build.mk Homepage
Forum Home Forum Home > Останати теми > Останати теми
  Active Topics Active Topics
  FAQ FAQ  Forum Search   Register Register  Login Login

Економски вести

Bookmark and Share
 Post Reply Post Reply Page  <1 2526272829>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #521 Posted: 02-Sep-2021 at 16:55
ФИНАНСИИ ОТКРИВА Годинава се очекува раст од 4,1 и инфлација од 2,1 отсто

Според статистичките податоци и проекциите, државата годинава излегува од криза и влегува во раст и заздравување. Министерството за финансии оценува дека се стабилни очекувањата за раст од 4,1 проценти и инфлација од 2,1 процент годинава.

Министерството за финансии, како што информира на денешниот брифинг со новинари министерот Фатмир Бесими, има конзистентен пристап за остварување на поставените цели за зголемување на растот од 2,5 на 5 проценти, како и за фискалната консолидрација до 2026 година, односно јавен долг по 60 проценти и три проценти буџетски дефицит.

– Годинава нема да биде лесна и свесни сме за сите предизвици и за проекциите на Светска банка и ММФ за ковид и очекувањата на инвеститорите. Од аспект на приходите на буџетот се позитивни и очекувањaта се веќе во вториот квартал да излеземе од кризата – посочија од Министерството за финансии на денешниот брифинг.

Состојбата со јавниот долг заклучно со 30.06.2021 година, е дека изнесува 64,4 проценти, додека состојбата на државниот долг заклучно со 31.07.2021, што е последен податок, е дека тој изнесува 52 проценти.

Од Министерството за финансии потврдуваат дека цврсто стојат на својата заложба за стабилизирање на долгот и негово позиционирање ниво од 60 проценти од БДП, што е во рамки на мастришкиот критериум.

На среден рок, односно до 2026 година, проекциите во Стратегијата за управување со јавниот долг се дека тој ќе се стабилизира и ќе се намали на 57,7 проценти, додека државниот долг ќе се сведе на 50,7 отсто – брифираат од МФ.

Капиталните расходи заклучно со 1.09.2021 година, изнесуваат 39,85 проценти. Во финансиски средства тоа изнесува околу 11,8 милијарди денари, што е повеќе споредено со минатата 2020 година, кога тоа изнесувало 7,7 милијарди денари.

– Ќе има подобрување во однос на минатата година, но не очекуваме нешто спектакуално. Ние го зголемивме финансиското учество во капиталните расходи, додека кај капиталните инвестиции мислам дека ќе успееме да бидеме во рамки на просекот. Годинава има и избори, што исто тката е ограничување и влијае на успената реализација – велат од МФ.

Во однос на барањата за нов пакет мерки, истакнуваат дека се во постојана комуникација со стопанството и дека следат и реагираат соодветно. Посочуваат дека со ребалансот на Буџетот биле предвидени средства за поддршка на компании групи во општеството со заеми, поддршка за плати, за извоз и развој, кои се уште се спроведуваат.

– Сега за сега во оваа фаза е тоа што е досега најавено и се реализира во согласнот со буџетски предвидената поддршка. Има мерки што се спроведуваат – брифираат од Министерството за финансии.

Во однос на најавената Стратегија за либерализација на пазарот на капитал, министерот Бесими на денешниот брифинг со новинари, кажа дека се уште се работи на развој на стратегијата со акцент на нови решенија за финансирање и кредитирање на економијата, меѓу кои и можноста граѓаните освен преку депозити во банките да учествуваат и инвестираат во капитални проекти и купуваат државни обврзници поврзани со конкретни проекти, но дека за тоа се неопходни и сет обуки и програми за информирање на граѓаните.

https://plusinfo.mk/finansiii-otkriva-godinava-se-ochekuva-rast-od-4-1-i-inflaci-a-od-2-1-otsto/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #522 Posted: 11-Sep-2021 at 17:25
Ќе јадеме поскап леб, а ќе готвиме со поскап зејтин

Цените на брашното, на лебот и на белите печива ќе се зголемуваат и понатаму. Дел од приватните пекари веќе го направија зголемувањето на цените, но според мелничарите и увозниците и оние што не го направиле тоа, наскоро ќе мора да ги зголемат цените. Ќе се зголеми и цената на зејтинот, затоа што ни оваа од околу 90 денари, веќе не е исплатлива за производителите, а поскапел и увозот на сојата, палминото масло….

Горан Малишиќ, претседател на Мелничко-пекарската индустрија при Стопанската комора, во изјава за „Слободен печат“ објаснува дека во моментов има драстично зголемување на цените на пченицата на светските берзи.

– Цената на пченицата од почнувањето на пандемијата се зголеми за 20 проценти, а сега имаме ново драстично зголемување на цената во светски рамки. Штом се зголемува цената на пченицата, нормално е дека се зголемува и цената на брашното, потоа на лебот и на белите печива. Но, не е само растот на цената на пченицата причина за раст на овие цени. Цената на струјата за компаниите што одат на слободен пазар е зголемена 100 проценти, а и цените на амбалажите за пакување се зголемени за 40-ина проценти – вели Малишиќ.

Нашите потреби од пченица и од брашно околу една третина се задоволуваат од увоз. Но, Македонија е увозно зависна и од масло за јадење, од млечни производи, од месо. Така, сите берзански цени на храната се отсликуваат во нашата потрошувачка кошничка. Вестите од берзите, пак, не се пријатни.

Новосадската берза, која е значајна за нашето снабдување од Србија, извести дека во првата недела на септември е забележан рекорден раст на цената на сојата, дури за 11,6 проценти во однос на претходната недела, но има раст и на цените на други житарки, како и одложена жетва на сончоглед поради временските околности.

Румен Смилевски, сопственик на компанијата „Малина“ преку која го врши увозот на брашно и на пченица од Србија, вели дека лани цената на пченицата на тамошната берза била од 160 до 170 евра за тон, а сега таа е 215 до 220 евра за тон.

Компанијата на Смилевски е втор најголем акционер и во фабриката „Благој Ѓорев“, која го произведува маслото за јадење „кристал“. Состојбата со сончогледот, Смилевски ја нарекува „урнебес“.

– „Благој Ѓорев“ е единствената фабрика кај нас што произведува масло за јадење од сончоглед, за разлика од другите што купуваат нерафинирано масло, па го доработуваат. Ако порано го плаќавме сончогледот по цена од 280 евра за тон, сега цената достигна 450 евра за тон. Урнебесно! А, според берзите, уште и ќе расте цената. Ние со вакви цени не можеме да го задржиме сегашното ниво. Сега имавме состанок и веќе разговараме за зголемување на цената – вели Смилевски, кој е и претседател на Одборот на директори во „Благој Ѓорев “.

Цените на палмовото масло и шеќерот „жртви“ на контејнерскиот превоз
За многу производи не е само проблем цената на земјоделските производи, туку и цента на контејнерскиот транспорт, објаснува Румен Смилевски, кој преку своите компании врши увоз на повеќе земјоделски производи .

– За само три-четири месеци, цената за еден контејнер се зголеми од 800 на 7.000 евра. Јас такво нешто досега никогаш не сум видел! Тоа не е резултат на економски околности, туку на трговската војна меѓу Кина и Америка, А тоа ја зголемува крајната цена на продуктите што се транспортираат. На пример, цената на палмовото масло не е зголемена, но со ваков скок на цените на контејнерите, неговата крајна цена се зголеми од 60 на 75 денари за килограм. А тоа е многу широко распространет продукт – го користат од бурекчиите до фабриките за храна – објаснува Смилевски.

Смилевски вели дека водениот транспорт со контејнери значително ја зголемил и цената на шеќерот и дека сега се бараат начини како поголем увоз да се направи од регионот за да се избегнат контејнерите.

Ланската плата од 20.000 денари сега вреди 720 денари помалку
Августовската инфлацијата на годишно ниво покажала раст од 3,6 проценти, објави Државниот завод за статистика. Ова значи дека оние што лани имале, на пример, плата од 20.000 денари, ако истата ја добиваат и сега, таа им вреди 19.280 денари. Или поинаку кажано, сите оние што на ланската плата од 20.000 денари досега не добиле зголемување од 720 денари, колку што е инфлацијата, практично сега ја работат истата работа за помала вредност на парите.

Министерот за финансии Фатмир Бесими, пак, е оптимист и тврди дека остануваат проекциите што беа наведени во ребалансот на буџетот од јули, според кои инфлацијата во 2021 година ќе биде 2,1 процент.

„Стапката на инфлација во 2021 година е предвидено да изнесува 2,1 процент, што претставува одредено интензивирање на инфлацијата споредено со 2020 година и е ревидирана нагорно во однос на првичната проекција (1,5 процент), при нагорна корекција на проектираниот раст на цените на примарните производи на светските берзи, како што се нафтата, пченицата и пченката, и нагорно придвижување на странската ефективна инфлација“, пишува во ребалансот на Буџетот.

Цените на индустриските производи за една година се зголемиле за 14 проценти
Во јули годинава, продажните цени на производителите на индустриски производи вкупно се повисоки за 1,8 проценти на месечно ниво, а за 14 проценти на годишно ниво, објави вчера Државниот завод за статистика.

На месечно ниво цените се повисоки во секторот „Рударство и вадење на камен“ за 2,9 проценти, во секторот „Преработувачка индустрија“ за 1 процент и во секторот „Снабдување со електрична енергија, гас, пареа и климатизација“ за 13,3 проценти.

Во јули 2021, во споредба со јули 2020 година, продажните цени на производителите на индустриски производи се повисоки во секторот „Рударство и вадење камен“ за 35,2 проценти, во секторот „Преработувачка индустрија“ за 11,6 проценти и во секторот „Снабдување со електрична енергија, гас, пареа и климатизација“ за 2,6 проценти.

https://www.slobodenpecat.mk/kje-jademe-poskap-leb-a-kje-gotvime-so-poskap-zejtin/
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #523 Posted: 12-Sep-2021 at 07:29
„зејтин“
Arguing on the internet is like running at the special olympics. Even if you win, you're still retarded.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #524 Posted: 13-Sep-2021 at 11:43
СЕ ПОДГРЕВА ИНФЛАЦИЈАТА Едногодишен највисок раст на цените на бензините

На почетокот од септември литар „еуросупер“ од 95 октани се подаваше за 72 денари а „еуросупер“ од 98 октани за цели 74 денари по литар. Изминатите неколку години ова се практично и највисоки цени на нафтените деривати во земјава, пишува „Порталб“.

Во август годинава во споредба со истиот месец лани измерена е и една од повисоките стапки на ценовен раст од 4,9 отсто.

Поскапа храна, земјоделски и индустриски производи, поскапи услуги – во август регистрирана е позначајна стапка на ценовен раст. Конкретно во осмиот месец од годинава во споредба со истиот месец лани Заводот за статистика регистрираше пораст на цените на мало за 4,9 отсто.

Поскапено е речиси се, од прехранбени до индустриски производи.

Ценовен раст август 2021/август 2020

Прехранбени производи                                                             4,2%

Земјоделски производи                                                               9,0%

Непрехранбени индустриски производи и тутун               5,2%

Индустриски производи                                                               4,2%

Во глобални рамки ценовниот раст на прехранбените производи е последица на растот на цените на примарните прехранбени производи, Зголемената побарувачка на пченица во некои од големите економии како Турција, Иран, Индија од една страна а намаленото производство, пред се во Северна Америка, придонесува за зголемување на цената на пченицата која е базичен прехранбен производ.

Изминатиот период цените на горивата растеа во континуитет со што достигнаа нивоа највисоки во изминатите години. Па така на почетокот од септември литар „еуросупер“ од 95 октани се продаваше за 72 денари по литар а „еуросупер“ од 95 октани за 74 денари по литар. Само за споредба, лани во истиот месец цените изнесувале 60 денари, односно 62 денари за литар.

Во светски рамки се очекува натамошен раст на цената на нафтата.

Се очекува значително посилен раст на цената на нафтата во 2021 година од очекуваниот во април, што во најголема мера е одраз на силната побарувачка, главно заради намалените рестриктивни мерки во глобални рамки, при истовремено намалени залихи на нафта и ограничување на производството на нафта од страна на ОПЕК“, оценуваат од НБМ.

Стабилизација на цените на нафтените деривати се очекува додгодина а во меѓувреме според прогнозите, инфлацијата во земјава ќе расте, но ќе се држи во проектираните рамки за годинава, не повисока од 3 отсто. Она што е значајно е дека дел од ценовниот раст е „увезен“ – односно поскпаувањата дома се и последица на инфлацијата со која се соочуваат и другите земји во регионот и во Европа а се наши стратешки трговски партнери.

„Нагорната ревизија за 2021 година се должи на очекувањата за повисок ценовен раст кај речиси сите наши увозни партнери, а најмногу кај Германија, Србија и Хрватска, додека за 2022 година речиси сите земји имаат сличен придонес за нагорната корекција“ – соопштуваат од Народната банка и додаваат:

Инфлацијата остварена во периодот јануари – јули, во просек од 2,5 отсто, малку ја надминува очекуваната во априлскиот циклус проекции, при нагорни ревизии кај очекувањата за растот на увозните цени, чие движење е исклучително променливо и неизвесно, а со тоа и нивното влијание врз домашните цени.

Растат цените – растат и трошоците за живот, најмногу кај транспорот за 13,5 отсто во август годинава во споредба со истиот месец лани, кај хотели и ресторани трошоците на живот се зголемени за 4,8 отсто, а за храната, алкохолот, тутунот растот е нешто над 4 отсто.

Трошоци на живот август 2021/2020

Масла и масти                                    27,1%

Зеленчук                                               16,4%

Гас                                                           21,2%

Течни горива                                        19,1%

Транспортни услуги                             16,6%

Според последните оценки на Министерството за финансии инфлацијата годинава нема да надмине 2,1 отсто. Во Еврозоната инфлацијата во август достигна 3 отсто и според анализата на Евростат, најголемо влијание врз растот на инфлацијата во Еврозоната има зголемувањето на цените на енергенсите во август од 15,4 отсто на годишно ниво.

https://plusinfo.mk/se-podgreva-inflaci-ata-ednogodishen-na-visok-rast-na-cenite-na-benzinite/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #525 Posted: 24-Sep-2021 at 16:42
Миграцијата на младите го чини Западен Балкан до 5,5 милијарди евра годишно, колку губи Македонија?

Според истражувањето спроведено од Вестминстер Фондацијата за демократија и Институтот за развој и иновации, регионот на Западен Балкан губи милијарди евра секоја година поради миграцијата од страна на нејзините млади граѓани, пишува ЕУобсервер.
За да се процени економскиот отпечаток, истражувањето ги зема предвид трошоците поврзани со образованието, 2,46 милијарди евра, како и потенцијалната загуба во растот на БДП поради загубата на младите во земјите.
Трошоците поврзани со образованието финансирано од државата варираат за секој поединец и се поврзани со нивото на образование и времето поминато во училиште – од 8 до 20 години.
Земајќи ги предвид овие променливи, истражувањето проценува дека вкупните загуби поврзани со образованието на младите луѓе кои ги напуштаат земјите од Западен Балкан за една година, варираат од минимум 840 милиони евра до 2,46 милијарди евра.
Студијата проценува дека вкупните трошоци за школување на поединец во земјите од Западен Балкан изнесуваат околу 25.000 евра, што претставува трошок поврзан со деветгодишното основно образование, четири години средно и пет години – во просек – високо образование.
Така, трошоците за образование на земјите од Западен Балкан стануваат инвестиции за земјите приматели.
„Многу висококвалификувани експерти и претприемачи имаат корист од можностите на глобализираната економија, бидејќи земјите-дестинации се натпреваруваат едни со други за да привлечат висококвалификувани луѓе нудејќи поволни правила за влез и престој во нивните земји“, вели Емил Атанасовски, директор за Западен Балкан во Вестминстер фондацијата за демократија (ВФД). ВФД е основана во 1992 година и добива основно финансирање од канцеларијата за надворешни работи на Обединетото кралство.

Повеќе и од државите од источна Европа, земјите од Западен Балкан имаат долга историја на емиграција, достигнувајќи нивоа што се меѓу највисоките во светот.
„За разлика од некои источноевропски земји, чие население почна да мигрира кога стана дел од Европската унија, населението на земјите од Западен Балкан почна да мигрира во големи бранови кон Запад пред половина век“, истакна Атанасовски.
Меѓу причините зошто регионот на Западен Балкан имаше голема миграција низ децениите, е распадот на Југославија, граѓанските војни и економските тешкотии што следеа, вели Атанасовски.

Заминуваат млади и образувани кадри

Се чини дека Босна и Херцеговина е една од најтешко погодените земји во регионот, при што некои студии велат дека речиси половина од граѓаните родени во оваа земја повеќе не живеат таму.
Друг впечатлив пример е Косово – кое загуби 15,4 проценти од своето население помеѓу 2007 и 2018 година.
„Структурата на сегашното население кое мигрира се менува, и гледаме се повеќе млади луѓе со перспектива кои заминуваат да студираат во странство, а високообразовани и квалификувани луѓе заминуваат откако ќе дипломираат“, додаде Атанасовски.

Студијата открива дека намалувањето на БДП – поради намалувањето на потрошувачката – е уште позначајно.
Пресметано е дека земјите од Западен Балкан губат, поради миграцијата на младите, 3,08 милијарди евра секоја година во потенцијален раст на БДП. Додавањето на таа бројка заедно со проценката за трошоците за образование изнесува вкупно околу 5,5 милијарди евра годишно.
Слично како и во источна Европа, на Западен Балкан му е потребен ремонт на управувањето и драстично прекинување на практиките од минатото за да се промени трендот.
Како што вели Арманд Госу, професор по политички науки на Универзитетот во Букурешт, за EUobserver „ова е прашање што треба да се дискутира во егзистенцијални услови, бидејќи зборуваме за самиот опстанок на овие држави.
„Не постојат земји без луѓе, а самото постоење на една држава се потврдува преку нејзиното население“.

Колку губи Македонија

Инаку, во зависност од нивото на образование и бројот на заминувања, вкупните трошоци за образование на луѓето што ја напуштаат Северна Македонија за една година варираат од 116 милиони евра до 433 милиони евра, покажува извештајот Трошоците за имиграција на младите во земјите од Западен Балкан.
„Поради неможноста да се спречи годишната емиграција, се додава потенцијалната годишна бруто загуба на додадената вредност во износ од околу 333 милиони евра, што е околу 3,1 проценти од БДП во 2018 година. Едноставно кажано, секој работно способен човек што ја напушта Северна Македонија со себе „носи“ и приближно 15.850 евра од потенцијален иден БДП“, се вели во извештајот, во делот посветен на нашата земја.
Притоа, се додава дека во Северна Македонија, како и во другите балкански земји, целосна анализа на влијанието на миграцијата е значително попречена од недостатокот на сигурни и детални податоци. На точниот број на лица што заминуваат, должината на нивниот планиран престој во странство, нивниот пол, возраста и образованието, како и клучните мотиви за напуштање се податоци за кои нема цврсти административни извори. Затоа, за да се анализира овој феномен, беше неопходно да се симулираат различни сценарија базирани на различни претпоставки, и индиректно да се извлечат заклучоци и да се проценат резултатите. Притоа, се обидовме да ги квантифицираме економските ефекти преку трошоците за образование и можните трошоци во однос на изгубениот потенцијален БДП, како и позитивните економски ефекти преку приливот на дознаки од странство, се вели во извештајот.
Според проценките на ОЕЦД, во просек од Северна Македонија се отселувале по 23.000 луѓе годишно, до земјите -членки на ОЕЦД во периодот 2012–2016 година. Миграцијата го достигна својот врв во 2015 година, кога 32.000 луѓе ја напуштија Северна Македонија, додека тој број беше 30 проценти помал следната година. Важно е да се напомене дека податоците ги опфаќаат сите луѓе што ја напуштиле земјата за една година, вклучувајќи ги и луѓето кои ја напуштија земјата да работат привремено, кои заминаа да се образуваат, или беа испратени во меѓукомпаниски трансфери, што се сите форми на привремена работна миграција.
Бидејќи пристапот на ОЕЦД ја вклучува привремената миграција, бројот на луѓе кои се враќаат не може да се занемарат; во овој петгодишен период се вратиле околу 13.500 луѓе, што значи дека просечниот годишен нето -одлив изнесуваше околу 9.400 лица. Според статистиката на ОЕЦД за 2016 година, речиси две третини од сите Македонци мигранти отишле во Германија, околу осум проценти во Швајцарија, додека Австрија беше на третото место.
Образованието на Македонец кој завршил во 2018 година, опфаќајќи основно училиште (девет години) преку средно училиште (четири години) до крајот на академските студии (што траеше во просек пет години), чинеше околу 29.000 евра. Цената на четиригодишната средно образование (вклучително и основното образование) за завршените во 2018 година изнесуваше околу 14.500 евра, додека деветгодишното основно образование чинеше близу 9.000 евра.
Проценката на трошоците за докторско образование не е лесно да се направи поради недостапноста на податоците во потребните структури. Врз основа на достапните информации, приближно во просек се трошат 48.000 евра за едукација на доктори на науки.

Има и придобивки

Покрај негативните ефекти, не може да се игнорираат придобивките од емиграцијата, дури и иако повеќето демографи и социолози ги сметаат за несакани ефекти, се вели во извештајот.

Најважната директна придобивка од миграциските текови се дознаките од странство. Дознаките од странство изнесуваат околу два проценти од БДП на Северна Македонија, или околу 200 милиони евра, во 2018 година.
Овие податоци се засноваат на административни извори и легални банкарски текови. Според Меѓународниот монетарен фонд, учеството на дознаките преку неформални канали изнесуваше дополнителни четири проценти од БДП. Следствено, вкупниот удел на реалните дознаки може да достигне и до шест проценти од БДП, што значи дека Северна Македонија е меѓу највисоко рангираните земји според нивото на оваа категорија приходи. Во поширока смисла, ако ги додадеме дознаките од странство, приливот од странски пензии и плати на македонските жители во странство, овој износ се зголемува на околу 721 милиони евра. Сепак, иако значаен, овој извор на средства не можат да бидат генератор на економски раст, бидејќи само еден процент оди во него бизнис инвестиции, наведуваат Вестминстер Фондацијата за демократија и Институтот за развој и иновации во делот за Македонија во извештајот Трошоците за имиграција на младите во Земјите од Западен Балкан.

https://nezavisen.mk/migracijata-na-mladite-go-chini-zapaden-balkan-do-55-milijardi-evra-godishno-kolku-gubi-makedonija/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #526 Posted: 04-Oct-2021 at 16:50
ЦЕНОВЕН ШОК - ХРАНАТА ПОСКАПА И ДО 50 ПРОЦЕНТИ



Животот станува се поскап. Коморите најавуваат ценовен шок. До нова година цените на храната ќе растат и до 50 отсто, бизнисот бара поддршка од државата за да се ублажи ударот врз потрошувачите.

Во наредните три месеци се очекува раст на цените на основните прехранбени производи од 40 до 50 проценти. Од Стопанската комора бараат итна средба со владините претставници за да може навремено да се ублажи ценовниот шок кој не очекува, доколку Владата излезе во пресрет, растот на цените ќе изнесува околу 15%, предупредува комората.

„Целата прехранбена индустрија бара од Владата да и се помогне за да може да функционира, а и потрошувачите да бидат заштитени. Ако суровините минатата година поскапеа до 40 отсто, се очекува поскапувањето на крајните производи да биде од 40 - 50 проценти, а тука секако треба да се додаде и новата цена на енергенсите.“ - вели Васко Ристовски.од Стопанска Комора.

Како главни причини за растот на цените се климатските промени, намаленото земјоделско производство, недовлна работна сила, скапиот транспорт и скапите енергенси.

„На поскапувањето укажувавме неколку пати од почетокот на годината. Поскапувања ќе има, но колкави ќе бидат, тука можеме секако да влијаеме. Поскапувањето на месните преработки се очекува да биде 15 отсто колку што е на глобалните пазари, но може да е и повеќе, 30 – 40 проценти ако државата продолжи да ја игнорира поддршката. Само 20 – 30 отсто се царинските давачки за увоз на смрзнато свинско месо за преработка.“ - изјави Гоце Трајчев - претседатело на Групацијата за месо и месни преработки.

Во моментов граѓаните купуваат поскапа храна за 5 до 10 проценти - Кесето се стега. Велат едвај врзуваат крај со крај. Платите, пензиите, производите се исти, но цените се далеку поразлични. За само една година според податоците минималната потрошувачка кошничка се зголемила за околу 1000 денари.

Екипата на ТВ24 денеска беше во обиколка на неколку продавници, па така на пример:

- За килограм леб потребни се од 25 до 50 денари. За литро зејтин од 90 до 110 денари. Брашното се продава по цена од 40 до 50 денари за килограм.

- Во иднина поскапување на цената ќе има и на лебот. Бројките покажуваат дека пченицата во жетва:

- Во 2020 година – била 10 денари килограм – 2021 година е 12 денари, што е зголемување од 20 отсто.

- Цената на јачменот лани изнесувала 8,5 денари, додека годинава се купува за 10,5 денари.

- Пченката - лани се купуваше за 9 денари, а оваа година производителите ја купуваат за 13.

Неизвесно е дали најавата на новиот ценовен бран ќе донесе покачување на цената на струјата, комуналиите, превозот. Властите во дрважава неколку пати повторуваат инфлацијата е стабилна и се движи од 2 до 2,5 проценти.

https://24.mk/details/cenoven-shok-khranata-poskapa-i-do-50-procenti
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #527 Posted: 04-Oct-2021 at 19:52
литро зејтин

На кој јазик е ова?

Како и да е, 50% е fear mongering и ништо друго.
Arguing on the internet is like running at the special olympics. Even if you win, you're still retarded.
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #528 Posted: 04-Oct-2021 at 20:55
Хмммм, пазарот со енергенти во Европа е во хаотична состојба цел септември, а прогнозите за зимата се дека ќе биде ладна, што состојбата ќе ја услови цените само да растат. Јас работам од 2016 година во компанија за електрична енергија и не памтам цените да биле цел месец над 150 евра по мегават/час, освен еднаш (јануари 2017 г., кога зимата беше -20).

Така што, цените и те како ќе се зголемат ако не се смени нешто драстично.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #529 Posted: 06-Oct-2021 at 10:42
Македонија е ставена на „сивата листа“ на ЕУ, земји со несоодветни даночни стандарди

Европската Унија ги отстрани Ангвила, Доминика и Сејшелите од својата „црна листа“ на даночни оази, а на „сивата листа“ ја додаде Македонија. На оваа листа се земји кои имаат несоодветни даночни стандарди, но се обврзани на измена на прописите во согласност со барањата.

Министрите за финансии на ЕУ во Ликсембург одлучија Ангвила, Сејшели и Доминика да ги избришат од „црната листа“ и да ги додадат на „сивата листа“, откако трите земји се согласија да ги прегледаат своите даночни системи. „Црната листа“ на ЕУ беше воспоставена во 2017 година со цел да се потисне растечката даночна евазија и редовно се ажурира со држави кои не ги исполнуваат критериумите за даночна транспарентност.

Девет „јурисдикции“ сѐ уште се наведени како „некооперативни“, како што се Американска Самоа, Фиџи, Гуам, Палау, Панама, Самоа, Тринидад и Тобаго, американските Девствени Острови и Вануату. Ангвила, Доминика и Сејшелите сега се наведени како јурисдикции кои сѐ уште не се во согласност со сите меѓународни даночни стандарди, но се посветени на принципите на добро даночно управување.

На „сивата листа“ се додадени и Костарика, Хонг Конг, Малезија, Северна Македонија, Катар и Уругвај, додека Австралија, Есватини (поранешен Свазиленд) и Малдиви се отстранети од неа по реформата на нивните даночни системи.

https://www.mkd.mk/makedonija/ekonomija/makedonija-e-stavena-na-sivata-lista-na-eu-zemji-so-nesoodvetni-danochni
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #530 Posted: 02-Nov-2021 at 09:30
Македонија со најголем пад на гринфилд инвестиции во регионот



https://sitel.com.mk/makedonija-so-najgolem-pad-na-grinfild-investicii-vo-regionot
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #531 Posted: 03-Nov-2021 at 07:56
Буџетот за 2022 година ќе изнесува 4,43 милијарди евра, поголеми капитални инвестиции и плати за лекарите, судиите, обвинителите…



Вкупните буџетски расходи идната година ќе изнесуваат 272,4 милијарди денари (околу 4,43 милијарди евра), или 35,2 отсто од домашниот бруто-производ, додека вкупните приходи се проектирани на 238,9 милијарди денари (или околу 3,8 милијарди евра) односно 30,9 отсто од БДП. Буџетскиот дефицит е предвиден во износ од 33,5 милијарди денари или околу 544,4 милиони евра (4,3 отсто од БДП). Разликата меѓу расходите и приходите ќе се пополни со задолжување од домашни и странски извори, при што за таа цел покрај постојните видови обврзници. ќе се издаваат и четири видови нови – развојни, зелени, проектни и индексирани со инфлацијата.

Ова денес на прес конференција го изјави министерот за финансии Фатмир Бесими образложувајќи го Предлог-буџетот за 2022 година кој беше усвоен викендов на владина седница, но поради изборниот молк беше презентиран денеска.

„Главна каракеристика на буџетскиот дефицит ќе биде што тој ќе се користи за поддршка на капиталните расходи, односно на капиталните инвестиции, кои се предвидени во износ од 37,8 милијарди денари. Ова значи дека капиталните расходи се поголеми од буџетскиот дефицит што покажува дека буџетот за наредната година е развоен“, рече Бесими на прес конференцијата.

Капиталните расходи исто така се за 27 отсто повисоки во однос на 2021, а нивното учество во вкупните расходи е 14 проценти што претставува најголемо учество досега.

„Гледано наназад ова е историско најголемо учество на капиталните расходи во вкупните расходи“, нагласи Бесими.

Тој посочи дека вкупните буџетски приходи од 238,9 милијарди денари се за 7,4 отсто повисоки од процената за остварување на Буџетот за 2021 година. Притоа, даночните приходи ќе изнесуваат 136,5 милијарди денари или за 10,2 отсто повеќе од годинава. Тој рече дека треба да се има во предвид дека овие приходи се проектирани во услови кога со законски прописи се намалени некои давачки, како на пример намалената стапка на ДДВ за некои угостителски услуги, повластената стапка на ДДВ за електричната енергија за домаќинствата и тн.

Расходната страна е зголемена номинално за 1,4 проценти или за 3,7 милијарди денари, но се пониски како процент од БДП споредено со 2021 година. Министерот Бесими најави натамошна фискална консолидација, намалување на непотребните расходи, поефикасно трошење на јавните пари и тн. Така, во ставката стоки и услуги има намалување за шест проценти.

Тој рече дека буџетот и идната година ќе остане ликвиден и дека исплатата на платите, пензиите и социјалните надоместоци ќе биде редовна и навремена.

Бесими најави и поголеми плати за здравствените работници, во износ од 5 отсто, односно, како што објасни тоа што годинава го добивале како бонус кој бил обезбеден преку кредит од Светската банка, во наредната година ќе се трансформира во редовни зголемени плати, за што се предвидени буџетски средства. Зголемени плати ќе има и образованието, културата, судството, Јавното обвинителство….

Повеќе средства ќе добие и локалната самоуправа, со оглед на донесените законски решенија годинава за натамошна фискална децентрализација.

Инаку, за наредната година се предвидува раст на БДП од 4,6 отсто, додека инфлацијата ќе изнесува 2,4 отсто и се очекува во втората половина од годината веќе да се намали притисокот предизвикан од енергетската криза.

Министерот Бесими очекува дека Предлог-буџетот ќе биде донесен навреме и покрај политичката криза во земјава.

„Предлог-буџетот е навреме усвоен во Владата и пратен во Собранието и не гледам причина зошто не би се донел навреме. Има најави и од најголемата опозициска партија дека ќе биде разгледан“, рече Бесими.

Одговарајќи на новинарски прашања, Бесими рече дека дефицитот и отплатата на долгот во износ од 11,6 милијарди денари (од кои за надворешниот долг во износ од 6,1 милијарди денари и за домашниот долг во износ од 5,5 милијарди денари) ќе се финансираат преку комбинација на домашно и странско задолжување при што, како што појасни, ќе се води сметка за оптимизација на трошоците за позајмување. Меѓу изворите за финансирање на дефицитот, првпат ќе се воведат нови инструменти како што се развојните, зелените, проектните обврзници и обврзниците индексирани со инфлацијата кои се дел од Планот за забрзан економски раст.

Бруто инвестициите проектирано е да се зголемат за 8,5 проценти на реална основа, а потрошувачката за 3,1 процент. Очекувањата се дека ќе продолжи и трендот на зголемување на извозната активност на домашните компании која следната година би забележала раст од 8,3 проценти, а позитивни движења се очекуваат и на пазарот на труд каде бројот на вработени би бележел раст од 3,1 процент што би влијаело врз стапката на невработеност.

Планирани се и средства за исплата на субвенции во земјоделството, за поддршка на приватниот сектор, за спроведување на активните мерки за вработување, а ќе се зголемат и средствата што ќе ги добијат општините согласно реформата за унапредвање на фискалната децентрализација. За здравствена заштита планирани се средства во износ од 36 милијарди денари кои во најголем дел се наменети за финансирање на здравствените услуги, мерките за заштита од ковид пандемијата и достапност на лековите за населението. Притоа, не се изоставени и здравствените работници кои ќе добијат зголемување на платите за што се предвидени 700 милиони денари.

Буџетот има четири основни цели – продолжување на грижата за заштита на здравјето, економско заздравување, зголемување на инвестициите и непречено финансирање на основните функции на државата.

Буџетот е креиран врз основа на очекувањата за економските движења на глобално ниво, а посебно на Германија како наш најголем економски партнер. На глобално ниво се очекува следната година да се вратат стапките на раст од преткризното ниво. Растот на глобалната економија во 2021 година се очекува да достигне 5,9 проценти, а во 2022 година да изнесува 4,9 проценти, согласно октомвриските проекции на ММФ. За ЕУ, проектирана е стапка на раст од 5,1 процент за 2021 година и 4,4 роценти за 2022 година, додека за Германија како наш најзначаен трговски партнер се предвидува раст од 3,1 процент во 2021 и 4,6 проценти во 2022 година.

https://nezavisen.mk/budzhetot-za-2022-godina-kje-iznesuva-443-milijardi-evra-pogolemi-kapitalni-investicii-i-plati-za-lekarite/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #532 Posted: 03-Nov-2021 at 07:58
Буџет од 4,4 милијарди евра - за развој или за гаснење социјален пожар?

Зголемени капитални расходи, намалени непродуктивни трошоци. Вака накусо изгледа владиниот предлог за државната каса во 2022 година кој влегува во собраниска процедура. Буџетот е рекордно тежок и предвидува повеќе пари, дури и за зголемени плати на дел од административците. Министерот за финансии Фатмир Бесими уверува дека документот е скроен реално и нуди основа за развој на економијата:

„Буџетот ќе биде целосно ликвиден и ќе ги исполнува навреме сите потреби“, изјави Бесими.

Владата тврди дека буџетот кој го скроила е развоен, но она што боде очи е што во него повторно доминира социјалната компонента. Дополнително и делот на платите и надоместоците кои ќе изедат дури 531 милион евра. Во неа се предвидени 5% повисоки плати во здравството, 15% зголемување на платите во судството и обвинителството. Дополнително и во образованието каде според колективниот договор платите ќе пораснат за 7%, но и во инспекциските служби за 10%. Ваквата стратегија среде криза според упатените е ризична и може многу лесно да ги урне прокциите за раст:

„Владата предвидува економски раст од 4,6%, но прашањето е како до него, кога гледаме дека повторно во буџетот доминира социјалната компонента. Евидентно е дека ќе треба да се гаснат социјални пожари, а не ни знаеме какви социјални пожари ќе ни се случуваат. Тоа не ни можеме да го предвидиме бидејќи сме се уште во пандемија, а не очекува и енергетска криза. Од друга страна, начинот на кој ќе се собираат средствата повторно е под знак прашање. Задолжувањето ќе биде ризично и многу поскапо бидејќи на секоја политичка криза, следи и финансиска криза, но и помала даночна дисциплина. Сите се во исчекување што ќе се случува, намалени ќе бидат приходите по основ на даноци, така што оптимистички ќе биде ако имаме ребаланс ушто во првиот квартал во наредната година“, коментира за Дојче веле бизнисменот Миле Бошков.

Закана од енергетска криза

Развојната компонента дополнително може да ја урне енергетската криза која сериозно се заканува во пресрет на зимскиот период. За разлика од платите и социјалните трансфери, во буџетот нема наведено посебна ставка за финансиска помош на енергетските компании, што индиректно ќе значи и помош за граѓаните од евентуален ценовен удар. Министерот Бесими уверува дека состојбата се следи и доколку има потреба ќе се реагира:

„Во Владата има работен тим што ја следи состојбата и во зависност од тоа каде ќе се ослободат средства ќе се интервенира. Битно е граѓаните да знаат дека ќе се направат сите напори пред се да има доволно електрична енергија и да се ублажи ценовниот ефект. Во актуелниот Буџет има средства од програмата за Ковид од околу 6 милијарди денари кои се` уште не се реализирани и со нив може да се поддржат енергетските компании“, изјави министерот Бесими.

Развојната компонента на буџетот е базирана на проекциите за капитални инвестици, но и на поволните прогнози за развојот на европските економии, посебно на германската, која важи за главен трговски партнер на македонската економија. Бруто инвестициите е предвидено да се зголемат за 8,5% на реална основа, а потрошувачката за 3,1%. Дополнително се очекува да расте и извозот, а да се зголемува и вработеноста. За капитални проекти предвидени се близу 600 милиони евра што е раст од 27% во споредба со годинава. Учеството во вкупните расходи пак е 14% што според Владата е досега најголемо.

Каде ќе завршат капиталните инвестиции?

Сепак искуствата досега покажуваат дека проекциите во делот на капиталните расходи ретко кога се реализирале во целост. Напротив, тие постојано се кратат, а парите кои не се искористени завршуваат за други, главно непродуктивни намени. Стопанствениците постојано укажуваат дека оваа пракса мора да престане. Но за тоа да се случи, овој пат сметаат дека ќе мора да има и поддршка од страна на опозицијата:

„Треба да се биде реален и да се знае дека буџетот е донесен на седница на Влада пред да се случат локалните избори по кои еве гледаме дека нема политичка кохабитација. А кога тоа го нема, знаеме дека нема голема реализација на капиталните проекти. Што значи дека капитални инвестиции во услови кога повеќе од половина локална власт е во рацете на опозицијата е предизвик да се реализираат за сите. Бидејќи знаеме дека проектите не се само околу Владата, туку добар дел од нив се и на локално ниво и за локален развој. Оттука очекувам дека ќе има соработка и еден вид кохабитација на политичко ниво, посебно во услови кога гледаме што се случува во околината. Пандемијата повторно зема замав и може многу лесно да се случи нов домино ефект кој ќе не чини многу поскапо“, предупредува Бошков.

Дупка од половина милијарда евра

Дополнителен ризик е и проектираниот дефицит. Планот на Владата е да собере 3,9 милијарди евра, што е за 7,4% повеќе од годинава, но во исто време да потроши и нешто над 4,4 милијарди евра. Ова отвора дупка од над половина милијарда евра која ќе се покрива преку задолжување. Планот е тоа да се прави на домашниот и на меѓународниот пазар. Или конкретно, буџетскиот дефицит ќе изнесува 4,3% од БДП или во пари, 544,4 милиони евра. Ќе се враќаат и 188 милиони евра веќе позајмени пари. Од овие 441 милион евра ќе се обезбедат од домашни извори, а 346 милиони евра од странски извори.

Министерот за финансии Бесими ги претстави и новите извори на финансирање. Развојна, зелена, проектна обврзница и обврзница индицирана со инфлација. Ваквата стратегија на задолжување и раздолжување ќе влијае на зголемување на јавниот долг кој веќе е сериозно висок. Според проценките, доколку се остварат проекциите, крајот на 2022 година ќе го дочекаме со ниво на јавен долг во висина од 65,5% од Бруто домашниот производ. Што се однесува пак до инфлацијата, таа се прогнозира да изнесува 2,4%.

По усвојувањето од страна на Владата, Буџетот сега треба да оди во Собрание. Тоа треба да се случи најдоцна до 15 ноември, но според најавите тој веќе е таму и уште утре треба да биде ставен на увид на народните избраници. Според Деловникот, за предлогот најпрвин ќе се расправа во комисијата за финансирање и буџет. Усвојувањето е на пленарна собраниска седница најдоцна до 31 декември. Актуелните случувања на политички план отвараат дилеми во какви услови ќе помине целата процедура. Од Владата велат дека актуелната политичка криза нема да биде пречка за усвојувањето на буџетот и дека има доволно време за сите собраниски процедури пред тој да биде ставен на финално гласање.

https://www.dw.com/mk/буџет-од-44-милијарди-евра-за-развој-или-за-гаснење-социјален-пожар/a-59700014
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #533 Posted: 03-Nov-2021 at 18:11
Нов удар по џебот на граѓаните? „Комунална“ размислува дали да ги покачи цените

Континуираниот пораст на цените на нафтата и на нафтените деривати може да биде причина за пораст на цените на услугите кои ги нудат скопските јавни претпријатија.

Од ЈП „Комунална хигиена“ велат дека многу скоро ќе донесат одлука дали ќе побараат покачување на цената на нивните услуги.

Раководството на ЈП „Комунална хигиена“ -Скопје ја следи состојбата со покачувањето на цените на нафтата и на нафтените деривати и во претстојниот период ќе донесе одлука дали од Советот на Градот Скопје ќе побара покачување на цената на услугата за собирање и транспорт на комуналниот отпад– велат од ова јавно претпријатие.

Инаку, освен собирање и транспорт на комуналниот отпад, ЈП „Комунална хигиена“ на граѓаните им нуди и дополнителни услуги односно, скопјани имаат можност да ја искористат услугата за собирање и транспорт на кабастиот отпад од домовите на граѓаните.

Според ценовникот, подигнување и транспортирање на кабаст отпад внатре од домот чини 2.800 денари, изнесување од пред врата 2.000 денари, а изнесување на кабаст отпад без работници односно користење само на возилата на претпријатието чини 1.600 денари. Сепак, дали ќе има поскапување и на овие услуги, според најавите наскоро ќе биде донесена одлука од страна на надлежните од ова јавно претпријатие.

Инаку и градските власти признаваат дека континуираниот раст на цените, негативно влијае врз работењето на јавните претпријатија.

– Поскапувањето на нафтените деривати секако дека влијае на работата на сите јавните претпријатија, а пред се на ЈСП„ Скопје“. Стручните служби на сите јавни претпријатија ја следат состојбата и прават анализи за ефектите на оваа појава, а во моментов нема најава за барање за покачување на цената на некоја од услугите. Доколку во иднина постои такво барање, за истото ќе расправа и одлучува Советот на Град Скопје – информираат од Одделението за односи со јавност на Град Скопје.

https://www.slobodenpecat.mk/nov-udar-po-dzhebot-na-gragjanite-komunalna-razmisluva-dali-da-gi-pokachi-cenite/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #534 Posted: 03-Nov-2021 at 21:20

битно ќе прават паркови на расчистени диви депонии а отпадот ќе се префрла на други места

бог да чува, не знам како да опишам дека ако нешто најмногу ме нервира во вукојебинава, е тоа што претпријатија што со години живеат на грбот на државата, а згора на тоа наплаќаат услуги, имаат 0 инвестиции од нивна страна и не зависат од профит од продажба, да не збориме што немаат никаква конкуренција дури и кога би зависеле од тоа, први се жалат кога има „криза“ и бараат покачувања и компензации
Architects create dreams...politicians create nightmares
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #535 Posted: 04-Nov-2021 at 17:17
Воедно, никогаш, ама никогаш, кога нафтата/бензинот поевтинува немаат речено, е сега поради поволните цени ќе ги намалиме цените.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #536 Posted: 07-Nov-2021 at 11:01
Top 10 Poorest Countries in Europe (by 2020 GNI per capita, Atlas method, current US$)*
Ukraine - $3,540
Georgia - $4,290
Kosovo (partially recognized) - $4,440
Moldova - $4,570
Albania - $5,210
North Macedonia - $5,720
Bosnia And Herzegovina - $6,090
Belarus - $6,330
Serbia - $7,400
Montenegro - $7,900

https://worldpopulationreview.com/country-rankings/poorest-countries-in-europe
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #537 Posted: 09-Nov-2021 at 18:35
Инфлацијата скокна, НБРМ ја ревидираше од 2,2% на 3,1%

Инфлацијата до крајот на оваа година ќе достигне 3,1 процент. Народната банка ја ревидираше стапката на инфлација, од последните априлски проекции кога се очекуваше инфлација од 2,2 проценти. Растот на инфлацијата се должи на цените на храната и енергенсите на светско ниво, кои се очекуваат да се стабилизираат по Нова Година.
За оваа година проектираме дека инфлацијата ќе се задржи на умерено ниво од 3,1 процент, наспроти претходните очекувања од 2,2 проценти. За наредната година проектираме намалување на стапката на инфлација на 2,4 проценти. Ризиците за инфлацијата главно се поврзани со неизвесноста на светските цени, пред сè на енергенсите, како и со подолготрајни нарушувања на глобалните синџири на снабдување“, рече Анита Ангеловска- Бежовска-Гувернерка НБ.

Народната банка ја остави на исто ниво проекцијата за годишен раст на БДП од 3,9 проценти, како и во априлските проекции. Очекувањата се дека во 2022 година економијата ќе закрепне од ковид-кризата.

„Ние за нашата економија предвидуваме побавно закрепнување, сепак 3,9 проценти би рекле дека е солиден раст, но раст коишто не нè враќа на преткризното ниво оваа година, туку наредната година кога очекуваме да го достигнеме и да го престигнеме преткризното ниво“, додава Гувернерката.

Од НБРМ велат дека земјава има финансиска стабилност, бидејќи има високо ниво на државни резерви од износ од 3,6 милијарди евра и стабилност на денарот.

https://alsat.mk/mk/inflatsijata-skokna-nbrm-ja-revidirashe-od-2-2-na-3-1/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #538 Posted: 10-Nov-2021 at 14:25
ИНФЛАЦИЈАТА ГО ПРАЗНИ ЏЕБОТ НА ГРАЃАНИТЕ Цената на енергенсите дополнително ќе ја намали куповната моќ

Растот на цените на храната, но и на другите производи како резултат на високите цени на енергијата сè повеќе ја подгреваат инфлацијата во земјава. Дека цените ќе растат и натаму потврди и Народната банка која вчера ја зголеми проекцијата за инфлацијата на 3,1 отсто за годинава. Првично беше планирана инфлација за годинава од 1,5 отсто, па во април таа се промени на 2,2 отсто и сега на 3,1 отсто.

Граѓаните и синдикатите се вознемирени дека сето ова ќе се истури на грбот на најнископлатените работници, а загриженост веќе се чувствува и кај бизнисмените.

Од Централната банка вчера убедуваа дека е тоа умерено ниво на инфлација и е резултат на неповолните ценовни движења и неизвесноста која е присутна во енергетскиот сектор, но и кај глобалниот раст на цените на храната. Засега не се предвидуваат посебни мерки.

– Тие имаат доминантна улога во потрошувачката кошничка, околу половина од неа отпаѓа на храна и енергија. Така што, будно следење е навистина неопходно периодов. Иако засега не се очекуваат поизразени шокови, се очекува инфлацијата да остане во умерени рамки – рече вчера гувернерката Анита Ангеловска Бежоска.

Народната банка очекува цените на храната и енергенсите да се стабилизираат на почетокот на наредната година, за кога се предвидува инфлација од 2,4 отсто.

Но, граѓаните се загрижени дали овој раст на цените на храната и очекуваната нова цена на струјата по Нова година ќе го исцеди нивниот буџет кој фактички е непроменет за една година.

– Секојдневно нови цени во продавница и на пазар. Еве маслото веќе надмина 100 денари. Нови цени има на шеќерот, кондиторските производи, лебот месото. За еден месец сè што е храна поскапе, а да не зборувам за една година. Слушам од Нова година ќе има и поскапа струја. А се грееме на струја. Што останува од платата која за работниците скоро и да не расте. Годинава немавме зголемување на платите поради пандемијата. Како ќе излеземе на крај не знам. Ќе има неплатени сметки, можеби и брзи кредити за да се излезе на крај – вели Елена И. од Скопје.

Државниот завод за статистика забележа раст на трошоците на живот за една година од 4,1 отсто, а на цените на мало за 6,1 отсто.

Храната е поскапена за 4,6 отсто, а транспортот за 18 отсто. На пример, маслата имаат повисока цена за 25 отсто, зеленчукот за 12 отсто, а гасот и горивата за над 30 отсто. Ако потрае кризата со енергенсите и се повисоките цени на храната на светските берзи, процентите ќе се зголемуваат од крајот на годината.

Просечната плата, пак, заклучно со август до кога има статистички податоци пораснала за 4 отсто, односно за 1100 денари, од 27.535 на 28.642 денари.

Состојбата со инфлацијата се следи и од бизнисмените иако, како што велат, моментално не е на загрижувачко ниво, но се одразува во работата на компаниите и зголемувањето на цените на нивните производи што ќе ја намали куповната мож на граѓаните. Посебно загружувачки за нив се високите цени на енергенсите.

– Секоја инфлација којашто не ја надминува стапката од 5 отсто, не мора да биде загрижувачка, и платите на потрошувачката сила може да се справат со тоа. Но, нашите компании и нивните производи се погодени двојно од истиот ефект. Како прво, компаниите од нашата земја веќе еден значителен период увезуваат поскапи добра и услуги, а дополнително, поради покачувањето на цените на енергенсите, тие плаќаат и поскап транспорт за истите. Со покачувањето на цените на енергенсите и во нашата земја, се зголемуваат дополнително трошоците на компаниите, кои ќе треба да се покриват со цената на добрата и услугите, што дополнително ќе ја отежни куповната моќ на нашата земја – оценува извршниот директор на Стопанската комора на Северозападна Македонија Дрилон Исени, извршен директор на Стопанската комора на Северозападна Македонија.

Економските аналитичари велат дека во моментот нема потреба од паника за влијанието на инфлацијата врз натамошните поскапувањата на производите. Но, додаваат дека доколку цената на енергенсите и натаму расте треба да се реагира со соодветни мерки.

Синдикатите со став дека во вакви услови не смее да се дозволи работниците да останат на работ на егзистенција и бараат зголемување на платите и посебно на минималната плата.

Последните пресметки на Сојузот на синдикати покажуваат дека во ноември висината на потрошувачката кошница изнесува 33.742 денари што е за 3.874 денари повеќе во однос на две минимални плати.

Споредбените податоци покажуваат дека во однос на октомври ноемвриската синдикална кошничка е зголемена за 38 денари, а во однос на септември за 121 денар.

Од почетокот на годинава до ноември скоро за илјада денари се зголемени основните месечни трошоци, односно, ако во јануари на едно четиричлено семејство му биле потребни 32.791 денар, веќе во ноември за намирување на основните потреби му биле потребни 951 денар повеќе.

Вредноста на синдикалната минимална кошничка која ја пресметува ССМ за четиричлено смеејство без автомобил, најдиректно покажува дека минималната плата не е доволна ниту само за храна и пијалоци, знаејќи дека најголем број на работдавачи кои исплаќаат плата во висина на минималната плата, не исплаќаат додатоци и надоместоци на плата, туку истите ги пресметуваат во висина на минималната плата на работниците.

https://plusinfo.mk/inflaci-ata-go-prazni-ebot-na-gra-anite-cenata-na-energensite-dopolnitelno-e-a-namali-kupovnata-mo/
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #539 Posted: 10-Nov-2021 at 17:43
Бидејќи статистиката е чудна работа, така и оваа инфлација е навистина умерена на макро ниво, но погледната на ниво на поединечни семејства таа може да биде многу поголема отколку прикажаната стапка, особено со електричната енергија која неминовно ќе поскапи повторно.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #540 Posted: 14-Nov-2021 at 15:16
Поскапеа лебот, шеќерот, кафето, леќата, месото, маслото, јајцата, сирењето...

Лебот, кафето, леќата, месото, млечните производи... ова се дел од листата на производи кои што периодов поскапеа. Поскапување од 5 денари има кај сирењето, кашкавалот, урдата, па на два пати по 10 денари во период од еден месец на свинското месо, од 7 до 10 денари кај лебот. Од Министерството за економија велат дека ги следат состојбите со цените и дека ако значително се забрза растот на цените, ќе се прави проценка за следни чекори.

Редакцијата на МКД.мк праша какви беа, а какви се сега цените на производите во дел од поголемите маркети, односно што најмногу е поскапено.

Ако пред 2 месеци пакетче леќа сме го купувале за 25 денари, сега цената на истиот производ е 48 денари, 200 грама кафе од цена на 76 денари сега е 84 денари, шеќерот од 32 денари стаса до цена од 36 денари, белиот леб кој што се продаваше по цена од 15 денари, сега е 22 денари, односно лебот е поскапен од 7 до 10 денари.

Поскапеа и јајцата, односно ако претходно пакување од 15 јајца го купувавме по 79 денари, сега цената е 95 денари.

Од 5 до 10 денари има поскапување кај сирењето и кашкавалот. Најголемо покачување има кај маслото за јадење, односно цената е 92 денари, па дури и до 105 денари за литар масло.

Покачени се и цените на месото во просек од 10 до 20 денари, па и повеќе.

Цената во дел од поголемите маркети на свинската кртина е околу 310 денари, свинското каре е 379 денари, а бутот се продава по цена од 325 денари.

Во месарниците телешкото месо се продава по цена од 690 денари, а свинското околу 315 денари. Плескавиците, ражничите, увијачите... и другите производи во месарите се исто така поскапени по 10 денари.

Од Министерството за економија велат дека поскапувањето на одредни прехранбени производи е одраз на раст на берзанските цени на електричната енергија и нафтата.

Според официјалните податоци на Државниот завод за статстика за месец октомври 2021, раст на цените на мало е забележан кај маслото од 2,3%, лебот и житата 1,8%, месото 1,7%, млекото 0,7%, сирењето и урдата 0,5% и други прехранбени производи 1,2%", велат од Министерството за економија

За режиски трошоци биле потребни најмалку 10.879 денари, а за хигиена 2.390 денари.

„Поради се по евидентното зголемувањето на цените, очигледно е дека ни треба зголемување на платите со кој ние како работници без да се грижиме за нашата егзистенција ќе можеме да си ги овозможиме најмалку трошоците во висина на една синдикална потрошувачка кошница. Затоа, апелираме да бидат прифатени забелешките на синдикатите во врска со зголемувањето на платите за да не продолжи трендот на осиромашување на граѓаните“, велат од Синдикатот.

Оттаму оценуваат дека е оправдано барањето за зголемување на минималната плата на 18.000 денари и линеарно зголемување на останатите плати.

https://www.mkd.mk/makedonija/ekonomija/poskapea-lebot-shekjerot-kafeto-lekjata-mesoto-zejtinot-jajcata

Edited by stef4o - 14-Nov-2021 at 15:16
Back to Top
 Post Reply Post Reply Page  <1 2526272829>

Forum Jump Forum Permissions View Drop Down



This page was generated in 0.146 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.