Фасади (општо)

На крај некоја „сталинистичка“ зграда да не добиеме

Многу грдо. Ако ГС се сели од срамните бараки нека се пресели во достоинствен објект, не грда грујо-сталинистичка крпеница со бедна копија од Тито!

Барокот не се залепи, се тргаат скелињата од зградата на ЕСМ



Градежните работници ги демонтираат скелињата околу висококатницата на ЕСМ кај Градскиот трговски центар кои со години стоеа околу неа по запирањето на изградбата на барокната фасада. Отстранувањето на скелињата откри дека дел од поранешната стаклено-метална фасада е веќе заменет со бетонски елементи, но и дека дел е се уште останат на зградата.

Какви се намерите на изведувачите не е познато но како што во мај годинава беше најавено од страна на државната компанија ЕСМ од оваа есен зградата треба да добие нова модерна фасада.

-Од компанијата ЕВН сме откупиле четири ката од зградата, дел од приземјето и земјиштето под зградата за 2,2 милиони евра. Заедно со Град Скопје работиме на изработка на идејно решение за изгледот на зградата. Фасадата ќе биде стаклена и модерна. Се надеваме дека во втората половина од годината ќе почнат градежните работи. Кога ќе завршиме со фасадата ќе ја реновираме и внатрешноста на зградата, изјави тогаш Васко Ковачевски, директор на оваа комапнија.

Каков треба да биде изгледот на целиот објект не е познато. Останува дилема зошто ако се планира изградбата на новата фасада беше потребно да се тргнат скелињата?

Познато е, ова зграда до неодамна ја користеше и компанијата ЕВН, но таа се исели од неа откако ја купи Градската куќа под Кале за 12,7 милиони евра. Тоа ги подгреа шпекулациите дека градската администрација на Градот Скопје би можела да се пресели во оваа зграда. Инаку, зградата е изградена 1962 и е еден од најзначајните објекти на македонската модерна архитектура.

https://skopskoeho.mk/barokot-ne-se-zalepi-se-trgaat-skelinata-od-zgradata-na-esm/

Зградата на ЕСМ куртули од барокна фасада, повторно ќе биде стаклена и модерна



Со тргнувањето на платната и скелињата што ја криеја надворешноста на зградата, може да се забележи дека дел од стаклената фасада е сè уште на место, но на некои делови има ставено бетонски блокови кои требаше оваа зграда да ја „облечат“ во барок. Од ЕСМ за весникот ВЕЧЕР велат дека ќе се прави нова фасада за зградата, која нема да биде барок, туку ќе има друго решение, што ќе биде утврдено преку тендер за изведба на фасадата. Од Град Скопје сè уште не знаат дали ќе се преселат во оваа зграда, откако објектот „Градска куќа“ го продадоа на ЕВН Македонија, која таму веќе смести дел од своите вработени



На Градскиот плоштад се работи на отстранување на скелето од фасадата на зградата на Електрани на Северна Македонија (ЕСМ) што е од десно од Порта „Македонија“. Со тргнувањето на платната и скелињата што ја криеја надворешноста на зградата, може да се забележи дека дел од стаклената фасада е сè уште на место, но на некои делови има ставено бетонски блокови кои требаше оваа зграда да ја „облечат“ во барок.

Од ЕСМ за весникот ВЕЧЕР велат дека ќе се прави нова фасада за зградата, која нема да биде барок, туку ќе има друго решение, што ќе биде утврдено преку тендер за изведба на фасадата .

-Трипартитниот договор меѓу ЕВН, ЕСМ и „Бетон“ е раскинат, сега може да се продолжи со постапката за изведба на нова фасада на зградата на Градскиот плоштад. Работници веќе работат на отстранување на скелето, а понатаму ќе се распише и тендер за изведба на фасадата. И претходно и сега стоиме на тоа дека фасадата нема да биде барокна, туку ќе одиме со друго решение – потенцираат од ЕСМ.    

Ова се случува откако по заклучок од Владата донесен на седница на 14.01.2020 година, АД ЕСМ, како акционерско друштво во државна сопственост, го откупи делот од управната зграда кој му припаѓаше на ЕВН.

– ЕВН поседуваше половина од зградата и со докупот објектот сега е во целосна сопственост на АД ЕСМ. Делот е откупен за 2.375.100 евра – изјавија од ЕСМ.

Оттаму сè уште не кажуваат дали во оваа зграда ќе се пресели градската администрација. ЕСМ имаат нов објект кај Старата железничка станица во кој не можат да се преселат поради тоа што тој сè уште нема употребна дозвола.

Во врска со новата зграда, АД ЕСМ и другите надлежни институции сè уште се во процедура на изнаоѓање правно решение со кое објектот ќе добие употребна дозвола. Ситуацијата е затекната како проблем уште при промената на власта во 2017 година, а до истото е дојдено поради необезбедување на дозволи за измени во тек на градба додека објектот се градел – прецизираат од ЕСМ.

По продажбата на својот дел во зградата, во меѓувреме, дел од вработените на ЕВН веќе се преселени во Градската куќа која ја купија од Градот за 12,7 милиони евра.

– Дел од нашите вработени уште пред да почне пандемијата се преселија во Градската куќа, а дел се во нашите објекти под Кале и на улицата „Ленинова“. Вака засега е добро и поради пандемијата со коронавирусот. Полека сите ќе се вселиме во Градската куќа – изјави Ленче Карпузовска, портпарол во ЕВН, додавајќи оти не знае дали градската администрација има намера да ја земе зградата, бидејќи таа сега е на ЕСМ.

Скопскиот градоначалник Петре Шилегов сè уште не нашол соодветен објект за градската администрација, иако пред речиси една година на 26 септември најави дека ќе се продава Градската куќа, која почна да се гради уште во време на неговиот претходник, Коце Трајановски, со образложение дека во неа нема место за сите вработени и дека за градската администрација подобра би била локација некаде во центарот, поточно по можност и на Градскиот плоштад.

Тој тогаш ниту потврди, ниту демантираше дека би се преселиле во зградата на ЕВН и ЕСМ на плоштадот „Македонија“. А и сега од Градот не одговорија на прашањето на весникот ВЕЧЕР дали можеби идното седиште на Градот ќе биде објектот на Градскиот плоштад во кој сега се вработените од Електрани на Северна Македонија (ЕСМ).

– Градот Скопје работи на изнаоѓање соодветен објект за градската администрација, но засега нема ништо конкретно на овој план. Доколку биде изнајдено соодветно решение, јавноста ќе биде навреме информирана – кусо одговорија градските власти.

Зградата е градена далечната 1962 година и се вбројува во еден од најзначајните модерно/архитектонски објекти во Скопје. Белградскиот архитект Бранко Петричиќ го има направено идејното решение, а фасадата е дело на покојниот архитект Ѕвонимир Никуљски направена кон крајот на 1970 година. Втор пат фасадата е реконструирана 2000 година кога е додадено стаклото.

https://www.vecer.press/зградата-на-есм-куртули-од-барокна-фас/

„Облекувањето“ на зградава на ЕЛЕМ во барок е убедливо најголемата грешка од СК2014.

Мене некако ми делуваше дека се трудат да си остане со истата фасада, или може само потајно се надевам

Се надевам дека нема да ја усерат(се извинувам ама тоа е) и оваа зграда.

Originally posted by JovanOdGjorche Зградава е дефинизија на 29 годишното ни постоење. Шизофренија. Ќе покриваме „соц-комунзам“ со „нео-конзерватизам“ па ќе го „шминкаме“ со „капитализам“ во име на „социјализмот“? И после зошто ни се смејат?

аман бе со тој комунизам и капитализам... постои модернизам, интернационален стил, неокласицизам и класицизам и т.н.
во најмала рака, според стиропоров што почнале да го редат, ако ја завршеа, ќе личеше на арт-деко

Originally posted by JovanOdGjorche Скопје 2014 и се што се случува денес не е изоставено од пред се хировите на две партии но и идеолошкиот симбол на дел од нашата „политичка елита“. Центарот на градот сведочи за тоа. Тоа е само факт. Промената на фасадата на објектов не беше за „енергетска ефикасност“ -тогаш, а не е и денес, тоа сите го знаеме.

СК2014 е резултат на една голема проста земјоделска раја што дише политика и ја гледа во се... партиите тука немаат никакви идеологии, туку само лично богатење и моќ
моменталната власт не верувам дека се базира на реваншизам, туку на профит, и тоа е проѕирно во било кој судски процес и чесните процеси позади кои се кријат кои не оставија со еден куп карабини низ градот
да беше реваншизам СК2014 сега ќе беше прашина
НО, ако дел од моменталното функционирање на власта доведе тоа да се врати барем фрагмент од реалната историја на градов, можам да се согласувам со нејзе барем за тоа

Хотел Тимс во Дебар Маало со нова фасада:



претходно:

https://www.google.mk/maps/@42.0029679,21.4180827,3a,90y,19.09h,106.59t/data=!3m6!1e1!3m4!1smFzlXPDzUaAqYfYhy8k5Ww!2e0!7i13312!8i6656?hl=en

Оваа веќе ја знаете, тргнати се сите скелиња: