„Т-МОБИЛЕ“ ЌЕ ГО МОДЕРНИЗИРА ЈАВНИОТ АВТОБУСKИ ПРЕВОЗ

ЗА „УМНИТЕ БИЛЕТИ“ ЈСП ЌЕ ПЛАТИ ТРИ МИЛИОНИ ЕВРА



Јавното сообраќајно претпријатие „Скопје“ ќе и плати на компанијата „Т-мобиле“ три милиони евра за воведување на системите за електронска наплата на билети и за автоматско следење во автобусите. Kонечната сума е за еден милион евра повисока од сумата со која ЈСП ги процени системите кога го распиша петтиот конкурс за набавка и монтирање на опремата.

Договорот со компанијата с` уште не е потпишан, но е извесно дека наскоро ќе се случи, затоа што во понеделник на седница на Советот на град Скопје ќе биде донесена одлука за измена и дополнување на Инвестициската програма на ЈСП, со која ќе се зголеми вкупната сума што претпријатието ќе може да ја вложува во своите најавени проекти

Грешка во процената

Директорот на ЈСП, Мишо Николов е оптимист дека наскоро Скопје ќе добие современа наплата во автобусите и дека системите значително ќе го унапредат јавниот превоз.

- Најповолна понуда имаше компанијата „Т-мобиле“. Ние, кога го распишувавме јавниот повик за набавка, проценивме дека се потребни 120 милиони денари, односно два милиона евра за двата система, а понудата на „Т-мобиле“ беше 180 милиони денари, односно околу 3 милиони евра. За да можеме да го склучиме договорот мораме да направиме измена во Инвестициската програма во која ќе го зголемиме предвидениот износ - вели Николов.

Во врска со тоа зошто првично предвиделе помалку пари, а на крајот сумата на договорот ќе биде за 50 отсто повисока од проценетата вредност на набавката, Николов објаснува дека се работи за лоша процена.

- Станува збор за специфични системи што ќе се дизајнираат специјално за нас. Тоа не е како да одиш во продавница и да прашаш колку чини, на пример, една гума, па врз основа на тоа колку гуми ти требаат, да направиш процена. Бидејќи е специфична материја, затоа и ни пропаѓаа досегашните тендери - вели Николов.

„Т-мобиле“ ќе има рок од 10 месеци за да ги воспостави системите.

- Се надевам дека до наредната година ова време с` ќе биде готово. Ќе настојуваме пуштањето во функција да биде во јули или во август, кога има помалку патници за да може да се исправат некои грешки ако се појават, а тоа да не се одрази на патниците - вели Николов.

Дел од потребните три милиони евра ќе ги обезбеди ЈСП, а дел Град Скопје.

- За 2014 година во буџетот на Градот за оваа намена се предвидени 60 милиони денари, а со зголемувањето на проценетата вредност на овој проект, градските власти сигурно ќе дадат уште. Исплатата на средствата ќе се врши во три години - изјави Николов.

Ќе бидат набавени 200.000 електронски картички

На електронската аукција, која се одржа на крајот на минатиот месец, „Т-мобиле“ се натпреваруваше со фирмата „Виста“. Овие две компании ги минаа филтрите на тендерот кој беше распишан во април, а на кој интерес за бизнисот пројавија и „Асеко“ и „Асис електроник“ од Истанбул.

Валидатори за електронската наплата ќе се постават во 500 автобуси, од кои 150 во приватни. Ќе бидат поставени три машини за продажба на електронските картички и тоа на пофреквентните автобуски постојки. Електронските билети ќе се продаваат и на 58 продажни места и билетарници. Ќе бидат набавени 200.000 електронски картички, како и 50 уреди кои ќе ги користат контролорите.

За системот за автоматска локација, избраната фирма ќе има задача да постави 50 информативни дисплеи на автобуските постојки, преку кои патниците ќе добиваат информации за колку време ќе пристигне одреден автобус. Овој систем ќе биде воведен само во градското подрачје, односно на поглавните сообраќајници. Во сите автобуси ќе треба да се постават ГПС-уреди за сателитско следење на возилата и да се опреми диспечерски центар во рамките на Студентскиот дом „Kузман Јосифовски - Питу“.

За воведувањето на овие системи беше донесена одлука на Советот на Град Скопје уште во времето кога градоначалник беше Трифун Kостовски. Електронската наплата значи дека патниците ќе имаат една картичка на која ќе ставаат пари колку што сакаат, а при влегување во автобус со приближување на картичката до читачот, ќе биде одземена сума колку за едно возење. Хартиените билети ќе бидат исфрлени од употреба, патниците нема да се задржуваат при влегување во возилото, ниту ќе купуваат билети од возачот. Овој нов тип наплата ќе го намали и времето на стоење на постојките, како и времето што е потребно за патниците да влезат во автобус и да ги поништат билетите, ќе ја намали готовината кај возачите, а претпријатието ќе има поголема контрола врз прометот.

Со електронската наплата ќе се постигне единствена цена на возење во целиот градски и приградски автобуски превоз и кај јавниот и кај приватните превозници. Со системот за автоматска локација претпријатието лесно ќе го контролира времето на тргнување и пристигнување, како и на задржување на автобусите на станиците.

http://www.dnevnik.mk/?ItemID=EC5AC209AF12DD459553E509D18FCE14

Edited by jyvation - 14-Nov-2014 at 17:00

МЛАДИТЕ БАРААТ ПОВЕЌЕ НОЌНИ АВТОБУСКИ ЛИНИИ

Група млади средношколци и студенти преку флеш-моб/настан кај автобуската станица спроти Градската болница во Скопје, вчера побараа повеќе ноќни автобуски линии.



Младите со шатори и вреќи за спиење, симболично испратија порака дека доколку не се воведат дополнителни ноќни автобуски линии, ќе мора да преспиваат на автобуските станици.


Тие потсетија дека се потребни повеќе и почести ноќни автобуски линии за младите кои го користат јавниот превоз од најразлични причини како едукација, тренинг или излегување. Акцијата исто така го покрена и прашањето за безбедноста на младите во јавниот автобуски сообраќај.

Тие поделија флаери и залепија постери низ поголем број на автобуски станици како и основни и средни училишта во Скопје. Младите кои се дел од иницијативата велат дека побарале и да се сретнат со раководните лица од ЈСП околу можноста за воведување на повеќе ноќни линии во главниот град.

Иницијативата е поддржана од Националниот младински совет преку проектот Младинско граѓанско образование.

http://www.radiomof.mk/mladite-baraat-poveke-nokni-avtobuski-linii/

Треба да има за секаде, па ако треба само еден патник да има нили празен да е автобусот. Ако се има пари за панорамски дркала за јавен превоз мора да има.

Срамота е човек да се почувствува дискриминиран заради местото на живеење. Многу лесно ќе ги шитне нивите на браќата експанзионисти и ќе дојде во Џеваир ќумезите. Географска дискриминација во 21 век...

малку да расчистиме-крадење е ако нешто сакаш да земиш без да те приметат,а земање/грабање е ич да не те боли дали те виделе или не

Ќе го поддржам ставот за повеќе ноќни линии. Токму со оваа работа се соочувам во моментов и навистина не ми е јасно како некои поголеми населби, особено Кисела Вода, Чаир и Бутел немаат речиси никаква врска во ноќните часови, а Ѓорче Петров има три линии. Покрај тоа, сите линии од Ѓорче тргнуваат околу 1, речиси истовремено.

Најдобро е да се воведат посебни ноќни линии, кои ќе претставуваат спој на денските линии, да речеме на автобуската линија 2 и 50, која би одела од Сарај до Маџари, или на автобуската линија 5 и 7 од Ѓорче Петров до Лисиче итн. На овој начин, истите автобуси би возеле на овие линии, со што ќе се добијат зачестени поаѓања. И нема да постои дополнителен трошок.

Edited by BOJAN - 16-Nov-2014 at 11:06

Денес видов приватна 73 на Првомајска, релација Усје-Бит Пазар. Никогаш ја немав видено таа линија до сега и пребарувајќи низ Интернет најдов уште некои: 72 до Грушица (каде ли е тоа, да не е Грушино?),75 Чајлане-Арнакија, 76 Виниче-Црешево, 77 Зелениково-Страхојадица, 78 Горно Свиларе - Долно Свиларе. Дали возеле некогаш овие линии или само постоеле на хартија?

Веројатно е дека се работи за линии слични на 60-ка, која оди од Матка до Дексион, т.е. до последна 5-ка. Имено, овие линии поврзуваат помали села кои се наоѓаат на голема оддалеченост од Скопје и за кои не би било исплатливо да се организира директна линија од центарот на градот. Па така, граѓаните патуваат со 67-ца до Зелениково, а од таму со 77 (најчесто комбе) до Страхојадица.

„Т-мобиле“ и со СМС ќе јавува кога доаѓаат автобусите



Планерот за патување со јавниот превоз во Скопје, со кој патникот најлесно ќе се информира како да стаса од еден до друг дел на градот со автобус, ќе профункционира на веб-страницата на ЈСП кога ќе бидат воспоставени системите за електронска наплата на билети и за автоматска локација на автобусите. Овие два современи система, со кои ќе се унапреди јавниот превоз во метрополата, ги воведува компанијата „Т-мобиле“, која победи на тендерот вреден 3 милиони евра. Од компанијата најавуваат и други новитети, на пример, информирање за пристигнување на автобусите преку СМС-пораки, кои не беа предвидени во јавната набавка на претпријатието, а кои „Т-мобиле“ ќе ги воведе со новите системи.

Полесно од една до друга дестинација

- Kога ќе бидат функционални системите за електронска наплата и за локација на автобусите, на интернет-страницата на ЈСП ќе проработи и планерот на патување. Со негова помош патниците полесно и побрзо ќе може да дојдат од една дестинација до друга така што ќе знаат каде во моментот се наоѓа саканиот автобус - изјави директорот на ЈСП, Мишо Николов.
Од „Т-мобиле“ објаснија дека веб-апликацијата директно ќе биде поврзана со потсистемот на ЈСП за управување со возилата.

- Покрај планските возни редови, на страницата ќе има и планер, како и очекувано време на поминување возило на одредена линија на бараната постојка. Освен ова, ќе вклучиме и апликација за информирање на патниците преку СМС-порака на мобилните телефони. Патникот со праќање СМС-порака, во која ќе ја внесе шифрата на постојката и бројот на линијата, како одговор ќе добие исто така СМС-порака со трите последователни пристигнувања на возилата на назначената станица за бараната линија - информираат од „Т-мобиле“.
За тоа дали ќе ги наплаќаат СМС-пораките и колку ќе чинат, од компанијата велат дека во моментов се работи на моделот кој ќе биде сличен со системот за наплата на паркинг преку СМС-порака, а повеќе детали ќе обелоденат понатаму.

Инсталирање по Нова година

Директорот на ЈСП, Николов, вели дека по Нова година треба да почнат конкретните активности за инсталирање на системите.<BR><BR>- Сега го добивме проектот од „Т-мобиле“. Има повеќе забелешки што треба да се усогласат. Набавката на опремата и монтажата е работа на компанијата. Она што можам да кажам е дека од 1 август наредната година пробно ќе профункционираат и двата система, а од 1 септември, со почетокот на учебната година, тие и официјално ќе бидат пуштени во употреба - рече Николов.
Од „Т-мобиле“ велат дека имплементација на комплексното решение, кое се состои од два два потсистема, ќе трае 10 месеци.
- Проектниот план за реализација на целокупното решение, во кој е вклучен и период од 1 месец за тестирање, е поделен во повеќе фази кои се хармонизирани со ЈСП. Набавките на опремата, софтверот и работната рака се одвиваат во согласност со проектниот план - велат од „Т-мобиле“. Оттаму додаваат дека се работи за опрема за систем за наплата на билети со електронски картички и со мобилен телефон и за систем за следење и контрола на сите градски автобуси. Опремата е од повеќе производители и е главно од земји од ЕУ. Дел од опремата ќе се инсталира во автобусите, дел ќе биде во рамките на ЈСП, а дел ќе лежи во дата-центарот на „Т-мобиле “.
Kако што претходно беше најавено, ќе се постават валидатори за електронска наплата во 500 автобуси, од кои во 150 приватни. Ќе бидат поставени три машини за продажба на картичките, кои ќе може да се купат и на 58 продажни места. Ќе бидат набавени 200.000 електронски картички, како и 50 уреди, кои ќе ги користат контролорите.
За системот за автоматска локација, „Т-мобиле“ ќе постави 50 информативни дисплеи на автобуските постојки, преку кои патниците ќе добиваат информации за колку време ќе пристигне одреден автобус. Во сите автобуси ќе се постават ГПС-уреди.

Економски и социјални придобивки

Од компанијата „Т-мобиле“ очекуваат дека новите системи ќе ги подобрат превозните услуги, ќе се запазат пропишаните возни редови и ќе се намали времето на чекање.

- Постои можност за воспоставување разни видови плаќања и за воведување повеќе тарифни системи. Не е за занемарување ниту заштедата на горивото поради рационализација на превозот и пократкото стоење на возилата на станиците, а со тоа и помалото загадување на воздухот. Еколошкиот момент е присутен и во замената на постојните хартиени билети, кои досега најчесто завршуваа на улиците и тревниците, со билети со чип, чија трајност е најмалку 10 години, а важноста на билетот е 4 години - велат во „Т-мобиле“.

http://www.dnevnik.mk/?ItemID=213F3273B9F4184C84AC838D04F8F5B0

значи една јавна акција со предавање на билет од човек на човек, и одма се укакаа од ЈСП случајно да не им се намали прометот...
нити протест, ни ништо, само по џеб изгледа треба да маваме, како што тие не маваат нас

...инаку некој ќе си распишуваше тендери по 150 пати

а за дисплеи на постојќите, се надевам дека не е гола вода, ваљда конечно и ние ќе влеземе во 21-ви век

Повторно ќе речам браво или фала богу! Како и да е, одлично е што мрднавме
Едвај чекам да профункционира целосно