Фасади (општо)

И туристите сакаат торти пластични покрај Вардар, ама таму протекува вода и станува збор за опасно трусно подрачје во кое градбата била забранета уште од време на Југославија.

Тоа што „луѓето“ сакаат не секогаш е тоа што експертите треба да го дозволат.

Пријателе, прочитај малку на форумов и ќе видиш зошто коритото на Вардар беше забрането за градење уште од поплавата од 1962. Арно ама на Грујо му текна дека сакал згради и галии во и до реката која може да го поплави градот.

Originally posted by stef4o Зградите на ЕВН и на Пелоганија ќе добијат нови автентични фасади

Да не има некои нови информации до каде се новите фасади на Пелагонија и ЕВН,односно дали ќе се почнат во скоро време или......
Патем,порезонски е да се доправи Пелагонија во класичен стил,сепак се една до друга со "Пелистер",а за ЕВН не знам ни зошто ја чепкаа минатите in the first place,и онака не и е на плоштад местото и на нејзе и на тоа чирчето пред нејзе,не знам дали се има храброст кај нас да се дислоцира институцијава.

Исто така се сеќавам дека Шилегов најави дека од Септември минатата година ќе се почне со масовно менување на фасади во сторгиот центар на градот по модерен терк и дека бил распишан конкурс на кој најреномиран СВЕТСКИ архитекти одговориле....и од тоа ништо или ?

пелагонија да ја сменат не би било толку трагедија, ама објект како тој на ЕВН може да се реконструира само по теркот на објекти како Ушче во Белград, Небодер на Илица во Загреб, Зградата на Босанско-Грчкото пријателство во Сарајево и други слични...
дури и можат да ја испочитуваат половичната задна фасада на објектот, која иако не изгледаше посебно убаво, беше каратеристична за него

треба веќе еднаш вакви објекти да влегуваат во ценета историја на градот

Градинка Корчагин

Колку е соодветен за градинка? Прилично е мал, без доволно простор за внатрешни манифестации и голем двор со играчки и веднаш излегува на улица.

Уличките кај РЈК се фини, и овие три згради (мислам дека биле четири, таа на местото на паркингот била урната во земјотресот), и трите од 50-тите подолу на улицата. Кафичот излезе супер. Недоградената куќа на аголот спроти градинкава би требало да се догради и реновира. Навистина штета што помалите куќи ги уништија со голубарници, белата и кафената веднаш до средното беа убави модерни примери (согласно стандардите за „убаво“ на објекти од 20 век во постземјотресно Скопје). Криво ми е и за повоената куќа веднаш до млечниот ресторан Џоле, која ја уништија со една огромна грдосија. Се надевам дека нема и Паб сосе куќата да ги уништат

Edited by Staro Skopje - 13-Apr-2020 at 22:12

ЕВН ЗАМИНА ВО БАРОКНАТА ГРАДСКА КУЌА И ЈА ОСТАВИ ГРДОТИЈАТА ВО ЦЕНТАРОТ НА СКОПЈЕ, ОД ЕСМ ВЕЛАТ НАЕСЕН ЌЕ ПРАВАТ МОДЕРНА ФАСАДА

Седум години, зградата каде до пред неколку месеци беше сместена ЕВН, а сега ја користи само државната компанија ЕСМ, е без фасада и стои како грдотија во строгиот центар на градот. Оваа зграда беше еден од најзначајните објекти на модерната архитектура од 1960-тите и 1970-тите години, но на барање на тогашниот премиер Никола Груевски во 2013 за да се вклопи во неговиот озлогласен проект „Скопје 2014“, австриската компанија почна со отстранување на стаклената фасада за да прави барок од стиропор од 4,3 милиони евра.

Градежните работи за реконструкција на зградата беа стопирани пред 4 години, односно од февруари 2016, кога се запали фасадата. Потоа дојде до промена на власта, ЕСМ доби директор од СДСМ и беше побарано од газдите на ЕВН да се откажат од проектот за барок и да го вратат некогашниот изглед на зградата.

„Се разгледуваат можности, меѓу кои и промена на неокласичниот изглед кој беше предвиден со проектот за реконструкција во 2013. Решението кое ќе се избере сакаме да биде соодветно за централното градско подрачје. Нема да има никакви дополнителни финансиски импликации, бидејќи зградата е во таа фаза кога не е почнато да се гради новата фасада“, рекоа од ЕВН за САКАМДАКАЖАМ.МК во мај 2018.

Но и покрај најавите, фасадата не почна да се гради, бидејќи ЕВН и ЕСМ не можеа да се договорат за финансирањето. Потоа, ЕВН реши да ги продава деловните простории за да се сели од зградата, па не им паѓаше на памет да инвестираат во фасадата. Во декември лани, ЕВН за 12,7 милиони евра ја купи Градската куќа на кејот на реката Вардар, која градоначалникот Петре Шилегов ја стави на продажба бидејќи не била соодветна за градската администрација и немала доволно простор за сите вработени.

Директорот на ЕСМ Васко Ковачевски, за САКАМДАКАЖАМ.МК вели дека досега не можеле да интервенираат на фасадата бидејќи и ЕВН биле газди, но сега откако и на документ не се повеќе сопственици, се отвора можност да се прави фасадата.

„Ние го откупивме делот на ЕВН, односно 4 ката од зградата, дел од приземјето и земјиштето под зградата за 2,2 милиони евра. Сега, заедно со Град Скопје работиме на изработка на идејно решение за изгледот на зградата. Фасадата ќе биде стаклена и модерна. Се надеваме дека во втората половина од годината ќе почнат градежните работи. Кога ќе завршиме со фасадата ќе ја реновираме и внатрешноста на зградата“, вели Ковачевски.

Зградата е изградена 1962 и е еден од најзначајните објекти на македонската модерна архитектура. Автор на идејното решение е белградскиот архитект Бранко Петричиќ. Фасада ја дизајнираше и реализираше покојниот архитект Ѕвонимир Никуљски кон крајот на 1970-тите години и тој целосно го испочитувал делото на колегата кој е автор на првичниот проект. Втор пат фасадата е реконструирана во 2000 година. Тогаш е додадено стаклото и е полиран мермерот.

А. АНТЕВСКА

https://sdk.mk/index.php/dopisna-mrezha/evn-zamina-vo-baroknata-gradska-kuka-i-ja-ostavi-grdotijata-vo-tsentarot-na-skopje-od-esm-velat-naesen-ke-pravat-moderna-fasada/

Пред да се јават апологетите на стиропорот, без разлика на идеолошката или политичката заднина на секој еден од нас, чисто да потсетам дека тие фасади се ненормална опасност. ЕВН се запали пред некоја година, МЕПСО се руши, а имаше и статија за ваков стиропор барок некаде низ Европа каде после пожарот (notice a pattern here?) властите веднаш ја променија фасадата. Ако веќе сакале нео-класицизам и барок, требало да фрлат многу повеќе пари.

И јас сум за гол бетон за гаражата до МТВ, а богами и за судот.

Originally posted by гитардемон ..... а имаше и статија за ваков стиропор барок некаде низ Европа каде после пожарот (notice a pattern here?) властите веднаш ја променија фасадата. ....

Македонија има објекти од времен карактер за индивидуално домување постари од 60години кои се градени како привремени после земјотресот. Тоа се ticking-time-bombs исушени бараки полни со матерјали оддамна исфрлени од употреба, опасни по секој начин, има трафики напуштени кои сеуште се под напон на електромрежа, сендвичари на плин кои може да пламнат у било кое време како онаа на градска пред некоја година, напуштени бараки како онаа до МТВ, општина КиселаВода, Гази Баба, општина Ѓорче, Центар, месни заедници, градинки, школи по цело Скопје. Тоа треба да игра метла и све да снема од лицето на Скопје. Во лондон да се занимале со ова прашање, ама у лондон верувам дека е може би само таа и уште неколку малку примери, Скопје е кибрит у споредба со Лондон, да е жив Пиколомини ќе му се напраи ќеифот

И не ми е муабетот да ја свртам темата накај привремени објекти, но идејата ми е да посочам дека има многу долг список пред стиропорот на МЕПСО. Затоа и предлагам онаму каде нема големи издатоци, каде само со рашрафување на фасадат може да се открие некој нов бетон-стил да се направи, а не онаму каде би имало го,еми трошоци за ултра-модерни фасади. Ако една власт беше тотално луда да фрла пари за стиропор од идеолошки причини, денес е уште понеоправдано повторно да се прават трошоци за менување фасади и одбирање за реконструкција баш објекти од Ск14 зашто тоа не е ништо повеќе од повторно фрлање пари од идеолошки причини. И ќе ти кажам зошто би било понеоправдано, Груевски и вмро дојдоа на власт со клип СК14 и победија и го исполнија лудилото што го ветија колку и да беше ненормално тоа, legit. Денес власта е на власт зашто обеќаваше дека нема повторно да се случува трошење пари заради задоволување идеолошки нагони, и добро е да не се случува, а за среќа досега гледам дека не се случува и добро е продолжи така! Освен кај што е тоа ултра-ефтино да се поправи, може побрзо да се случи, но не големи издатоци од идеолошки мотив вмро да го бришеме од историјата, тоа не е priority-1-issue за градот и државата. Немаме веќе пари за фрлање по ќеифови!

Edited by user8642 - 21-May-2020 at 00:13

Обнова на фасада на една од кулите во Кичево градена 1970







https://www.facebook.com/ekoflorMk/