Фасади (општо)

Зградава на Пелагонија сеуште нема некое решение за фасадата...градилиштето малку е скратено тарабите се до самата зграда и малку е расчистено натрупаното ѓубре

Премногу е грд овој дел што овака буквално го баталија,барем да ги тргнеа тоа завесите од фасадата или да ставеа нови ако ништо друго но ни тоа не се случи.Можеби пред следните локални ќе се пушти пак некој муабет за нив,во секој случај премногу недовршени објекти на мал потег во центарот на градот.Дел не се готови,готовите или се препродаваат или немаат технички прием и така е веќе со години.

Станарите во барокните згради ќе одлучуваат за судбината на фасадите!?







Во предлогот на новиот ДУП – Мал ринг што го подготви општина Центар се отстрануваат целосно насоките од планот во 2012 година за тоа како треба да изгледаат фасадите (барок, неокласицизам,….). – Им се остава на самите институции, приватни или државни, да направат фасада како што ќе предложат тие, или да ја вратат постоечката, укажа градоначалникот на општина Центар, Саша Богдановиќ на јавната анкета по овој многу важен план за центарот на главниот град. Работната група за проектот „Скопје 2014“, пак, сугерира во Општите одредби за спроведување на планот треба да има дел што ќе предвиди одредени мерки за враќање на оригиналните фасади на згради што имаат големо значење како културно наследство и високи архитектонски квалитети, како што се зградите на поранешна НАМА, ЕВН, МЕПСО…Кое решение ќе биде прифатено останува да одлучи комисијата на општина Центар

Дали двата објекта од левата и десната страна на Порта Македонија конечно ќе бидат откриени, ќе се знае од решението што ќе биде прифатено во новиот Предлог – детален урбанистички план „Мал ринг“ за судбината на фасадите на сите објекти во центарот на Скопје кои се преоблечени во рустикален (барокен) стил.

Фасадите на зградата на „Пелагонија“ и висококатницата на ЕСМ – ЕВН останаа недовршени и веќе три години го нагрдуваат влезот во плоштадот „Македонија“, откако во јануари 2018 година новиот скопски градоначалник, Петре Шилегов ја сопре изградбата на барокните фасади низ Скопје, кои се реновираа по налог на неговиот претходник Коце Трајановски. Освен овие две згради, како и онаа на „Палома Бјанка“, стопирана беше изградбата на вкупно 95 фасади кои требаше да добијат нов барокен лик за да се вклопат во амбиентот на проектот „Скопје 2014“ во центарот на градот, кој почна да се реализира од 2008 година.

Во предлогот на новиот ДУП – Мал ринг што го подготви општина Центар се отстрануваат целосно насоките од планот во 2012 година за тоа како треба да изгледаат фасадите (барок, неокласицизам,….).

– Им се остава на самите институции, приватни или државни, да направат фасада како што ќе предложат тие или да ја вратат постоечката. Ако остане планот од 2012 година и неодамна распаднатата фасада на зградата на енергетската компанија МЕПСО (настрада во невремето што го зафати Скопје пред некој месец), ќе мора да биде обновена во некој од предвидените стилови со планот од 2012 година – укажа градоначалникот на општина Центар, Саша Богдановиќ на јавната анкета по овој многу важен план за центарот на главниот град.

Меѓу повеќе од двесте анкетни ливчиња со забелешки што пристигнале до општина Центар во рамките на јавната анкета за новиот ДУП – Мал ринг е и мислењето на Работната група за проектот „Скопје 2014“. Тие во својот допис укажуваат дека во Општите одредби за спроведување на планот треба да има дел што ќе предвиди одредени мерки за враќање на оригиналните фасади на згради што имаат големо значење како културно наследство и високи архитектонски квалитети, како што се зградите на поранешна НАМА, ЕВН, МЕПСО…

Какви решенија за фасадите ќе бидат усвоени ќе одлучи комисијата на општина Центар од каде пак, велат дека прво ќе ги разгледаат забелешките кои потоа ќе бидат вметнати во плановите.

– Откако комисијата ќе заврши со анкетните листови планот се праќа во Град Скопје и Министерство за транспорт и врски од каде тие го враќаат со нивни забелешки. Потоа тој оди на Совет, на гласање. Доколку нема некоја забелешка за повторно да оди на јавна анкета, планот ќе биде донесен во најкраток можен рок – велат од Општината.

Само за рефасадирање и барокизација на повеќе објекти на плоштадот и од двете страни долж улиците „Македонија“, „11-ти Октомври“, „Никола Вапцаров“, „Димитрие Чуповски“ и „Максим Горки“, како дел од проектот „Скопје 2014“ на поранешниот премиер Никола Груевски, беа потрошени десетина милиони евра. Повеќето згради беа „облечени“ со фасаден малтер кој дава ефект на мермер-травертин и беа поставени декоративни елементи, како венци, влезни портали со релјефи, различни скулптури и декоративни светилки. Со тек на време, дел од фасадите беа оштетени и делови паѓаа на земја.

Тогашното градско раководство овие зафати ги реализираше согласно донесената Програма за реконструкција и доградба на објекти во Централното градско подрачје на градот Скопје од страна на градските советници, а се правдаа дека имаат и согласности од станарите заверени на нотар со кои на Градот му даваат дозвола за реализација на основите проекти за реконструираните фасади.

По седнувањето во градоначалничката фотелја, Петре Шилегов на почетокот на 2018 година ја стопираше изградбата на барокни фасади низ центарот на градот. Парите што за таа година биле наменети за барокни фасади, рече дека ќе ги пренамени за енергетски ефикасни фасади во средните училишта и други еколошки проекти.

(С.Бл.)

https://www.vecer.press/станарите-во-барокните-згради-ќе-одлу/

Утрово забележав дека се редат стаклени панели на зградата на ЕЛЕМ до ГТЦ. Е сега, има некакви чудни конструкции на самата зграда, ставани се метални шипки над бетонската „барокна“ обвивка која ја прекри оригиналната конструкција на зградата

.

Звучи збунувачки, ама не знам како инаку да објаснам

Ќе сликнам подоцна, па ќе објавам фотки тука попладне.



Edited by Џоле - 25-Aug-2020 at 16:46

Сега ќе прават „лажна модерна фасада“ врз „лажна барокна фаса“? Боже па ние сме за во гинис!

Како што ветив утрово:

Е ова се нарекува SCHEISSE

Ова не се прозорците што ги извадија од старата фасада?




Мобилен+движење+ноќ=

Не ми е јасно што се случува овде, но знам дека не ми се допаѓа.

Сликано утрово: