Гранит почна нов бизнис во Украина вреден 70 милиони евра Најголемата македонска градежна компанија деновиве Гранит почна да гради нов автопат во Украина, бизнис вреден 70 милиони евра, информира генералниот директор на Гранит, Страшо Милковски. “Пред две недели почнавме со реновирањето на нов автопат во Украина, од Киев до Новоград. Станува збор за бизнис вреден 70 милиони евра. Со оглед на ризичната финансиска ситуација на Украина, би требало да се плашиме од можната инфлација во оваа држава, односно од евентуалното девалвирање на вредноста на договорената зделка. Но, не се плашиме за судбината на овој договор, бидејќи кредитор за реновирање на делницата е ЕБРД”, вели Милковски. Тој објаснува дека Гранит во принцип внимава, кога влегува во нови проекти во странство, тие да имаат сигурни инвеститори, како што се ЕБРД, ЕИБ и слични меѓународни институции. Целта е секако обезбедување на сигурна наплата за изведувањето на градежните работи. Милковски исто така не се надева дека глобалната финансиска криза може да предизвика сериозни потреси на бизнисот на Гранит во Македонија, затоа што не се надева дека домашната економија е до тој степен изложена на глобалните потреси.

http://www.total.com.mk/default.aspx?mId=16&eventId=12878


Edited by pbanks - 06-Nov-2008 at 12:52

 Гранит мислам дека највеќе има градено по арапскиот свет, од поголемите, аеродромот во кувајт, бункерот на садам во ирак, автопати итн. јавна тајна беше дека за бомбардирањето на багадад им биле од корист на америте

Гранит во 80-тите години го градел и подземниот бункер на Садам Хусеин и пролетта 2003-та, при нападот на Багдад, на Вашингтон наводно му ги предал старите градежни планови. [1]

можеби овој текст погоре и немаше да звучи толку песимистички доколку Гранит и 2006 не отвори свое претставништво во Кувајт, но се до денес немам чуено дека договориле некоја работа!

Гранит отвори застапништво во Кувајт - 30.05.2006 Скопската градежна компанија Гранит отвори свое застпаништво во Кувајт, на почетокот на месецов, дознава Тотал. Нашата градежна компанија, која изгради силен бренд на блискоисточниот градежен пазар, склучи ексклузивен договор со локална компанија, која ја застапува пред клиенти од Саудиска Арабија, Катар, Ирак, Иран, Сирија, Јемен и други земји од блискиот исток. Застапништвото на нашата најдобра градежна компанија се наоѓа во Кувајт Сити, главниот град на државата Кувајт. Менаџментот на Гранит, не одговара на барањето на Тотал и десетина дена ниту ја потврдува ниту ја демантира оваа информација. Со овој бизнис потег сите бизнис операции на блискиот исток Гранит ќе ги води преку својот локален партнер. Акцијата на Гранит е една од најликвидните на скопската берза. Во последниве неколку денови бележи раст на цената, особено откако менаџментот објави дека како предлог одлука за усвојување на претстојното собрание ќе се најде точка со која се предлава дивиденда од 15 денари по акција, што претставува раст од 50% на вредноста на дивидендата во споредба со 2004 година. Гранит во минатото пред заливската војна учествувал во изградба на аеродроми и авиобази. Прв најзначаен проект на Гранит е учество во конзорциумот Дамаск – Алепо во Сирија. Во 1981 година компанијата во рамки на конзорцумиот СДПР добива проект вреден 1 милијарда долари, но тогаш започнува војната во заливот на Кувајт. Во тој период Гранит работи и во големиот македонски конзорциум Македонија Инвест во Либија, Алжир, Јордан и во Кувајт, проектот бил вреден 400 милиони долари, а учеството на Гранит било 30% од вредноста на проектот. Тотал - 30.05.2006

http://www.beton.com.mk/workabroad%20-%20mk.htm
Vidite sami

http://www.sintek.com.mk

Еве и Синтек е една наша успешна градежна фирма, која работи на санации на бетонски конструкции и специфични градежни работи.

Требаше да изведуваат санација на еден објект во Украина, за којшто проектот го работеше фирмата во која работам, ама во овие финансиски услови инвеститорот го стопираше проектот.
Градежните работи во земјите каде што нашите фирми најмногу работеа (Русија, Украина, Црна Гора) се скоро целосно замрзнати. Колку што и може да се насети, Украина е на добар пат да го изгуби и европското првенство во фудбал во 2012 год. Посебно е трагично за Украина, затоа што можеа многу нашите фирми да се вклучат и да го искористат периодот на подготовка за првенството, во кој во нормални услови интензивно се гради, што во случајов не е така.
Има уште многу што да видиме од таканаречената финансиска криза...дури сега почнува!

ГРАДЕЖНИЦИТЕ ГИ ПРОПУШТИЈА ШАНСИТЕ ВО ИРАК И ВО АВГАНИСТАН Не не бидува за воени профитери Македонските градежни компании не најдоа работа во Авганистан или во Ирак иако таму постојано се гради и многу градежни компании од светот заработуваат во тие земји. На нашите стопанственици досега честопати им беше ветувана работа во регионите каде што државата има мировни мисии за кои во последните четири години беа потрошени 17,4 милиони евра од Буџетот. Како најголеми проблеми зашто не можат да настапат на овој пазар упатените ги наведуваат небезбедноста, слабата финансиска моќ на компаниите и невоспоставените дипломатски односи. Во времето на договарање на мисијата во Ирак, во медиумите на големо се пишуваше дека тоа е и наша бизнис-шанса. Тогашниот министер за одбрана Владо Бучковски вели дека домашните градежни компании не ги искористиле можностите поради лошата стратегија на државата. - Со Владата беше договорено мисијата да се одвива во две фази. Прво да се обезбеди мирот, а потоа да се учествува во повторното градење на Ирак. Вината не беше во странските партнери зашто тоа не беше обврзувачко. Требаше да се има подобра стратегија, но се остана како пуста желба. Ја пропуштивме и шансата да го искористите и НАТО-просторот - вели Бучковски. Тој додаде дека, според неговите информации, градежните компании не работат ни во земјите каде што мисиите се уште траат. Од Здружението на градежништвото велат дека градежните компании не можат да ризикуваат да работат во опасни подрачја каде што се војува и не се доволно финансиски моќни да учествуваат. - Не сме толку богати да однесеме оператива и механизација и да ја загубиме. Уште повеќе, никој наш директор не би ризикувал да загуби работник на ризичните подрачја. Ние правевме некои анализи дали можеме да учествувавме, но заклучивме дека не сме доволно моќни - вели Марија Петроска од Здружението. Шефот на кабинетот во Министерството за економија, Исмаил Ебипи, проблемот го лоцира во невоспоставените билатерални односи со земјите од кризните подрачја. - Немаме договори за економска соработка со кои македонските компании ќе можат да работат во земјите како Авганистан и Ирак. Со такви договори може да се испраќаат контингенти со работници и за нивната безбедност ќе гарантира државата. Веќе почнуваат да се воспоставуваат релации, но тоа оди побавно зашто се работи за нестабилни држави - вели Ебипи. Македонија сега има мировни мисии во Авганистан, Либан, Босна и Херцеговина и логистичка поддршка во Косово, а учествуваше и во мисијата „Слобода за Ирак“, која заврши во 2008 година. Од почетокот на следната година земјава ќе го зголеми своето учество во мировната мисија во Авганистан за уште 80 војници, со што вкупниот број на македонски мировници во оваа азиска земја ќе се искачи на 250.

http://vreme.com.mk/DesktopDefault.aspx?tabindex=0&tabid=1&EditionID=1856&ArticleID=125611

Тhe tiles of the Tondach factory in Macedonia are very popular in Bulgaria Just to let you know that fact.  As i had some house building process to deal with over the last couple of months i found out that most of the building companies and specialists recommend the production of Tondach Macedonia before the local made Bramac and Стралджа . Couldn't find a web site of the Tondach factory in Macedonia. Can you give me a clue if there is one?

BTW pavche... did you built a house for yourself. Maybe you can share some of your observations regarding the roof tiling? Did you consider different materials (metal, bitumen etc) or you went directly with 'traditional tiling'?

You can give your comment if you want here.

Гранит ќе гради автопат во Полска Градежното друштво "Гранит" а.д. Скопје потпиша нов договор со главната дирекција за патишта и автопати на Република Полска. "Гранит" во конзорциум со фирмата НДИ СА од Полска ќе учествува во изградба на автопат А4, делница од клучката Брезско до клучката Њиерзцхослањице во должина од 20,8 клометри. Вредноста на договорот изнесува 125 милиони евра со рок на изведба од 24 месеци. http://vecer.com.mk/?ItemID=622C6EA21C27A845890368CD6D5B74C4

Поопширно за неодамнешната убава вест од Полска

„Гранит“ ќе гради автопат во Полска Македонската најуспешна градежна фирма ГД „Гранит“ АД Скопје освои уште еден странски пазар. Менаџментот на компанијата деновиве потпиша договор за изградба на 20.8 километри автопат во Полска. Вредноста на проектот изнесува 156.345.822 евра, а рокот за изведба на целиот објект е 24 месеци. Како што информираат од „Гранит“, оперативата ќе биде ангажирана на изградба на делницата од Бжешко до Вјешкославице, која е дел од автопатот А-4, кој ја поврзува Полска со Германија и со Украина. Автопатот ќе биде од А-класа со две насоки на движење. Во секоја насока ќе има по две ленти за одвивање на сообраќај и плус трета лента за застанување. По должината на сообраќајницата ќе има повеќе објекти, како мостови, натпатници, потпатници и клучки, што придонесува за зголемување на вредноста на целиот проект. Инаку, „Гранит“ ја доби работата во Полска на јавен тендер на кој настапи во конзорциум со локалната компанија НДИ. Конзорциумот победи во исклучително силна конкуренција од повеќе домашни фирми, но и неколку интернационални реномирани градежни компании, како што се австриските „Алпине бау“ и „Штрабаг“, потоа „Драгадос“ од Шпанија, ЈиП, „Авакс“ од Грција, МСФ од Португалија и други. Деновиве во Полска веќе почнаа подготовките околу организацијата на градилиштето. Таму веќе се пристигнати првите луѓе од „Гранит“, кои ќе се грижат за организацијата, а се носи и опремата потребна за изведба. На почетокот се планира на градилиштето да работат околу 200 работници, а во екот на најголемите активности ќе бидат ангажирани во просек околу 300 луѓе. Компанијата има рок од 28 дена да ги заврши подготовките и да почне да работи. Веќе во март и официјално ќе се стартува со изградбата на новиот автопат во Полска. (Б.А.)

http://www.utrinski.com.mk/?ItemID=0A020B08A0A33047AA8BDD2811268969

Во Европа градат, во Македонија крпат дупки

Во Македонија моментално се градат само 7 километри автопат, а се' друго е реконструкција на патиштата

Билјана Ангеловска

Најуспешната македонска градежна компанија „Гранит“ е на добар пат да обезбеди уште еден проект во странство, откако пред само два месеца склучи 150 милионски договор за изградба на 20 километри автопат во Полска. И овој проект е во Полска, но тој е многу потежок и има вредност од 240 милиони евра. Станува збор за друга делница од истата траса на големиот автопат А4, кој ја поврзува Полска со Германија и Украина. Ако „Гранит“ успее да го добие и овој тендер, тоа практично, ќе биде најголем успех на една македонска компанија остварен на странски пазар, бидејќи ќе обезбеди работа за 400 милиони евра, со што ќе ја ангажира оперативата за наредните две до три години. Во „Гранит“ веруваат дека нема да има никакви пречки да се добие работата, бидејќи компанијата е првопласирана според сите барани критериуми, а од друга страна, на тендерот настапува во конзорциум со домашна, полска фирма.

И додека оперативата на „Гранит“ ќе има полни раце работа, за другите градежни работници тоа не може со сигурност да се каже. Сигурната иднина за работниците на „Гранит“ ја гарантира обезбедената работа надвор од Македонија, а не отворените градилишта дома. Навистина, во последниот период на домашен терен има неколку фронта за работа на градежниците, но тоа се, пред се', објекти од високоградбата, додека на полето на инфраструктурата многу малку се вложува.

Опозицијата ја обвини државата дека не прави речиси ништо за да ја подобри сообраќајната мрежа. „Патната инфраструктура во земјата е пред колабирање. Секојдневно се случуваат одрони, свлечишта, дупки по патиштата. Реалноста е дека немаме ниту инвестициони активности по двете круцијални патни артерии, Коридорите 8 и 10, ниту пак имаме било какво одржување на постојната магистрална и регионална патна мрежа. Агенцијата за патишта, иако располага со буџет од околу 100 милиони евра годишно, во последните четири години не успеа да направи ниту еден километар автопат. Тоа досега не се памети во историјата на оваа државна институција“, коментира опозициската СДСМ.

Се чини дека, сепак, најлошо е што нема ни оптимистички најави дека наскоро би можел да се реализира некој поголем и позначаен инфраструктурен проект. Се' што се најавува дека ќе се работи тоа се само реконструкции, или изградба на регионални патишта. Изградба на сообраќајници од највисок ранг, автопати, нема. Единствено на што моментално се работи, проект почнат уште лани, а кој би требало да биде завршен до крајот на оваа година, е изградбата на седум километри автопат, делот од Коридорот 10 од Табановце до Куманово.

Од овој паневропски коридор ќе остане неизграден делот од Демир Капија до Смоквица, долг 27 километри, за кој, според информациите од Агенцијата за државни патишта моментално се изработува главниот проект. Засега нема најави дека наскоро ќе почне да се гради некоја делница и од Коридорот 8. Таму, се' уште се во тек постапки за експропријација на земјиштето долж трасата. А и самата изградба на делниците од овој коридор, според планот на Владата, ќе биде изведена преку нивно издавање под концесија при што концесионерот ќе треба да го изгради автопатот.

Се' останато што се гради од патната инфраструктура во државава, всушност, се патишта од пониска категорија, магистрални и регионални патни правци со релативно мала должина, додека сите други активности се сведуваат на реконструкција и санација. Така, според последните информации од Агенцијата за државни патишта, деновиве ќе се избираат изведувачи за санација на свлечиштата во Сопиште и кај Ресен, коишто се појавија по обилните врнежи во текот на изминатиот период. Со заем од Светска банка, во висина од 70 милиони евра во тек е рехабилитација на 11 регионални делници со вкупна должина од околу 280 километри, а ќе се работи и на поправка 61 локален пат.

Од регионалните патишта, најдолг е патниот правец Макази - Долно Дупени, граница со Грција со 37,5 километри, потоа Р’жаничино - Свети Николе, кој има 35,8 километри, правецот Лакавица - Неготино со 33,4 километри и Струмица - Нов Дојран - граница со Грција со должина од 31,13 километри. Останатите регионални патишта се со помали должини, од 13 до 26 километри.

Она што се гради како нова сообраќајница, пак, се многу мали делници од локално значење, како што се патот за Порече во должина од 8,4 километри, делницата од 17 километри до Ски-центарот на Кожуф и 10 километри долгиот пат од Радовиш до Струмица. Тука треба да се спомене и обиколницата на Охрид, која ќе биде од рангот на магистрален пат.

За разлика од Македонија, пак, во соседството се градат автопатишта. Така, во последниве неколку години Албанија изгради 170 километри автопат, во изминатиов период интензивно се гради и во Косово автопат од Приштина кон Пеќ и Албанија, додека Србија ја завршува изградбата на своите делници по Коридорот 10. Овој наш сосед не застанува тука. Владата на Србија планира во наредната година да почне шест нови патни правци, сите од рангот на автопати, за што ќе бидат издвоени 1,5 милијарда евра, а средствата ќе бидат обезбедени од продажбата на „Телеком“.
http://utrinski.com.mk/?ItemID=0348A65055DCAC4B93B6DBAAEC6AFF24