е-Македонија

МИО најави 100 веб продавници за 100 .мк бизниси



Министерството за информатичко општество најави амбициозен проект да отвори, имплементира и хостира, 100 електронски продавници за 100 македонски бизниси и стартапи во тек на 2012-2013 година. Според МИО, проблемот со малиот пазар на електронска трговија во Македонија не е недовербата на корисниците да купуваат од онлајн продавници, туку проблемот е малиот број на електронски продавници.

„Предуслови за постоење на такви електронски продавници постојат, односно не постојат никакви законски пречки за нивно функционирање. Единствено нешто што недостасува е техничко предзнаење за целокупниот процес, од воспоставување на систем за водење на нарачки, преку поврзување со процесор за плаќање со кредитни картички, до систем за поддршка и испорака.“, вели МИО.

МИО во 2012-та ќе одбере 50 бизниси и ќе ги обучи вработените и ќе им стартува е-продавница. Е-продавниците ќе бидат со изработен дизајн, ќе имаат едноставен систем за е-нарачки, модул за калкулирање на цената на поштарина, ќе им биде обезбедено SEO оптимизација, фотографирање на артиклите, преводи, обука за оптимизација на друштвени медиуми, промоција преку клик, и ќе имаат обезбедено хост за 1 година. По една година, е-продавниците ќе бидат оставени на бизнисите да продолжат да си ги хостираат продавниците. Во 2013-та ќе бидат стартувани уште 50 е-продавници.

Бизнисите кои ќе добијат е-продавница ќе треба да конкурираат со бизнис план за кој претходно ќе добијат урнек како тоа треба да изгледа.

Сите продавници ќе бидат агрегирани на една страна, еден вид „веб трговски центар“ што ќе обезбеди полесно пребарување и откривање на продавниците.

„Со цел да се обезбеди дополнителна логистичка поддршка, кога бројот на продавници ќе достигне до 100, доколку кај претприемачите постои интерес, ќе се субвенционира подигање на комерцијален drop-shipping дистрибутер кој од централна локација би ги испорачувал производите во странство за сите 100 е-Commerce продавници и останатите продавници кои би се појавиле на македонскиот пазар.“, вели MIO во соопштението.

http://www.it.com.mk/mio-najavi-100-veb-prodavnitsi-za-100-mk-biznisi/

Последното информативно гласило на Град Скопје за 2011 во кое се опфатени сите поголеми остварени проекти:



Иако Скопје сѐ уште се соочува со бројни проблеми во сите сфери на општественото живеење, очигледен е напредок во управувањето со градот. За работата на градоначалникот имам забелешки, но морам да признаам дека се труди да го извлече максимумот, имајќи ги в предвид средствата со кои располога. Му посакувам успешна работа, поголема независност и остварување на замислените проекти во 2012.

Originally posted by Macedonicus Навистина доста работи се сработени годинава. За наредната очекувам уште повеќе. Се надевам дека подземниот катастар ќе биде спроведен и ќе се отстранат бандерите кои го нагрдуваат градот. Би сакал и да се изнајде решение за руралните населби во центарот на Скопје т.е оние кај Олимписки. Да се прошират некои булевари и да се зголеми свеста за чистота преку пропаганда (годинава забележав помалку ѓубре во градов што ме радува). Да се поработи на екологијата т.е да се најде решение за фабриките загадувачи (дислокација или модерни филтри) и да се отстранат влевните отпадни води кои го загадуваат Вардар. Тоа би сакал да се направи во 2012

Јас би рекол преоптимистички, но од твоја тастатура во божји уши!

Мислам дека ова е првиот онлајн весник од ваков тип во Македонија. Или: Прв македонски дневен мултимедијален весник

Денешен весник