build.mk Homepage
Forum Home Forum Home > Останати теми > Останати теми
  Active Topics Active Topics
  FAQ FAQ  Forum Search   Register Register  Login Login

Сообраќајни правила, етика и казни

Bookmark and Share
 Post Reply Post Reply Page  <12345 8>
Author
Message
  Topic Search Topic Search  Topic Options Topic Options
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #41 Posted: 28-Sep-2009 at 01:08

ВНИМАВАЈТЕ-ОГРАНИЧУВАЊЕ НА БРЗИНАТА (2)

Во целата приказна за почитување и непочитување на сообраќајните правила и прописи, која беше почната во прилогот Нома Интер Авто во минатиот двоброј, можеби и не е сицирц; така црно. Сé уште можат да се видат и такви возачи (или пак пешаци) кои ревносно ги следат сообраќајните знаци и редовно се однесуваат како што со овие знаци е сигнализирано


Впечатокот кој, кај авторот на овој текст се оформил во текот на многуте години учество во сообраќајот, всушност е дека и покрај неоспорниот факт за свесно прекршување на правилата, зададени со сообраќајната и патната сигнализација, во голем дел ова се случува и несвесно, поточно како резултат на незнаење.

Би рекле, ова е логична последица, односно нешто што не можеше да се избегне по огромната „либерализација“ на полето на возачките испити, за што бевме сведоци во текот на повеќето изминати години. Не е дека немаше исклучоци, но секако дека беше многу потешко да се стигне до возачка дозвола без да се стекнат потребните знаења и вештини во „оние времиња“ кога возачките испити се полагаа само и единствено пред „страшните“ комисии, кои доаѓаа исклучиво од Министерството за внатрешни работи.

„Либерализацијата“ во постапките на добивање возачки дозволи и во полагањето на потребните испити (секоја авто школа - свои комисии), неминовно го направи своето. Знаејќи го начинот на неофицијалното функционирање на работите кај нас воопшто, и во оваа сфера, која не можеше да биде исклучена од општите, се разбира, непишани правила, работите се одвиваат слично. До посакуваното парче хартија (или во последно време парче пластика), наречено возачка дозвола, дојдоа не мал број млади луѓе, далеку пред тоа да го заслужат и далеку пред да ги стекнат макар и основните познавања на сообраќајните правила и прописи, сообраќајната сигнализација и возачките вештини.

Значи, сакајќи некој да им направи добро (да им помогне да се стекнат со возачка дозвола, без оглед дали тие тоа го „заслужиле“ или не), им направил лошо. И не само ним, туку и на сите нас, кои секојдневно учествуваме во сообраќајот. И кога после се со оглед на ситуацијата и невработеноста, голем дел од овие „возачи“ се одлучиле да заработуваат возејќи такси, неподносливата ситуација на нашите улици и патишта не смее да нé зачудува, а уште помалку изненадува.

Од друга страна, според нашето однесување, неодминлив е впечатокот дека сите ние мислиме, поточно сме убедени, дека знаеме се а како резултат на тоа, логично, правиме грешки од секаков вид. Колку пати самоуверено сте си го поставиле прашањето: „од каде сега овој знак овде“или дури „кој беше тој толку паметен што на автопат ставил знак за ограничување на брзината на 80км/ч“ и слично.

Колку тоа за нас во моментот да изгледа нелогично, сигурно е дека сепак зад тие одлуки стојат сообраќајни инженери, односно стручни лица - авторитети во својата област, кои според својата стручност биле избрани да го направат тоа. Без оглед дали нивните решенија на дадените позиции нам ни се допаѓаат или не, сепак мора да бидеме свесни дека тие се направени врз основа на показатели и фактори за кои ние, како возачи не сме свесни и воопшто не размислуваме. Во тоа име сообраќајните знаци би требало да ги почитуваме такви какви што сé, пред сé затоа што тоа од нас го очекуваат не само органите задолжени за контрола, туку пред се другите учесници во сообраќајот.

Ако на една делница од автопатот има знак за ограничување на брзината од 80км/ч, верувајте им на стручните лица кои процениле дека тоа треба така да биде - возете со брзина 80км/ч. Ако не им верувате, тогаш повторно возете со 80км/ч. Ако не заради друго, барем поради фактот дека можеби зад следниот свиок ве очекуваат момците со „Крајслер“ со плаво-бели ознаки и со вперен радар. А ќе се сложите, казните не се баш за потценување (се разбира, ако морате да ја платите).

www.novamakedonija.com.mk/NewsDetal.asp?vest=91892051477&id=24&setIzdanie=21792

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #42 Posted: 06-Oct-2009 at 16:39
ПОБЕЛУВААТ ПОЛИЦИСКИТЕ СООБРАЌАЈНИ ИЗВЕШТАИ ЗА ДРЖАВАВА
Казните страв и трепет за возачите и за пешаците

Македонските возачи, пешаци и другите учесници во сообраќајот по воведувањето на строгите парични, но и прекршочни казни, станаа посовесни учесници во сообраќајот. За тоа најдобар сведок е бројот на сообраќајните несреќи и повредените и жртвите, кој во првите шест месеци од оваа година, во споредба со истиот период лани, во некои градови е од 40 до 70 проценти во намалување, а на државно ниво се намали речиси 15 проценти. Паричните казни од 150, 200 и од 300 евра, па и казните од судот, велат учесниците во сообраќајот, им помогнале да внимаваат на себеси и на сообраќајната околината повеќе од порано. - По себеси знам дека сега како возач ми е многу чудно дека штом ќе влезам во автомобилот го ставам сигурносниот појас од страв да не ме казнат, нешто што порано не го практикував. Сега внимавам на одбројувачот на семафорот, запирам на пешачки и на сообраќајни знаци. Гледам и помалку незгоди низ Скопје, казните си го направија своето. Една казна една плата, кој има нека ризикува и“вели Илија Петровски, таксист од Скопје.
Скопјани и понатаму се први на црната листа на сообраќајната полиција. Од вкупно 1.690 несреќи низ Македонија, половина се случиле во главниот град. Токму низ улиците на главниот град загинале 22 учесници во сообраќајот. По Скопје, шампион во сообраќајни трагедии е Охрид, кој по вторпат успеа да го задржи црното второ место. Најмалку несреќи, повредени и загинати МВР евидентирало во Македонски Брод, Крушево и во Кратово. - Сообраќајни незгоди во кои има и настрадани учесници во сообраќајот, возачи, совозачи или пешаци во првото полугодие од 2008 година се 1.600, што претставува намалување за 300 сообраќајни незгоди со настрадани. И понатаму најмногу незгоди се со меѓусебни судири на возила, на второ место повторно се удар на возило во пешак. По месеци најмногу незгоди се случиле во март, потоа во мај, а најмалку во август и“велат од републичката сообраќајна полиција. По денови, најмалер ден за учесниците во сообраќајот е вторник, кога во првото шестмесечје се регистрирани најмногу повредени или загинати, а најсреќен ден е токму последниот работен ден, петок. Најмногу несреќи се случуваат во периодот од 14 до 15 часот, а најмалку кога градовите се мирни од сообраќај, од 23 до 24 часот.



http://vreme.com.mk/DesktopDefault.aspx?tabindex=1&tabid=1&EditionID=1831&ArticleID=123265
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #43 Posted: 24-Oct-2009 at 13:49

Скопјани, не возете во вторник попладне





 

Улиците на главниот град се најсигурни за возење наутро, а тоа го потврдува и официјалната бројка на многу малку сообраќајки од „лесен карактер“ сторени во тој период

 
 
%20  
Најризичен ден за македонските возачи да направат сообраќајка на скопските улици е вторник, и тоа во попладневните часови, покажува најновата полициска анализа на состојбата во македонскиот сообраќај.

За разлика од лани, кога за најризичен ден се сметаше петок, годинава тој замина на второто место на црната листа и м у го препушти водството на вторникот.

Според најновите анализи, внимавајте кога возите по скопските улици во вторник во периодот по престанокот на работно време, меѓу 16 и 18 часот. Оти тогаш во најголемиот метеж низ градските улици во првото деветтомесечие се случиле 780 сообраќајки. Веднаш по него следува истиот временски термин во петок, со 291 сообраќаен инцидент. Најцрн сообраќаен месец, пак, годинава е март, кога се случиле 259 сообраќајки.

Кажано со јазикот на статистиката, постои мала веројатност да направите сообраќајка во утринските и вечерните часови на денот, бидејќи најверојатно одговорноста и вниманието на возачите во тој период е на завидно ниво.

Податоците во МВР кажуваат дека во Скопје, град со најголем сообраќаен метеж во Македонија, годинава со потешки или полесни телесни повреди биле примени 1.345 жртви на сообраќајни несреќи, а 24 лица не го дочекале новиот ден.

Зголемениот број на несреќи само го потврдува растењето на возачката незрелост на македонските граѓани, која за период од шест месеци се зголемила за 11 отсто на територијата на Македонија, споредено со истиот период во минатата година.

Лекарите алармираат за преземање на сите законски мерки за наоѓање начин како би се ублажиле ваквиот тип незгоди.

- МВР последните неколку години создаде редица кампањи во кои поблиску ги запознаваше граѓаните како треба да се однесуваат во сообраќајот. Покрај превентивни, македонската полиција дејствува и со репресивни мерки, односно казнени мерки за несовесните возачи. Една од нив е запленувањето на возилата на прекршителите на сообраќајот. Во првото полугодие од 2009 година на 6.549 граѓани им било одземено возилото. На 2.548 граѓани, пак, привремено им биле одземени возачките дозволи - изјави Иво Котевски, портпарол на МВР.

http://www.novamakedonija.com.mk/NewsDetal.asp?vest=102491017511&id=12&setIzdanie=21819
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #44 Posted: 16-Nov-2009 at 10:59
СЕ ПОДОБРУВА СООБРАЌАЈНАТА КУЛТУРА ВО ГРАДОТ
Скопјани не се глуви за звукот на сирените

Елена Мачевска

Несовесните возачи, кои не ги пропуштат возилата на прва помош, на полиција и на противпожарната единица, и покрај тоа што имаат вклучено ротациски светла и сирени, многу често се причина за нивното доцнење и покрај тоа што од брзината зависат човечки животи. Од овие служби, сепак, велат дека не се сите возачи недисциплинирани и дека забележуваат извесно подобрување во сообраќајната култура во градот. Голем број скопјани веднаш реагираат на звукот на сирената и прават простор за возилата на итните служби да поминат.
За да не заглават во сообраќајниот хаос во Скопје, најчесто откако ќе добијат повик од граѓанин, тие ја известуваат сообраќајната полиција за правецот на движење низ улиците, која, како што велат, кога е во можност им го растоваруваат сообраќајот и им овозможува за кратко време да стигнат на критичното место.
- Состојбата со пропуштањето на возилата на противпожарната единица од година во година се подобрува, но, сепак, се уште има несовесни возачи, кои во никој случај не сакаат да ја ослободат лентата за да поминат нашите екипи - вели Благоја Менковски, командир на единицата за противпожарна заштита.Тој објаснува дека тоа е една од најчестите причини за доцнење на противпожарните единици до опожарениот објект.
Од Итната медицинска помош велат дека до пред три години, кога итните случаи ги превезувале со автомобили, возачите многу ретко, и покрај вклучените сирени, им правеле простор за да поминат.
- Откако купивме комбиња, кои се повисоки од автомобилите, со посилен звук на сирените и со поголеми ротациски светла, возачите можат да ги забележат на поголемо растојание и можат да им направат простор за да поминат - вели Маја Поповска од Итната медицинска помош.
И Лиза Бендевска, портпаролка на СВР Скопје, вели дека голем број граѓани не им даваат предност на нивните возила.
- Поголем дел од граѓаните се совесни возачи и кога ќе забележат дека сирената на некое наше возило е вклучена, даваат предност. Сепак, има и такви што не пропуштаат да помине возилото - тврди Бендевска.
Сепак, надлежните на овие институции, сметаат дека многу често се случува и возачите што сакаат да го пропуштат возилото на некоја од итните служби да не се во можност да го направат тоа поради сообраќајниот метеж во градот, особено во периодот од 8 до 10 часот наутро и од 15 до 18 часот попладне. Дополнителна проблем за овие единици се и паркираните возила на тротоарите, кои не им оставаат можност на другите учесници во сообраќајот да се тргнат од патот и да го пропуштат возилото со вклучени ротациски светла.

http://vreme.com.mk/DesktopDefault.aspx?tabindex=1&tabid=1&EditionID=1867&ArticleID=126622
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #45 Posted: 24-Nov-2009 at 20:25

Секој ден по 12 сообраќајки на македонските патишта





 

Статистиката покажува дека дури 93 отсто од сообраќајките во земјава ги предизвикале возачите, а тие се и категоријата што најчесто гине на жешкиот асфалт

 
 
%20  
Жител на охридското село Мешеишта го загубил животот во сообраќајна незгода што се случила вчера утро на патот Охрид - Кичево, кога со автомобилот излетал од патот и удрил во ограда на бензинска пумпа.

Станува збор за Горан Алексиески (23), кој од сериозноста на повредите починал на самото место.

Според полициските информации, сообраќајната незгода се случила вчера триесетина минути по полноќ во близина на охридското село Подмоље.

Алексиески со својот автомобил „ауди А4“ движејќи од Охрид кон Кичево во еден момент, од засега непознати причини, изгубил контрола над возилото. Тој првин удрил во сообраќаен знак, а потоа завршил во металната ограда на бензинската пумпа.

Годинава полициските билтени, во просек, дневно информирале за 12 сообраќајни незгоди во кои имало настрадани лица. Така, според официјалните анализи на МВР, во деветте месеци од годинава биле регистрирани вкупно 3.247 сообраќајки со повредени и со загинати лица, што е за 10,6 отсто повеќе во споредба со лани, кога на патиштата низ земјава се случиле точно 2.935 тешки сообраќајни незгоди.

Во овој период на жешкиот асфалт настрадале над 5.000 лица, што е за околу десетина отсто повеќе од лани. За разлика од мината година кога животите ги загубиле 96 граѓани, годинава оваа бројка е поголема за 24 лица, а 4.942 учесници во сообраќајот се лекувале од последиците од страотните несреќи.

И годинава најголем број од незгодите се случиле на улиците на главниот град, вкупно 1.448, во кои загинале 43 лица, а 2.126 биле тешко повредени. Кобни за учесниците во сообраќајот биле и улиците на Тетово, каде што се регистрирани вкупно 236 сообраќајки, потоа Куманово, Струмица и Прилеп.

Улиците во градовите по правило се и местата каде што се случува најголемиот дел од несреќите или во бројки, вкупно 2.333, додека на отворените патишта биле регистрирани околу деветстотини сообраќајки. Сепак, статистиката покажува извесна противречност во однос на бројот на загинати. Така, во незгодите што се случиле во урбаните средини загинале 51 лице, а на магистралите низ земјата животите прерано ги загубиле околу 70 учесници во сообраќајот. Според анализите на МВР, најмногу сообраќајки имало во летните месеци, кога покрај домашните возачи, сé поголем е бројот на странци што транзитираат низ земјава. Најцрн во поглед на тешките незгоди бил јули, кога се случиле 471 сообраќајка, потоа август и јуни со по 430 незгоди.

Загрижува податокот што од година во година бројот на ваквите незгоди постојано расте, а кампањите на надлежните институции за поголема безбедност во сообраќајот и за високите казни за несовесните возачи никако да дадат плод.

Дека возачите се главни виновници за крвавите траги на жешкиот асфалт покажуваат и официјалните статистички податоци. Според нив, дури 93 отсто или точно 3.019 од вкупниот број регистрирани незгоди биле предизвикани од возачи што постојано, брзајќи некаде, не внимаваат на сообраќајот, условите на патот, знаците, на пешаците. Токму возачите се и категорија што најмногу страдала на коловозите. Шеесет и еден од нив ги загубиле животите, а 2.324 со тешки повреди завршиле во болница. По нив на црната листа на настрадани се патниците, од кои 28 завршиле трагично, а околу 2.000 покрај лузните од повредите, цел живот ќе ги носат траумите од сообраќајните незгоди.

Дивеењето по македонските патишта е причината поради која надлежните институции годинава презеле поголем број сообраќајни контроли за разлика од лани. Во акциите на сообраќајната полиција низ земјата околу 12.000 возачи биле исклучени од сообраќајот, на исто толку им биле одземени возилата, а против 116.664 биле поднесени прекршочни пријави.
 
   
Автор: Бранислав Закев
http://www.novamakedonija.com.mk/NewsDetal.asp?vest=112491047514&id=12&setIzdanie=21845
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #46 Posted: 24-Nov-2009 at 20:37
Абе и ние сме можи апаши балкански, ама во Грција зошто возат со 180 и не се лупаат на секој чекор? Возат убави коли и имаат нормален асфалт. Епа тоа ти е сиромаштија, и на автопат дупки и крпеници. Кој бил во Грција или Бугарија, за потаму да не збораме, знае како се вози на автопат или поширок пат. Секако без последици. Ама затоа треба да знаеме колку ни е чергата, да не се силиме.

Edited by гитардемон - 24-Nov-2009 at 20:39
Arguing on the internet is like running at the special olympics. Even if you win, you're still retarded.
Back to Top
Zoc View Drop Down
Senior Member
Senior Member
Avatar

Joined: 25-Mar-2009
Online Status: Offline
Posts: 101
  Quote Zoc Quote  Post ReplyReply #47 Posted: 03-Jan-2010 at 11:52
http://www.a1.com.mk/vesti/default.aspx?VestID=118198

Возачите ќе смеат да имаат најмногу 0,1 промил алкохол


Коментари (9)   
02.01.2010 14:13
 

 

Горната граница за дозволена количина на алкохол во крв од 0,5 промили ќе се намали деновиве на 0,1 промил.

Ова е дел од измените на Законот за безбедност на сообраќајот што на 6 јануари треба да стапи на сила.

За прекршителите се предвидени ригорозни казни. Со 200 евра и времено одземање на возачката дозвола ќе бидат казнети возачите, кај кои полицијата ќе измери од 0,1 до 0,5 промили.

Над 0,5 казните ќе се одредуваат пропорционално во зависност од новиот на алкохол во крв.

Согласно законските измени, секој возач кој ќе одбие да направи алкотест ќе биде казнет со 500 евра, колку што ќе бидат казнувани и оние лица што ќе возат без возачка дозвола.

Не дека пијам кога возам ...ама ова ги поминува сите граници ...незнам дали има вакви случаи во другите држави ама стварно ова е претерано...да се симне границата на 0,1 стварно е некоректно и репресивно. Се согласувам да се стават повисоки казни за тие што имаат над 0,5 промили алкохол ...но ова!?!

ОЧЕКУВАМ СЛЕДНОТО ДА БИДЕ ... КАЗНА ЗА ВКЛУЧЕНО РАДИО ВО АВТОМОБИЛ 400 ЕВРА ...ццц

Back to Top
theone View Drop Down
Groupie
Groupie
Avatar

Joined: 05-Feb-2008
Online Status: Offline
Posts: 0
  Quote theone Quote  Post ReplyReply #48 Posted: 03-Jan-2010 at 17:26
Originally posted by Zoc



Не дека пијам кога возам ...ама ова ги поминува сите граници ...незнам дали има вакви случаи во другите држави ама стварно ова е претерано...да се симне границата на 0,1 стварно е некоректно и репресивно. Се согласувам да се стават повисоки казни за тие што имаат над 0,5 промили алкохол ...но ова!?!

ОЧЕКУВАМ СЛЕДНОТО ДА БИДЕ ... КАЗНА ЗА ВКЛУЧЕНО РАДИО ВО АВТОМОБИЛ 400 ЕВРА ...ццц



Вакви коментари се излишни. Само вчера вечерта по скопските улици видов 2 ужасни  сообраќајки, а бидејќи сум покрај прометна улица, неретко сум видел зачукувања по бандери од пијани возачи. Го поздравувам потегот и како шофер и како граѓанин. Знам како е да се вози под дејство на алкохол , 0,1 не е ништо но ретко се останува на една чашка алкохол. Така да кој сака да биде позади волан нека не пие.

Што се однесува за други држави знам дека во Чешка дозволено количество алкохол во крвта е 0 промили. Си постои безалкохолно пиво за оние што сепак сакаат да пијат.


Back to Top
Мартин View Drop Down
Senior Member
Senior Member
Avatar

Joined: 04-Jan-2009
Online Status: Offline
Posts: 366
  Quote Мартин Quote  Post ReplyReply #49 Posted: 03-Jan-2010 at 19:11
Чешка, Словачка, Унгарија, Романија, Естонија, Хрватска и Албанија, во сите овие земји дозволеното количество алкохол е 0 промили.
Норвешка, Шведска и Полска - 0.2.
Босна и Херцеговина - 0.3.
Литванија - 0.4.
Данска, Германија, Холандија, Белгија, Франција, Шпанија, Португалија, Италија, Швајцарија, Лихтенштајн, Австрија, Словенија, Србија, Црна Гора, Грција, Бугарија, Финска и Латвија - 0.5.
И за крај, Ирска, Британија и Луксембург се со највисоко ниво, односно 0.8 промили.  Smile


Edited by Мартин - 03-Jan-2010 at 19:12
Back to Top
ovaj_stariov View Drop Down
Senior Member
Senior Member
Avatar

Joined: 02-May-2008
Location: Prilep
Online Status: Offline
Posts: 1315
  Quote ovaj_stariov Quote  Post ReplyReply #50 Posted: 03-Jan-2010 at 19:32
Јас сум за 0.
Треба да се знае,кој пие да не вози.
build.mk, гради форумска историја
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #51 Posted: 03-Jan-2010 at 20:18
Верувам дека скоро сите сме возеле пијани, кој малку поднапиен, кој клешта пијан, но факт е дека сите знаеме дека кога сме пијани си мислиме дека сме Шумахер, и дека нè бери меѓу 2 шлепери на растојание од 50 cm Јас сум за.
Arguing on the internet is like running at the special olympics. Even if you win, you're still retarded.
Back to Top
Zoc View Drop Down
Senior Member
Senior Member
Avatar

Joined: 25-Mar-2009
Online Status: Offline
Posts: 101
  Quote Zoc Quote  Post ReplyReply #52 Posted: 03-Jan-2010 at 20:57
Значи се е ова ок, но сепак 0,1 промили се некако многу радикална и репресивна мерка.Факт е дека до 0,5 промили алкохол во крвта не создаваат посериозни пореметувања на психомоторниот систем и проблеми при управување со возило. Значи да не бидам погрешно сватен и јас сум ЗА, да не се вози под дејство на алкохол. Казните нека одат и на 1000 евра за над 0,5 промили ,но 200евра за над 0,1 е премногу од причина што прави многу притисок во стилот и да си се напил минатата вечер тебе може да ти покаже над 0,1 . Или па изеди кило грозје па да видиме за неколку часа дали нема да ти покаже над 0,1 Big%20smile
Се надевам ме разбирате што сакам да кажам Cheers(кока кола пијам)
Back to Top
Zoc View Drop Down
Senior Member
Senior Member
Avatar

Joined: 25-Mar-2009
Online Status: Offline
Posts: 101
  Quote Zoc Quote  Post ReplyReply #53 Posted: 05-Jan-2010 at 01:51

Нов аршин за фатените возачи

Возачите-аматери сепак нема да бидат казнувани за едно испиено пиво или чаша вино, а глобите се рангираат од 250 до 400 евра, според количеството алкохол во крвта

Возачите што не се професионалци сепак нема да бидат казнувани за едно испиено пиво или чаша вино. Измените во Законот за сообраќајот, што пратениците го изгласаа во минатиот вторник, а ќе почне да се применува од утре, прецизно утврдуваат дека дозволената граница останува 0,5 промили алкохол во крвта. Лимитот од 0,1 промили се однесува само за професионалните возачи и возачи-почетници. Забуната што ја направија некои медиуми со погрешно толкување на законот.

- Границата од 0,1 промили алкохол се однесува само на возачите на кои управувањето со возило им е основно занимање, односно професионалните возачи на автобуси или камиони, возачите-инструктори, кандидатите за возач, како и членовите на испитните комисии за полагање возачки испит - вели Кузман Дамчевски, виш полициски советник во Секторот за сообраќајни работи во МВР.

Меѓу измените во Законот е и предвидената глоба од 500 евра и забрана за управување на моторно возило за возачот што ќе одбие да биде алкотестиран и возачот кој управува возило без возачка дозвола. Професионалните возачи ќе бидат казнети со 200 евра глоба и три месеци забрана за управување на моторно возило.

Дозволена концентрација на алкохол во крвта за возачите-аматери останува под 0,5 промили. Процентот на алкохол во крвта не зависи само од количината на испиениот алкохол, туку и од други фактори: тежината на човекот, полот, возраста, временскиот интервал од внесувањето на алкохолот до тестирањето и друго. Маж со просечна тежина од околу 70 килограми, по две испиени пива при тестирање може да ја надмине дозволената граница од 0,5 промили алкохол во крвта. За намалување на вредноста на алкохол во крвта од над 0,5 на нула потребно е да поминат од еден и пол до три часа.

ПОВЕЌЕ МАЛИГАНИ, ПОВЕЌЕ ЕВРА

Возачите што биле запрени од сообраќајна полиција по испиени две пива и оние што биле затекнати „мортус“ пијани нема еднакво да бидат казнувани. Казните се рангираат во четири категории, според тоа колку испиле фатените возачи. Казните се движат од 250 до 400 евра. Висината на паричната казна се одредува според концентрацијата на алкохолот во крвта. Првата категорија ги опфаќа возачите кај кои се измерени од 0,1 до 0,5 промили алкохол во крвта. За нив е предвидена казна од 200 евра. Во втората категорија спаѓаат тие кај кои ќе бидат измерени меѓу 0,51 и 0,99 промили алкохол. За нив глобата е 250 евра, а 300 евра ќе платат несовесните зад воланот кај кои ќе бидат измерени од 1 до 1,46 промил алкохол. По 350 евра казна ќе платат возачите кај кои алкотестот ќе покаже присуство на алкохол во крвта од 1,5 до 1,99 промил. Највисока е казната од 400 евра за оние што имаат над 2 промила алкохол во крвта.

Досега, сите пијани возачи, без разлика дали биле фатени со 0,5 или пак со над 2 промила алкохол во крвта, плаќаа иста казна - 400 евра.

Граѓаните го поздравуваат одредувањето казна според степенот на алкохолизираност.

- Не може некој што испил едно пиво да плаќа иста казна како некој што се направил „дрво“ пијан. Полицијата досега само еднаш ме запрела и по испиени две чаши пиво, апаратот покажа дека имам околу 0,6 промили алкохол во крвта. Ми напишаа казна од 400 евра, но платив само половина бидејќи ја уплатив во законскиот рок од осум дена. Сметам дека на тој начин ќе се воведе ред во контролата на пијаните возачи - вели 43-годишен скопјанец.

Други, пак, сметаат дека не треба да се прави категоризација на пијаните возачи.

- Без разлика дали некој вози автомобил по три испиени чаши вино или, пак, управува возило во тешко пијанство, во двата случаја се прекршува законот. Алкохолот и управувањето на возило не одат заедно и треба да има уште поригорозни казни - тврди пензионер.

Досега сите пијани возачи, без разлика дали биле фатени со 0,50 или пак со над 2 промила алкохол во крвта, плаќаа иста казна од 400 евра. Надлежните сметаат дека со рангирање ќе има поадекватно санкционирање на пијаните возачи.

- Како резултат на компаративните искуства во Европа, се предвидува конкретно дефинирање на недозволените промили на алкохол во крвта, како и адекватно санкционирање на учесниците во сообраќајот што постапуваат спротивно на законот - вели Дамчевски.

МАКЕДОНИЈА ТОЛЕРАНТНА

Возењето под дејство на алкохол не е најчестата причина за сообраќајни несреќи во Македонија. Во првите девет месеци од минатата година имало 3.244 сообраќајки со потешки последици. Од сите несреќи во минатата година, само мал дел, односно 117, биле предизвикани поради возење под дејство на алкохол, а најголем број, односно 3.019 несреќа се случиле поради возење со преголема брзина. Во истиот период лани на македонските патишта загинале 120 учесници во сообраќајот, а повредени се 4.942 лица.

- Очекуваме новата казнена политика да го намали бројот на сообраќајни несреќи предизвикани од алкохолизирани возачи. Ефектите од измените во законот ќе ги видиме кога ќе ги сумираме резултатите од нашата кампања за поголема безбедност во сообраќајот - велат креаторите на измените во законот.

Македонија е земја што влегува во категоријата на земји што толерираат возење со извесно присуство на алкохол во крвта. Дозволената граница до 0,5 промили како референтна ја имаат и Бугарија, Хрватска, Србија, Грција, Словенија, Турција, Италија, Германија, Швајцарија и други. Најригорозни земји, во кои воопшто не е дозволено присуство на алкохол во крвта, се Чешка, Унгарија, Романија, Словачка, Саудиска Арабија и Обединетите Арапски Емирати. Полиберални земји, со дозволени до 0,8 промили алкохол во крвта се Ирска, Велика Британија, Канада, Мексико, Малта, САД и други.

Македонската полиција често врши поголеми акции за алкотестирање на возачите по македонските патишта и најчесто добиените податоци се дека околу 20 отсто од нив возеле под дејство на алкохол.

Даниела Вељановска

Нема доза алкохол што не е штетна

- Релативно е колкаво количество алкохол е потребно за пијанство. Некој може да се испијани и со половина чаша вино, особено ако пие гладен. Се случувало по неколку чаши „кока-кола“ тестот да покаже алкохол во крвта. Ние настојуваваме законот да се смени, зашто и кај тие со 0,5 промили алкохол во крвта може да има промени во однесувањето и да бидат причина за сообраќајни незгоди. И со толку малку алкохол возачот е во физичка или психичка состојба во која не може да реагира соодветно на ситуацијата. Тоа е стар проблем што го имаа и судовите и вештаците со сторители на несреќи, кои го имале овој процент на алкохол, случаи што се' уште не можеме да ги решиме. Најдобро е воопшто да не се пие алкохол додека се вози - вели д-р Андон Чибишев, директор на Клиниката.

Тој предупредува дека алкохолот ги забавување функциите, најсилно дејство има на централниот нервен систем и на мускулатурата, ги затапува сетилата, а најопасно е што може да предизвика влијание на центарот за дишење, поради што може да предизвика дури и смрт.

- Алкохолот може да го наруши ритамот на срцето и алкохолизираниот може да добие малигна аритмија од која исто така може да почине. Најмалите тројца пациенти што ни беа донесени вечерта на 31 декември се 13-годишници и сите беа во коматозна состојба. Често се заборава дека колку лицето е помладо, толку се потешки последиците од пиењето алкохол. Почетната еуфорија и веселост од пиењето поминува во фаза во која се забавени сите животни фунции, како и центрите за контрола на работата на виталните органи - објаснува Чибишев.

Значи сепак границата од 0,1 промили алкохол се однесува само на возачите на кои управувањето со возило им е основно занимање, односно професионалните возачи, но и возачите почетници. Додека за останатите останува границата од 0,5 промили.

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #54 Posted: 07-Jan-2010 at 14:32
Џабе паниката

Без паника, полицијата ќе толерира алкохол до 0,5 промили

Одредбата за 0,1 промил важи само за професионалните возачи и за почетниците

Стравот кај возачите околу измените во Законот за безбедност во сообраќајот и патиштата, според кои, им се дозволува само 0,1 промил алкохол во крвта, се испостави дека е лажна паника. Од МВР укажуваат дека станува збор за погрешно толкување на Законот и дека спорната одредба важи единствено за професионалните возачи, додека кај обичните возачи и натаму ќе се толерираат до 0,5 промили. Со измените што минатата недела беа изгласани во Собранието, а кои почнуваат да важат од денес, се воведуваат и степени на казнувања во однос на нивото на алкохолизираност кај возачите.

Измените во Законот важат само за професионалните возачи, односно вработени како возачи во фирми и организации, таксистите, возачите во јавниот превоз, шоферите на камиони и автобуси, лицата што обучуваат возачи, возачите почетници и слично. Кај нив нема да се толерира нивото на алкохол во крвта да биде повисоко од 0,1 промил“, ни изјави Кузман Дамчевски, виш полициски советник во Секторот за сообраќајни работи во МВР. Доколку кај ова категорија возачи бидат измерени од 0,1 до 0,5 промили - тогаш им следува парична казна од 200 евра и тримесечно одземање на возачката дозвола.

Дамчевски појаснува дека за возачите - аматери што имаат положено возачки испит од категорија Б, и натаму важат досегашните закони, со кои полицајците толерираат до 0,5 промили. Новина е и тоа што од денес ќе важат различни казни според степенот на алкохолизираност кај возачите.

„Возачите кај кои ќе бидат измерени од 0,51 до 0,99 промили, ќе бидат казнети со 250 евра и прекршочна пријава за одземање на возачката дозвола во период од три до шест месеци. За оние кај кои алкотестот покажува од 1 до 1,5 промили е предвидена казна од 300 евра и одземање на возачката дозвола од шест до девет месеци. Кај лицата со 1,51 - 1,99 промили следува казна од 350 евра и одземање на возачката дозвола од 9 до 12 месеци. Возачите што во себе имаат повеќе од 2 промила алкохол во крвта ќе бидат казнети со 400 евра и одземање на возачката дозвола на 12 месеци“, појаснува вишиот полициски советник.

Доколку се плати во рок од 8 дена, паричната казна ќе биде преполовена, но тоа воопшто не влијае врз одлуката на судијата за прекршоци на колку време ќе ви ја одземат возачката дозвола. Доколку возите, а возачката ви е одземена, следува уште една казна од 500 евра. Толкава казна е предвидена и за лицата што ќе одбијат да бидат алкотестирани, а згора и една година ќе бидат оставени без возачка дозвола. (Г.А.)

http://www.utrinski.com.mk/?ItemID=35C1C9DBA648C04B8B5984F2319BC13F


Edited by Cloverstack - 07-Jan-2010 at 14:34
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #55 Posted: 11-Mar-2010 at 11:28
Од денеска задолжително и противпожарен апарат во возилата

Противпожарниот апарат од денеска е задолжителна опрема во сите автомобили, автобуси и камиони, според правилникот за задолжителна опрема.

Според правилникот, објавен во Службен весник минатата недела, сите возила кои превезуваат патници треба да имаат противпожарен апарат за гасење на пожар поставен на видно место или на место лесно да дофат.

Патничките возила треба да имаат еден противпожарен апарат од два килограми наполнет со прашок АБЦ.

Возачите од денеска, задолжително во возилата мораат да имаат и сигурносен-рефлектирачки елек што треба да се облече кога во темнина се напушта возилото, кога на пат надвор од населено место или автопат врши некој работа покрај возилото.

http://netpress.com.mk/vest.asp?id=69336&kategorija=1
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #56 Posted: 11-Mar-2010 at 23:00
Поддршка за ваквата мерка. Знае ли некој каде може да се купи ваквата опрема?
Помогнете во Македонската Википедија - Слободна енциклопедија!
Back to Top
The Man View Drop Down
Senior Member
Senior Member


Joined: 06-Oct-2009
Online Status: Offline
Posts: 135
  Quote The Man Quote  Post ReplyReply #57 Posted: 12-Mar-2010 at 09:30
Originally posted by La Linea

Поддршка за ваквата мерка. Знае ли некој каде може да се купи ваквата опрема?


Би требало да има во било која бензинска пумпа. Знам дека има и во Bujoto Home Center, 5 различни ПП апарати имам видено таму. Како и да е, друг проблем се јави... јас никаде немам видено 2L ПП апарат, секаде се продаваат 1L.
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #58 Posted: 12-Mar-2010 at 17:14

има во огнопревент http://www.clubeconomy.com.mk/Detali_cv.asp?ID=1621 се наоѓа спроти злате одма пред веро во тоа бараките на м.з.Пролет

а сигурно има и по другите фирми за противпожарна опрема  http://www.zlatnakniga.com.mk/Details.aspx?zaglavje=2691

Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #59 Posted: 27-Mar-2010 at 15:45
Со дигитални тахографи ќе се контролира работното време на возачите - 27.03.2010

Возачите на автобуси и камиони од средината на идната година ќе може да возат само по осум часа на ден или онолку колку што со закон е предидено. Во возилото задолжително ќе мора да вградат дигитални тахографи.

Ова е новината која се предвидува со Предлог-законот за работно време, задолжителни одмори на мобилни работници и уреди за запис во патниот превоз (тахографи), кој е во Собраниска процедура од минатата недела.

Од јуни 2010 година возило во кое ќе нема вградено дигитален тахограф ќе неможе да се движи во земјите членки на Европската унија.

Новите тахографи ќе се разликуваат од старите по тоа што попрецизно ќе го евидентира бројот на часови на возење и одмор на возачот како и брзината со која се движело возилото.

Системот вклучува печатач, кој може да биде употребен при патна инспекција, додека возачот поседува картичка во која е инкорпориран микрочип, која тој мора да ја инсертира во тахографот кога презема контрола врз возилото.

„Ова е добар начин за да се стави крај на злоупотребата на работниците шофери. Тие скоро секогаш позади воланот се подолго од осум часа на ден. Со ова законско решение ќе се зголеми брјот на шофери", вели првиот синдикалец во Велес, Димират Андонов.

Андонов, напоменува дека овој Предлог - Закон е еден од ретките кои е во корист на работникот нагласувајки дека истиот е усогласен со европските диективи а во неговата изработка покрај синдикатот активно учествувало и Здружението на автопревозници.

http://www.lisica.mk/statija/7224

Тахографите задолжителни во автобусите и во камионите - 15.12.2009

Шест компании се пријавија на конкурсот за мемориски картички за дигитални тахографи, без кои македонските патни превозници по 16 јуни не ќе може да сообраќаат во земјите на ЕУ
Шест компании и институции се пријавија на меѓународниот јавен оглас, што кон крајот на февруари го објави Министерството за транспорт и врски за издавање мемориски картички за дигитални тахографи. Македонските патни превозници по 16 јуни годинава без тахографи не ќе може да сообраќаат со своите камиони и автобуси во земјите на Европската Унија.

Како што дознаваме, понуди доставиле македонската транспортна асоцијација СИЗ „Македонија сообраќај“ - АМЕРИТ, која конкурира со хрватската државна Агенција за комерцијално работење и полската државна Агенција за издавање тахографски картички, „Асеко-Се“ со српски и чешки партнер, словенечки „Цетис“ со своја подружница во нашата земја, „Сивус“ со романскиот партнер „Центсигн“, „Аутомакедонија“ со францускиот партнер „Хроносервис“ и „Виста“ со романски партнер.

Според нашите информации, понудата на „Македонија сообраќај“ е единствена комплетна според строгите тендерски критериуми и услови. Според нив, при изборот на фирма што ќе го добие ова овластување ќе се земат предвид пониските трошоци за издавање мемориска картичка, но важна улога ќе има и рокот на почнување на работите, како и условите и начинот на кој картичките ќе им се издаваат на корисниците. Некои од подносителите не доставиле доказ за бројот на вработените со комплетно платени придонеси или немаат податоци за расположив простор за вршење на дејноста за која конкурираат или нивните понуди содржат скриени трошоци, што подоцна може да ја обременуваат крајната цена на мемориските картички. Евалуацијата на понудите ќе трае до крајот на март, односно почетокот на април.

Инаку, мемориските картички, кои возачите ќе мора да ги внесат во тахографот, ќе го снимаат и меморираат времето на возење на возачите, кое не смее да биде подолго од осум часа на ден. Станува збор за задолжителна обврска, предвидена со европските директиви, а која е поместена и во нашиот нов Закон за работното време. Тахографот има и печатач, со што инспекциите лесно ќе може да дојдат до снимените информации дали превозникот отстапил од законот, а тој претставува и пречка за манипулациите на возачите пред газдите на возилото.

Како што посочуваат од Министерството за транспорт и врски, со спроведувањето на овој јавен оглас, ќе се овозможи создавање подобри услови за превозниците, а особено во делот на нивната заштита во патниот сообраќај, подобрување на безбедноста во сообраќајот, спречување на нелојалната конкуренција, спречување на пречекорувањето на максималното неделно работно време со цел правилата за работно време и одморите на возачите да бидат целосно и правилно применети.

http://www.dnevnik.com.mk/?ItemID=7B34B2238AF1AC4B9A8FAC20EDB6088D

~

па и досега имаше тахографи само што беа хартиени ленти и аналогно се регистрираше на нив времето на работа на моторот... всушност ова е сега прилагодување на европските стандарди, но и можност за контиунирана контрола на тахографите преку картичките итн.  

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #60 Posted: 12-May-2010 at 14:14
ДВА И ПОЛПАТИ СЕ ЗГОЛЕМИ БРОЈОТ НА ЖРТВИТЕ ВО СООБРАЌАЈОТ
На патиштата се гине како во војна

Јулијана Ивановска
Благојче Петрески

Повеќе од двапати се зголемил бројот на загинати во сообраќајни несреќи и покрај строгите закони и медиумски кампањи, кои ги презентира полицијата последниве две години. Според полициските анализи, за првите три месеци од годинава, во споредба со истиот период лани, бројот на жртвите се зголемил од 19 на 43. Само за четири дена на патиштата низ земјава во сообраќајки загинаа петмина, а повеќе од 30 граѓани се тешко повредени. По патиштата се повеќе се појавуваат „црни точки“, пропаднат асфалт, длабоки дупки, широки дури и по половина метар, необезбедени мостови, незаштитени провалии и бездни, а надлежните според експертите, не направиле ништо за да ја подобрат застарената инфраструктура. Најопасни се „црните точки“ на патот Кичево - Гостивар, кај превалецот Стража, како и кај превалецот Плетвар пред Прилеп, а и дел од патот кон Битола. Опасен и со безброј свиоци е и патот Македонска Каменица - Кочани, кај браната „Калиманци“ на кој годинава имаше пет жртви. Но, и автопатиштата не се подобри. Автопатот Скопје - Гевгелија, посебно кај клучката која ја поврзува Демир Капија со делницата Штип - Радовиш, кај местото Пилав Тепе, за стручњаците по сообраќај се најнебезбедни и речиси секој втор ден има по една сообраќајна несреќа. Катастрофалната инфраструктура на патиштата во Македонија, според стручњаците е најголемиот проблем поради кој секоја година се повеќе се зголемува бројот на загубени човечки животи. Според нив, криви се и возачите, кои не ја прилагодуваат брзината со условите на патот. Но, без разлика на се, велат стручњаците, државата мора да им обезбеди квалитетна патна инфраструктура. Големиот број сообраќајни несреќи, според професорот за безбедност во сообраќајот Стоимко Златковски, се должи на несоодветната опрема која е поставена на нашите патишта. Тој потенцира на безбедносните огради, кои, пред се, треба да бидат функционални. Веќе постоечките огради, како што објаснува тој, не се од никаква функција за спречување на сообраќајна несреќа, па според него, таа дејствува само психолошки на учесниците во сообраќајот. - Наместо сегашните мрежи, кои се поставен на ризичните места на патиштата, треба да се постават бетонски огради, кои по американскиот модел се познати како „њу џерси“. Тие се поставуваат покрај мостовите или ризичните делови на патиштата, кои освен што психолошки дејствуваат на возачите, се функционални и се доволно цврсти да ја намалат штетата од можната сообраќајна несреќа и да заштитат да нема повредени или, пак, загинати. Вакви блокови постојат во Македонија, но само по автопатот Тетово - Гостивар - вели професорот Златковски. Тој тврди дека металните огради, поставени на кривините и пред провалиите, познати како рабници, треба да се отстранат затоа што тие не би можеле да го спречат ударот. Напротив, вели професорот, доколку автомобил удри во нив ја губи рамнотежата, а со тоа се зголемува можноста за поголема несреќа. Наместо ваквата заштита, советува професорот Златковски, покрај патиштата пред бетонската ограда да се постави песок со покрупни камења. Ова би помогнало во случај возачот да заспал, песокот да го стресе возилото и навреме да го разбуди. За поставената сигнализација, посебно за флуоресцентни столбови, кои во ноќта и при најмал зрак светат, професорот Златковски објасни дека кај нас се поставени на секои 50 метри, но за поголема безбедност требало да бидат поставени на секои 10 метри. Златковски им препорачува на надлежните да поставуваат повеќе знаци по патиштата, посебно пред најопасните 127 „црни точки“, кои ќе се одржуваат и би се придонело за навремено предупредување на возачот за можната опасност. - Ова се загрижувачки податоци, особено ако се земе предвид дека најчесто во 10 од сообраќајните несреќи учествувало само едно возило - изјави министерката за внатрешни работи. Директорката на фондот за патишта и за сообраќај Наташа Волкановска изјави дека во однос на безбедноста на патиштата формирано е координативно тело и дека во подготовка бил акциски план за зголемување на безбедноста на патиштата. Во истиот тој план Волкановска посочи дека би требало да бидат опфатени веќе познатите 137 „црни точки“, кои се наоѓаат на патиштата ширум земјава. Патната инфраструктура, според неа, 30 години била во лоша состојба поради неодржување во согласност со стандардите. И додека во Фондот со години се кројат планови за побезбедна патна инфраструктура, граѓаните чии пари од патарини и од регистрација на возила се трошат за тамошните вработени, и понатаму гинат по небезбедните патишта низ земјава.

http://vreme.com.mk/DesktopDefault.aspx?tabindex=0&tabid=1&EditionID=2019&ArticleID=140583
Back to Top
 Post Reply Post Reply Page  <12345 8>

Forum Jump Forum Permissions View Drop Down



This page was generated in 0.141 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.