Економски вести

Ex-Yugoslavia countries GDP per capita from 1990 to 2020 animation



https://nezavisen.mk/video-zhivotniot-standard-vo-zemjite-od-poraneshna-jugoslavija-od-90-tite-godini-do-denes/

Тоа се тие „успешни“ балкански приказни, потонати во етно национализмот. Како сме тргнале, и тие ќе нè престигнат.

Номиналниот БДП е поголем од 7000 евриња, ако се земе во обзир сивата економија и население од околу 1,8 милиони. Меѓутоа, потребен е многу поголем раст, а не се трудиме баш. На државоводциве изгледа уште не им текнало дека има и други начини за прилив на девизни средства, освен тие нивни многуспоменувани СДИ (FDI).
Еве на пример, промовирање на државичево како гостопримливо, со добра храна, удобно и ценовно привлечно место за живот на странски експати и пензионери. Костарика привлекува преку 2 милијарди долари годишно од странство само на овој начин. Без да се сметаат привремените туристи и странци кои работат таму.
Такви луѓе ни се потребни и нам, не само што ќе донесат некоја пара, но и некои фини манири и култура кои се многу потребни тука.

Сите тие залажовки дека Македонија може којзнае колку пари од туризам да натрупа се само приказни за залажување гласачи во Македонија, зашто просечниот Македонец облеан во сељачизам и глупоќа, кога иде на одмор гледа и мисли дека државите кои имаат развиен туризам така им доаѓаат парите без работа, на дрво ги берат, и сака и он и дома политичарите го лажат дека и во Македонија еден ден ќе ти врнат пари само ако имаш магаре и ајвар, на магарето сите ќе се возат за 10 евра минута, а ајварот ќе го продаваш како кавијар од белуга. Тоа е идеалниот концепт за бизнис на македончето, да дојдеш до ниво во кое нема да треба да работиш. Тоа очекуваш, тоа те лажат, гласаш за намери, а не за резултати како цел нормален свет, и тоа е зачараниот круг.

За Македонија постои еден и единствен избор во економија и никако инаку, а тоа е: Freedom of doing business пропратен со единствен параметар за евалуација Job creation. Мора да престанат партиите во Македонија да се тркаат во левичарење и "солидарност" со јавен буџет. Да престанат да делат туку-така пари пред избори под разно-разни ставки како субвенции за земјоделство, кои завршуваат во купување нова кола, нов телевизор, најмалку се трошат за развој на земјоделството. И сите тие такви олеснувања кои наместо да се потрошат од стрна на држава во нов тендер за изградба на нешто и отворање на работни места, завршуваат за купување гласови. Во Македонија со години стои празен десничарскиот политички простор, додека разноразни мајмуни ни објаснуваат дека се грижат за сиромаштијата со глупи стопати пропаднати методи, со симулирање на Југославија пошто народ тоа очекува додека на страна за себе ги уживаат комодитетите на приватно здравство, приватно школство. Мора да разбереме во Македонија дека кога ќе се каже десничарска политика нема врска со гракање патриотски песни во кафана во амбиент на воденичарско тркало и ќупци, туку дека тоа е суровиот економски модел што Америка, Канада, Австралија ги направи да бидат правосмукалка за се што е паметно/убаво/вредно/работливо од цел свет да доаѓа кај нив и тоа веќе три века по ред. Мора да понуди некој тука приватизација на све што е останато државно што може да функционира на економска логика да се најде инвестирот. Концесионирање на све што може да се даде под концесија на јавно наддавање. Максимално олеснети услови за влез на инвестиции. Секоја компанија од домашен капитал која е извозно ориентирана мора да биде ставена на пиедестал. Се друго надвор од ова се само приказни за мали деца.

Анализа на Порталб: Излегуваме од зона на „фискален комфор“ – внимателно со јавните финансии!



Парите од новото задолжување се земени, клучно е како ќе се менаџираат, односно трошат во време кога се уште постојат ризици поради здравствено-економската криза. Ова е ставот на економистите откако Владата ја издаде новата еврообврзница во вредност од 700 милиони евра – од нив 500 веќе се одлеваат за отплата на еврообврзницата од 2014-та година.

Порталб.мк анализира уште колку ќе се задолжиме годинава и колку досега не чинеа еврообврзниците на меѓународниот финансиски пазар.

2021: странски заеми од 870 милиони евра, домашни заеми од 380 милиони евра

Фактот дека Македонија успеа по ниска цена да обезбеди 700 милиони евра зборува дека ликвидноста на земјата е добра, но веќе излегуваме од зона на комоција и потребно е внимателно да се раководат јавните финансии – оценуваат економистите.

Годинава, според проекциите од Министерството за финансии јавниот долг ќе достигне 63,4 проценти од БДП, параметар кој веќе нема да ја вбројува земјава во умерено задолжени економии.

„Буџетот е ликвиден, може да ги извршува сите свои функции. Како ќе се финансира дефицитот е друго прашање. Очекуваме тоа да се случува како и со години наназад – со задолжувања, односно не само со буџетските приходи. Според стандардите на економската наука – контролирана задолженост е таа до 60 проценти. Ние овој процент го надминавме – што значи не сме во комфорна зона и во иднина ако немаме повисоки стапки на раст, а помали дефицити – тогаш комфорната зона ќе се стеснува,“ – вели професорот и еден од поранешните министри за финансии, Никола Поповски.

Годинава заемите нема да запрат со оваа нова еврообврзница. Според податоците од буџетот, странското задолжување ќе надмине 870 милиони евра, а задолжувањето од домашните кредитори ќе биде поголемо од 380 милиони евра.

Овие суми на задолжување се неопходни и изнудени бидејќи и годинава македонската економија ќе се соочи со последиците од здравствената криза, коментираат економистите алудирајќи на потребата од финансирање на петте пакети на антикризни мерки со кои им се помага на фирмите и на граѓаните. Според планот на Владата, во следните години се очекува намалување на буџетскиот дефицит како резултат на раст на економијата и намалување на задолжувањата. Сепак – не се исклучени нови еврообврзници како извор на финансирање.

„Во периодот 2021-2025, задолжувањето во странство може да се реализира преку издавање на еврообврзница на меѓународниот пазар на капитал и преку повлекување на средства од поволни кредити од странски финансиски институции и кредитни линии наменети за финансирање на одделни проекти. Согласно основното среднорочно сценарио, просечниот годишен раст во периодот 2022-2025 година изнесува 5,3 проценти, односно економскиот раст во 2025 година се очекува да стигне 5,9 проценти,“ се наведува во новата ревидирана Фискална стратегија.

Осум еврообврзници „тешки“ 3,5 милијади евра

Половина милијарда евра од новата еврообврзница веднаш се исплатени за отплата на еврообврзницата од 2014-та година – земена со потпис на тогашниот министер за финансии Зоран Ставрески. Од овој заем – на Владата и останаа на располагање 200 милиони евра. Од издавање на првата еврообврзница до сега – само по овој основ Владите земаа заем од 3,5 милијарди евра – дел од парите се вратија предвреме со што се направи заштеда по основ на камати.

Прв пат, државата издаде еврообврзница во 2005, кога со потпис на тогашниот министер за финансии Никола Поповски се обезбеди заем од 150 милиони евра. Каматата изнесуваше 4,625 проценти со рок на доспевање од десет години. Овој заем, односно главницата на еврообврзницата беше исплатена во 2015 година. За оваа еврообврзница беше платена камата од 69,3 милиони евра.

Во 2009-та се издаде втората еврообврзница – министер за финансии Трајко Славевски. Ова беше прва еврообврзница на Владата предводена од ВМРО-ДПМНЕ со вредност од 175 милиони евра. Воедно таа е и досега најскапа еврообврзница, со камата од 9,875 проценти. Рокот на отплата беше 3,5 години.

Во јули 2014 година, Владата предводена од ВМРО-ДПМНЕ, со министер Зоран Ставрески ја издаде третата еврообврзница во 2014 година – со камата од 3,975 проценти се задолжи 500 милиони евра. Една година подоцна, нова четврта еврообврзница, повторно со потпис на тогашниот министер за финансии, Зоран Ставрески – 270 милиони евра со каматна стапка од 4,875 проценти и рок на доспевање од пет години, односно до декември 2020 година.

Уште една еврообврзница од мандатот на власта предводена од ВМРО-ДПМНЕ издадена во 2016 година, кога министер за финансии беше Кирил Миновски во заем од 450 милиони евра, со каматна стапка од 5,625 проценти и рок на доспевање во 2023 година.

Владата предводена од СДСМ со потпис на министерот за финансии Драган Тевдовски ја издава шестата по ред државна еврообврзница во 2018 година – 500 милиони евра со каматна стапка од 2,75 отсто.

По една година пауза – со засилувањето на економската криза актуелната Влада ја издава седмата еврообврзница во 2020 година во вредност од 700 милиони евра и камата од 3,675 проценти. На почетокот од оваа година – државата застанува зад осмата по ред еврообврзница од 700 милиони евра со камата од 1,625 проценти, што е историски најниска камата што ќе ја плаќа државата за еврообврзница.

https://meta.mk/analiza-na-portalb-izleguvame-od-zona-na-fiskalen-komfor-vnimatelno-so-javnite-finansii/

ТРЕБА ДА СЕ СТАВИ РЕД И ПОРЕДОК ВО АРАЧИНОВО, ИМА ИЗРАЗИ НА НАСИЛСТВО КОГА ТРЕБА ДА СЕ НАПЛАТИ ДАНОК НА ИМОТ, ВЕЛИ ЗАЕВ

Во Арачиново има многу често изрази на насилство кога се бара да се наплати данок на имот и треба да се стави ред и поредок, кажа премиерот Зоран Заев во вечерашното гостување на ТВ Сител. Според истражувањето на невладината организацијата Центар за граѓански комуникации за наплата на данок на имот за 2017, 2018 и 2019 година, Општина Арачиново воопшто не наплаќа данок на имот, а образложението е дека немаат база на податоци на даночни обврзници, ниту даночно одделение.

„Се плаќа, ама многу малку. Таму има многу често изрази на насилство кога се бара да се наплати данокот на имот и треба да се стави ред и поредок. Тоа е изворен приход на општината и треба да го направи тоа. Општина Арачиново никогаш не се развивала како што развива од 2017 година наваму. Но, ќе кажам под наводници, со државни пари. Се решаваат историски прашања, школи се реновираат, општинска зграда се гради, се гради канализација, се изгради резервоар во едно од селата во општините, се прават улици, улично осветлување“, рече Заев.

За данокот на имот премиерот вели дека е 2 отсто од приходот на општините, но, како што кажа, поважна е пораката дека граѓаните треба да плаќаат данок за да се гради инфраструктура во општините. Тој рече и дека руралните општини како Арачиново потешко го наплаќаат овој данок, за разлика од урбаните општини, каде што, според него, е полесно да се наплати.

„Но, апелирам граѓаните да си ги плаќаат давачките кон општините, тоа не се многу пари еднаш годишно се плаќа“, рече Заев.

https://sdk.mk/index.php/makedonija/treba-da-se-stavi-red-i-poredok-vo-arachinovo-ima-izrazi-na-nasilstvo-koga-treba-da-naplati-danok-na-imot-veli-zaev/

So this happened:

https://www.bangkokpost.com/thailand/pr/2085775/hlg-appointed-master-agent-for-asia-for-north-macedonia-citizenship-program