Економски вести

Да да, се разбира дека е така. Но, пред се јас ја имав в предвид индустријата и тврдиот извоз. Инаку, неоспорно дека само од туризам вртат невидени пари. Тоа повлекува и ред други услужни дејности кои запослуваат голем број грци. Симптоматично е што не сум чул за ниту една голема грчка фабрика (која произведува нешто друго од сокови и кроасани). Може Гитар ќе сподели нешто?

 

Деновиве случајно налетав на двајца германски бизнисмени. Дошле во Македонија да бараат бизнис-партнер и да направат скенирање на условите за инвестирање во земјава. Ги прашав за нивните впечатоци и, секако, дали би инвестирале во Македонија. Од сите контакти што ги имале, најголем впечаток им оставила посетата на една овчеполска општина, каде што на договорената средба, наместо градоначалникот, ги пречекал неговиот брат. На градоначалникот му излегла некоја работа, па го пуштил брат му. А тој, пак, не знаел што да прави со нив, па ги однел директно на зделка во кафеана.
Сакам да верувам дека ова е изолиран случај и дека Македонија е “рамна” како што ни вели Владата, ама реалноста секој ден ми вели нешто друго. А и бројките. Минатата година имаме инвестиции од едвај 180 милиони евра. Владата прво велеше дека кризата ќе нè прескокне, а потоа таа стана главниот виновник зошто немаме инвестиции. Да, светската економска криза одложи многу планови и бизнис-зделки насекаде во светот, но во Србија, Хрватска и Бугарија, и покрај кризата, инвестициите од минатата година се бројат во милијарди евра. Во нашиве индустриски зони има две компании, во српските - 300. Според статистиката, нам за милијарда ни требаат минимум пет години, а инвестициите ги броиме како во анегдотата за Енвер Хоџа: ги собрал на состанок министрите, сите стресени, освен тој што е задолжен за земјоделие, кој поентира дека производството на трактори е зголемено за 100 отсто. Претходната година произвеле еден трактор, а актуелната дури два.
Што е уште поинтересно, најголем инвеститор во Македонија се странските влади. Во изминативе речиси две децении, странски државни агенции, владини и меѓународни финансиски институции инвестирале во Македонија повеќе од три милијарди евра, наспроти 2,5 милијарди евра странски инвестиции. 
Неспорен факт е дека во Македонија долги години кај политичарите и немаше интерес за воведување мерки со кои странските компании ќе се поттикнат да инвестираат во земјава. Затоа и го испуштивме “Ауди”. Во првите петнаесет години по осамостојувањето менаџерите на државата беа презафатени со продажбата на општествениот капитал, па дури 72 отсто од странските инвестиции во тој период се приватизации и доприватизации. Големо внимание им посветуваа и на т.н. олигарси кои не сакаа конкуренција од странски компании.
Последниве четири години Македонија конечно почна да гради стратегијата за привлекување инвеститори за која се потрошија многу милиони евра. И таман работата да биде како во народната “кој фрли, ќе си најде”, откривме дека имаме сериозен проблем со правната сигурност на инвеститорите. И на странските и на домашните. Дека сме ја утнале работата, прво ни покажа искуството со продажбата на ТЕЦ “Неготино”, а како шлагворт ни дојде спорот (кој сè уште нема епилог) со еден од најголемите инвеститори, австриската “ЕВН”. Работата стигна до Брисел и беше регистрирана во последниот Извештај на Европската комисија за напредокот на земјата кон Европската Унија. Таму беше посочено дека правната сигурност на инвеститорите е еден од најкритичните предизвици на Владата.
Владеењето на правото е потребно за да се обезбеди деловна клима која ќе значи сигурност и мотивација за инвеститорите. Тие треба да бидат сигурни дека ќе бидат ослободени од каков и да е притисок, кој не е во согласност со правилата и законите. Задача на секоја влада, која сака економски развој, е да обезбеди гаранција дека инвестицијата нема да биде условена со какви било оптоварувања.
Спорот со “ЕВН” стигна и до Арбитражниот суд во Вашингтон каде што најчесто се поднесуваат тужби против неразвиените земји од третиот свет. До овој суд жалба против државата Македонија поднесе и швајцарско-српската компанија “Свислион”.
Двете тужби ги добивме за неполна година.
Критиките на домашната и на меѓународната јавност не нè освестија доволно, па како во поговорката “ем шуто, ем боде”, од инает решивме приватизацијата да ја ставиме во Устав и да расчистиме со спорните приватизации. Не треба да се биде многу паметен за да се сфати дека тоа е многу лош сигнал и за потенцијалните и за инвеститорите кои веќе се тука. “Хеленик петролеум” не е виновна што приватизацијата на “ОКТА” се третира како спорна. Виновни се тие што ја продале на таков начин.
Ако не си “седнеме на брашното” и не се однесуваме како нормална земја во која владее правото, ќе си останеме само со милијардата на Циле.

http://www.forum.com.mk/#21721;jsessionid=8713A72E127522A449A54C5C900475AF

Прв раст на индустриското производство годинава

вторник, 27 јули 2010, 17:32

Во јуни, индустриското производство се зголеми за 5,4 проценти, што е прв пораст на производството оваа година. Најмногу за растот придонеле зголемувањата на производството на електрична енергија, гас и вода за скоро 50 проценти и на рударството за 20 проценти. Падови и натаму има кај текстилната индустрија за 12 проценти. Минимален пад има и кај металната индустрија, од каде велат дека чувствуваат минимално подобрување.

Сепак, металците стравуваат дека подобрувањето нема да трае уште долго.

Инаку, по првиот квартал годинава кој заврши со пад на целата економија за скоро еден процент, сега со нетрпение се очекуваат бројките за движењата во вториот квартал. Ако и во април, мај и јуни има пад на економијата, земјата повторно ќе влезе во рецесија. Поради лошиот прв квартал Европската банка веќе го намали очекувањето за годишниот раст на земјава од 2,2 на 0,5 проценти, но Владата објави дека не очекува рецесија и засега останува на својата прогноза за раст од 2 проценти.

http://www.time.mk/read/dcc4f824e1/2a729e9f7e/index.html

Стоковата размена со странство во првите седум месеци зголемена за 9,5 проценти во однос на истиот период лани

Скопје, 6 септември 2010 (МИА) - Обемот на стоковната размена на Македонија во периодот јануари - јули годинава е за 9,5 проценти поголем во однос на истиот период лани, покажуваат податоците на Државниот завод за статистика.  

Вкупната вредност на извозот на стоки од Македонија во првите седум месеци од годинава изнесува 1.734.527.000 долари, а на увозот 2.893.649.000 долари. Покриеноста на увозот со извоз е 59,9 проценти.

Трговскиот дефицит во периодот јануари-јули годинава изнесува 1.159.123.000 долари.

Трговската размена по производи покажува дека во извозот најголемо е учеството на производите од железо и челик (валани производи), облеката, фероникелот и преработките од нафта. Во увозот најмногу се застапени суровата нафта, моторните возила за превоз на лица и електричната енергија.

Во првите седум месеци од годинава најголемо учество во извозот на стоки имаат земјите-членки на Европската унија, со 61,8 проценти и земјите од Западен Балкан со 31,1 процент. Во увозот на стоки најголемо е учеството на членките на ЕУ со 52,8 проценти и земјите во развој  со 28,3 проценти.

Според вкупниот обем на надворешно-трговската размена, Македонија најмногу тргува со Германија, Грција, Србија, Италија и Русија со кои  врши 44 проценти од размената. лв/дма/13:43

http://www.mia.com.mk/default.aspx?vId=76713089&lId=1&pmId=504

Макпрогрес вработи 100 нови работници Виница, 20 септември – Три милиони евра ќе инвестира компанијата „Макпрогрес“ во две нови производствени линии, во инфраструктура и во нова управна зграда и вработи нови 100 лица.

Годинава, оваа компанија прославува 20 години успешно постоење и делување.

„Благодарение на проширувањето на производството и зголемување на капацитетот за 4.000 тони готов производ годишно Макпрогрес вработи над 100 нови вработени со цел успешно реализирање на производството и проширување и унапредување на странските пазари каде Макпрогрес пласира над 75% од своето годишно производство“, вели Маја Ивановска, маркетинг менаџер во компанијата.
 
Двете нови линии ќе произведуваат производи под брендовите „Vincinni Finest“, како и на новиот бренд грисини и грицки „Armonia“.

„Макпрогрес ДОО Виница“ е приватна компанија со комплетно домашен капитал, сопственик на три бренда Винчини, Сончева долина и на Армониа.

Своите производи ги пласира  на пазарите на ЕУ, Северна Америка, Австралија, Азија и Африка, а веќе се насочува и кон државите од Јужна Америка.

http://zurnal.mk/mk/cont.asp?k=21208181242&s=251209112732&ID=20910103335

Се подобрува бизнис климата во Македонија

BUILD.mk
билда рекорди!

Скопје, 27.09.2010.
Реномираниот електронски портал Build.mk, со истекот на третиот квартал успеа да го регистрира својот рекорден, 900-ти член. Со тоа Build.mk ги зголеми очекувањата на инвеститорите за рекордна оперативна добивка во кризната 2010 година. Акциите на порталот вчера веднаш ги валоризираа позитивните вести, искачувајќи се на ново рекордно ниво од 18.365,00 денари за една акција, што претставуваше нов рекорден дневен пораст, од 3,8%.


Edited by OKA - 28-Sep-2010 at 00:31

http://www.time.mk/read/NONE/5af87d78df/index.html

МАКЕДОНИЈА ГО ПОДОБРИ КРЕДИТНИОТ РЕЈТИНГ

Агенцијата „Фич“ денеска објави дека кредитниот рејтинг на Македонија се подобрува од негативен во стабилен.  Рејтингот е подобрен врз основа на високата фискална дисциплина, стабилноста на јавните финансии, ниското ниво на јавниот долг, како и обновувањето на девизните резерви на едно стабилно ниво.

- Македонија во сите тие сегменти, како и во општите услови за водење бизнис според „Фич“ е подобрена и тоа се сегментите што ги наведува како силни страни на проценката на рејтингот на Макеоднија, изјави вицепремиерот и министер за финансии Зоран Ставрески.

Според него, подобрувањето на рејтингот е исклучително добра позитивна вест што покажува дека напорите на Владата и на сите субјекти во Македонија да се подобрат економските услови, да се стабилизира економијата и меѓународните рејтинг агенции како што е „Фич“ веќе тоа го нотираат.

Подобрувањето на рејтингот, според министерот за финансии, е значаен сигнал за инвеститорите, како и за намалувањето на трошоците при евентуално издавање во иднина на еврообврзницата.

- Тоа е значаен сигнал за инвеститорите во светот, за инвеститорите што ја следат земјата. Оние што сакаат да инвестираат секоја ваква промена на рејтингот која го подобрува во стабилен покажува дека земјата е добра дестинација за инвестиции, истакна министерот Ставрески.

Секое подобрувањето на рејтингот, како што посочи, ќе помогне каматната маргина на еврообврзниците и постојните, но и евентуално на нови што би се издале во 2011 година да се намали, бидејќи, потенцира, Македонија во основа има здрави еконмски политики и силни базични фундаментални политики кои во цената на нашата еврообврзница досега не беа целосно препознаени, бидејќи на некој начин го трпиме трошокот од кризата во соседството, од кризата на една соседна земја и пошироко во регионот.

- Емитувањето нова еврообврзнице секако е опција на Владата и секое подобрување на рејтиногот е добар сигнал во таа насока, рече Ставрески и додаде дека тоа останува како една од најверојатните опции во следните години.http://kurir.mk/makedonija/ekonomija/5646-Makedonija-go-podobri-kreditniot-rejting

BREAKING NEWS

Baroso: „Очекувам позитивен извештај за Македонија од ЕУ!”

http://www.novamakedonija.com.mk/NewsDetal.asp?vest=121010194447&id=9&prilog=0&setIzdanie=22155
И од вакви работи се прават пари