✔ Улица Есенинова

Денес поминав тука да видам како напредуваат но речиси и да нема никаков напредок,приметив 3-4 работника со едно багерче копаа и преместуваа некакви инсталации за струја близу игралиштето.Очигледно ќе остават за 2021 поинтензивно да работат бидејќи сега Бауер имаат добиено и по некој тендер за реконструкција на улици низ градот па очигледно ја повлекле механизацијата.

Брдото до пругата мислев дека го израмниле но очигледно багерот првиот ден бил само за сликање







само тука имаше градежна активност

Originally posted by stef4o Брдото до пругата мислев дека го израмниле но очигледно багерот првиот ден бил само за сликање

Брдото не е на трасата на улицата

ИЗВЕСТУВАЊЕ
Екипи на ЈП „Паркови и зеленило“ денеска ќе извршат сечење на 3 дрвја на улица Есенинова. Дрвјата се сечат поради изградба на линиска инфраструктура во склоп на проектот за изградба и пробивање на улицата Есенинов







https://www.facebook.com/CityofSkopje

Денешни

Денешни, 03/03/2021:

Ситуацијата вчера беше следнава: Црно - асфалтирано прв слој (вчера почна асфалтирањето), Портокалово - Оформен коридор со поставени рабници и тампонирано, Црвено - Никакви активности нема почнато ниту изгледа дека ќе се почне. Објектите најверојатно не се експропреирани сеуште и нема никакви активности за ниво отстранување.

Така да кога Шилегов ќе раскажува манипулативни приказни пред избори сега кога ќе дојдат, дека биле 30% или 50% работите завршени, тоа не значи дека улицата ќе биде корисна 30% или 50%, што може да се каже за некои други локални улички. Туку едниствено корисна кога ќе биде само кога ќе биде цела готова! 99% готова е исто што и 0%! Само 100% е 100%, затоа што поврзува две крајни точки А - Б, и неможе измеѓу да се остави недовршено.



Edited by user8642 - 06-Mar-2021 at 19:28

2 години ако ги прават 500 метри, тогаш нека одат и нека се убијат.

ЗАПОЧНА АСФАЛТИРАЊЕТО НА УЛИЦА ЕСЕНИНОВА

Екипите на Град Скопје деновиве започнаа со асфалтирање на улица Есенинова чиешто пробивање почна минатото лето. Со оваа нова траса се добива уште едно сообраќајно поврзување на Кисела Вода, Аеродром и на Центар, односно булеварите Борис Трајковски и Трета македонска бригада.
Новоизградената улица Есенинова ќе биде долга 730 метри, со променлива ширина, односно, ќе има две коловозни ленти и тротоари од двете страни низ Кисела Вода, а потоа четири коловозни ленти пред влезот во Трета македонска бригада. Предвидено е да се постави улично осветлување со 20 столбови, нова водоводна и канализациска мрежа и да се дислоцираат постојните резервоари и бунари кои се наоѓаат на таа локација.
Улицата Есенинова е од огромно значење за жителите на Кисела Вода, Аеродром и на Центар, зашто претставува трето поврзување на урбаните делови на Аеродром и Кисела Вода. Булеварот Трета македонска бригада со должина од 2,5 километри има само 2 поврзувања со Кисела Вода, едното преку булевар Србија со булевар Борис Трајковски, а второто, познатото тесно грло кај „Тутунски комбинат“, кое воедно го поврзува Аеродром и со Кисела Вода и со Центар.
Со изградбата на Есенинова, ова тесно грло во сообраќајот ќе се растовари, ќе се скрати кружењето околу „Тутунски“, кое во периодите на најголемиот сообраќаен метеж трае од 5 до 10 минути. Ова ќе го почувствуваат и граѓаните кои патуваат од „Континентал“ во Гази Баба до Рампа и Чешма во Кисела Вода, а кои избегнувајќи го тесното грло кај „Тутунски“ кружат или преку булевар Србија во Аеродром или преку булеварите Крсте Мисирков и Кочо Рацин во Центар.
Пробивањето на улицата Есенинова е финансирано од буџетот на Град Скопје и вредноста на проектот изнесува околу 71.000.000 денари.









https://www.facebook.com/CityofSkopje

ПОЧНА АСФАЛТИРАЊЕТО НА ДЕЛ ОД УЛИЦАТА ЕСЕНИНОВА ОД СКОПСКА КИСЕЛА ВОДА КОН АЕРОДРОМ, ЌЕ БИДЕ ГОТОВА ЛЕТОВО

Град Скопје почна со асфалтирање на првиот дел од новата улица Есенинова со која ќе се поврзат населбите Кисела Вода и Аеродром. Асфалт се поставува на делот кој минува во населбата Кисела Вода. Како што велат од Град Скопје поголем дел од трасата е пробиен, а улицата очекуваат целосно да биде готова летово.

„Останува да се пробие делот во Општина Аеродром и да се преместат постојните резервоари кои се наоѓаат на трасата. Летово скопјани ќе имаат нова сообраќајница со која ќе се намали гужвата, ќе се скрати кружењето кај ‘Тутунски комбинат‘ и за десетина минути ќе се намали времето за минување на оваа делница“, велат од Град Скопје.

Новата улица ќе биде во должина од 730 метри, почнува од Кисела Вода кај „Рампа“ потоа минува покрај пругата кон амбулантата „Пролет“ и ќе излегува на булеварот Трета македонска бригада во Општина Аеродром. Ќе има две коловозни ленти и тротоари од двете страни низ Кисела Вода, а потоа четири коловозни ленти пред влезот во Трета македонска бригада.

Изградбата на улицата чини околу 71.000.000 денари со вклучен ДДВ.

https://sdk.mk/index.php/dopisna-mrezha/pochna-asfaltiraneto-na-del-od-ulitsata-eseninova-od-skopska-kisela-voda-kon-aerodrom-ke-bide-gotova-letovo/

Поврзувањето на Општина Кисела Вода со Аеродром е предвидено во програмите на Влада на Република Северна Македонија , Град Скопје , Општина Кисела Вода и Општина Аеродром. Пробивањето на улица Есенинова не е поврзување на Кисела Вода со Аеродром туку поврзување на Кисела Вода со општина Центар!!!(види Слика) Доколку Власта сака вакво поврзување треба да ја пробие улицата Михаил Чаков која започнува од сервисот на ауто македонија продолжува кај АМД за регистрација на возила и под пругата кај Ф-Ка Раде Кончар се поврзува со Општина Аеродром. Затоа јавно замолуваме да не се кажуваат невистини дека со пробивањето на улица Есенинова се поврзуваат Кисела Вода и Аеродором и воедно јавно прашуваме кога градоначалниците на Градот Скопје и Општините Кисела Вода и Аеродом ќе си ги исполнат предизборните ветувања и ќе ги поврзат општините Кисела Вода и Аеродром за да не мора жителите на Кисела Вода по 1 час да кружат за да стигнат до Општина аеродром????







https://www.facebook.com/За-Расадник-на-можности-за-хуман-живот-во-Кисела-Вода