Се менува структурата на надворешната трговиЈа

Платината го потисна црното злато

Две фирми ја испревртеа досегашната монотона слика за трговската размена на Македонија со странство. Доволно беше „Џонсон Мети“ и „Џонсон контрол“ да почнат да работат под полна пареа и нивното производство да влезе во статистичките обработки, па извозот на катализатори и увозот на платина и легури на овој благороден метал неопходен за производство на автомобилските делови, да се искачат на врвот на скалата на најтргувани производи, наместо нафтата, металите, автомобилите... Истовремено, Велика Британија стана еден од трите наши најзначајни надворешно-трговски партнери, за разлика од досега, кога котираше прилично пониско. Ваквите показатели во размена за првите пет месеци од една страна покажуваат колку нашето стопанство е неразвиено, но од друга, дека полека се менува структурата кон производи со повисока додадена вредност.



Дефицитот стара болка

Меѓутоа, и натаму останува старата болка трговскиот дефицит да е голем, дури 1,1 милијарда долари за петте месеци од годинава, со тенденција до крајот на годинава да достигне рекордни 2,5 милијарди долари. Радува зголемениот обем на размена, кој во овој период изнесуваше над 4,5 милијарди долари, но во тој износ извозот изнесува 1,7 милијарди, а увозот 2,8 милијарди долари, односно покриеноста на увозот со извоз е 60,7 отсто.

- Кога една или две фирми можат да ја нарушат целата статистика, тоа покажува колку е кревко македонското стопанство и дека треба уште многу да се зајакнат конкурентските капацитети на постојните компании - вели еден економист.

Во Стопанската комора на Македонија велат дека ваквите резултати во надворешно трговската размена се должат на првите станари во слободната економска зона Бунарџик, фирмите „Џонсон Мети“ и „Џонсон контрол“ кои произведуваат катализатори за автомобилската индустрија. Првата целото свое производство го извезува во Велика Британија, што покажува зошто оваа земја наеднаш се најде меѓу најзначајните наши трговски партнери, велат во Комората.



Нема чуда

Од таму додаваат дека и на други носечки сектори на македонското стопанство им оди добро, пред се на металскиот комплекс, но и на текстилците.

Според неофицијални информации, лани додека беше во пробно производство, британската „Џонсон Мети“ извезла производи во вредност од околу 130 милиони евра, додека сега нивното производство просечно месечно вреди 40 милиони евра, што значи дека доколку продолжи да работи со истото темпо во три смени, вкупно годинава ќе достигне импресивни 500 милиони евра. Под претпоставка додадената вредност која тие ја вградуваат во нивните производи да е десет отсто (како разлика на увезените репроматеријали и извезените готови производи), произлегува дека нивниот удел во зајакнување на македонскиот нето-извоз годинава би можел да биде педесетина милиони евра, односно за толку да го зголемат домашниот бруто општествен производ. Слично е и со „Џонсон контрол“, каде исто како и во „Џонсон Мети“ се вработени околу 280-290 лица.

Но, според економистите, Македонија е уште далеку да направи целосен пресврт, па дефицитот во размената да го трансформира во суфицит.

Во Агенцијата за привлекување на странски инвестиции очекуваат и најавените инвестиции на неколку странски фирми да придонесат за такво нешто, но како што вели првиот човек Виктор Мизо, за мала земја со ограничени природни ресурси, акцентот треба да се стави кон намалување на јазот во покриеноста на увозот со извоз, и да настојуваме во сопственото производство да се преориентираме кон производи со поголема додадена вредност, наместо како што до сега доминираа суровините и репроматеријалите.

http://www.dnevnik.com.mk/?ItemID=01FF4E2A8F71C1459976685977359D6A

Мети прави 19% од македонскиот извоз

Извозот расте побрзо од увозот

Во првите пет месеци годинава вкупната трговската размена на Македонија со странство достигна 4,568 милијарди долари, што е раст од 43,6% во споредба со првите пет месеци минатата година. Извозот кој во првите пет месеци изнесуваше 372 милиони долари е за 47,4% поголем од извозот направцен во истиот период минатата година. За првпат после подолго време извозот расте повеќе од увозот, кој во првите пет месеци е зголемен за 41,5%.Растот на извозот главно се должи на зголемениот извоз на хемиски производи, во кои главно влегуваа катализаторите произведени од Џонсон Мети, кој за само една година работење создава 19% од македонскиот извоз.

http://www.kapital.com.mk/MK/magazin.aspx/71302/meti_pravi_19_od_makedonskiot_izvoz.aspx?iId=2279

Намалена невработеноста во Куманово

Заклучно со месец јуни годинава во Куманово се регистрирани 25 597 невработени лица, од кои 17 031 живејат во градот,  а 8 566 во селските средини. Во истиот месец минатат година во Агенцијата за вработување биле регистрирани вкупно 27 136 невработени лица.

Според податоците на Агенцијата во јуни бројот на невработени лица во земјава изнесувал 311.374 лица.

http://www.kumanovonews.com/vesti/dnevni-vesti/namalena-nevrabotenosta-vo-kumanovo.html

Здравје Радово отвора трета млекарница во Македонија

Маја Бајалска-Георгиевска

Јован Дабевски, генерален директор и сопственик на Здравје Радово

За околу еден месец компанијата Здравје Радово ќе отвори трета млекарница во Македонија, инвестирале 3 милиони евра и ќе вработат 20 луѓе. Генералниот директор на Здравје Радово, Јован Дабевски, во интервју кое во целост ќе биде објавено во најновиот број на магазинот “Капитал“ зборува за новата инвестиција и за состојбите во македонската млечна индустрија

За околу еден месец компанијата Здравје Радово ќе отвори трета млекарница во Македонија, во која ќе се произведуваат трајно млеко, пудинзи, сутлијаши и млечни напитоци со различни вкусови. Во новиот производен погон сопствениците инвестирале 3 милиони евра и ќе вработат 20 луѓе. За три години оваа фабрика на Здравје Радово треба да преработува 50.000 литри млеко дневно, што ќе биде 55% раст на вкупната количина млеко од 90.000 литри дневно, која сега двете фабрики ја преработуваат.

Здравје Радово, која е втора по големина млекарница во Македонија, минатата година ја завршила со вкупни приходи од 15 милиони евра и повеќе од 2 милиони евра добивка. Генералниот директор, Јован Дабевски, во интервјуто за изданијата на Капитал Медиа Груп, кое во целост ќе биде објавено во петок вели дека секоја година производството на компанијата расте во просек околу 15% и така планираат да продолжат и понатаму. Од вкупната продажба 20% се извезува на пазарите во Србија, Косово, Црна Гора, Босна и Херцеговина и Хрватска. Иако, како што вели Дабевски, производите на Здравје Радово во Белград, Подгорица и Приштина добро ги знаат, желбата на менаџментот е компанијата да продолжи да се шири на балканските пазари, затоа што македонскиот пазар е мал и нема доволно суровина за преработка. Дабевски не крие дека размислува за аквизиција или инвестиција во нова млекарница на соседните пазари, со цел посилно позиционирање на Балканот.

“Не се носиме од идејата дека мора да извезуваме на американскиот пазар или во Канада и да прескокнеме една цела низа пазари, туку дека пред се треба да извезуваме во нашето опкружување. Во моментот кога ќе ги освоиме овие пазари од Југоисточна Европа, ако имаме уште количини би оделе еден чекор понатаму - во ЕУ, а дури потоа на подалечните пазари. Сметаме дека сега с$ уште можеме да растеме на пазарите во соседството, а ако анализираме по држави, во Србија, Црна Гора и Косово сме навистина препознатлив бренд”, вели Дабевски.

Тој вели дека Сведмилк предизвикал вистинска дисторзија во македонската млечна индустрија пазарот.

“Мислам дека случајот премногу се експонираше и се искористуваше и во политички цели. Јас никогаш не би убедувал фармер да земе кредит и да му потпишам договор дека ќе му го плаќам млекото по цена двапати поголема од светските цени. Тоа беше “суперприказна”. Но, кога ги натераа луѓето да влезат во тој бизнис, престанаа да им го плаќаат млекото. Ако се анализира случајот Сведмилк, мислам дека целата работа премногу се третираше медиумски, пред сe, поради тоа што се очекуваше дека со нејзиното доаѓање многу ќе се подобри млекопроизводството. Но, тие очекувања беа погрешни”, смета Дабевски објаснувајќи дека е голема заблуда верувањето кое постои во Македонија дека зголемената конкуренција со нови млекарници по дефиниција ќе ги подобри состојбите во млечната индустрија.

“Најважно е секоја млекарница да гради здрави односи со фармерите. Тогаш ќе има општ раст на производството”, вели Дабевски.

http://www.kapital.com.mk/mk/dneven_vesnik.aspx/71740/zdravje_radovo_otvora_treta_mlekarnica_vo_makedonija.aspx?iId=2294

Соопштението е од областа: Индустрија


Индекси на индустриското производство

петок, 29 јули 2011

Според податоците на Државниот завод за статистика, индексот на индустриското производство во јуни 2011 година, во однос на јуни 2010 година, изнесува 98.2.

 

Гледано по сектори, индустриското производство во секторот Рударство и вадење на камен во јуни 2011 година, во однос на јуни 2010 година, бележи опаѓање од 2.8%, во секторот Преработувачка индустрија бележи пораст од 3.4%, а во секторот Снабдување со електрична енергија, гас, пареа и климатизација опаѓање од 33.5%.

 

Според главните индустриски групи, производството во јуни 2011 година, во однос на јуни 2010 година, бележи пораст кај Капитални производи за 17.6%, Трајни производи за широкапотрошувачка за 139.8% и Нетрајни производи за широка потрошувачка за 11.4%, додека кај Енергија бележи опаѓање за 45.7% и кај Интермедијарни производи, освен енергија опаѓање за 3.6%.

 

Индексот на индустриското производство во периодот јануари - јуни 2011 година, во однос на периодот јануари - јуни 2010 година, изнесува 109.2.

http://www.stat.gov.mk/PrikaziSoopstenie.aspx?rbrtxt=1

Fala
http://www.sitel.com.mk/dnevnik/biznis/embargoto-srbija-kosovo-nosi-kar-za-makedonija

ZEMJI SO NAJGOLEM OBEM NA RAZMENA SO REPUBLIKA MAKEDONIJA, JANUARI-JUNI 2011 GODINA
COUNTRIES WITH THE HIGHEST VOLUME OF COMMODITY EXCHANGE WITH THE
REPUBLIC OF MACEDONIA, JANUARY-JUNE 2011
- Prethodni podatoci / Preliminary data -
po tekoven kurs daily exchange rate
Zemja
Obem vo
000 SAD $
Volume in
000 US $
Struktura
Structure
Izvoz vo
000 SAD$
Export in
000 US $
Struktura
Structure
Uvoz vo
000 SAD$
Import in
000 US $
Struktura
Structure
Pokrienost na
uvozot so izvoz
Import coverage
by export
Country
VKUPNO 5 498 509 100.0 2 099 505 100.0 3 399 004 100.0 61.8 TOTAL
Germanija 973 881 17.7 611 482 29.1 362 399 10.7 168.7 Germany
Srbija 391 342 7.1 155 004 7.4 236 338 7.0 65.6 Serbia
Velika Britanija 376 691 6.9 23 855 1.1 352 835 10.4 6.8 Great Britain
Rusija 374 297 6.8 22 468 1.1 351 828 10.4 6.4 Russia
Bugarija 364 819 6.6 156 206 7.4 208 614 6.1 74.9 Bulgaria
Grcija 362 633 6.6 102 463 4.9 260 170 7.7 39.4 Greece
Italija 335 123 6.1 133 673 6.4 201 450 5.9 66.4 Italy
Kosovo1) 261 553 4.8 243 262 11.6 18 291 0.5 1330.0 Kosovo1)
Kina 204 060 3.7 44 175 2.1 159 886 4.7 27.6 China
Turcija 203 840 3.7 37 553 1.8 166 286 4.9 22.6 Turkey
Hrvatska 139 713 2.5 76 439 3.6 63 273 1.9 120.8 Croatia
Slovenija 138 546 2.5 48 568 2.3 89 978 2.6 54.0 Slovenia
Ukraina 134 355 2.4 51 245 2.4 83 110 2.4 61.7 Ukraine
[vajcarija 94 134 1.7 15 794 0.8 78 340 2.3 20.2 Switzerland
Bosna i Hercegovina 84 876 1.5 43 325 2.1 41 551 1.2 104.3 Bosnia and Herzegovina
Avstrija 81 358 1.5 19 314 0.9 62 043 1.8 31.1 Austria
Holandija 77 913 1.4 44 316 2.1 33 597 1.0 131.9 Netherlands
Romanija 74 753 1.4 22 595 1.1 52 158 1.5 43.3 Romania
[panija 65 941 1.2 34 666 1.7 31 274 0.9 110.8 Spain
Francija 57 373 1.0 7 833 0.4 49 540 1.5 15.8 France

Кои се најголемите 100 увозници во Македонија?

Биљана Здравковска-Стојчевска

Анализата на увозот ги покажува слабите точки на економијата. Македонија е речиси целосно увозно зависна земја и е принудена да увезува најголем дел од производите кои и се потребни бидејќи не ги произведува. Но, во Македонија се увезува и тоа што ни треба и тоа што не ни треба, и тоа што го немаме и тоа што го имаме, а увозните компании прават најголеми профити

Ако анализата на извозот ги покажува силните страни на една економија, увозот дефинитивно ги покажува слабите точки на економијата. Македонија е речиси целосно увозно зависна земја, што значи дека е принудена да увезува најголем дел од производите кои и се потребни за производство, но и за широка потрошувачка, бидејќи не ги произведува сама. Но, во Македонија се увезува буквално се и сешто. И тоа што ни треба и тоа што не ни треба, и тоа што го немаме и тоа што го имаме или можеме да го обезбедиме преку домашно производство.

Најтипичен пример е прехранбената индустрија. Македонија, која важи за земјоделска земја со многу големи потенцијали за домашно производстсво на храна, не покрива ниту половина од сопствените потреби за храна. И покрај стотиците милиони поделени државни субвенции на земјоделците, наместо да се зголемува домашното производство на храна, од година во година увозот се повеќе расте и минатата 2010 година достигна рекордни 600 милиони долари. Тие што веќе работат во македонската прехранбена индустрија велат дека буквално се е поскапо да се произведе дома отколку да се увезе од околните пазари. Затоа сме преплавени со странска стока буквално од секаде.

Од година во година расте и вредноста на вкупниот увоз во Македонија. Минатата година во Македонија се увезени производи во вредност од 5,5 милијарди долари. Земјава со години увезува повеќе отколку што извезува. Во 2010 година увозот беше за 2,14 милијарди долари поголем од извозот. Во првите пет месеци од годинава увозот достигна две милијарди евра, а трговскиот дефицит е 1,1 милијарди евра, односно 30% поголем отколку во истиот период лани.

Колку за споредба, во 2000 година Македонија увезе производи и услуги во вредност од две милијарди долари, а трговскиот дефицит беше само 770 милиони долари. Тоа значи дека вредноста на увозот за овие десет години се зголеми за 178%, а трговскиот дефицит порасна за цели 160%.

Анализата на 100-те најголеми увозници, која во целост ќе биде објавена во најновиот број на магазинот “Капитал“, покажува дека тие лани оствариле увоз во вредност од 2.650 милијарди долари, што е половина од вредноста на вкупниот годишен увоз на целата земја.

На листата со 100 најголеми увозни компании во Македонија се наоѓаат и многу од големите извозни компании. На пример, на листата со 100 најголеми извозни компании најбројни се компаниите од металопреработувачката индустрија. Дури 11 компании од металургијата, кои истовремено се извозници, се наоѓаат и на листата со најголеми извозници. Тоа е сосема логично ако се знае дека најголем дел од суровините за производство овие извозни компании мора да ги увезуваат од странство затоа што Македонија нема челична руда. Вкупниот увоз на овие 11 металопреработувачки компании лани изнесуваше 405 милиони долари, при што најголем увозник е Арчелор Митал, чиј годишен увоз надминува 100 милиони долари. Следуваат Фени индустри и ИГМ трејд.

Најмногу девизи Македонија како држава дефинитивно троши за плаќање на увозот на нафта и нафтени деривати. На ниво на држава лани се потрошени 744 милиони долари за увоз на нафта и нафтени деривати, а над 85% од овој увоз го прави рафинеријата Окта, која е најголем увозник во Македонија. Рафинеријата Окта истовремено е и најголема компанија во Македонија според вкупните приходи во работењето, кои надминуваат 514 милиони евра. На второ место на листата со најголеми увозници се искачи Џонсон Мети, хемиската компанија, која пред две години изгради фабрика во слободната економска зона Бунарџик. Увозот на Џонсон Мети, кој лани имаше вкупни приходи од 132 милиони евра, надминува 250 милиони долари, а извозот се уште е помал од увозот.На третото место на листата со најголеми увозници е металопреработувачката фабрика Арчелор Митал, чиј увоз надминува 100 милиони долари.Во првите 10 најголеми увозни компании во Македонија дури три се од нафтената индустрија, кои годишно увезуваат нафтени деривати во вредност од над 780 милиони долари.

И ДРЖАВАТА НА ЛИСТА СО НАЈГОЛЕМИТЕ УВОЗНИЦИ

На листата со 100 најголеми увозници во Македонија се наоѓаат министерствата за здравство и за внатрешни работи и општина Центар, кои лани увезле производи во вредност од 56,5 милиони долари. Министерството за здравство со увоз од 30 милиони долари се наоѓа на 15-то место на листата со најголеми увозници. Најголем дел од увозот на ова министерство се должи на опрема за јавното здравство. Министерството за внатрешни работи лани увезло производи во вредност од околу 16 милиони долари и е на 32 место на листата со 100 најголеми увозници.

Најголемиот увоз на ова министерство отпаѓа на уреди за следење и репродукција на звукот. Општината Центар се наоѓа на 62 место со увоз од 9,5 милиони долари во 2010 година. Општината Центар за прв пат се јавува во групата најголеми увозници годинава, поради увезените споменици и скулптури од странство како дел од проектот “Скопје 2014“.

http://www.kapital.com.mk/mk/dneven_vesnik.aspx/72139/koi_se_najgolemite_100_uvoznici_vo_makedonija_.aspx?iId=2305

Во градот на текстилот нема текстилни работници

сабота, 27 август 2011, 19:01

Индиската текстилна групација Бен оверсис до крајот на годината сака да вработи 250 работници во Штип кои ќе шијат кошули за европскиот пазар. Но, во градот на текстилот-текстилни работници нема. Сопственикот на новата текстилна конфекција Бенг и Скот вели дека се соочиле со ваков проблем уште на самиот почеток од создавањето на конфекцијата која во моментот вработува околу стотина.

Имаме големи надежи и покрај тоа што се соочуваме со големи проблеми.Најголемиот проблем за нас во моментот е недостигот на работна сила. Но, сакам да истакнам дека ние даваме добри опции, како што е сигурна работна средина.

Поради близината до европскиот пазар, ниските трошоци за транспорт, но и искусните работници, индискиот инвеститор го избрал Штип, наместо Србија или Словачка кои им биле едни од опциите за отпочнување на бизнис. Исчен верува дека има начин да го отстранат проблемот со кој во моментот се соочуваат.

Мораме да бараме решение на долготрајни патеки. Ако компанијата произведува квалитетни производи нивниот пазар ке се прошири, а за да произведувате квалитетни кошули ви требат искусни работници. Ако тоа го постигнете добивката за сите ке се зголеми.

Проблемот со кој во моментот се соочува странскиот инвеститор од пред неколку години создава главоболки и на штипските конфекционери, кои тврдат дека младите повеке сакаат да работат во државните институции, отколку за просечна плата од 12.000 денари да шијат на машини. Во моментот во Штип има 6130 невработени, од кои 880 се жени на возраст од 19 до 34 години.

http://www.time.mk/read/9397e96876/dd6b2f209a/index.html

Индустриското производство во јули порасна за 5,5%

За 5,5% порасна индустриското производство во јули годионава споредено со истиот период лани. Во првите седум месеци од годинава пак, индустриското производство порасна за 8,6% во споредба со периодот јануари-јули 2010 година.

Податоците од Државниот завод за статистика покажуваат дека во јули годинава текстилната индустрија паднала за фрапантни 41% во споредба со истиот период лани, градежништвото порасна за 12%, рударството за само 2,2% на годишно ниво, металната индустрија за само 0,9% во споредба со јули минатата година, додека пак, прехранбената индустрија пораснала за 7%.

Снабдувањето со електрична енергија, гас и пареа, според Заводот за статистика, во јули годинава падна за дури 18,7% во споредба со истиот период лани.

http://www.kapital.com.mk/mk/dneven_vesnik.aspx/72877/industriskoto_proizvodstvo_vo_juli_porasna_za_5,5.aspx?iId=2326