Македонски железници низ слика и видео

Отеднаш, познат звук, вибрации и протунува возот 390 за Белград, затресувајќи ме мене но и камерата.



И еве ме над подвозникот на товарна и нејзината управна зграда.



Еден поглед наназад на излезната индустриск пруга од Пивара-Скопје, и жалење за нејзината неактивност



Спуштајќи се на кратко од насипот, една убава глетка, товарење контејнери на вагони.



Убава глетка, но штета што нема повеќе контејнери за товарење.

Прекрасно сончево утро за една тура низ дел од Скопскиот железнички јазол од железничката станица Скопје до станицата Скопје Север во должина од 8,7 км



Тргнувам од Транспортниот центар - железничка станица Скопје



Зад мене останува железничката станица и нејзините столбови и стапнувам на високиот земјен насип на која продолжува пругата



Пред мене се два колосека и пат по прагови и толчаник на кој сигурно некој дел од патиките ќе оставам



На самиот почеток од левата страна ја догледувам и еден дел од мојата цел, пете кули на ридот во населбата железара



Продолжувам понатаму со помислата дали е предалеку, но мислата веќе е прекината, наидувам на подвозникот кај делот наречен Керамидница



Edited by Vladimir P - 30-May-2009 at 07:58

Претпоставувам дека ова е возот за Битола што поаѓа од 14:30 часот од Скопје. Мислам дека овој воз е убедливо најполн од сите наши возови низ земјава, никогаш не може да се најде слободно место за седење, а често и за стоење. Но затоа многу ми се допаѓа затоа што често во возов има чичковци што продаваат пирошки и гевречиња, како и сладолед и сокови додека патувате кон Битола!

Патувањето Скопје-Охрид преку Кичево со воз ми е испробана релација минатото лето, кога навистина имаше добар возен ред на автобусите од Кичево, стигнуваш во Кичево во 8 и пол и во 9 часот имаш директен на Симекс кон Охрид. Cloverstack, верувај дека тоа што си се возел со Галеб, а не со Симекс се чинело додатни десетици денари. За да издржи конкуренција Симекс ја има намалено картата кон Кичево на 440 денари, но Галеб кој е најредовен превозник на оваа релација и понатаму држи цена од околу 550 денари за Кичево. Башка изненадување за сите нас се најверојатно и новите цени на повратната карта кон Охрид, кои ќе бидат 840 денари ова лето!!!
Што се однесува до железница, во возот за Кичево секогаш пуштаат 2 или 3 вагони, затоа што немаат повеќе. Сум констатирал дека има различни категории на луѓе што се возат со воз, ама признавам дека ми се наинтересни "КРОМИДАРИТЕ", возот труе од нив!
 

хигиена, како изгледа тоа, сепак луѓе се возат, но и да бидеме искрени каква беше ситуацијата од пред пет или десет години, сега сме топ. пополека се обновува ентериерот на вагоните, конечно почнаа и надворешно да ги чистата истите, а за внатре можеби е проблем што ангажиран е еден и не баш професионален хигиеничар, кој држи смени и со еден џогер набрзина поминува по купињата...

освен панорамскиот момент, возот нуди можност и за непосредна комуникација, бар во купеата, па неретко човек може и нешто да научи, работи кои ретко каде има можност да ги чуе, јасно доколку нема некоја попаметна работа и разврзи муабет. исто позитивен момент е што во секое време можеш да се раздвижиш или да се пуштиш до вц, јасно и да јадеш и да пиеш па и цигара да запалиш.

но баш ова со цигарите е еден понегативен момент, бидејќи ниту постои некава сепарација на непушачки или пушачки вагон, ниту пак некому му е гајле дали е нешто забрането. пример европа додека беше дозволено пушење по возови, имаше посебен вагон за пушачи и за истиот се доплаќа дополнително, така да од старт знаеш и каква услуга добиваш, иако сега мислам оваа бенифиција им ја укинаа!?

друга маана на нашите возови вакви какви што се е кабасти, качувањето освен на шпанците е алпинизам, па постари или инвалиди имаат прилично мака и да се решат да одат со воз, иако јасно дека секогаш ќе има некој да им подаде рака, но самото тоа што не постои некаков поевропски стандард прави да бидат истите одбивни за постарата популација. мислам дека мора да се обездеди на сите станици или екстра скаличка или мобилна рампа, и кондуктер кој ќе води сметка за кого и каде се треба да е спремно вакво помагало за постари лица...

сепак сето ова ќе се смени со приватизацијата на транспортот и влегувањето на свеж капитал и во мж транспорт и во мж инфраструктура, е тек тогаш ќе има спектакуларна панорама штом истата е надополнета со бесшумно но и покомфорно патување, засега ова бетонските прагови ветуваат ако ништо друго дека се размислува во тој правец. сепак патувањето со воз од 20 век ќе биде секогаш незаменливо и далеку поатрактивно, и заради звуците но и заради просторот кој кај новите херметички затнати кабини делува по некое време ем вештачки ем клаустрофобично, иако компактно!

Originally posted by pbanks Originally posted by Cloverstack   но за мене и Дервенската Клисура (по течението на Вардар помеѓу Скопје и Тетово) беше вистинско откровение. Каква е споредбата во овој дел со возењето во Таорската или Велешката клисура кои се исто импресивни одејќи по железничката траса?

И двата поста моето слагање го имат, едини проблем кај Таорската или Велешката клисура е тоа што стварно целиот тој дел мора да се изоди пешки.
(Сум го прошол со чамец тој дел, но по траса само сум стигнал до сливот на Кадина река во Вардар, т.е. на самиот почеток )


Edited by Vladimir P - 18-May-2009 at 23:30

Вардар е помал а и не е така непосредно до пругата. Глетката ја зачинуваат снежните врвови на Шара. Но џабе е да зборам, ти препорачувам лично да ја испробаш релацијава.

Кога е начнавме темата за хигиена, еве ја случката од ова патување.
 
Влегува млад дечко прекрасно облечен и лицнат со кожна вентијага на рамо, седнува на седиштето и отеднаш потскокна !
Ја простра вентијагата под себе и искоментира
- Ќе ми се испрља мајцата од седиштето.
Добро си помислив човеков е педантерија што се гледаше и по неговиот целосен изглед.
Откако се смести удобно, ги подзатвори очите и, еве го изненадувањето за сите нас во купето.

Човекот ги дина нозете со неговите кондури и ги плесна на седиштето прекопат.

Се слегна во родното место, а ние моравме да го истресеме седиштето од остатоците од неговите кондури.

Што е мое е мое, што е наше не е мое.

Па еве, иако можеби не е вистинската нишка, познавачите нека ни кажат дали во некои од возовите што се обраќаат низ Македонија функционираат класи?

Originally posted by lslcrew Сеуште владее некое конзервативно-ретроградно-нелогично мислење дека е срамота поситуиран човек да користи јавен транспорт.

Воопшто не ми беше тоа поентата. Ниту се чуствувам претерано ситуиран, ниту имам предрасуди кон јавниот превоз (баш напротив). Едноставно не е пријатно во купе да ти влезат единки со речиси никаква лична хигиена или без елементарна култура, проблем за кој поради цената на билетите претпоставувам дека е убедливо најизразен кај железниците. Ова сигурно одвраќа многу луѓе од патување со воз.