Originally posted by lslcrew Ako ne me svakash, neka ti tekne na site onie komunjarski maala so pateki crtani tuku taka i nikoj ne se dzivi po niv, a trevnicite site izgzeni. Doprva gi prereduvame so paver elementi. Dzabe se site prikazni za mentalitet i kultura, ako proektiranjeto e zgresheno. Nekoi raboti uporno ne sakash da gi svatish.

Токму така. Само ќе те надополнам и со паркинзите, одма позади три бисери има тотално непотребно зеленило на сред паркинг, па од што нема кај да се паркираат луѓево мораат на тревните, сега веќе земјени површини. Баш ок кажа, правени се како ќе им текне.

крале ти си ги побркал поимите, денешната постојна инфраструктура не соодветствува на потребите на Скопје баш поради недовршување на тој ти што го викаш глуп, а инаку ГУП-от соодвествува на потребите за наредните најмалку 20 години
и инфраструктурни планови се прават за да ги задоволуваат потребите на градот подолг временски период
ако остваруваме планчиња поради нестрпливост и правиме само привремени решенија тогаш ќе треба нов план да се прави секоја нова година, поради тоа што реално сме направиле улица за краткотрајна употреба, поради тоа што саме мислеле дека булевар, мост или тунел биле утопистички решенија и градот тек така ќе си остане заложник на нелогични планови...
и градот не е заложник на ГУП-от, туку на градските и повисоките власти, кои со години наназад ни го тапат мозокот со ставови како твојов, ако на секои две години реализиравме по еден проект од тој ГУП, сега ќе бевме на коњ!


Edited by zabegan - 07-Apr-2011 at 15:47

0
inShare

Новиот ГУП до октомври следната година

Нацрт-верзијата за Генералниот урбанистички план треба да биде готова до јуни следната година, а подоцна во октомври се очекува планот официјално да биде изгласан од Советот на Град Скопје. Ова информација денеска ја обелодени градоначалникот Коце Трајановски, како заклучок на една точките кои денеска беа ставени на дневниот ред на Координативното тело на скопските градоначалници.

- Во септември се планира состанок со сите скопски градоначалници и нивните стручни служби од областа на урбанизмот и локалниот економски развој. Ќе се направи пресек до каде сме со изготвувањето на ГУП-от и кои се забелешките на општините по однос на овој план. На овој начин сиситемски се поставува регулирањето на донесувањето на ГУП-от од страна на општините на Градот – рече Трајаносвки .

На денешната координација донесено е решение новите комуналните редари што ќе функционираат во скопските општини униформите да ги добијат во септември, а согласно новиот правилник изготвен од Министерството за транспорт и врски, во голем дел тие ќе наликуваат на полициските униформи. Со ова, Трајановски смета дека ќе се зголеми ефикасност во функционирањето на комуналните редари во градот, кои како што беше најавено, и самите ќе може да изрекуваат казни за несовените граѓани, согласно Законот за јавна чистота, но во тој случај парите од казните ќе се слеваат директно во општинските буџети, а не во државниот, како досега.

Трајановски не ја поддржува иницијативата на некои општини самите да фрмираат посебни комунални претпријатија бидејќи, според него, во таков случај би се дуплирале надлежностите на Градот со надлежностите на општините, односно би се формирала состојба на „општина во општина“.

Во однос на  последните информации за данок на имот, точка која редовно се разгледува на Координативното тело на градоначалниците, регистрирани се дополнителни 2.500 нови даночни обврзници.

- Поделбата на решенијата оваа година беше навреме. Со исклучок на општина Карпош која самата ги доставува решенијата за данок, во другите скопски општини даночните решенија ги дели Градот преку „Македонски пошти“- рече Трајановски. 

http://www.time.mk/read/570dc76628/a006030f42/index.html

Скопје ќе се дели на 30 квартови

“Блокови и квартови имаат скоро сите градови и мислам дека е една добра новина во правењето на новиот ГУП на Град Скопје“, рече градоначалникот на Скопје, Коце Трајановски.

Како што рече Трајановски, на работната средба за ГУП-от за период од 2012 до 2022 на Град Скопје, што се одржува во Берово, секој блок ќе има свое име, а на тој начин ќе се олесни планирањето и идентификувањето на градот.

Претходно скопскиот градоначалник најави дека градот нема да се проширува во следните 10 години, бидејќи тоа не е планирано од градските власти.

http://tocka.com.mk/1/62496/skopje-ke-se-deli-na-30-kvartovi

Во однос на последните изјави, разочаран сум што воопшто некој ја зел предвид несериозната студија за трамвај покрај Вардар, но и среќен што Трајановски начелно ја отфрла идејата.

Истотака, катастрофа е што одлучија Зелено Пазарче да ја задржи локацијата. Нели требаше неговата функција да ја замени новиот пазар карши Аутомакедонија???

му пишав на Трајановски на email да размисли за тоа да ги трансформира градските општини во квартови додека град Скопје би бил една општина со истите граници. Чекам одговор

Originally posted by alexgizh Инаку зачуден сум од практично непостоечката дискусија во врска со „семинаров“ на Град Скопје и неговите Општини, овде на форумов...

Дефинитивно ќе беше убаво да имаше повеќе дискусија, но да бидеме реални, немаше баш некој квалитетен материјал за дискусија. Информациите што дојдоа од Берово беа скудни и непрецизни.

Инаку на иста линија сме за трамвајот и за пазарчето.


1. Идејата за трамвајот на столбови покрај Вардар не можам да ја опишам никако поинаку освен како комплетно ретардирана. Очигледно некои таму немаат воопшто осет за работата која ја вршат. Размислиле ли кои би биле ефектите од едно такво „решение“? Која е воопшто е целта, односно што се сака да се постигне? И која би била цената, односно какви други решенија би можеле да примениме за слични пари?

Божем моменталниот план за трамвајот не е доволно катастрофичен, па требаше да чуеме и една ваква бизарност... навистина сешто...
Во чиви раце ни е урбанистичкото планирање... 


2. На пазарчето дефинитивно не му е таму местото...


3. Незабележана остана крајно чудната изјава на градоначалникот на општина Аеродром, Ивица Коневски. Еве ќе транскрибирам од видео-прилогот од вестите на телевизија Алфа:
http://www.vesti.alfa.mk/default.aspx?mId=36&eventId=47462

„Во иднина на местата каде што се станбените куќи, да се предвидат места за изградба на објекти заради тоа што таму имаме огромен интерес и во моментов имаме состојба каде што еден дел од граѓаните имаат можност да се на нивните места градат згради, а друг дел од граѓаните немаат таква можност. Сакавме да ги изедначиме.“

Малце потешко му оди изразувањето на градоначалников, ама океј му ја разбравме поентата. Сака преку ГУП-от да се уреди да може се градат згради на сите места каде што веќе има куќи. Градоначалников демек нејќел неправди и нерамноправност, па затоа сакал да ги „изедначи“ граѓаните. Ај еве некако да му поверувам дека тој е вистинскиот мотив, ама некој сепак треба да му објасни дека не секаде може да се постигнат урбанистички и други услови за да може да се градат згради. Во планирањето на просторот важат многу поинакви критериуми, од наводната рамноправност на сите оние кои имаат куќи и на нивно место сакаат да градат згради. Патем, јас живеам во зграда, па живо ме интересира какво решение има Коневски за ваквите како мене, бидејќи според неговата филозофија, зарем ние не треба да бидеме исто така рамноправни во можностите за добивање на дополнителна квадратура?

Во врска со изјавата на Коневски, уште позагрижувачки ми звучи кажаното во веста дека градот прифатил најголем дел од барањата на градоначалниците за да се дозволи градење на згради на местата каде што сега има куќи. Се надевам дека сепак се применети разумни критериуми и филтри, но после се што гледаме и слушаме од нашите урбани планери, не сум баш уверен дека има простор да бидам преголем оптимист.



Ова се три работи кои процурија, којзнае уште за колку не знаеме...

Навистина сум уплашен, во каква огромна катастрофа за градот може да се претвори овој нов ГУП.




Edited by Cloverstack - 19-Mar-2012 at 03:29

жалосло е пазарчето да го одзема воздушниот простор над него.нека се направи 15 катница и во еден од приземните или подземните катови нека биди повторно пазарчето,вака сите имаат штета,а и пазарџиите стојат на отворено под најлони како во чергарски шатор.не бива вака во 21 век

дислокација на пазарчето има многу пошироко значење од естетското, сметајте дека со таков потег ќе се променат движењата во центарот, барем во пределот околу Градска болница и9 конечно ќе може да се расчистат многу проблеми во тој круг, од хигиена, па се до хаотичноста со сообраќајот видот на „трговија“ што се мота таму...
и реално гледано, од пазарот во Центар, нема голема потреба, единствени причини зошто опстојува тој пазар се економските и не знам зошто сеуште се форсира идејата да опстане тој пазар, кога може да се дисперзира на повеќе локации

а за Битпазар најлесно решение ќе беше да го стават под земја, а над него да се развие нов урбан простор, но нити општината нити државата не функционираат така (и замислете, таквиот зафат ќе беше поефтин од чудовиштето од плоштад на само пола километар од него)

Originally posted by Macedonicus Originally posted by zabegan дислокација на пазарчето има многу пошироко значење од естетското, сметајте дека со таков потег ќе се променат движењата во центарот, барем во пределот околу Градска болница и9 конечно ќе може да се расчистат многу проблеми во тој круг, од хигиена, па се до хаотичноста со сообраќајот видот на „трговија“ што се мота таму...и реално гледано, од пазарот во Центар, нема голема потреба, единствени причини зошто опстојува тој пазар се економските и не знам зошто сеуште се форсира идејата да опстане тој пазар, кога може да се дисперзира на повеќе локацииа за Битпазар најлесно решение ќе беше да го стават под земја, а над него да се развие нов урбан простор, но нити општината нити државата не функционираат така (и замислете, таквиот зафат ќе беше поефтин од чудовиштето од плоштад на само пола километар од него) Дислокација на зеленото пазарче е сосема во ред но БитПазар има историска вредност и токму затоа не треба да се чепка.

самиот пазар нема таква вредност за да не смее да се чепка, можеби има културно и историско значење, ама не е заштитен со некој строг закон
плус тоа, не се менува локацијата на пазарот, туку само нивото на кое се наоѓа, што значи скоро ништо не е изгубено