Базени и водени паркови

Три базени за цел град

 

Во услови кога езерото Треска и понатаму не може да се користи за капење поради загадената вода и во исчекување на градската плажа на Вардар, каде што исто така ќе биде забрането капењето, на скопјани летово им остануваат само трите поголеми базени за разладување

Трите поголеми скопски базени се подготвени да ги примат капачите за оваа летна сезона. Од денеска ќе почнат со работат летните тераси на базените „Младост“ во Карпош и „Бисер“ во Аеродром, а в петок се очекува да почне и летната шема на Олимпискиот базен. Во услови кога езерото Треска и годинава не може да се користи за капење поради загаденост на водата и во очекување на градската плажа на Вардар, на скопјани за разладување им остануваат само базените. Или трите големи јавни базени или пак приватните базенчиња по дворовите, кои од година на година ги има се' повеќе.

- Базенот „Младост“ официјално од денеска ги отвора летните тераси, со работно време од 10 до 16.30 часот за рекреативци. Пливачките клубови ќе го користат базенот од 16.30 до 20.30 часот, а потоа од 20.30 часот до 23.30 часот повторно имаме термин за рекреативно пливање. На терасата ќе може да се користат лежалки, за чие користење ќе се наплаќа 50 денари, плус цената на влезницата - објаснува Сашо Димитровски, раководител на базенот.
Базенот има бифе што ќе работи до 22 часот, но се размислува неговото работно време да се продолжи до 1 часот. Според Димитровски, во подготовка е и одбојкарско игралиште со песок, кое се очекува да биде пуштено во употреба за 10 дена, а ќе бидат поставени и пингпонгарски маси. За Светското првенство во фудбал ќе биде поставен и видеобим за да можат посетителите да ги следат фудбалските натпревари. Влезницата за посета ќе чини 200 денари, а за децата до 7-годишна возраст ќе биде бесплатно.

Од денеска почнува капачката сезона и во базенот „Бисер“. За рекреативците ќе биде отворен од 10 до 18 часот и од 20 до 1 часот по полноќ. Од 8 до 10 часот во него ќе тренираат ватерполо-клубовите, а од 18 до 19.30 часот тренинзи ќе одржуваат пливачките школи.

- Базенот располага со летна тераса со лежалки и со чадори, кои се изнајмуваат по цена од 50 денари и два шанка каде што се служат безалкохолни напивки, сендвичи и сладолед. Ова лето ќе бидат ангажирани тројца спасители, кои ќе се грижат за безбедноста на капачите. Еднаш неделно од Центарот за јавно здравје на град Скопје ќе се врши контрола на квалитетот на водата - вели Александар Маниќ, управител на базенот.

Тој вели дека, за разлика од лани, влезницата ќе биде за 20 отсто пониска и ќе чини 100 денари за дневно капење и 50 денари за ноќно капење, а за децата до четири години влезот е бесплатен.

Билјана Антиќ, технички раководител на Олимпискиот базен, не најавува некои нови содржини за ова лето.

- Нашиот базен со летната капачка сезона почнува од петок, со работно време од 11 до 18.30 часот за рекреативци, а ќе има и ноќно капење од 20 до 23.30 часот. Посетителите ќе може да ги користат лежалките и чадорите на летната тераса, што е пресметано во влезницата, како и шанкот, каде што ќе има безалкохолни напивки, сладолед и сендвичи. По 20 часот ќе работи и другиот шанк, кој е внатре во базенот - вели Антиќ.

Таа додава дека се преземени сите потребни хигиено-технички мерки како дезинсекција, дезинфекција и дератизација и дека е поставен нов систем за влегување со нови картички.

- Новина е што на влезот се поставени три камери, а за една недела ќе бидат поставени и повеќе камери внатре во објектот. Целта е да имаме контрола над посетителите, односно дали го почитуваат нашиот куќен ред - нагласи Антиќ.

Таа вели дека имаат повеќе идеи за воведување нови содржини со кои би привлекле повеќе посетители, но не се финансиски моќни да ги реализираат.

За безбедноста на капачите во базенот ќе се грижат четворица спасители, а во зависност од бројот на посетителите, по потреба ќе бидат ангажирани и повеќе.

Влезницата за овој базен чини 200 денари, без временско ограничување, а за деца до пет години влезот е бесплатен.

Анела Петрова

„Младост“ ќе стане елитен базен

Раководителот на базенот „Младост“, Сашо Димитровски, најави дека на крајот на септември базенот ќе се затвори заради реновирање.

- Предвидено е да се смени покривот, а во него ќе има и елитен ресторан. Ќе се заменат столчињата на трибините, плочките во соблекувалните и во тоалетите, како и тушевите. Ќе воведеме џакузи и сауна, со што овој базен ќе стане елитен. Се планира работите да завршат в година во мај-јуни, така што за наредната капачка сезона, во летото 2011 година ќе имаме луксузен базен - најави Димитровски. Базенот ќе има и сопствено греење од средствата што ќе се соберат во оваа капачка сезона, но и од пари од салата „Борис Трајковски“, бидејќи сега и со базенот и со салата стопанисува јавното претпријатие „Борис Трајковски“.

Аква парк во Македонија Од три до пет милиони евра ке чини првиот Аква парк во Македонија. Ке се гради на местото на сегашниот градски базен кај Штип.Ќе инвестираат романски и турски бизнисмени. - Да во првите разговори и договори со инвеститорите од Романија и Турција, од беше конкретизирано дека инвестицискиот потфат би изнесувал од три до пет милиони евра тврди за Канал пет штипскиот градоначалник Зоран Алексов. Македонскиот Аква ленд ке биде распослан на над пет хектари на сегашниот спортски центар кој пред 40 години тогашната ЈНА го изгради за потребите на армиските спортски средби во тогашна Југославија. Аква лендот е влезен во ДУП на Штип. Процедурата за негово издавање на заинтересираните инвеститори е стартирана. - Во тек е процедурата за распишување на лицитација за овој спортско рекреативен центар. Убеден сум дека в година Штип и Македонија ке го имаат првиот вистински како што треба да биде Аква ленд, изјави Алексов.Според педантните економски аналитичари инвестицијата ке се врати за најмалку две години. Вода ке има доволно како за идниот забавен рекреативен центар, така и за граѓаните на Штип тврдат локалните власти. Освен пастрмајлијата и Макфест,Штип е подготвен и на ваков начин да се промовира пред светот. На потег се странските вложувачи. http://www.kanal5.com.mk/default.aspx?mId=37&eventId=64479

Originally posted by FT подобро да го направат во Кочани..

Ееее за тоа општината ќе си мисли. Еве како тоа денеска објави дека ќе го прави Општина Василево (http://sitel.com.mk/dnevnik/biznis/opshtina-vasilevo-so-poniski-komunalii-ke-privlekuva-investitori), нешто што мислам дека Прилеп и Илинден подолго време го прават. Сега Општините се фирми што конкурираат на пазарот и има натпревар. Како што Аеродром го "лапна" ФФМ комплексот од Карпош. Постои некоја непишана берза и треба да постои. Секој со својата политика, своите ресурси и своите даноци и обврски. На крај инвеститорот сепак ќе си одлучи каде ќе му биде најдобро.

А инаку никој не ставил граница дека мора само еден аквапарк да постои во Македонија па да зборуваме како за затворено прашање. И Кочани може да добие аквапарк некој ден, може некој да привлече и инвеститор за нешто друго. Тоа е регионален развој. А и не гледам причина да постои друг аквапарк на 30 километри од овој. Некој возат и по толку за на работа секој ден.

ФТ да не ме сватиш погрешно, се трудам што понормално да одговорам, може ќе звучам грубо но на твојата ненормална реакција мотиваран, претпоставувам од пориви, "Штип го лапна, Кочани остана со куси ракави."


Edited by lslcrew - 04-Sep-2010 at 19:55

Базенот „Младост“ ќе се обновува од корен Едниот од двата затворени базена, „Младост“ во Карпош, ќе се обновува и реконструира. Распишан е оглас за фирма што би изработила основен проект за негова реконструкција, беше објавено вчера на страната за електронски јавни набавки. Директорот Ратко Капушевски не беше достапен за повеќе детали - кога би почнала обновата, колку би траела и од каде би се нашле пари за оваа скапа инвестиција. Базенот е сопственост на спортскиот центар „Борис Трајковски“, и тоа од пред две години. Претходно, во 2006 година, со децентрализацијата и' припадна на Општина Карпош. Потоа, пред изборите, во 2008 година, со одлука на в.д. градоначалникот Сашо Димиќ, базенот беше вратен од локална во државна сопственост, со образложение дека општината нема сила да го стопанисува овој објект. Но, и тоа не се покажа како најсреќно решение за базенот. Според бившиот директор Борис Змејковски, претпријатието „Борис Трајковски“, од почеток нема сила за поголема обнова и затоа се оди на мали зафати, за да се овозможи барем нормално функционирање за спортисти и граѓани. Тогашното раководство се пожали дека не остваруваат профит од базенот и дека тоа е голем проблем за нив. - Ова не е профитабилен објект, напротив, работиме со загуби. Сметките за парно се енормно високи - рече Змејковски. Тој уште тогаш го најави овој проект, за кој сега е распишан оглас. Реконструкцијата на базенот „Младост“ ќе подразбира надворешна и внатрешна обнова, имајќи предвид дека во овој објект со децении не е вложено ништо. Неодржувањето го забрза процесот на „стареење“ и требаат многу пари за негово враќање во живот. Беше кажано дека ќе се реновираат подруми, односно системот на базенот за вода, ќе се гради сопствена котларница, за затоплување, имајќи предвид дека сметките за парно греење најмногу го цедат буџетот на базенот. Со сопствена котларница, раководството очекува базенот да биде затоплен цело време. Со проектот за реконструкција на базенот „Младост“, планирана е и изградба на летен отворен базен, кој би се наоѓал веднаш до постојниот. Поради отсуство на директорот Капушевски, никој не беше во можност да ја потврди оваа информација, дадена пред две години. „Младост“ е единствениот функционален затворен базен во Скопје, особено за спортисти. Вториот, „Олимпискиот“, со години тоне во долгови поради неплаќање сметки и затоа работи со застои. „Младост“ е изграден во 1979 година со пари од самопридонес на граѓаните на Скопје. Последнава деценија тој се наоѓа во очајна состојба поради неодговорното работење со него, како последица на штетни договори кои некогашниот газда, Јавното претпријатие за стопанисување спортски објекти. Ова претпријатие склучи договори со неколку фирми за многу мали суми. Базенот, потоа беше вратен во државна сопственост, но по многу години и судски процеси, за да се поништат договорите. http://dnevnik.com.mk/?ItemID=061242E1B8D4EF4C8755D6DA81FB90F7

Зашто секогаш се бара сложени причини, кога работата е едноставна. Базените трошат многу зашто се обичен лим и стакло и нема топлана на свет што може да загрее, де факто "отворен простор". Еднократна инвестиција во пвц прозорци и покрив од современи матерјали драматично ќе ја намалат потрошувачката на базените. До толку е просто и едноставно, да ме чуди како причинава е толку неприметлива.

Се бара инвеститор за базен во Аеродром Државно градежно земјиште во општината Аеродром, наменето за изградба на спортски објект – базен, нуди Министерството за транспорт и врски по пат на јавно наддавање. Парцелата со големина од 23.624 метри квадратни е вцртана во Деталниот урбанистички план „Јане Сандански, урбана единица Г“ и предвидува површина за градење од 7.205 квадрати и бруто развиена површина од 21.616 квадрати. Максималната висина до венец е утврдена на 12 метри. Точната локација е на брегот на Вардар, помеѓу новите тениски игралишта кај салата „МЗТ“ и аква-паркот кој е во изградба. Почетната цена инесува 1.900 денари за метар квадратен. Рокот за пријавување е до 09.11.2010, а лицитацијата ќе се одржи на 18.11.2010.

http://www.build.com.mk/?p=5313

Edited by build.mk - 19-Oct-2010 at 18:22

Znae li nekoj sto bidna so vladiniot proekt, devet zatvoreni olimpiski bazeni?

Почнато е со реновирање на базенот Младост.Црвената цигла фасада од страните се фарба црно, се работи со задоволително темпо, има работници. Ако сум во можност ќе поминам да сликнам.

Edited by toasumjas - 24-Nov-2010 at 13:35

Базенот „Младост“ станува пливачка арена „Борис Трајковски“

Половина милион евра што останаа од владиниот инвестициски влог за салата „Борис Трајковски“ ќе се искористат за реконструкција на базенот „Младост“

Нови санитарни јазли, менување на плочките во и околу базените, поставување нови столчиња на трибините, воведување комплетно нов систем за греење, филтрација на водата со УВ-зраци се дел од проектот за реконструкција на базенот „Младост“, лоциран во населбата Карпош 3, во рамките на спортскиот комплекс „Борис Трајковски“.

- Базенот ќе се реновира според сите светски стандарди, со што ќе се исполнат и условите за одржување меѓународни натпревари во ватерполо. Моментно се работи на првата фаза од реконструкцијата, односно на менување на фасадата на базенот, за таа да добие идентичен лик со оној на спортската сала – изјави Ратко Капушевски, директор на центарот „Борис Трајковски“.

Во почетокот на идната година ќе почне реновирањето на внатрешниот дел на базенот. Покај базените, комплетно нов лик ќе добие и летната тераса, на која ќе бидат поставени лежалки за сончање, чадори, маси и столови.

- Реконструкцијата треба да заврши до јули наредната година, кога првите капачи ќе може да ги видат сите новитети што ги подготвуваме за претстојната летна сезона. Исто така, базенот по реконструкцијата ќе биде ребрендиран во пливачка арена „Борис Трајковски“ – додаде Капушевски.

Пливачката арена ќе може да ја користат како рекреативните пливачи, така и професионалните клубови. Средствата за реконструкцијата на базенот се од инвестицискиот влог на Владата за изградба на салата „Борис Трајковски“, а градежните работи ги изведува фирмата „Градба промет“.

Во состав на базенот, исто така, се планира и клуб за бокс, каде што ќе тренираат боксерските клубови. Ќе се проектираат и деловни простории за издавање, како и кафе-бар дополнет со игротека за деца. Ова е прва поголема реконструкција на базенот „Младост“, од неговото отворање во 1979 година.

http://novamakedonija.com.mk/NewsDetal.asp?vest=12910101322&id=14&setIzdanie=22153

Edited by leonid23 - 09-Dec-2010 at 12:48

Јас се надевам на втората варијанта. Бидејќи од секогаш ми се допаѓала линијата на базенот а мислам дека би било и без врска да имаме помал клон на салата.