✔ Улица Есенинова

Не сме на регистарска табличка, како што пропишува Конечната спогодба од 2018
Да не имаш некакви информации за внатрешниот прстен и Љубљанска?

Edited by Staro Skopje - 18-May-2020 at 20:18

Originally posted by zabegan многу, многу утната траса за толку битно поврзување... претпоставувам тука им било најлесно поради имотите и едноставност на теренот... ама ако расксницата од оваа улица се наоѓа на 200 метри од таа кај тутунски, поарно да не ни арчат пари на нејзе, затоа што ќе биде бескорисна а метежот и вака и така ќе остане метеж нема да има само ако улицава се поврзе со раскрсницта кај тобако 2, или уште подобро, со булевар Авној што и онака треба да се поврзе со Гоце Делчев, што е многу покомплицирано, ама па придобивските се огромни, за разлика од некоја крпеница кај тутунски, што ќе функционира ако се донесе сообраќајно решение за вкрстувањата во тој регион, ама кога ќе видиш, со такво решение нема ни да има потреба од „расчистување на метежот кај тутунски“

Тешко тоа, би се создале многу нелогични и тешки траси. Сегашниот план не е лош.


Доколку се изгради Есенинова (пожелно 2+2), следен проект на Градот во овој дел би требало да биде поврзување на Михаил Чаков со Трета Македонска Бригада (2+2 или 1+1; или директно на Фрањо Клуз, или преку косата улица), со што Кисела Вода и Аеродром би биле адекватно поврзани. Во подалечна иднина би можело да се размислува за продолжување на Васко Карангелески (1+1), ама некому му текнало згради да прави таму. Реално, од овој поскап зафат, пред сѐ поради депото, нема потреба, ниту пак е планиран со ГУП-ови, ДУП-ови, катастри, политики, барања...


Edited by Staro Skopje - 19-May-2020 at 01:23

Шилегов во неколку наврати јасно има кажано дека проекти не започнуваат без завршена експропријација, а тука уште не е завршена. Изборите ги одлагаат сите исплати по тој основ заради опасност да се искористи ескпропријацијата за купување гласови и се стои за до после избори.

Овој проект прв пат почна да се спомнува поактивно 2008/2009 и од тогаш навака се осилуваат градоначаници градски/општински и ќе го спомнат само по еднаш двапати во мандат и толку е. Затоа и сум скептик голем дека од ова може да биде нешто, мислам дека е само редовно предизборно спомнато. Па и тука има далековод што смета меѓу трафостаницата кај Тутунски и Пролет амбулантата. Они за ХТ-КАрпош, толкав булевар ,не го поместија далеководот, па тука за споредна улица сигурно нема да мрднат. Очекувајте уште еден веле-слалом во Скопје!





Edited by user8642 - 10-Jun-2020 at 17:08

Улицата Есенинова ќе го скрати кружењето околу Тутунски комбинат



Екипите на Град Скопје денеска почнаа со изградба и пробивање на улицата Есенинова, која ќе ги поврзува Кисела Вода, Аеродром и Центар, односно булеварите Борис Трајковски и Трета македонска бригада.

– Со овој коридор ќе се намали притисокот на раскрсницата кај „Тутунски комбинат“ бидејќи директната врска кон поранешното скопско сајмиште за граѓаните ќе значи многу побрзо патување и кратење за повеќе од десетина минути од времето потребно за движење, а ќе се намали и метежот во сообраќајот. Со тоа, ќе влијаеме на подобрување на квалитетот на амбиентниот воздух – рече денеска градоначалникот Петре Шилегов, на почетокот на градежните работи на улицата Есенинова.

Новоизградената улица Есенинова ќе биде долга 730 метри, со променлива ширина, односно, ќе има две коловозни ленти и тротоари од двете страни низ Кисела Вода, а потоа четири коловозни ленти пред влезот во Трета македонска бригада. Предвидено е да се постави улично осветлување со 20 столбови, нова водоводна и канализациска мрежа и да се дислоцираат постојните резервоари и бунари кои се наоѓаат на таа локација. Вредноста на договорот изнесува околу 71 милион денари со вклучен ДДВ, а рокот за изведба е 22 месеца.

Булеварот Трета македонска бригада со должина од 2,5 километри има само две поврзувања со Кисела Вода, едното преку булевар Србија со булевар Борис Трајковски, а второто, познатото тесно грло кај „Тутунски комбинат“, кое воедно претставува поврзување на Аеродром и со Кисела Вода и со Центар.

Со изградбата на Есенинова, ова тесно грло во сообраќајот ќе се растовари, ќе се скрати кружењето околу „Тутунски“, кое во периодите на најголемиот сообраќаен метеж трае од 5 до 10 минути. Ова ќе го почувствуваат и граѓаните кои патуваат од „Континентал“ во Гази Баба до Рампа и Чешма во Кисела Вода, а кои избегнувајќи го тесното грло кај „Тутунски“ кружат или преку булевар Србија во Аеродром или преку булеварите Крсте Мисирков и Кочо Рацин во Центар.

Така на пример, од Чешма до „Континентал“ ако сега се патува 3 километри преку Центар или 8 километри преку Аеродром, преку трасата Есенинова – Никола Карев – Беласица ќе се патува само 2 километра. Изразено во време, тоа на граѓаните им заштедува од 10 до 15 минути.

Шилегов денеска најави интензивирање на градежната офанзива на Град Скопје. До крајот на годинава ќе почне реконструкција и изградба на над 20 сообраќајници во сите 10 скопски општини во вредност од околу 760 милиони денари во тековната и идната година.

– Ги замолувам скопјани за малку трпение. Веќе знаете дека е сменет начинот и режимот на работа на Градот, ќе бидеме и брзи и квалитетни. Секои градежни работи предизвикуваат пореметување на секојдневието, па поради тоа замолувам да се почитуваат новите сообраќајни режими кои ќе бидат воведувани во градот почнувајќи од денешниот ден – додаде Шилегов.

https://plusinfo.mk/ulicata-eseninova-e-go-skrati-kruzhe-eto-okolu-tutunski-kombinat/

Edited by Џоле - 20-Aug-2020 at 11:56

Почна пробивањето на улицата „Есенинова“ – од Рампа ќе излезе кај амбулантата Пролет

Со реконструкцијата и доградбата на улицата „Есенинова“ во општина Кисела Вода, Град Скопје го почнува градежниот бум кој ќе следува наредните месеци. Ова го најави градоначалникот на Град Скопје, Петре Шилегов на почетокот на работите на пробивањето на новиот коридор кој досега не постоеше во нашиот град, а кој ќе поврзе три општини.

– Пробивањето на „Есенинова“ ќе претставува директно поврзување на оваа општина со општините Аеродром и Центар. Новата сообраќајница ќе има четири коловозни ленти со по две велосипедски и пешачки патеки. Улицата ќе излегува кај амбулантата Пролет што значи дека ќе имаме директна конекција меѓу општините Кисела Вода и Центар, а индиректно и општините Аеродром и Гази Баба – истакна Шилегов.
Реконструкцијата и доградбата ќе опфати 800 метри за што ќе бидат потрошени 70 милиони денари, а новиот коридор очекува да биде готов до средината на наредната година.

– Со овој коридор, според анализите направени во градот, ќе се намали притисокот на раскрсницата кај тутунски комбинат, а бидејќи конекцијата што ја имаме директно кон поранешното скопско сајмиште е за граѓаните на Кисела Вода, за граѓаните на Центар и на Аеродром ќе значи многу побрзо патување, кратење за повеќе од десетина минути на времето потребно за движење, но и ќе ги намалиме метежите во градскиот сообраќај со што очекувам и дека ќе влијаеме и на подобрување на квалитетот на амбиенталниот воздух – рече Шилегов.

Градоначалникот на општина Кисела Вода, Филип Темелковски истакна дека со овој градежен зафат на жителите на општина Кисела Вода ќе им се реши еден од крупните проблеми кои ги имале во минатото, полесно ќе може да комуницираат со останатиот дел од градот и полесно ќе стигнуваат до општините Аеродром и Центар.

– Улицата „Есенинова“ ќе биде долга 730 метри, со променлива ширина, односно, ќе има две коловозни ленти и тротоари од двете страни низ Кисела Вода, а потоа четири коловозни ленти пред влезот во „Трета македонска бригада“. На истата предвидено е да се постави улично осветлување со 20 столбови, нова водоводна и канализациска мрежа, а и да се дислоцираат постојните резервоари и бунари кои се наоѓаат на таа локација – истакна Темелковски.

Улицата „Есенинова“ е од огромно значење за жителите на Кисела Вода, Аеродром и Центар, затоа што претставува трето поврзување на урбаните делови на Аеродром и Кисела Вода.

Булеварот „Трета македонска бригада“ со должина од 2,5 километри има само две поврзувања со Кисела Вода, едното преку булевар „Србија“ со булевар „Борис Трајковски“, а второто, познатото тесно грло кај „Тутунски комбинат“, кое воедно претставува поврзување на Аеродром и со Кисела Вода и со Центар. Со изградбата на „Есенинова“, ова тесно грло во сообраќајот ќе се растовари, ќе се скрати кружењето околу „Тутунски“, кое во периодите на најголемиот сообраќаен метеж трае од 5 до 10 минути. Ова ќе го почувствуваат и граѓаните кои патуваат од „Континентал“ во Гази Баба до Рампа и Чешма во Кисела Вода, а кои избегнувајќи го тесното грло кај „Тутунски“ кружат или преку булевар Србија во Аеродром или преку булеварите „Крсте Мисирков“ и „Кочо Рацин“ во Центар. Така на пример, од „Чешма“ до „Континентал“ ако сега се патува 3 километри преку Центар или 8 километри преку Аеродром, преку трасата „Есенинова“ – „Никола Карев“ – „Беласица“ ќе се патува само 2 километра. Изразено во време, тоа на граѓаните им заштедува од 10 до 15 минути – вели Темелковски.

Наредните денови со инвестиција од околу 770 милиони денари Град Скопје ќе се почне со изградба на вакви нови коридори, но и реконструкција на посебни коловози на над 23 улици во градот.

(С.Бл.)

https://www.vecer.press/почна-пробивањето-на-улицата-есенин/

– Улицата „Есенинова“ ќе биде долга 730 метри, со променлива ширина, односно, ќе има две коловозни ленти и тротоари од двете страни низ Кисела Вода, а потоа четири коловозни ленти пред влезот во „Трета македонска бригада“. На истата предвидено е да се постави улично осветлување со 20 столбови, нова водоводна и канализациска мрежа, а и да се дислоцираат постојните резервоари и бунари кои се наоѓаат на таа локација – истакна Темелковски.

дали ќе има дрвја или цвеќиња на оваа улица?

Се спомнуваат некакви подземни бунари кои треба да се преместуваат незнам дали има и некои други инсталации кои би одзеле повеќе време. За рушење нема премногу објекти ќе видиме како ќе го изведат приклучокот кај амбулантата тука има за рушење и плус далновод кој би дошол доста близу улицата. Инаку нема некој сложен зафат треба да се израмни брдото кај пругата и другото се сведува на формирање на улицата тампонирање и спроведување на потребните инсталации. Искрено ме изненади проектов што од нигде никаде почна да се гради дури чисто се сомневав дека во овој мандат ќе се почне. Инаку под друга градежна офанзива мислам дека се подразбира реконструкција на булевари и улици во надлежност на градот.

Originally posted by Staro Skopje Од каде е должината од 730 метри за Есенинова? Делот од Борис Трајковски до Трета Македонска Бригада според трасата од ГУП-от е 600 метри и со никакви логични модификации не стига до 730. Се надевам дека планираат пробивање на улицата и од другата страна на бул. БТ, до ул. Киро Крстевски (вкупно ~750 метри според моите пресметки). Подоцна би останале уште 95 м. пробивање нова и 90 м. адаптирање постоечка улица за Есенинова да се спои со Огњан Прица кај Шампионче, со што уште повеќе би се подобрил сообраќајот.

ни в од вело-патека да се спомне.

едит: Шилегов во обраќањето спомнува. Останува да видиме. Рокот некако предолг...

Edited by fichot - 21-Aug-2020 at 09:37

Може да не е неодамнешна експропријација, туку нешто друго.

Мислам дека онаму каде е државна сопственоста под објектите неодмна ги имаат расцепено на по две парцели кои добиваат нови бореви. На пример ако старата била XXX, новите се XXX/1 и XXX/2 на Република Северна Македонија, a старата XXX на Република Македонија веќе не постои. Тоа е за да може да се тера откуп на државно земјиште под објектот преку една процедура, а втората половинка да не треба никогаш да се експропреира туку да си остане државна за кога ќе и дојде ред за реализација на улиците од ГУП-от.