Фасади (општо)

Originally posted by zdravozivo Топ реконструкција.... 3 канти боја. 3 канти боја треба да си ги мерат силите со милионските фасади на власта? Сериозно? Па дај бе луѓе... покажете нешто интересно. Извади му го алуминиумот од тераса, подари го на оние кои немаат а им треба (или слично), стави му ајде нов ако треба на сите (со кредит без камата, од данок скрати му, па макар и без пари), Унифицирај го изгледот на секое парче од надворешноста на зградата, врати ја симетријата од секој агол... Инвестирај во идеа во која ке се препознаеме, а не да ми замачкуваш очи пријателе. Колку и да се трудат сите политичари да глумат скромност, знаеме дека делот кој го ставаат вџеп е непроменет.

политиката е длабоко навлезена во привремено удоволување на просечниот чергар што живее во овие објекти, штетата е веќе направена и непоправлива, а повторно, нашиов политички свет нема доволно умствени капацитети за да најде решние за проблемот со кое сите страни ќе бидат задоволени

канта боја е замачкување на очи, ама барем е привремено решение на проблемот... може зградиве ќе си останат чергарски, ама ефектот ќе колку-толку биде намален

„СИТИ ГАЛЕРИ“ СЕ ПРЕСЛЕКУВА ВО БАРОК ЗАД „ПАРАВАН“

На плоштадот „Македонија“ никна уште една ограда, а на граѓаните овој пат им се затвори приодот пред стоковната куќа „Сити галери“. Објектот е заграден со лимена ограда, а околу него наголемо се започнати градежни зафати и веќе се издигаат големи метални столбови во делот кон објектот на „Лумикс“. Околу постојните стаклени излози во предниот дел на Стоковната веќе има ископани канали со широчина од околу половина метар, во кои градежниците имаат поставено метални мрежни конструкции. Ако ги прашате што се работи, отворено кажуваат дека се прават подготовки за изведба на новата фасада на објектот. Но, тоа не го потврдуваат и од Градот.

Старата стоковна куќа многу очигледно повторно ќе се преслекува во ново руво и како што се најавуваше, ќе добие нова барокна фасада. Некогашната НАМА, односно старата Стоковна куќа која остана во сеќавањата на повозрасните и сегашната „Сити галери“, како што ја знаат малку помладите, ќе останат само во мислите и сеќавањата на неколку генерации скопјани, бидејќи фасадното обликување комплетно ќе го смени не само ликот, туку и катноста на зградата. Сегашното приземје и два ката ќе пораснат на приземје и седум ката со купола во делот кон „Лумикс“. „Сити галери“ ќе претрпи комплетна промена на надворешниот изглед, а објектот што ќе наликува на нов трговски центар ќе биде во стилот на околните објекти од проектот „Скопје 2014“. На новото фасадно решение ќе има скулптури на женски тела и како и на другите објекти на плоштадот, венци и столбови во неокласичен стил.

За актуелните активности пред „Сити галери“ од Градот не конкретизираат ништо, поточно тврдат дека Градот ништо не гради таму. На поставеното прашање за какви градежни зафати станува збор, добивме кус одговор дека Градот нема никаква градежна активност.

„Град Скопје на споменатиот простор не изведува градежни работи и за тоа кој објект се гради информација може да добиете во Општина Центар“, одговорија од Градот.

Но, од Центар кусо и децидно прецизираа: „Плоштадот и објектите на плоштадот се во надлежност на Градот Скопје“.

Инаку, како што е познато, Градот Скопје предвидуваше дека ќе потроши околу 2,7 милиони евра за промена на изгледот на фасадата на објектот „Сити галери“. Идејниот проект за новата фасада е на авторите Лазар Димов и Никола Стакинов. Градската управа веќе неколку години најавуваше промена на постојниот препознатлив изглед на сите објекти што се протегаат околу централниот плоштад „Македонија“, а сега веројатно дојде на ред и „Сити галери“.

Архитектот Славко Брезовски, автор на поранешната Стоковна куќа „НАМА“, пред извесен период децидно се изјасни дека е против промена на изворната фасада и дека нема да даде согласност за овој потег. Дали и што се сменило во меѓувреме, веројатно веќе не е ни важно, бидејќи повеќе од очигледно е дека градската власт почна со активности околу промена на ликот на еден од најстарите објекти на плоштадот.

http://www.utrinski.mk/?ItemID=B7654962D110D4439EB4B86D8A1EE7DA

Овие свежи фотки се? Зашто баш денес поминав оттаму, и ми се чини дека целата зграда беше во скелиња.

Да денешни се фотките (т.е. веќе вчерашни). А не знам кој реновира... тоа и ме плаши.

Реставрација на фасадата на архивската зграда во Струмица

Објектот е изграден во периодот меѓу 1931 и 1934 година и претставува споменик на културата заштитен со закон.



http://www.telegraf.mk/kultura/269362-restavracija-na-fasadata-na-arhivskata-zgrada-vo-strumica

Originally posted by Џоле Симпатична зграда, се надевам дека нема да ја упропастат.

@Џоле 70% од староградската архитектура во Струмица е упропастена, и тоа намерно!!! посебно во тој дел на градот се унаказија многу квалитетни и вредни зданија, ако можам наредниве денови ќе направам една сесија за споредба, инку стаиот театар се гради, ги срушија до темел остатоците, па од ново ќе го подигаат.
п.с
Инаку оваа зграда на музејскиот архив била средно училиште ( старото каубојско )


Edited by Tzar_28 - 04-May-2015 at 22:11

Кој може да ги упропасти. “Способната“ локална власт која сакајќи да не личи на централната - упорно бута теза дека Струмица е модерен и европски град - мислејќи дека ако на место на старата архитектура никне некој стакленик - сме станале европски! Ќе ставам и јас некои фотографии деновиве, направив една мала фотосесија.

Не знам кој ги упропастил, важно одговорноста колку е на локалната власт толку е и на централната, не е тоа од денес, тоа си оди во континуитет со децении, секако, локалните власти би требало да водат сметка што како и каде се гради, но и централната власт т.е министерство а култура треба да си направи план за заштита на градските јадра во сите градови низ државата проектот на горе наведеното минестерство за реставрација на 360 фасади низ државата за период од 5 години не е доволен. колку што знам освен за Битола и Кратово (Охрид не го сметам пошто е под закрила на UNESCO) нема во ниеден друг.
п.с
А и многу од тие фасади од проектот што ги спонзорира министерстото се само обично премачкување боја! Не знам дали обичен молерај на фасада може да се смета за реставрација? Пример за тоа е едн стар објект во Гевегелија, само го преминаа со поликолор, а прозорците и вратите така ги оставија...

Edited by Tzar_28 - 06-May-2015 at 03:18

Originally posted by Џоле Еве до каде се стигнати со упропастување на зградата на ЕВН

kako ne ti e sram da kazes upropastuvanje. Sega ke vidis kako novonastanative 5-6 profili (najverojatno eden isti covek so dadena zadaca ili shizofrenija) ke te napraat popara deka toa bilo ustvari razubavuvanje

од друга нишка (за зградата на Водовод и канализација)

Originally posted by mackomk Тоа е, актуелниве случувања почнаа се повеќе да го оптоваруваат форумов, порано барем колку толку се контролираа модераторите.Најнова фора, лепиш слика од протести, а како изговор ете таму позади се гледа како се реновира некоја фасада.

______________________

Хотел Континентал (мислев дека побрзо ќе завршат со обновата, а стигнале само до страничниот дел на зградата)



Edited by Џоле - 08-May-2015 at 14:20