре нема да работи, поради енергетска криза. Од ЈП „Чистота и зеленило“ велат дека се одлучиле на ваков чекор поради енормното зголемување на цените на електричната енергија и природниот гас, кои не може да ги поднесе буџетот на претпријатието.

Директорот Даниел Стојчевски вели дека лани во зимскиот период, работењето на базенот чинело околу 15 илјади евра месечно, а сега тоа ќе изнесува 50 илјади евра.

„Цената на гасот е зголемена за над 200 отсто. Операторот кој нè снабдуваше со електрична енергија ни го раскина договорот еднострано и сега се снабдуваме со електрична енергија од ЕВН, која ја утрдува цената според пазарната вредност во тековниот ден и таа е за 3-4 пати повисока. Практично, тоа значи дека ако јавното претпријатие во истиот период лани за работата на базенот плаќало за природен гас од 500 до 600 илјади денари, сега треба да плати од 1,2 до 1,4 милиони денари. Струја плаќавме по 300 илјади денари, а сега треба да плаќаме од 1,3 до 1,5 милиони денари. Или соберено заедно, безмалку 50 илјади евра излегуваат трошоците за струја и за гас за еден месец. Тоа е за нас прескапо и ќе го блокира работењето на претпријатието. Затоа, менаџерскиот тим одлучи додека трае економската криза базенот да не работи“, изјави Стојчевски.

Тој додава дека паузата ќе ја искористат за сервисирање на постоечката опрема и одредени градежни работи.

Цената на природниот гас во Куманово од нова година се зголеми за 200 отсто. ЈП „Куманово гас“ го продаваше гасот по 25 денари, а од јануари по 80 денари за метар кубен. Сметките на домаќинставата во просек се движеле околу 3.000 денари месечно, по ново ќе изнесуваат 8.000 денари. Тоа натера голем број установи, институции, приватни фирми и домаќинства да го откажат користењето на гас и да се вратат на греењето на нафта, мазут и дрва.

Во Куманово има 400 физички и правни лица потрошувачи на гас, а Општината и јавното претпријатие во изминатите години го субвенционираа приклучокот за граѓаните, заради финансиските и еколошките придобивки. На гасоводот се приклучени и повеќа јавни институции, училишта, градинките и други државни и општински установи.

https://sdk.mk/index.php/dopisna-mrezha/se-zatvora-gradskiot-bazen-vo-kumanovo-oti-troshokot-za-struja-i-gas-skokna-od-15-000-na-50-000-evra-mesechno/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #364 Posted: 20-Jan-2022 at 13:59
БАЗЕНОТ ВО СЦ „БОРИС ТРАЈКОВСКИ“ НЕ РАБОТИ ПОРАДИ ДЕФЕКТ НА СИСТЕМОТ ЗА ГРЕЕЊЕ, ВЕЛИ ДИРЕКТОРОТ ПЕТРОВСКИ

Базенот во склоп на А1 Арена спортски центар „Борис Трајковски“ во Скопје не работи поради дефект на системот за греење. Директорот на спортскиот центар Александар Петровски вели дека пукнал чилерот кој ја грее водата и поради тоа вратите на базенот се затворени за посетители. Веднаш не може да се реши дефектот бидејќи делот го нема кај нас, па мора да се нарача од Турција.

„Енергетската криза не е причина за затворање на базенот. Досега сите сметки се платени, а доколку во иднина имаме проблеми ќе бараме помош од Владата. Причината е од технички карактер односно сериозен дефект на системот за греење. Делот е нарачан и треба да стигне за две недели, по што веднаш ќе го отвориме базенот за посетители“, вели Петровски.

Тој додава дека ваков дефект имало и пред три месеци. Вели дека можеби причина за деловите да се расипуваат побрзо се честите прекини во снабдувањето со електрична енергија .

Лизгалиштето што е во склоп на СЦ „Борис Трајковски“ работи нормално.

https://sdk.mk/index.php/dopisna-mrezha/bazenot-vo-sts-boris-trajkovski-ne-raboti-poradi-defekt-na-sistemot-za-greene-veli-direktorot-petrovski/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #365 Posted: 20-Jan-2022 at 14:01
Тотален хаос во македонското пливање: Базените во земјава не работат

На околу 500 пливачи од Скопје, кои тренираа во базенот „Борис Трајковски“, им е драстично нарушен тренажниот процес поради неработење на објектот. Големото корито на Олимписки не е во функција, а ни базенот во Куманово не работи. Сето тоа се случува кога пливачите се подготвуваат за настап на СП.

Во пливањето во Македонија во моментов владее потполн хаос поради неработењето на базените и неможноста да се извршува нормален тренажен процес. Ова е оцена на претседателот на Националната пливачка федерација Горан Стојановски, кој на Вонредното изборно собрание неодамна беше избран на таа функција со огромно мнозинство гласови од клубовите.

Од денеска не работи базенот „Борис Трајковски“ поради дефект, а од пред неколку денови не работи ни базенот во Куманово. Единствено во функција во земјава е малото корито на Олимпискиот базен во Скопје, кое ни оддалеку не може да одговори на потребите на пливачите што останаа на суво. Според Стојановски, пливачката федерација прави напори во контакти со Агенцијата за млади и спорт, Олимпискиот комитет, некои министерства, па дури и преку премиерот Димитар Ковачевски. Добра волја има, но решението е неизвесно.

Добивме информација од надлежните дека за да се реши проблемот со базенот „Борис Трајковски“, ќе треба 10-15 дена. Нашиот пливачки спорт не може тој период да го издржи без тренинзи. Познато е дека 15 дена пауза во пливањето, потоа не може да се надомести во една година. Имаме сериозен проблем. Остануваат без тренажен процес и репрезентативците што се подготвуваат за СП во Јапонија во мај. Штетата е огромна – вели Стојановски.

Сите клубови ми се јавија за да најдеме решение. Направив контакти со премиерот и со надлежните министерства. Станува збор за сериозен проблем, додава Стојановски.

Во Скопје 500 пливачи од триесетина клуба остануваат без тренажен процес. Надлежните ветија дека ќе помогнат, но како и кога ќе стигне помошта, останува на нив. Ги запознавме АМС и МОК, па дури и премиерот, кој во моменти кога има многу важни прашања, се јави и се заинтересира за проблемот. Има навестувања дека ќе се направат напори да се надмине проблемот – вели Стојановски.

Тој гледа спас во активирање на големото корито на Олимписки, чија употреба би го ублажило или би го решило проблемот.

– Но да не заборавиме дека Олимпискиот базен го стопанисува приватен субјект – вели Стојановски, кој во моментот не можеше да потврди дали со помош на евентуално субвенционирање од државата, концесионерот на базенот би се согласил да го пушти и големото корито во функција.

– Малото корито на Олимпски го користат околу стотина-двесте пливачи. Кога ќе дојдат и овие 400 од „Борис Трајковски“, ќе биде хаос. Не е решение малото корито. Големото корито би ја завршило работата, но останува да се види дали тоа ќе може да се изведе. Но, тоа сега е единственото решение да се „бајпасира“ проблемот – рече Стојановски потенцирајќи дека многу ќе зависи од концесионерот.

Според Стојановски, решение би било Владата да го субвенционира трошокот барем еден месец додека не се надмине проблемот со „Борис Трајковски“.

Проблем е и тоа што пред неколку денови се затвори базенот во Куманово и пет клуба со 300 пливачи остануваат без тренинзи. Од Куманово информираат дека сѐ додека не помине енергетската криза, базенот ќе биде вон функција. Тоа значи некоја неодредена иднина за 300 пливачи, кои се на улица.

https://www.slobodenpecat.mk/totalen-haos-vo-makedonskoto-plivanje-bazenite-vo-zemjava-ne-rabotat/
Back to Top
kicevo View Drop Down
Newbiе
Newbiе


Joined: 16-Jan-2021
Online Status: Offline
Posts: 17
  Quote kicevo Quote  Post ReplyReply #366 Posted: 20-Jan-2022 at 15:36
Tri zatvoreni bazeni vo cela drzava .Sto se pravelo 0d 1943 navamo. Dobro od 1991 neka bide .Sportska nacija Lele majko. Opstoto zdravje ic. Teskiot kriminal na politicarite go sobra danokot i ova e posledicata.
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #367 Posted: 20-Jan-2022 at 22:02
А базенот во Охрид уште ли не е готов? Ццццц...
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #368 Posted: 20-Jan-2022 at 22:10
Проблемот е во одржувањето на базените а не е битно само колку на број ќе ги имаме. Еве од сите три поголеми што ги имаме не можат ниту еден да оспособат,најмногу тоа се должи и на недостаток на средства за одржување и плаќање за греење така да и тие што почнаа да ги прават во склоп на некои школи прашање е колку ќе бидат во функција.
Исто важи и за многу други спортски сали и терени кои од година во година се повеќе се оставени да пропаѓаат.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #369 Posted: 03-Apr-2022 at 15:15
Кичевскиот базен се уште незавршен – ветено за 18 месеци, поминаа 25 месеци



https://mk.tv21.tv
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #370 Posted: 18-May-2022 at 09:08
Ѓорчепетровци уште чекаат нивните деца да пливаат во затворениот базен



Затворениот базен во ОУ „Димитар Поп Георгиев Беровски“ почна да се гради во февруари 2020 година, како еден од шесте базени од ваков тип што ги гради Агенцијата за млади и спорт во соработка со локалните самоуправи, а според последните информации, запрени се завршните работи од неговата изведба.

Првиот затворен базен што почна да се гради во општина Ѓорче Петров пред повеќе од две години сѐ уште не е завршен, иако рокот за затворање на проектот беше 18 месеци. Според последните информации, запрени се завршните работи од неговата изведба.

Родители на ученици што учат во основните училишта во оваа општина, прашуваат што се случува и до каде е реализацијата на најавуваниот проект.

– Базенот требаше да биде готов уште при крајот на минатата година, барем така се фалеа. Наутро ќе беше наменет за учениците од основните училишта, а попладне ќе имало пливачки клубови. И до каде е базенот, сега никој ништо ниту кажува ниту го спомнуваат. Имам две деца што сакам да ги запишам на пливање и сега треба да ги носам до СЦ „Борис Трајковски“. Чекавме, се надевавме, ама како што стојат работите, изгледа уште долго ќе чекаме – реагира Кристина од Ѓорче Петров.

Затворениот базен во ОУ „Димитар Поп Георгиев Беровски“ почна да се гради во февруари 2020 година, како еден од шесте затворени базени што ги гради Агенцијата за млади и спорт во соработка со локалните самоуправи. Првичната најава за отворање на базенот беше за ноември лани, барем така најави директорот на Агенцијата Наумче Мојсовски, кој заедно со ексградоначалникот на општина Ѓорче Петров пред една година изврши увид на градежните работи на базенот.

Мојсовски рече дека пандемијата го забавила темпото на работа, но дека работите повторно ќе продолжат поинтензивно.

– До крајот на октомври или почетокот на ноември базенот ќе биде завршен. Со овие димензии на базенот се надевам ќе формираме и пливачки клуб во општина Ѓорче Петров. Ќе биде подобро што повеќе деца од училиштата да го користат – рече тогаш директорот на АМС.

Сега, од Агенцијата за млади и спорт нема одговор на прашањата до каде е реализацијата на изградбата на затворениот базен и кога тој ќе ги отвори вратите за учениците и рекреативците од општината.

Од Општина Ѓорче Петров исто така за подетални информации околу динамиката на изведба во периодот што следува, упатуваат во АМС.

– Досега изведена е фаза затворена карабина, а не е реализиран машинскиот дел. Не се изведени бетонските ѕидови, одводни и доводни инсталации. Практично, завршните работи се стопирани. Според последните информации, опремата е нарачана, но сѐ уште не е стигната – ги споделуваат од општината информациите со кои тие располагаат.

Спортскиот објект што се гради е со димензии 20,40×30,35 метри и со длабочина од 0,9 до 1,4 метри. Според проектот, планирано е базенот да има соблекувални и централен систем на загревање. Планирано е да биде по сите стандарди и да биде енергетски ефикасен и рентабилен.

Изградбата на базенот е со вредност од 38 милиони денари

https://www.slobodenpecat.mk/gjorchepetrovci-ushte-chekaat-nivnite-deca-da-plivaat-vo-zatvoreniot-bazen/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #371 Posted: 01-Aug-2022 at 13:42
5 години ветувања за базен во Чаир – Хисени: Ќе се изгради кога ќе се најде компромис помеѓу општината и сопственикот



https://mk.tv21.tv/5-godini-vetuvana-za-bazen-vo-chair-hiseni-ke-se-izgradi-koga-ke-se-najde-kompromis-pomegu-opshtinata-i-sopstvenikot/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #372 Posted: 19-Aug-2022 at 17:01
Мојсовски: Од 1 септември ќе се интензивираат работите на затворениот базен во Охрид

Работите за изградба на затворениот пливачки базен во Охрид, којшто се наоѓа во склоп на спортско-рекреативниот центар „Билјанини Извори“ треба да се интензивираат од 1 септември, а се очекува да биде готов до април следната година, информира денеска директорот на Агенцијата за млади и спорт Наумче Мојсовски.

Според него, базенот е готов скоро 70 отсто, потребно е да се досреди уште внатрешниот дел.

– Ни дадоа гаранција дека до март или април базенот ќе биде готов. Базенот е скоро 70 отсто готов, треба да се донесе да се монтира коритото, горе веќе се направени просториите, трибините, а готова е веќе челичната и бетонската конструкција, остануваат само финесите и внатрешниот дел да се досредат – истакна Мојсовски, додавајќи дека последните осум месеци имале проблем со инвеститорот.

Затворениот базен во Струга пак, се очекува да биде готов во периодот декември-јануари.

Затворениот пливачки базен во Охрид чија изградба официјално почна во 2015 година ќе има два базена (12,5 на 6,5 метри со длабочина од 0,8 до 1,2 метри и 25 на 33 метри и длабочина од 2 метри). Ќе биде енергетски ефикасен и ќе користи биотермални пумпи што ќе го направат неговото користење во зима поевтино. Ќе има трибини со капацитет од 500 седишта и посебен простор за новинари и вип ложа, како и помошни простории со спа и велнес центар.

https://novamakedonija.com.mk/makedonija/mojsovski-od-1-septemvri-kje-se-intenziviraat-rabotite-na-zatvoreniot-bazen-vo-ohrid/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #373 Posted: 08-Sep-2022 at 11:24
ИЗГРАДБАТА НА ЗИМСКИОТ БАЗЕН ВО ШТИП Е ВО ЗАСТОЈ ЕДНА ГОДИНА, А ЛОКАЦИЈАТА Е ОБРАСНАТА СО ТРЕВА



Изградбата на зимскиот базен во Штип веќе трета година тапка во место. На објектот цела година нема никакви работи, а локацијата се гуши во трева и е мета на крадци. На самиот влез и денес стои табла дека изведувач на работите е фирмата „Енергоинвест трејд“, а инвеститор е Агенција за млади и спорт (АМС).

Повеќе спортски асоцијации од Штип и други органи и тела реагираат на индиферентниот однос на државните агенции, кои дозволија целата инвестиција да падне во вода, иако базенот е дограден и нема капка вода во него.

Базенот со 25 метри должина и девет метри широчина почна да се гради во февруари 2020, кога градоначалник беше сегашниот министер за транспорт и врски Благој Бочварски, а на поставувањето на камен-темелникот, тогашниот директор на АМС, Дарко Каевски, рече дека базенот треба да биде даден во употреба до крајот на 2021.

На неговата фејсбук страница и денес стои објавата од 14 февруари 2020 дека се реализира едно од најголемите ветувања од владината програма и повеќегодишно барање и потреба на граѓаните на Штип. Спортските асоцијации од Штип, посебно оние за спортовите на вода, реагираат што сегашниот пратеник Каевски ниеднаш не дошол да провери како се одвиваат работите, а ниту неговиот наследник во АМС, Наумче Мојсоски.

Пливачкиот клуб „Челични“ веќе трета година го постира слоганот „Даваме поддршка за зимскиот базен во Штип“, ама досега овие апели не допреле до инвеститорот кој ја започна изградбата. Членовите на клубот во лето се снаоѓаат за тренирање, а во зима мора да одат во други градови.

Според развојната програма на АМС промовирана пред четири години, во поголемите градови во Македонија требаше да се изградат 14 зимски базени. Засега во функција е ставен само базенот во Тетово.

https://sdk.mk/index.php/dopisna-mrezha/izgradbata-na-zimskiot-bazen-vo-shtip-e-vo-zastoj-edna-godina-a-lokatsijata-e-obrasnata-so-treva/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #374 Posted: 14-Sep-2022 at 17:16
Олимписки – базен без дно





Државата, не само што со години не заработува од концесијата на Олимписки базен, туку, поради специфичните договори, таа му должи милионски суми на закупецот, а услугите што ги нуди базенот, од година во година се полоши и полоши.

Состојбата во која денес се наоѓа базенот може да се опише како употреблива. Реновирани се влезот и кабините, а покривот, плочките и двата базени се одржувани, но во нив не е вложувано.

Во петокот попладне внатре немаше ниту еден пливач. На влезот немаше ниту вработен во билетарницата. Целиот базен зjaеше празен. По шарените и релативно нови кабини веднаш се чувствуваше засилениот, препознатлив за базенот, мирис на хлор.

Малиот и големиот базен се како замрзнати во времето. Обложени се со истите плочки како пред декади, кои сега се избледени од времето. Големите прозорци над базенот, пак, не се провидни како порано. И ним им минало времето.

Олимписки изгледа како од минатиот век. Тогаш кога и бил изграден.

Сите страни имаат поинакво видување за најголемиот базен во Македонија. Во зависност со кого зборувате, за виновник е посочен другиот.

Меѓутоа, заеднички дел на нивните различни приказни е дека никој не е среќен со ваквата состојба, ниту закупецот, ниту државата, ниту, пак, пливачите.

Родителите на децата од пливачките школи во Олимписки базен велат дека проблемите почнуваат штом ќе залади.

„Иако водата во базенот се грее, салата нема греење, па е ладно“, посочува родител, кој вели и дека „ако врне надвор, може да врне и внатре“, а ако дува надвор, поради тоа што не дихтуваат вратите, дува и внатре.

Се жалат и дека од крајот на декември до март не функционира големиот базен.

Со овој објект, кој е во државна сопственост, од доцните 1980-ти раководи истиот човек – Мијалче Маневски и неговата фирма „Полет“, која има концесија за базенот уште 13 години. Формално, во име на државата, со базенот од 2000 година управува Јавното претпријатие за стопанисување со објекти за спорт во сопственост на Република Северна Македонија.

Маневски и претходно имал различни договори со различни државни субјекти, но сегашното раководење е според договорот од 2004 година и анексот од 2006 година, со кој концесијата му се продолжува до 2035 година.

Проблематична концесија

Сите проблеми со функционирањето на базенот „извираат“ од тие договори за концесија.

Државата, со договорот од 2004 година, се обврзала да му ги покрива на Маневски инвестициите во објектот. Тоа подразбира дека тој за секое реновирање во зградата на базенот испраќал и испраќа сметки до претпријатието, кое, пак, треба да му го врати вложеното.

Државата никогаш не ги покривала реално трошоците поради блокираната сметка на јавното претпријатие, поради што и тој одамна не ја плаќа концесијата од 750 евра месечно.

Вработени во претпријатието, договорот го сметаат за „криминален“ и „коруптивен“.

Тие ја посочуваат условната затворска казна на поранешниот директор Аљиљ Палоши, кој бил осуден зашто со приватни фирми, меѓу кои и со онаа на Маневски за Олимписки, склучил договори за закуп на пониски цени од реалните.

Проблематична за нив е и клаузулата што практично на концесионерот му овозможува да го собира профитот, не само од базенот, туку од целиот објект, а инвестициите што ќе ги направи и за други комерцијални, а не спортски потреби, да му ги покрива државата.

Маневски, според договорот, има неприкосновено право да ги реиздава деловните простори во базенот и паркингот и да зема кирии од нив.

Сето ова е наведено и во извештајот на јавното претпријатие од март оваа година, а во кој БИРН има увид.

Затоа Државното правобранителство и јавното претпријатие, неколкупати се обиделе да ги поништат договорите на суд, меѓутоа не успеале. Од претпријатието се повикуваат на Законот за располагање со стварите во државна и општинска сопственост, во кој се забранува закупецот да реиздава нешто што државата го дала под закуп.

„Кога би требало да се вратам сега назад во времето, знаете кога би потпишал ваков договор? Никогаш. Значи таква глупост сум направил во животот, работам З0 години, а не знам што правам“, вели Маневски во разговорот со БИРН.

Тој денес има мала канцеларија на приземјето во зградата на базенот. Десно од неговото работно место се наоѓа хотелот „Центар“, кој е во негова сопственост, а лево е влезот на базенот. Од страните се распоредени десетина фирми, во просториите што Маневски ги издава под закуп на други.

Нѐ пречека нервозно, со прашање дали е под истрага. Наспроти првиот впечаток дека е незадоволен зашто „постојано инвестира, а многу не добива за возврат“, тој не е подготвен да се откаже од управувањето со базенот.

Неговите одговори за работата со Олимписки базен се движат од „јас ништо не направив, само зијани правам“ до „немам загуби и не паѓам во долгови“.

Децениите работа со Олимписки базен, тужби и контратужби го „зближиле“ со вработените во јавното претпријатие, па на прашањата поврзани со нивните обвинувања одговараше со контраобвинувања наменети за вработените.

Маневски вели дека тој предложил да ги повлече контратужбите, со што би се откажал да им бара да му исплатат милион и 270.000 евра за вложените пари, а за возврат „да го остават да работи на мир“, но дека јавното претпријатие одбило.

Логиката, објаснува, му била оти знаел дека никогаш нема да му ги дадат парите, па на тој начин ќе се спаси од „малтретирање“.

Но, на прашањето зошто тогаш не го напушти објектот веднаш ако не заработува од него, вели „државата нека ми исплати еден милион евра што ми ги должи и веднаш заминувам со блех-музика“.

Статус кво на штета на пливачите

Должината на концесијата, цели триесет години, се покажала како проблем за него зашто со текот на времето се смениле навиките на скопјани.

Самиот Маневски вели дека пред дваесетина години продавал и по 2.000 билети дневно, а сега, во летната сезона, има денови кога рекреативните пливачи се бројат на прстите од двете раце.

Денес, се жали тој, не би можел да опстане само со приходите од базенот, ако не се дополнителните пари што му стигнуваат од кириите од фирмите, кои се наоѓаат во зградата на базенот.

„На Олимписки базен немаше ниту еден квадратен метар деловен простор, сето она што го гледате, сега јас сум го платил“, вели Маневски.

Оваа можност, да зголемува деловен простор му е дадена во 2010 година, иако во извештајот на јавното претпријатие се наведува дека нивна комисија на терен констатирала дека канцелариски простор е пренаменет во хотел во 2006 година.

Четири години подоцна, Маневски добил писмена согласност од јавното претпријатие да го направи хотелот, но како што се забележува во извештајот без за тоа претходно да донесе одлука управниот одбор.

Toj очекува, а договорот и му овозможува, државата да му ги покрие и парите вложени во канцелариите. Го зголемувал деловниот простор зашто, како што тврди, не постои друг спортски објект на Балканот што се одржува со самофинансирање.

Маневски е убеден дека државата, како сопственик на Олимписки базен, требало да вложува и во него, исто како што вложувала и во базенот во Карпош, без разлика што таму нема приватен концесионер и профитот и трошоците одат кај државата.

„Државата овде шајка нема удрено од кога е направен базенот.“

Годинава има дополнителни проблеми.

Поради енергетската криза, Маневски вели, сериозен трошок е и струјата што се користи за базенот.

Сметките му се зголемиле неколкукратно и дневниот приход од базенот не можел да ги покрие трошоците за електрична енергија, кои одат и до 85.000 денари дневно.

„Прашањето е до кога и дали ќе работи базенот“, вели тој.

Ни државата премногу не се ангажирала околу базенот.

Маневски, за Олимписки во 2019 година, на средба со поранешниот премиер Зоран Заев побарал да му се исплатат долговите, а тој да го врати базенот.

„Барав да се раздружиме.“

Заев, според Маневски, начелно ја прифатил иницијативата, но побарал државата да направи вештачење за вредноста на неговите инвестиции во објектот.

Заев се повлече од функцијата и тука заглавиле работите.

Олимписки не е во најдобра кондиција и сè потешко се менаџира базенот, пливачите сѐ почесто и пожестоко се жалат, меѓутоа Маневски сè уште има сметка да ја одржува таа статус кво ситуација.

„Одам по тенка жица, ама не паѓам во долгови“, вели тој во разговорот со БИРН.

Загрозена безбедност



Повеќе сериозни нарушувања на објектот, бесправно отуѓување на државен имот, предизвикување општа опасност по безбедноста и здравјето на посетителите, што е спротивно на договорот за закуп“, ова се дел од наодите за Олимписки поместени во извештајот на ЈП по комисиската посета на базенот во 2018.

Во него се наведува дека во 2018 година, петчлена комисија на јавното претпријатие, а по препорака на владата, направила увид во Олимписки базен.

„Немам поим за што зборувате? Тоа е „рекла-казала“. Кој го потпишал тоа? Од Јавно претпријатие? Има таму некој стручен?“, цинично одговара Маневски на прашањето како го коментира овој дел од извештајот.

Тој, вината за безбедноста на објектот ја префрла на државата, која, според него, како сопственик требало да го контролира покривот на базенот.

„На секои пет години, сопственикот треба да си ја проверува конструкцијата. Мислите дека тоа го интересира некој? Ако остане вака уште 20-30 години, може да биде опасност.“

https://prizma.mk/olimpiski-bazen-bez-dno/
Carpe diem
Back to Top
kicevo View Drop Down
Newbiе
Newbiе


Joined: 16-Jan-2021
Online Status: Offline
Posts: 17
  Quote kicevo Quote  Post ReplyReply #375 Posted: 14-Sep-2022 at 19:18
Znaci imame dva bazeni vo cela drzava ,stramota i rezil neviden.Barame sport a na suvo da plivat.
Koga ke mi kaze nekoj deka sme sportska nacija nemozam da se iznacudam.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #376 Posted: 24-Sep-2022 at 13:42
ВО СТЕЧАЈ Е ФИРМАТА ШТО ТРЕБАШЕ ДА ГО ГРАДИ ПОКРИЕНИОТ БАЗЕН ВО БИТОЛА, ГРАДБАТА ЗАПРЕНА, МАТЕРИЈАЛИТЕ РАСФРЛЕНИ ВО ШКОЛСКИ ДВОР



Градбата на покриениот базен во Битола подолг период е во застој иако, според најавите, досега требаше да биде изграден. Базенот се гради во училишниот двор на ссновното училиште „Даме Груев“ во Битола, како инвестиција на Агенцијата за млади и спорт во соработка со претходната локална самоуправа.

Сегашната директорка на училиштето Биљана Дамечевска-Бакиевска на Комисијата за јавни дејности во Општина Битола ѝ изјави дека дел од градежните материјали се расфрлани низ училишниот двор, а местото не е обезбедено и претставува опасност за учениците.

„Друга фирма добила тендер и престанати се сите активности околу базенот и нема када да се обратиме зашто има дел од градбата која е незаштитена, оградите се искорнати, најверојатно и од временските услови. Целосно е небезбедно за учениците. Има и стекалена волна, за што се бунеа и родителите. Расфрлени се ламарини и други градежни материјали низ целиот двор“, рече Дамчевска-Бакиевска.

Градбата започна во февруари 2020, и тогаш директорот на Агенцијата за млади и спорт Дарко Каевски изјави дека се идвоени 45 милиони денари за покриениот базен со должина од 25 метри и широчина од 9 метри. Тогаш беше најавено дека ќе биде готов за 18 месеци.

Советникот од СДСМ Методија Иливески, кој присуствуваше на Комисијата за јавни дејности, рече дека фирмата што го градеше базенот отишла во стечај, па во тек е избор на друг изведувач.

„Фирмата која првично го доби тендерот за изведување е под стечај, кај нив има сериозни финансиски проблеми. Агенцијата за млади и спорт објави тендер и на него се јавија неколку фирми и сега е во фаза на избор на изведувач. Од контактите што ги имав со Агенцијата беше кажано дека во најбрз можен период ќе биде избран изведувачот и таму ќе започнат активностите“, рече Илиевски.

Тој му предложи на училиштето да побара од јавните претпријатија во Битола да преземат активности за да го обезбедат местото за поголема безбедност на учениците.

https://sdk.mk/index.php/dopisna-mrezha/vo-stechaj-e-firmata-shto-trebashe-da-go-gradi-pokrieniot-bazen-vo-bitola-gradbata-zaprena-materijalite-rasfrleni-vo-shkolski-dvor/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #377 Posted: 14-Jun-2023 at 17:39
Почнува изградбата на два затворени базена во Скопје, а уште два ќе се пуштат во употреба

Од наредната недела ќе започне изградбата на затворениот базен веднaш до салата „Партизан“, а нешто подоцна и во Аеродром.

Ова го најави директорот на Агенцијата за млади и спорт, Наумче Мојсовски.

– За базенот во Карпош веќе е избран изведувач и очекувам наредната недела да започнат градежните активности – изјави Мојсовски.

Тој нагласи дека станува збор за типски школски базен според светски стандарди – со должина од 25 метри, широчина од 8 до 9 метри и длабочина од 1,2 метри. Мојсоски вели дека ќе го користат, пред сè, учениците од основните училишта во Карпош, во рамките на физичкото образование, а по часовите, попладне ќе можат да го користат и заинтересираните граѓани.     

Освен тоа, Мојсовски информираше дека наскоро ќе бидат пуштени во употреба два затворени базена чија изградба започна во 2020 година.

Се работи за базените во ООУ „Невена Георгиева-Дуња“ во Кисела Вода, во вредност од 37.802.641 денари со вклучен ДДВ, и во ООУ „Димитар Поп Георгиев Беровски“ во Ѓорче Петров, во вредност од 38 милиони денари. Очекувањата се тие да профункционираат од септември или од октомври.

Затворениот базен во ОУ „Димитар Поп Георгиев Беровски“ во Ѓорче Петров е со димензии 20,40 х 30,35 метри, со длабочина од 0,9 до 1,4 метри, приспособен за децата од училишна возраст. Базенот во ОУ „Невена Георгиева-Дуња“ во Кисела Вода е со широчина на коритото од 8,9 метри, должина 25 метри и длабочина од 0,8 до 1,2 метри. Габаритот на целиот објект е 31 x 21 метри.

Овие базени се дел од проектот „14 затворени базени“ на Агенцијата за млади и спорт. Оној во Тетово е веќе пуштен во употреба, како и оние во Кичево, Битола, Штип, Кавадарци, Карпош, Чаир, Струмица, Струга, Кисела Вода, Ѓорче Петров и во Аеродром.

https://www.vecer.press/почнува-изградбата-на-два-затворени-б/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #378 Posted: 20-Jun-2023 at 18:21
(ВИДЕО ПЛУС ФОТО) ТРЕБАШЕ ДА БИДЕ ГОРДОСТ НА МОДЕРНО СКОПЈЕ, А СЕГА ЗЈАЕ ПРАЗЕН - што се случи со Вип аква паркот?

Беше најавен како ВИП, а сега не работи и зјае празен.

Станува збор за ВИП Аква паркот, кој се наоѓа во спортскиот центар Борис Трајковски.

Тој беше отворен во јуни 2016 година, но сега, исто во јуни, седум години подоцна, тој зјае празен и постои опасност да се претвори во руина.

Кога се отвори овој модерен аква парк од кој многу се очекуваше, билет за еден човек чинеше 300 денари, а се нудеше и семеен пакет за четири лица за 1.000 денари. Влезница за деца под 13 години чинеше 200 денари, а влезница за деца под четири години беше бесплатна. За групни посети над 30 лица се добиваше попуст од 30 проценти. „Вип АКВА ПАРК“ ќе работи секој ден од 10 до 20 часот.

Капацитетот на „Вип АКВА ПАРК - от“ е ограничен на 1.000 посетители, пред се поради пропишаните нормативи за безбедноста и удобноста на посетителите.

Дали причина е корона кризата или нешто друго, не е познато, но е навистина штета да пропадне оваа инвестиција.







https://faktor.mk/video-plus-foto-trebashe-da-bide-gordost-na-moderno-skopje-a-sega-zjae-prazen---shto-se-sluchi-so-vip-akva-parkot
Carpe diem
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #379 Posted: 16-Jul-2023 at 20:28
Се гледа крајот на работите на затворениот базен во Струга, спортистите и граѓаните добиваат модерен спортски и рекреативен објект



После сите перипетии, работите со затворениот базен се при крај на огромно задоволство на пливачите, ватерполистите, сите спортисти и сите граѓани на Струга, објави на социјалните мрежи пратеникот на СДСМ Јован Митрески.

Во затворениот базен во Струга, кој 15 години беше руина и депонија, во тек се последните градежни работи и тој се очекува наскоро да им биде предаден на спортистите и граѓаните на Струга.

Агенцијата за млади и спорт ја презеде иницијативата да се обнови затворениот базен пред две години, откако фирмата која претходно го добила тендерот поради финансиски проблеми и ковид-пандемијата не можела да ги исполни обврските, па договорот бил раскинат на штета на самата фирма и активирана е банкарската гаранција.

Базенот некогаш:





Базенот во Струга денес:







https://racin.mk/vesti/se-gleda-krajot-na-rabotite-na-zatvoreniot-bazen-vo-struga-sportistite-i-graganite-dobivaat-moderen-sportski-i-rekreativen-objekt/?fbclid=IwAR2Ig2z5xu9aq4UUoDkYpmlU3yAlcmYz-z_rnZnOQJlIBsXbAM0cGW3lPV4
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #380 Posted: 30-Aug-2023 at 17:48
Денеска започна изградбата на затворениот базен во Струмица во спортско-рекреативниот дел на градот, кај пам патеката, во близина на АТШ Берово и е уште една потврда за успешната соработка на Општината со Агенцијата за млади и спорт.





https://www.facebook.com/StrumicaOpstina
Carpe diem
Back to Top
 Post Reply Post Reply Page  <1 17181920>

Forum Jump Forum Permissions View Drop Down



This page was generated in 0.156 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.