build.mk Homepage
Forum Home Forum Home > Останати теми > Останати теми > Наука и технологија
  Active Topics Active Topics
  FAQ FAQ  Forum Search   Register Register  Login Login

Земјоделие и рурален живот

Bookmark and Share
 Post Reply Post Reply Page  123 21>
Author
Message
  Topic Search Topic Search  Topic Options Topic Options
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #1 Topic: Земјоделие и рурален живот
    Posted: 20-Nov-2008 at 23:43

Новиот европски фонд ИПАРД во Скопје - А1 - 27.07.2006

Ќе користиме европски пари за рурален развој

За минатата година Европската унија ни намени 2,1 милион евра за рурален развој, но поради нашата не подготвеност да ги земеме овие пари, тие се уште стојат неискористени. Според договореното, парите може да се искористат до 2009 година, а ако и дотогаш останат неискористени, пропаѓаат. Платежната агенција ИПАРД, која требаше да се формира пред утврдениот тајминг за делење пари, се очекува да биде акредитирана до крајот на годинава. Со тоа ќе почне искористувањето на парите од европските претпристапни фондови наменети за рурален развој, што практично значи реализирање конкретни инвестиции во неразвиените подрачја и во земјоделството. - Целта на ИПАРД е да се подобри животот во руралните подрачја, да се спречи миграцијата во урбаните средини и, евентуално, да се зголеми процентот на населението во неразвиените средини, што би било одличен резултат. Планот за 2007 година предвидува 2,1 милион евра, за 2008 година вкупно 6,7 милиони, а за 2009 година се проектирани 10, 2 милиони евра - вели Александар Николовски од Секретаријатот за европски прашања, координатор на Програмата ИПАРД. Периодот за искористување на средствата е две години, а се што ќе остане нереализирано, автоматски пропаѓа. - Кога зборуваме за ИПАРД, фактички зборуваме за инвестиции. Мора да се направи разлика меѓу тоа што значи поддршка во земјоделството и тоа што е инвестиција, потенцира Николовски. По акредитирањето на национално и на европско ниво, Агенцијата ќе распише тендер на кој може да конкурираат сите заинтересирани за инвестирање во руралниот развој и во земјоделството. - Секој потенцијален корисник, по објавувањето одреден тендер, ги поднесува документите и своите проекти во Агенцијата. Тие се оценуваат и ако се во согласност со планот ИПАРД, се потпишува договор. Од тој момент почнува инвестицијата која за одредено време треба 100 процентно да се реализира. Потоа, се донесуваат документите што треба да го потврдат сработеното, Агенцијата ги разгледува и врши контрола на терен. Кога тоа ќе заврши, почнува процедурата со која на корисникот му се враќаат 50 проценти од средствата. Инвестицијата може да трае подолго, но битно е дека од нејзиното завршување и поднесувањето на сите документи до исплатата се потребни максимум два месеца, објаснува Николовски. Една половин од средствата за инвестирање се приватен капитал, а другите се од фондовите ИПАРД и тоа, 75 проценти европски пари, а 25 проценти од државниот буџет.

Време - број 1293 - 18.02.2008


„Ипард“ програмата доби зелено светло - 24.10.2008

 Македонската „Ипард“ програма за рурален развој доби зелено светло од европската комисија. Вицепремиерот Боцевски и директорот на секторот за земјоделство во европската комисија, Жан Лук Демарти, во Брисел ја потпишаа секторската спогодба за „Ипард“ програмата, која е клучна за користење на парите од европските фондови.

„Ова е голема одговорност за нашите институции кои се одговорни за спроведување на програмата „Ипард“ во согласност со принципите на Европската Унија. Програмата беше навреме подготвена, и доказ за тоа е ова потпишување“, изјави Ивица Боцевски, потпретседател на владата на Р.М.

„Ова претставува важен чекор за Македонија во спроведувањето на целата „Ипард“ програма која ги содржи правилата за користење на европските пари. Засега процесот оди добро и се надевам дека така ќе продолжите“, рече Жан Лук Демарти, директор на секторот за земјоделство во Европската Комисија.

Управувањето со парите од петтата компонента „Ипард“, со оваа спогодба ќе биде во целосна надлежност на Македонските институции,со што Македонија добива третман на земја членка на Европската Унија.

„Го потпишавме секторскиот договор што е континуитет на работата за припрема на сите институции во областа на земјоделието, за искористување на петтата компонента на „Ипард“, вели Ацо Спасеновски, министер за земјоделство.

Со потпишувањето на спогодбата е исполнет и последниот услов за акредитирање на платежната агенција, преку која ќе се врши исплатата на европските пари.

До 2010-та година од европските фондови во делот на земјоделството, на Македонија ќе и бидат на располагање 31 милион евра, а првото повлекување на парите се очекува да биде кон средината на следната година кога и платежната агенција треба да ја добие европската акредитација.

А1 - Соња Јанковска - 24.10.2008

Материјали за ИПАРД (иако фајлот е со .txt екстензија тој е pdf документ) 



Edited by beTon - 21-Nov-2008 at 00:36
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #2 Posted: 21-Nov-2008 at 00:48


горе наведената информација ќе ги израдува селата но сепак ова е муабет за утеха, но подобро нешто него ништо, бар од некаде почнавме! се додека не дојдат повеќе фондови како ИПАРД програмата народот ќе се снаоѓа на разно разни начини за да профитира, во некои случаи оправдано во некои не, но не се тие криви што банките се скржави кога станува збор за рурална област, а капак на тоа и некој да добие кредит, или е некој градски менаџер што инвестирал на село или е некој селанец што му е исполџија на таков менаџер...

сепак... за секоја штета што ќе ја предизвика домашно милениче/животно одговорност сноси оној кој го чува, но за дивите животни кои се заштитени со закон  државата плаќа отштета! од пред некое време волците таман што ја добија таа привилегија на заштитени еве за нецела година ја изгубија! незнам дали под штета се подразбира и претрпен стрес, но доколку е човек не е задоволен може да си дозволи и евентуално судска екскурзија... пр. пред некое време имаше вест за волци што нападнаа дете кое за среќа куртули Кучиња спасија дете од волчји напад - Дневник - 13.11.2008, но дали детото ќе добие некаква отштета тоа не сум сигурен со оглед дека државата без процес исплаќа само материјална штета! има и случаеви каде судски процес подобро ќе излезе за оштетениот отколку да се остане на проценка од државата, како што беше случајот со судскиот спор за загинатиот мед во с.Церово за кој цел свет разбра, пред се заради сарказмот на дневник...

Битолскиот суд осуди мечка што крадела мед - Дневник - 13.03.2008 - [1]

Macedonian Court Convicts Bear Of Stealing Honey - Reuters - 14.03.2008

Судењето на мечката ја враќа Македонија во среден век - Дневник - 15.03.2008

и последното со фармата со диви свињи од с.Буково Мечка на суд - А1 - 17.09.2008

но ептен е смешно кога на некого и по двапати му светнува да си ја наплати штетата на ист начин...

Мечка го изела буџетот на Владата - 12.09.2006 Македонец ја тужел Република Македонија затоа што мечка (заштитено животно во државата) му го изела медот од пчелите. Судот досудил дека тој треба да добие отштета од буџетот од 50.000 евра за медот и за загубената заработувачка. Пчеларот, задоволен со пресудата си ги ставил парите в џеб. Наредната година, на изненадување на правосудните органи, истиот пчелар вторпат поднел тужба против државата, затоа што мечката повторно ги брцнала шепите во неговиот мед. Како што дознаваме, на јавните правобранители им паднало чудно како може два пати за една година на пчеларот да му се случи истиот инцидент. Кога отишле на терен, кај што, наводно, му стоел медот, правобранителите зеле влакно од мечката и го пратиле на вештачење во Бугарија. На записникот од бугарските вештаци испратен до правобранителството на Македонија пишувало: „Според доставениот примерок, станува збор за влакно од коњ!“. Пчеларот не ги добил парите од државата вториот пат, но оние 50.000 евра од буџетот веќе никој не можел да му ги земе. Ова е само еден од многубројните случаи за тоа како се црпеле пари од државната каса, за кои Владата обвини дека ќе се испразни поради неангажман на Јавното правобранителство во судските спорови. Правобранителите, пак, се правдаат дека тие не сносат никаква одговорност затоа што државните институции требало навреме да си ги плаќаат долговите утврдени со правосилни судски одлуки и да им даваат соодветни докази....Време - 12.09.2006

стана правило при мањак приходи да се насамарува државата, а потем ко ништо и да небило, а може ова и законски да се стимулира LOL сепа има штети кои не се мајтап, но за тоа треба полицијата и правобранителството да се погрижат како би се утврдила веродостојноста на обвиненијата како во погорниот случај! белки веќе на жими мајка не се проаѓа в суд, само не ми е јасно зошто влакното од коњот го испратиле на анализа во бугарија кога ние имаме днк лабаратории кај нас...?

<P align="center">патем еве и малку сеир на темава Bash

<P align="center">







Edited by beTon - 28-Mar-2017 at 00:04
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #3 Posted: 21-Nov-2008 at 03:45

Реемиграција во неразвиените подрачја - 05.08.2004

Еден од основните елементи на одржлив економски концепт на локалната самоуправа, претставува стратегијата за економска и демографска ревитализација на руралните општини. Притоа, оваа стратегија е само дел од комплексната економија на просторот во Република Македонија, која во основа треба да овозможи рамномерен регионален развој во државата.

Организацијата на локалната самоуправа во руралните единици содржински ги опфаќа следните цели: брз развој на инфраструктурата; оптимализација на стопанската структура; подобрување на животниот стандард на населението; заштита на животната средина; создавање претпоставки за реемиграција на луѓе од урбаните центри. Инфраструктурните зафати се нужен услов за економска, технолошка и социјална модернизација на заостанатите региони. Во тој контекст, тие зафати треба да бидат долгорочни од аспект на временската димензија и сеопфатни по својот карактер. Оттаму, решавањето на проблемите во образованието (предучилишни установи, основни училишта), обезбедувањето целодневна и современа здравствена заштита, навремено и перманентно снабдување со неопходните стоки за квалитетно задоволување на потребите, овозможување редовен локален сообраќај, квалитетни радио, ТВ-сигнал, телефонска комуникација, се императивна норма за создавање претпоставки на нова иднина во овие рурални региони. Задоволувањето на потребите на граѓаните на ваков начин, мора да биде во корелација со инвестициски вложувања од технички карактер, како што се - изградба на квалитетни локални патишта, електрична мрежа за квалитетен напон на струјата, комунална инфраструктура и слично.

Оптимализацијата на стопанската структура е дефинирање на потребната техничка опременост на средствата за работа и опремата, од што зависи продуктивноста на трудот на вработените во неразвиените подрачја. Изгледа нелогично, но стимулирачки фактор на развојот е трудоинтензивниот карактер на органскиот состав на капитал да набави софистицирана технолошка опрема, а нема ни потреба за тоа. Трудоинтензивниот карактер на малите претпријатија, коишто користат домашни репроматеријали и суровини, овозможува нови вработувања на локално ниво. Кооперативните односи со големите капиталинтензивни регионални системи, овозможуваат технолошка синтеза во реоганизација на процесот на производство низ целата земја. Застарените производствени линии во големите системи можат да бидат дисперзирани мали погони на локално ниво. Ваквата економска политика создава не само еднакви услови за живот и работа секаде низ државата, туку се обезбедува рамномерност во регионалниот развој и кохезија на македонскиот стопански систем.

Зголемената ефикасност во работењето на малите локални претпријатија продуцирана од технолошката интерактивност со големите системи, како и сигурноста на договорените работи на подолг рок, ќе резултира со зголемување на животниот стандард на населението во руралните подрачја. Тоа ќе биде првиот сигнал за почнување на процесот на реемиграција на луѓе од урбаните центри кон руралните порачја на државата. На овој начин, се мобилизираат сите просторни и севкупни човечки потенцијали во Македонија и се создаваат можности за економско, административно, културно и социјално интегрирање на секоја општина одделно, во системот на локална самоуправа во државата. Со тоа се постигнува непосредно и активно учество на сите граѓани од соодветна општинска заедница, во решавањето на актуелните проблеми со локална димензија.

Економскиот прогрес на неразвиените подрачја ќе обезбеди доволно средства за заштита на животната средина од последиците на урбанизацијата. Животниот простор и природните ресурси се ограничени. Ако сакаме да ја зачуваме здрава нашата животна средина и таква да им ја предадеме на идните генерации, потребна е темелна организација. На тој план, базично поле за успешна стратегија е општината. Треба да размислуваме глобално, но и да дејствуваме локално.

Економскиот развој на руралните подрачја во Македонија е од интерес и за урбаните центри. Притоа е важно да се специфицираат разликите помеѓу одделни општини од аспект на природните услови, економско-географските фактори, достигнатиот степен на стопански развој и социјалната структура на населението. Утврдувањето на овие разлики ќе ја детерминира специјализацијата на регионалното производство, кое ќе се потпира на динамичко користење на компаративните предности, иманентни за секоја општина. Вака детерминирано регионално производство овозможува организација на комплементарно производство, што ги лоцира потенцијалните евтини ресурси во одделни региони од државата. Со тоа се остварува хармоничен и рамномерен регионален развој на ниво на целата македонска територија.

Концептот за рамномерен регионален развој обезбедува можности за секоја одделна општина да се организира производство, наменето за задоволување на потребите на стопанството и населението од "локален карактер°. Притоа, основа за овој вид стопанска активност се "внатрешните° регионални потенцијали, со што се стимулира автономен правец на развојот, што во секој случај не треба да биде тежнение кон автархија или монокултура. Сосема спротивно, овој вид локална иницијатива ќе ги мотивира граѓаните од руралните подрачја, креативно да ги решаваат локалните проблеми. Од една страна, граѓаните активно и непосредно учествуваат во процесот на локалното производство, а од друга страна, преку посредните демократски форми на меѓучовечка комуникација во општинската заедница, тие управуваат со општината.

Имајќи ги предвид глобалните последици од транзицијата на ниво на целата земја, треба особено да се потенцира руралниот егзодус во неразвиените подрачја. Во тие подрачја, безмалку целото население остана без работа, без средства за егзистенција и без никаква социјална заштита. При општо ниско ниво на развиеност во земјата, се продлабочува јазот помеѓу развиените и неразвиените општини. Иако не постои единствена методологија за дефинирање на поимот "неразвиена општина°, сепак, постојат релевантни индикатори, кои практично го одразуваат нивото на општинскиот развој. Најзначајни индикатори се: нивото на општествен производ по глава на жител во општината; нивото на опременост со основни средства по жител; ниво на вработеност и репродуктивната способност на општинско ниво.

Основна мерка за надминување на нерамномерноста во регионалниот развој е инвестирањето. Инвестициите претставуваат неопходност за руралните подрачја. Секако дека не треба да се заборават грешките од минатото. Забрзаната индустријализација во последните педесет години ги опустоши пасивните региони во земјата, создавајќи огромни "празни ненаселени зони° на повеќе од 2.000 км2 (Тиквешкиот крај, Мариово, Мијачкиот крај, Осоговскиот крај). Во тие региони е неопходно да се инвестира најпрво во инфраструктурата воопшто, за потоа да се пристапи кон стопански развој на регионот. Исто така, нужност е инвестирање во луѓето, т.е. создавање функционално-административна општинска управа, основање мали претпријатија, производствени погони, земјоделски погони и слично.

Бирото за недоволно развиени подрачја на републичко ниво, ќе биде стратешката институција за операционализација на овој проект. Тука секако дека треба да ги споменеме и инструментите: дотации од буџетот; ослободување од данок на добивка; намалување на ДДВ за специфични производи, карактеристични за монокултурни региони; субвенционирање на одредено стратегиско земјоделско производство и слично. Во 2005-та година може да очекуваме финансиска поддршка од структурните европски фондови. Општинските проекти ќе имаат највисок приоритет. Дотогаш, ќе мора да ја растовариме општинската и граѓанска власт, од непринципиелниот политичко-етнички притисок на централната државна власт.

Утрински - Маријан Ѓорчев - 05.08.2004

текстов е чист научен труд, кој единствено е разбирлив доколку човек има трпение да ги анализира поентите кои пратеникот и министер Ѓорчев ги има пуштено во весник небаре професори го читаат само, на утро да се расонуваш со збун муабет LOL 

се ова што е наведено требало на крај да се идеализира со некоја премиса! ...како “доколку сакате живот бегајте од град“  или... ова живот треба да се чита во природна и полна смисла на зборот! незнам зошто но мислам дека сите богати луѓе во светот(во секоја смисла) живеат надвор од град Question во град тераат социјалците, менаџерите, монополистите, урбаните херои и веселите акционери, може се наоѓа и по некој заталкан уметник, но дали сето тоа вреди и колку чини тоа е сосем друг муабет! сепак во град 80%  од времето луѓето го поминуваат во затворен простор - (кола/зграда/куќа) - со исклучок на викендот, но и тогаш обично растоварот се одвива меѓу четири ѕида, па ако тоа е живот тогаш јас сум пијан пиштолџија кој од параноја се распукува LOL ако некому му значи нешто ова!

да не бидам волку патетичен но виновникот не е во градот и во ѕидовите, колку што е во телевизијата, затоа горе во текстот (а и вообичаено) испуштив да ја маркирам како потребна и полезна работа за унапредување на руралниот живот... некој ќе рече дека и интернетот е слично враџуле но бар таму можеш да бираш што и како ќе читаш, а пристапот е повеќе истражувачки отколку шупливо конзумирачки! има и други крајно негативни нус ефекти од живеењето во град каде за истите, истиот е најплодна почва, но темава не се однесува на него па нема ни да ги тимарам тука истите, а и нивното демистифицирање не верувам дека некого во истиот момент ќе го натераат веднаш да се пресели на село, што би рекол Маријан да “реемигрира во некоја рурална прерија“...! 

Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #4 Posted: 21-Nov-2008 at 20:03
Безбедноста на храната, клучна слабост на македонското земјоделство, оценува Европската комисија - MIA - 06.11.2008

Скопје, 6 ноември (МИА) - Што поскоро воспоставување интегрална контрола на безбедноста на храната и доекипирање на службите во Министерството за земјоделство, шумарство и водостопанство, се главните забелешки за македонскиот аграр, посочени во последниот Извештај на Европската комисија (ЕК).  

Сепак, како што рече денеска на прес - конференција ресорниот министер Ацо Спасеноски, генералната оценка е дека има напредок во областа на земјоделството.

- Во Извештајот на Европската комисија е нотирано дека Македонија направи значаен прогрес во одредени земјоделски сектори, но среден е напредокот во делот на безбедноста на храната, истакна Спасеноски.

Според него, се уште претставува проблем тоа што храната е во надлежност на две министерства, за здравство и за земјоделство. Ова беше наведено и во претходниот извештај на ЕК.

Спасеноски, кој се осврна на сработеното во изминатите 100 дена, нагласи дека забелешките од Извештајот треба да послужат како насоки за натамошно реализирање на предвидените активности.

- Во секторот земјоделство се реализирани сите активности предвидени со Националната програма, исплатата на субвенциите тече според планираната динамика, продолжува огласувањето на земјоделското земјиште за давање под закуп, а паралелно се изготвува и носи законската регулатива согласно препораките на ЕУ, рече Спасеноски.

Новоформираниот Сектор за анализа на земјоделска политика почна со воспоставување единствен регистар на земјоделски стопанства, т.н. Фарм регистар, што практично значи собирање сметководствени податоци од земјоделски стопанства, односно регистрација на сите фарми во земјата.

Од јули до октомври се објавени четири огласи за издавање вкупно 22.900 хектари земјоделско земјиште во 18 региони. До крајот на годинава ќе се објават уште два, за 15 региони. Во истиот период се извршени инспекциски контроли на 10 отсто од поднесените апликации за субвенционирање. Притоа е утврдено дека во растителното производство неправилно пријавени се 723 хектари за кои би се исплатиле над пет милиони денари, а во сточарството, за обележано женско јагне, 700 грла или 700.000 денари.

Изминатите 100 дена се изработени измени и дополнувања на законите за вино, за тутун и тутунски производи и за органско земјоделско производство, донесени се законите за води, водни заедници и хидрометеоролошка дејност, а изготвена е и Стратегија на хидрометеоролошката служба за периодот 2009 - 2011 година.

- Согласно измените и дополнувањата на Законот за ловство волкот веќе не спаѓа во категоријата заштитен дивеч. Отсега, секој што ќе убие волк, ќе добие награда од Министерството, рече Спасеноски.

Тој информира дека Министерството ќе ги обештети земјоделците кои претрпеле штети од животни заштитени со Законот, како што е мечката, но не и оние чии стада се уништени од т.н. незаштитен дивеч.

До крајот на овој месец, најави Спасеноски, ќе заврши обележувањето на ситниот добиток по што ќе почне обележувањето на пчелните семејства. Ќе се искоренуваат и заразните болести кај добитокот, посебно туберкулозата. До крајот на ноември ќе финишира и вакцинацијата против бруцелозата.

Според него, се воведува и т.н. селска сеча за луѓето од руралните средини. Тие ќе имаат можност да купуваат дрва 50 отсто поевтино од сегашната цена, под 1.000 денари за кубик.

Во соработка со ФАО, почнувајќи од октомври годинава, Министерството за земјоделство следните 24 месеци ќе спроведува проект за јакнење на готовноста за заштита на националните шуми од пожари, вреден 340.000 долари.

Планирано е и довршување на воспоставувањето системи за искористување на европските претпристапни фондови, завршување на катастарот на земјишни парцели, финализирање на фарм регистарот и целосно функционирање на земјоделскиот информативен систем.

Во периодот што претстои, внимание ќе се посвети на доисплатата на субвенциите, но и на подготовката на програмата за финансиска поддршка во идната година, рече Ацо Спасеноски.

Програма за финансиска поддршка на руралниот развој за 2008



Edited by beTon - 02-Dec-2008 at 21:08
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #5 Posted: 22-Nov-2008 at 00:55

Приоритетна оска 3: Развој на руралната економија

Владата на РМ од Мај 2006 година донесе одлуката за избор на следниве под-сектори како приритетни за ИПАРД програмата: вино и грозје, овошје и зеленчук, млеко и млечни производи и месо и месни производи. Според реализираните подсекторски студии за погоре дефинираните под-сектори, како и врз основа на препораките од техничките работни групи, одредени се следниве ИПАРД мерки за периодот 2008-2010 година:

Инвестиции во земјоделски стопанства за реструктуирање и постигпување на стндардите на ЕУ;
Подобрување на преработувањето и маркетингот на земјоделските и рибни производи за реструктуирање и постигнување на стндардите на ЕУ;
Диверсификација и развој на рурални економски активности:

Техничка поддршка.

EU Financial Assistance under the Instrument for Pre-Accession Assistance (IPA)

www.agrowebmk.awardspace.info/NV/news.php       www.ace.org.mk/nastani.php       www.agbiz.com.mk          www.eastagri.org/countries.asp          Agro Projects in Macedonia         www.faostat.fao.org         European Environment Agency - Environmental reporting obligations Macedonia

Фондови за рурални подрачја во Македонија:

Нови и најповолни кредити за земјоделците и агро комплексот

Подготвено ли е македонското земјоделство за ИПАРД?

Повеќе пари од ИПАРД фондовите за Македонија

Европскиот фонд ќе обезбеди 12 милиони евра за кредити

Македонија на мапата на Европскиот фонд за ЈИ Европа

Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #6 Posted: 23-Nov-2008 at 14:06

ова со фондовите е добредојдено и потребно, но нашиот селанец не е научен да се задолжува, бар таков е случајот со повеќето! едно е сигурно и да сакаат да вложат нема никакви гаранции од никого дека има надеж вложувањата бар да се повратат! па така сите живеат со таксиратот сам свој ага сам свој паша но без азно и трезор, што не е случај со земјоделците и селаните низ европа (западниот дел од еу)! но државата се труди да да ги растовари колку толку од јаремот на сиромаштијата. па така за социјалните случаи повеќе се исплати да живеат во село него во град, каде има олеснувања на поголем број давачки, порано додека есм беше државно и струјата се плаќаше со мали паушали но тоа веќе не е случај, сега бенифиции има данокот на имот, вода и олеснувањат за огрев кои се освежување за многу семејства од руралните области... еве конкретно за што станува збор:

* Се дозволи и селска сеча, а граѓаните се жалат дека немаат доволно дрва за огрев. Точна ли е нивната констатација?

- Со измената и дополнувањата на Законот за шумите Владата пак им ја врати можноста на граѓаните што живеат во руралните средини да се снабдуваат со огревно дрво директно од шумите. Може да сечат дрва во одреден период во годината, а прецизирана е и дозволената количина. Секое семејство може да посече 14 кубни метри. Неопходно е граѓаните претходно да поднесат барање во подружниците на „Македонски шуми“. Таму ќе им кажат во кои делови во шумата може да се снабдат со дрва за свои потреби. Цената на кубен метар ќе изнесува 999 денари со пресметан ДДВ. На граѓаните им се овозможува за 560 денари да се снабдат со дрвна маса - остаток од сеча. На овој начин социјално загрозените граѓани ќе може по поповолни услови да се снабдат со огревно дрво за грејната сезона. Одговорно тврдам дека сите заинтересирани граѓани ќе може да се снабдат со огревно дрво за оваа грејна сезона. „Македонски шуми“ целосно ќе го оствари планираното производство на огревно дрво.

Дневник - Валентина Ангеловска - 18.11.2008

Изгор цена за кубик дрва

Поради зголемените цени, граѓаните купуваат помалку дрва за огрев, лани земале по шест, а сега по само четири кубици дрво, велат упатените
Препродавачите во ек на грејната сезона ја зголемија цената на дрвата за скоро 1.000 денари. Кубен метар дабово дрво во приватните скопски складишта достигна фамозни 3.200 до 3.500 денари. Буката е поевтина и се движи од 2.700 до 3.000 денари за кубен метар. Во помалите градови цената е пониска за десетина отсто, но ако побарате да купите дрва, ќе ви речат дека нема.

...

СЕЛСКАТА СЕЧА ПОЕВТИНА

Огревното дрвото што „Македонски шуми“ ќе го продава в година ќе биде исечено, исцепено и спакувано со различен волумен. Со тоа граѓаните би добиле целосно преработено дрво. Од годинава Владата ја врати можноста одредена категорија граѓани, кои живеат во руралните средини да се снабдат со огревно дрво директно од шумата и тоа во одреден временски период од годината и со определена количина. Секое семејство ќе може да купи само 14 кубни метри дрво. Цената на дрвото набавено на овој начин изнесува 999 илјади денари. Социјалнозагрозените граѓани ќе може да се снабдат со огревно дрво собрано како остаток по сеча за 560 денари.

Дневник - Валентина Ангеловска - 21.11.2008



Edited by beTon - 30-Nov-2008 at 17:31
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #7 Posted: 26-Nov-2008 at 07:00

еве нешто прирачници кои може да послужат како насока како до ИПАРД кредит!
од цел муабет ќе излезе дека човек од село, а и од град, никогаш нема да се запне да исполни еден куп критериуми и препораки како би стигнал до некој поволен кредит. ова најверојатно ќе треба да го турка Платежната Агенција ИПАРД чие формирање е во тек, но ќе треба и некој модел на здружување да се направи како би се олеснило добивањето на ИПАРД кредити (како што ги наведува капитал како досегашни европски искуства, во подолната анализа)...

незнам дали е подобро човек цел живот да вози такси или уште сега да се врати на село и да инвестира во земјоделие?! но во принцип за такво нешто треба голема волја и еластична кичма кои освен од идеолошки мора да бидат и од економски агол издржани, а и долгорочно одржливи...
кај нас пред се проблемот е, што исклучиво се оди на суровина, но не и на финален производ. сетне не се живеело од земјоделие! ќе живеат бугарите и грците од нашата пот кога државата не знае како да ги мотивира луѓето да го пренасочат вниманието кон финални производи и поголем профит. а и таа не е крива до пред некое врме немаше ни лабараторија пример за органско сертифицирање, а за некакви колективни ладилници и калибратори нема ни абер...! вака гледано - разбирливо е зошто социјалната категорија таксисти не се вртат или враќаат кон селото, а оние пак и што ќе се решат на таков чекор освен компир, бостан, пипер и грозје ништо друго не фаќаат, за инвестиции од типот шитаке, полжави, аронија, цвеќе... кај нас нема место, тоа е само за на филм... 

ПРИРАЧНИК ЗА УСПЕШНО ИСКОРИСТУВАЊЕ НА ФОНДОВИТЕ ИПАРД - www.mrfp.org.mk - 09.04.2007

I - СПОРЕДБЕНИ ИСКУСТВА ВО КОРИСТЕЊЕТО НА ПРЕДПРИСТАПНИТЕ ЕУ ФОНДОВИ: КАКО ДА СЕ ИЗБЕГНАТ ГРЕШКИТЕ? - стр.7

  1. Вовед 7
  2. Пристап за користење на фондовите ИПАРД - стр.9
      2.1. Подготвителни активности и мерки
      2.2. Споредбени искуства
      2.2.1. Проблеми при воспоставување
      2.2.2. Нетранспарентни процедури
      2.2.3. Мерење на успехот
      2.2.4. Фокус на институционално јакнење, дефокусиран од комплицирани административни процедури на децентрализираните системи
      2.2.5. Проблеми со кофинансирањето
      2.2.6. Што со ДДВ и со каматите?
      2.2.7. Злоупотреби при распределбата на средствата
  3. Пораки за почеток - стр.18
      3.1. Прв чекор – програмирање
      3.2. Која е целта?
  4. Заклучок - стр.22

II - ПОЗИТИВНИ ИСКУСТВА И ПРАКТИКИ НА ДРЖАВИТЕ КАНДИДАТКИ ЗА ЧЛЕНСТВО ВО ЕУ И ПРЕПОРАКИ ЗА РЕПУБЛИКА МАКЕДОНИЈА - стр.25

  1. Препораки на ЕУ - стр.25
  2. Принципот на партнерство - стр.31
  3. Апсорпциски капацитет и институционална изградба - стр.34
  4. Заклучок - стр.39

III - ПОДГОТОВКИ НА РЕПУБЛИКА МАКЕДОНИЈА ЗА ИСКОРИСТУВАЊЕ НА ФОНДОВИТЕ ИПАРД - стр.43

  1. Вовед - стр.43
      1.1. Што претставува ИПА?
      1.2. Што претставува ИПАРД?
  2. Подготовки на Македонија за користење на ИПАРД - стр.45
      2.1. Формирање агенција која ќе раководи со ИПАРД
      2.2. Анализа на потенцијалот на Македонија за успешно Раководење со ИПАРД
      2.3. Креирање план и програма за ефикасно искористување на фондовите ИПАРД
      2.4. Транспарентно скенирање на состојбата со руралните области и земјоделството во Македонија
  3. Придобивки од ИПАРД за Македонија - стр.50
      3.1. Подобрување на стандардот на земјоделците
      3.2. Подобрување на пазарната конкурентност и ефикасност
      3.3. Зголемување на вработувањето во руралните области
      3.4. Подобрување на ветеринарните стандарди
      3.5. Зголемена заштита на животната средина
      3.6. Институции во РМ кои ќе имаат придобивка од фондовите ИПАРД
      3.7. Други вклучени страни (стакехолдерс) и корисници од фондовите ИПАРД
  4. План за одржливост и одржување на инвестираната помош - стр.54
      4.1. Тело/институција одговорна
      4.2. Инвестирање во човечки ресурси
      4.3. Начини на мотивирање и наградување на најуспешните за одржливост на проектите
  5. Заклучок и препораки - стр.57

IV - МОЖНОСТИ ЗА КОРИСТЕЊЕ НА ФОНДОВИТЕ ИПАРД ЗА ПОДДРШКА ВО ЗЕМЈОДЕЛСТВОТО И РУРАЛНИОТ РАЗВОЈ - стр.59

  1. Дали Македонија е подговена за искористување на фондовите ИПАРД - стр.59
      1.1. Досегашни подготовки и постигнати резултати
  2. Проблеми на кои ќе наидеме во подготовката на апликациите за користување на фондовите во секторот земјоделство и рурален развој - стр.66
      2.1. Регистрирање земјоделци
      2.2. Едукација на земјоделците
      2.3. Регистрирање фарми и матично книговодсво
      2.4. Регулативи за изградба на фарми и исполнување стандарди за животна средина
      2.5. Финансиско книговодство

V - ВОДИЧ ЗА КОРИСНИЦИТЕ НА СРЕДСТВА ОД ИНСТРУМЕНТОТ ЗА ПРЕТПРИСТАПНА ПОМОШ НА ЕУ - ИПАРД - стр.75

  1. Вовед - стр.75
  2. Критериум за одобрување проекти - стр.79
  3. Финансирање - стр.80
  4. Постапка за пријавување - стр.81
  5. Исплата на средства - стр.82
  6. Контрола и надзор - стр.84
      6.1. Административна контрола
      6.2. Контрола на теренот
  7. Враќање на средствата - стр.85
  8. Забелешка - стр.86

VI - МЕТОДОЛОШКИ ПОСТАПКИ ПРИ ИЗРАБОТКА НА ИНВЕСТИЦИСКИ ПРОГРАМИ ЗА АПЛИКАЦИЈА ЗА ИПАРД - стр.91

  1. Вовед - стр.91
  2. Заедничка методологија за изработка на инвестициски програми - стр.922
      2.1. Детална разработка на заедничка методологија за изработка на инвестициски програми
      2.1.1. Резиме на инвестициската програма
      2.1.2. Анализа на развојни можности и способности на инвеститорот
      2.1.3. Анализа на пазарот на продажба
      2.1.4. Технолошко-техничка анализа
      2.1.5. Анализа на пазарот на набавка
      2.1.6. Анализа на локацијата
      2.1.7. Анализа на заштита на човековата околина
      2.1.8. Финансиска анализа
      2.1.9. Финансиско-пазарна оценка на проектот
      2.1.9.1. Статичка оценка
      2.1.9.2. Динамичка оценка
      2.1.9.2.1. Оценка на рентабилноста
      2.1.9.2.2. Оценка на ликвидноста
      2.1.10. Анализа на осетливоста
  3. Искуствата од Словенија при изработка на инвестициските програми за САПАРД - стр.105 (методолошката постапка)
  4. Искуствата од Бугарија при изработка на инвестициските програми за САПАРД - стр.108
  5. Искуствата од Хрватска при изработка на инвестициските програми за САПАРД - стр.110
  6. Заклучоци - стр.112

Прирачник со најдобрите методолошки практики од партиципативниот пристап на АЛКА за одржлив развој
УСЛОВИ ЗА КОРИСТЕЊЕ НА СРЕДСТВА ОД ИНСТРУМЕНТОТ ЗА ПРЕДПРИСТАПНА ПОМОШ НА ЕУ ИПАРД - стр.88

  • Услови
  • Критериуми за одобрување на проекти
  • Финансирање
  • Постапка за пријавување
  • Исплата на средства
  • Контрола и надзор
  • Враќање на средства

Материјали за ИПАРД - PART III – STRATEGY OF THE IPARD PROGRAMME 2007-2013 page 205-254 (иако фајлот е со .txt екстензија тој е pdf документ)

Партнерството е основа за користење на европски средства! - Total - Анализа

Во насока на подигање на темата “европски фондови” на повисоко ниво во процесот на европска интеграција на Македонија, “Капитал” преку конференцијата “ЕУ фондови- можности и перспективи” сака да ја & ги претстави на македонската јавност и на потенцијалните корисници на ЕУ фондовите основните принципи и критериуми кон кои се придржува ЕУ при доделување на фондовите. Јавно-приватните партнерства се едни од нив! Фактот дека Македонија како земја-кандидат за членство во Европската Унија има на располагање 210,5 милиони евра не значи многу ако субјектите на кои се наменети средства не знаат како истите да ги искористат. Македонската јавност се уште нема доволно информации за критериумите и начините за користење на петте ИПА компоненти кои во крајна линија треба да ги научат македонските компании, општини, граѓански организации и други на европските правила на игра. Партнерството е основен принцип во процесот на подготвување на националните планови и програми за развој на руралните средини. Спрема регулативите на ЕУ, за партнери се сметаат: Европската комисија, земјата кандидат, локалната власт, економските и социјалните партнери и други претставници на граѓанското општество. Целта на партнерството е планирањето на програмите кои ќе се финансираат со овие фондови и програмирањето на приоритетите да соодветствуваат на реалните потреби. Партнерскиот однос на заинтересираните субјекти од друга страна е гарант дека реализацијата ќе биде ефективна и ќе се изгради соодветен капацитет за развој. Принципот на партнерство бара сите партнери да ги презентираат нивните мислења и предлози на транспарентен начин уште од почетокот на процесот на планирање. Примената на принципот на партнерство самата по себе претставува и механизам за подигање на апсорпцискиот капацитет на земјата зашто користењето на ИПА фондовите нема да биде можно без мобилизирање на напорите на широк круг локални и регионални партнери за формулирање и предлагање поголем број квалитетни проекти. Силното партнерство со приватниот сектор отвора врата и за приватно кофинансирање, кое ќе обезбеди дополнителни средства за кофинансирање. Искуствата од поранешните земји кандидатки покажуваат дека онаму каде не се извршени консултации со локалните партнери, многу помали биле шансите за успешна реализација на проектите.


ИПА - распределба по сектори

Искуството на другите земји

Многу поранешни земји кандидатки формирале месни иницијативни групи од 20 до 25 членови како начин за мобилизирање на локалните потенцијали и ресурси, како и работни групи со посебни надлежности. Ирска основала месни иницијативни групи кои ги акцентирале специфичностите на одделните реони. Тие ги одредувале приоритетите и разработувале интегрирани бизнис-планови за локален развој, а преку користење нови технологии со цел производите на руралната област да бидат поконкурентни. Во локалните одбори биле вклучени советници, претставници на јавната власт, приватниот сектор и претставници на граѓанското општество кои ја предлагаат стратегијата за рурален развој. Преку принципот на партнерство, во процесот на планирање и развој на проектите вклучено е јавното приватното партнерство (ЈПП) и хоризонталното партнерство помеѓу повеќе општини. Унгарското искуство исто така познава месни иницијативни групи на микрорегионално ниво, но е отидено уште подалеку преку формирањето на т.н. „Рурален парламент” во 1998 г. каде учествуваат 490 национални и локални претставници на граѓанското општество (ГО), 100 граѓански агенции за развој, 400 членски организациии. Целта е преку принципот на партнерство да се изгради мрежа од иницијативи за развој, зајакнување на организацискиот капацитет и соработка меѓу различните учесници во развојот, размена на информации и вршење обуки, „изградба на мостови” меѓу владата и ГО за носење одлуки, меѓународна соработка, лобирање за руралниот развој и др. За Полска е карактеристично основањето на Полскиот рурален форум. Мисијата е да се обезбеди партнерство меѓу организациите кои учествуваат во Форумот (Рурална развојна фондација, Полски партнерски фонд за животна средина, Кооперативен фонд, Национална асоцијација на претседатели на селските совети и др.) и истите да соработуваат во подготовката на „Рурална Полска” за работа во ЕУ. Форумот промовира одржлив развој на руралните средини преку интегрирање на економските интереси на руралната популација со заштита на природната средина и културното наследство. Во Бугарија владата создаде посебен фонд за помагање на општините за усвојување средства од еврофондовите, претежно за помагање при разработка на проекти и оперативни програми за развој на земјоделството и селските реони. (Извор: “Успешно искористување на ИПАРД фондовите”



Edited by beTon - 26-Nov-2008 at 07:19
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #8 Posted: 26-Nov-2008 at 07:19
Бетон добра ти е поентава со оние ексцентрични култури. Кај нас е све граф жито, граф жито и така со години и владат крива после. Пред некој ден гледав онаа емисијата кај Велија за земјоделие како се викаше не ми текнува. Имаше интересни факти колку можат приход да донесат само оние ретки култури како малина или киви, или па животни како полжави, ноеви. Имаше во емисијата еден земјоделец, кој што се гледаше дека беше во тек со технолошките новости, кажа демек дури ни она жито што се сади луќево не го сејат како што треба. Од механизација користат дрљача што е секаде у свет исфрлена од употреба. Исто така на пример новитет во свет е да се користат ваљаци, а нашите земјоделци тоа воопшто не го користат. Значи зборот ми е дека освен што треба делумно баталување на овие стандардни култури и свртување кон она што се бара на пазарот, треба и технолошки да бидеме во тек. Еден дел се криви земјоделците зашто упорно ја пикаат главата во песок и не сваќаат дека 20 години сме капитализам и дека гарантиран откуп е нешто што треба да го заборават. Но во друг дел се крива и сите влади уназад поради тоа што не им дале на располагање општетвена м,еханизација која треба да биде само отскочна даска за малите бизниси и после тоа земјоделците сами да си набавуваат механизација. Еве сега колку пто знам имаше набавено владата некои јапонски трактори, ама уште по битен дел се оние приклучни уреди.
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #9 Posted: 26-Nov-2008 at 07:53

мене не ми боде толку очи екстензивно земјоделие па и новите култури, иако нормално доколку сакаш едноставен и брз приход, вложуваш во добра механизација или  техника(капка  по капка) и во култури кои се трошат, држат цена и се бараат. главен момент е што не се размислува како на едноставен начин да го сочуваш долготрајно плодот а и да профитираш турбо од истиот! па така доколку само малку вложиш (не е  беспари но) во некаков финален производ пример место малина на кило, компот од малина во тегла/конзерва од пола кило, тогаш и нема да знаеш што натака а и од еднаш креваш категорија од мал во среден стопанственик... иако компотите се најпримитивна форма на преработка на овошјето сепак поентата е во конзервирањето и можноста за тактизирање околу пласманот, исто ваѓи и за зеленчукот па ако не можат финален бар полуфинален производ нека продаваат, а не бамјите од туку во турција ги извезуваме за од турција во конзерви да ни ги вратат по рафтовите во веро, случај со скоро секоја култура во МКД, незнам што беше ова од неорганизираност но очигледно дека за овој народ единствено е чаре владата да интервенира и инвестира, модел сличен на социјализмот но со постоење на приватна сопственост, како што е шведска, па онаму каде нешто сме мањак нека пушти вода, дали било тоа во конзервни фабрики, колективна механизација, ладилници, калибратори... па навистина ќе биде греота кога цела земја некој утре ќе ни ја купи бадијали а после или ќе ни ја изнајмува или ќе му бидеме исполџии на истата... незнам што направија со искуствата од израел што беа и таму  нашите и тука израелците, т.е. муабетот со кибуците?!

абе лсл толку малку народ сме што само да почнеме за сопствени потреби да произведуваме овошје и зеленчук нема да можеме да го покриеме пазарот а не па да извезуваме, но едно што државата е без стратегија(сега нешто најавуваат) а сосем трета работа што сите малади денес сакаат да бидат исклучиво или  монополисти или озетеисти, секретарки или манекенки! секоја чест за прогресивното малцинство натуралисти и хипици кои се враќаат кон земјоделието, но тие немаат сила да ја преструктуираат МКД кон интензивно земјоделие и турбо преработувачка прехрамбена индустрија...

Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #10 Posted: 28-Nov-2008 at 20:22

Од идната година земјоделците ќе плаќаат помал персонален данок

Земјоделците што ќе остваруваат приход до 300.000 денари од идната година ќе бидат ослободени од данок, а оние чиј приход ќе изнесува од 300.000 до 1,3 милиони денари ќе плаќаат 10 отсто данок на добивка
 
Измените на Законот за персонален данок што сега се во собраниска процедура, а ќе се имплементираат од 1 јануари 2009, практично значат сосема нов модел. Досегашното плаќање по катастарски приход се менува комплетно, рече Спасеноски.

Согласно измените, сите земјоделци што остваруваат приход над 1,3 милиони денари ќе се третират како даночни обврзници.

- Реалниот приход во земјоделството ќе биде 20 проценти наместо 65 отсто како досега. Ако се оствари максимален приход од 20.000 евра, ќе се плаќаат 400 евра данок, посочи министерот.

Според Законот, од 100 отсто добивка, 35 проценти се книжат како трошок, а за 65 отсто приход се плаќа данок, но, со измените, 80 отсто од приходот ќе се признава како трошок, а за 20 отсто ќе се плаќа персонален данок.

Спасеноски потсети дека субвенциите за идната година, проектирани на 70 милиони евра, ќе бидат уште една олеснителна мерка за земјоделците.

Кирилица -  28.112008

што има поубаво за земјоделците од растеретување на персоналецот кој од неодамна и доколку не сакаа мораа индиректно да го плаќаат пример како млекарите... ова сега веќе е муабет за поздравување, работава е сериозно олеснување за земјоделците, во најмала рака ќе се амортизираат најавените удари на глобалната рецесија или поотимистички гледано ова и уште неколкуте олеснувања што ги воведе владата [1][2] ќе ги наполнат амбарите на селаните полесно и побрзо...

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #11 Posted: 28-Nov-2008 at 20:31
Незнам зашто уште даноците кај нас се толку сатанизирани. Како да е ова турско време па да се плаќа некој присилен данок за безвезе. Во секоја нормална држава сите граѓани плаќаат данок. Се слагам со меркава колку за почеток да биде како една отскочна даска за земјоделците и сточарите, но да не биде тоа навика и некој да си се навикне на таквата ситуација.
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #12 Posted: 28-Nov-2008 at 21:32

абе како тргнало и пчеларите ќе бараат да им се даде бенифициран стаж, ова темпо што го наметнува грујо сега, сите сакаат да го искористат па кој преку ред кој со сила гледа уште одма да си обезбеди позиција, иако реално откако портокаловите се настрвија да вложат во двокатните автобуси просто оставија простор сите да се надеваат дека може и треба да си дозволиме луксуз во се' ...

но кога станува збор за земјоделието мислам дека не треба да жалиме ниту бенефиции ниту олеснувања, та зар не ет така по цел развиен свет! таму оној што сака да биде земјоделец ги има најдобрите услови и поволности за живот и работа, доволно е само човек да има желба, се друго му е наредено од државата до степен на целосно покривање на производствените трошоци, нему му осатнува само кајмакот да го бери ставаjки и високи маржи на сопствениот труд, ова под претпоставка дека думате од наш ракурс ... пр. во Хрватска само од овци пасење се живее богато, а доколку пак инвестираш во некаков финален производ ко сирење или слатко компот та и туршија, е тогаш и лексус ќе моеш да си дозволиш!примамливо и за од тук да оди народ да пасе таму овци за плата од илјада евра! Професија овчар - Утрински - 31.03.2006 добро таму и нешто тро отповеќе е вештачки кренат стандардот, па со плата од илјада евра можеш да живееш како тука со 500, но оваа плата оди за овчарот, а што е со газдата на трлото, тоа незнам нагаѓајте?! 


Edited by beTon - 27-Mar-2017 at 22:54
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #13 Posted: 30-Nov-2008 at 20:00

Костеновите насади во дебарско, годинава, Бог ги дарува со рекорден род - К5 - 15.11.2008

Во Дебарско рекорден род кај костените

Костеновите насади во Дебарско годинава забележаа рекорден род. Сопствениците се презадоволни од родот, но бараат да се направи организиран пласман. Костенот во Дебарско го одгледуваат над 200 семејства. Годишното производство е околу 400-450 тони. Според началникот на подрачната единица на Министерството за земјоделство, шумарство и водостопанство Вејсел Дука, во Дебарско има над 250 хектари со овошна градина костен.

НоваМакедонија - 19.11.2008

Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #14 Posted: 14-Jan-2009 at 14:54

има ли нешто полезет од тоа да имате асфалтиран пат до своето село, а не па летен детски камп во близина, за градинка и да не говорам, неопходни услови за и викендашки да скитне народ до дедовина, но сеуште не сме озбилно дотерани на питачки стап, иако сите од грб ни ги искршија дали ко печалбари или пак аргати по воа гринфилд ќумезите ...

нејсе, во третиот свет и со малку многу тераат

http://web.archive.org/web/20160405133317/http://zimbabweland.net/Home.html

а кај нас и со многу едвај некој и да затера

http://daily.mk/zabava/zhivotot-selo-poatraktiven-poglednete-gradski-lichnosti-odluchija



Edited by beTon - 27-Mar-2017 at 23:08
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #15 Posted: 23-Jan-2009 at 21:12

Фали град, живеј в село - Дневник - 20.01.2009...Не смееме да дозволиме визната либерализација да му зададе нов удар на селото...
Животот на село, благодет за секоја трудница - Точка - 09.09.2008

Заживување на Животот на село - МакСонце - 03.10.2008
Лопата блуз - Утрински - 07.07.2008
Регионален и рурален развој - Дневник - 25.01.2008

Мелеви се вратија од Словенија во сиромашното Суво Грло - Утрински - 17.07.2007

Бебе пропеа каде што ни пиле не пееше - МИ - 09.07.2007

Во Радoво по триесет и пет години се слушна плач на бебе - Утрински - 01.11.2006

- Утрински - 30.12.2006

Ни посетата на Русинките не ги усреќи битолските ергени - Утрински - 27.09.2005

Невести од Албанија за 1.000 евра - Дневник - 16.12.2004

Луѓето и земјата - Утрински - 16.12.2004

Синот се врати на огништето што го напуштиле родителите - Дневник - 11.11.2004

Во Демир Капија отворена првата фарма на ноеви во Македонија - Дневник - 04.01.2003

Малиот Петар ги враќа животот и традицијата во Витолиште - Вест - 23.11.2002

Среќни Луѓе - Фали град, живеј в село - Дневник - 21.12.2001



Edited by beTon - 28-Mar-2017 at 00:00
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #16 Posted: 24-Jan-2009 at 21:21

Агенцијата за потикнување на земјоделството ќе ги советува земјоделците

Агенцијата за потикнување на развојот на земјоделството од четврток ќе излезе на терен да им помогне на земјоделците полесно да стигнат до парите предвидени за субвенции. Од Агенцијата за потикнување на земјоделството велат дека ќе ги посетат сите 250 села што се под нивна надлежност за да се избегнат грешките и потешкотиите што постоеја при распределбата на субвенциите во 2008.

-„Ќе им помагаме на земјоделците од сите села за да можат полесно да ја потполнат документацијата и да може полесно да дојдат до субвенциите“-вели Ристе Огњанов, раководител на Регионалниот центар на Агенцијата за потикнување и развој на земјоделството. Во 2009-та се предвидени субвенции од 70 милиони евра. За стратешките култури се предвидува 6.000 денари од хектар за житарици, за предадено грозје во домашни винарии по 2,5 денари и дополнителни 7.500 ден за хектар, за млекопроизводителите освен 2,5 ден. за литар млеко и 2000 денари по грло, 45 денари за килограм тутун, за овца 850 денари, во свињарството 1.000 денари по грло предадено во кланица.

Ирис - 13.01.2009

Бирократските процедури ја намалуваат достапноста на земјоделските субвенции

Бирократските и катастарски проблеми можат повторно да им се испречат на земјоделците и сточарите и голем дел од нив да не ги добијат државните субвенции за годинава.
Од државата велат дека годинава на земјоделците ќе им даваат повеќе совети како да дојдат до 70-те милиони евра, а жените фармери имаат за 10 насто поголеми субвенции од мажите.

Долгата катастарска процедура, непочитувањето на роковите за апликација, нерешените имотно правни односи и неподмирувањето на долговите кон институциите се главните причини поради кои поголемиот број на земјоделци не добиле субвенции во минатата година.
За да не се повтори истата грешка обучени лица ги советуваат како да дојдат до државните пари. По забелешките од земјоделците, Владата реши од годинава да ја скрати постапката и потребната документација за добивање на овие парични надоместоци.

„Веќе има активно вклучување на Агенцијата за поддршка и развој на земјоделството преку своите советодавни услуги што во голема мера сметаме дека ќе го унапредат начинот на аплицирање и запазување на роковите пропишани за аплицирање. Се надеваме дека и аплицирањето ќе биде порамномерно во текот на времето дадено за аплицирање, а не како што беше лани најголема навала да има последните денови“ изјави Тони Димовски, директор на Агенција за финансиска подршка во земјоделството

А, веќе втор ден тече рокот за пријавување. Со намалување на процедурата годинава се очекува бројот на субвенционирани земјоделци да се зголеми. Лани оваа помош ја добиле 80 илјади од кои само 20 беа жени. Министерството ги подржува жените да се вклучат активно во оваа гранка.

Жените фармери кои се носители на дејноста имаат за 10 отсто поголеми субвенции. А, од програмата за рурален развој 60 до 65 отсто им се дава повраток на средствата за сè она што ќе го инвестираат вели министерот Ацо Спасеновски.

Пријавувањето за добивање на овие државни пари ќе трае до 15 февруари, а први ќе ги добијат земјоделците кои веќе засејале житни култури.

Алсат - Верица Милева - 21.01.2009

Зоран Ставрески, заменик претседател на Владата задолжен за економски прашања
Над 500 милиони евра од буџетот за земјоделците до 2012!

...

Земјоделството е една од областите каде ВМРО-ДПМНЕ најави целосна преродба. Ветувате многу пари за стимулации. Дали имате јасни цели што сакате да постигнете, со оглед на сомневањата на некои експерти дека субвенциите не се добро поставени и може да не резултираат со зголемување на производството?

Нашата политика во земјоделството е со јасна визија и е ориентирана кон резултатите. Битно е да се зголеми приходот на земјоделците, да се зголеми конкурентноста и пласманот на македонските земјоделски производи на европските пазари и да се подобрат условите за работа и живот на село. Ефектите на ниво на земјата ќе се позитивни од аспект на илјадници нови работни места, нето- прилив на девизи и суфицит во размената на земјоделски производи со странство. Тоа се постигнува преку издвојување на 45 милиони евра субвенции во 2008 година, десеткратно повисок износ во однос на порано, кој понатаму прогресивно ќе расте до 130 милиони евра во 2012 година, односно кумулативно 500 милиони евра во периодот од 2008 година до 2012 година. Го решивме и долгогодишниот проблем на откуп и пласман на производите, оваа година сe се продаде по најдобри цени. Со влезот на познати фирми како Агрокор и други и изградбата на најмалку четири откупни центри, пласманот на земјоделските производи ќе биде сигурен и цените ќе бидат многу повисоки од досега. Со овие мерки најголемиот дел од земјоделците се задоволни. Се разбира, секогаш ќе има некој незадоволен и секогаш може и подобро. Затоа, ние сме во постојан контакт со земјоделците, нивните здруженија и експертите, ги слушаме нивните коментари и сугестии и постојано ја подобруваме нашата земјоделска политика. Таа е жива материја и постојано се прилагодува на реалноста и потребите на земјата.
Како ќе се измерат ефектите и успешноста од големите трансфери од дравниот буџет во земјоделството?
Главно мерило ќе биде зголемувањето на производството, што е од исклучително значење бидејќи храната денес е стратешки производ и зголеменото домашно производство ќе овозможи да се ублажи ефектот од високите увозни цени. Секако позитивни ефекти ќе се остварат и кај извозот, односно девизните приливи. Се разбира, основниот ефект ќе биде повисокиот доход за земјоделците, поквалитетниот живот и повторното заживување на селските подрачја.
Во контекст на најавената финансиска поддршка за земјоделството, дали се зборува само за пари од буџетот или во оваа сума се вклучени и парите од европските претпристапни фондови? И дали земјоделците се информирани на кој начин можат да ја добиваат таа финансиска поддршка?
Износот од 500 милиони евра е чисто буџетска поддршка за земјоделството. На тоа треба да се додадат претпристапните ИПАРД фондови за земјоделството. Ние во 2007 година ја формиравме ИПАРД платежната агенција чија акредитација ќе овозможи веќе во 2009 година македонските земјоделци да почнат да добиваат европски фондови за развој на земјоделството и финансирање на проекти. 

На долг рок, со политиките за поттикнување на земјоделското производство создадовме услови за пораст на домашната понуда на храна, што е многу значајно.

...

МИМ - 16.06.2008

Интервју  со директорот на платежната агенција за земјоделците - (Идното) ОВА ЛЕТО ПРВИТЕ ПАРИ ЗА ЗЕМЈОДЕЛЦИТЕ ОД ЕУ - Дневник -  11.08.2008

АФПЗРР (Агенцијата за финансиска поддршка во земјоделството и руралниот развој) - ВЕСТИ 

Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #17 Posted: 25-Jan-2009 at 18:18

ај што среќа имаа фармерите да им го скрши атерот "свето ирачанецот", таман поверувавме сите дека млекарите ќе видат бел ден, почнаа да добиваат и бесплатни лактофризери, и мобилни сензори за бактерии и маститис(бар беа во најава), и редовно беа плаќани и се отвори побарувачка за биолошко млеко(храната за крави без концентрат, исклучиво трева) со дупла цена за кооперантите, и уште еден куп работи кои ветуваа долгорочна селска идила, и кога разјафениот пријателот на зоре им влета со макази на швеѓаните! како ќе заврши овој калабалак може само да нагаѓаме, но едно е сигурно дека швеѓаните се наголтаа балкански марифети сосе млекото... да не објаснувам в овие два текста може да се разбере од кога и каде почна агонијата на сведмилк односно нејзините кооперантите кои претходно на културен начин ги извади од ИМБ!  

„Сведмилк“ ги затвора погоните? - Борба за превласт меѓу акционерите на шведската млекарница. Оскарсон: Ќе се борам докрај и не заминувам - Утрински - 26.11.2008

[1]

„Сведмилк“ - зошто пропаѓа ... ке интервенира ли државата ... каде се парите ... - ВОЛАН - 24.01.2009



Edited by beTon - 25-Jan-2009 at 19:20
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #18 Posted: 10-Feb-2009 at 12:31
Земјоделските инспектори со полициски овластувања

За да откријат земјоделски криминал, првпат ќе имаат право да користат стоп- палка за запирање на возила, да наплаќаат мандатна казна и да конфискуваат узурпирани ниви

Земјоделската инспекција засилено ќе контролира дали семињата одговараат на стандардите за квалитет

Земјоделските инспектори ќе добијат овластувања како и полициските службеници. Со Предлог-законот за Државен инспекторат за земјоделство, инспекторите во откривањето и спречувањето на земјоделскиот криминал првпат ќе имаат право да користат стоп-палка за запирање возила, да наплаќаат мандатна казна, па дури и да конфискуваат узурпирана земјоделска земја. Исто така тие ќе може и да запечатат објект ако утврдат дека во него недозволено се продавал семенски материјал или средства за заштита од болести и штетници. Експертите велат дека со овој закон ќе се зголеми ефикасноста на инспекторатот, бидејќи е предвидено соединување на Државниот инспекторат за земјоделство со Фитосанитарната инспекција.

Марихуана сред нива со пченка, семиња што не одговараат на стандардите за квалитет, расипана добиточна храна, недозволени средства за заштита на растенијата, вино што не ги задоволува стандардите, мрежи за недозволен лов на риба се само дел од стоките пронајдени од Земјоделската инспекција при направените контроли изминативе неколку месеци. Во инспекторатот објаснуваат дека нивните инспектори се постојано на терен, но малверзациите од страна на трговците и производителите се во постојан пораст.

- Не велиме дека ова нема да се случува и понатаму, но сигурни сме дека со новите казни и овластувања на инспекторатот овие појави ќе се намалат - велат во Инспекторатот. Земјоделците велат дека секоја година имаат проблем со набавка на семенски материјал, кој најчесто е фалсификуван и наместо предвидениот род, на крајот може да не добијат ништо. Според нив состојбата со шверцот на семенски материјал е алармантна.

- Минатата година купив семе за домат, кое требаше да ми гарантира висок принос. Имав и мое семе оставено од претходната година. На крајот се покажа дека од домашното семе добив поквалитетни домати. Кога се пожалив кај трговецот дека семето му е неисправно, ми рече дека не сум знаел како се одгледуваат растенијата - вели Раде Стојановски од Струмица.

Инспекторите посочуваат на многубројни примери, кога во пакување од препарат што се користи кај нас, наоѓаат препарати што се шверцувани и со закон не се дозволени. Станува збор за живини препарати кои се многу ефикасни, но и многу отровни. Во Сојузот на земјоделци на Македонија објаснуваат дека и покрај работењето на инспекторите на терен, трговците продолжуваат со малверзации од кои најчесто најоштетени се земјоделците.

Во Министерството за земјоделство велат дека законот ќе овозможи подобро работење во сите дејности на земјоделството, од набавката на семе и други репроматеријали, до рибокрадство и злоупотреба на земјоделската земја. Според Ацо Спасеноски, министер за земјоделство, со новиот закон ќе се намали можноста за корупција на инспекторите, бидејќи се предвидени неколку нивоа на контрола.

- Промени има и во висината на казните за непочитување на законот. Глобата ќе изнесува од 3.500 до 5.000 евра за правни лица, а од 1.000 до 2.000 евра за одговорното лице. Покрај парична казна, со Предлог-законот е предвидена и можност за забрана на вршење на дејноста од шест месеци до една година - вели тој.
 
Дневник - Валентина Ангеловска - 09.02.2009

интересна новина, но колку истата ќе биде функционална останува да видиме, посебно со рибокрадството и заврзламите со семињата, но мое мислење е се додека не бидне ваквата служба при полицијата, мислам дека ќе олабават уште после два три месеца, тоа во мвр мака мачат да внесат војнички ред а не па во мзсв. но ајде да видиме можеби работите се менуваат на подобро колку толку, еве бар да успејат да го подзапрат касапењето на преспансиот крап, бар во сезоната на мрестот, и ќе видиме можеби некаков аир од новава земјоделска полиција!

Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #19 Posted: 21-Feb-2009 at 04:15
Правници и економисти го водат аграрот

Правници, економисти и професори го водат земјоделскиот сектор, покажуваат статистичките податоци од последниот земјоделски попис. Само 10 отсто од високообразованите кадри во земјоделието се агрономи. Според статистиката, повеќе од половина од земјоделците во земјава се неписмени, односно немаат завршено четврто одделение или одвај завршиле основно образование.

- Бројките се запрепастувачки. Излегува дека необразованите и кадрите од други професии се носители на нашиот аграр - вели универзитетскиот професор Борис Анакиев. Негови истомисленици се и другите професори од Факултетот за земјоделство и храна. Тие тврдат дека на нивниот факултет се образоваат кадри што на крајот чекаат по десетина години вработување и најчесто завршуваат во сосема друга дејност.

Според официјалните статистички податоци, 476.613 лица во земјава се занимаваат со земјоделска дејност. Од нив, 40,5 отсто се со основно образование, 10,6 отсто немаат завршено осмо одделение, а 4,7 отсто ни ден не оделе не училиште. Значи 55,8 отсто немаат никакво земјоделско образование. Со средно земјоделско училиште се само 3,8 отсто од земјоделците, а дури 33 отсто имаат завршено друго средно училиште што нема никаква врска со аграрот.

- Вишо и високо образование имаат само 1,2 отсто од земјоделците, а со друго високо образование се 5,7 отсто. Од нив, магистри и доктори на науки се 0,1 отсто од производителите.Тоа се околу 300 луѓе, што е навистина мала бројка за држава што се декларира како аграрна - сметаат експертите. Според статистичките податоци, во земјоделските фирми во земјава се вработени помалку од 6.000 лица. Експертите укажуваат дека бројките за вработените во аграрот од пописот и од статистичкиот годишник се разликуваат за околу 1.000 лица.

Пописот покажа дека бројот на вработените е 5.540, а според официјалната статистика се 4.611 лица. Не е јасно дали станува збор за нови вработувања или се користат различни методологии. И кај професионално ангажираните работници во земјоделските претпријатија преовладуваат несоодветно образованите. Речиси половина од вкупниот број се со основно образование - 2.108 лица. Со завршено средно земјоделско училиште се само 575 вработени, а со друго средно образование речиси 1.500 лица. Диплома за вишо или за високо земјоделско образование имаат 460 работници, а од друг факултет 434, при што повторно најмногу има економисти и правници.Професорите од Факултетот за земјоделство и храна коментираат дека токму на ваквата образовна структура се должи и долгогодишното тапкање во место на нашето земјоделство.

- На човек што нема земјоделско образование или завршил само осмо одделение не можете да му објасните дека треба да користи нови препарати или на поинаков начин да ја обработува почвата. За него е исправно само она што неговите предци му го пренеле - велат професорите. Земјоделците се согласуваат дека необразованоста е голем проблем. За нив е многу важно експертите почесто да ги посетуваат и на практичен начин да им објаснат како да ги применуваат новитетите.

- Голем дел од граѓаните што останаа без работа најдоа егзистенција во обработката на почвата. Не треба да се очекуваат врвни резултати од електротехничари или од градежни работници, но со текот на времето состојбата сигурно ќе се подобри - велат земјоделците.

Дневник - Валентина Ангеловска - 19.02.2009

донекаде е и во ред ваквата неписменост бидејќи доколку малку од малку се разбираат земјоделците во генетика ќе ја сардисаат докрај почвата, Македонија е една од ретките земји која ја нема загадено почвата со пестициди, што е исклучиво резултат на неписменоста, малку и нашиве професори колку за да кажат дека се паметни па велат дека ваквата состојба е лоша, со што нема воопшто да се сложам, единствено е подтребно едукација на земјоделците кои се писмени како и што треба за да се преориентираат на органско производство за кое ќе добиваат далеку повисоки цени со што ќе го надоместуваат мањакот на квантитет, и во исто време ќе го набилдаат имиџот за земјава како место на чиста вода, клима и почва!!!

баш оние кои ја работат земјата според усмено предание се далеку понапредни во науката за аграрот, отколку оние кои добиле писмено предание какви препарати и гмо семиња да пазарат во земјоделските аптеки ширум земјата...

има една вистина а тоа е недоволната свест на професорите на земјоделски кои наместо досега да потикнаа отворање на лабаратории за сертифицирање на органско производство на секој чекор, тие едвај и тоа со помош на владата успеаја само една да ја обезбедат нецелосно! абе саде мозоци!

Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3578
  Quote Max Quote  Post ReplyReply #20 Posted: 18-Sep-2009 at 19:46


 

СЕ ВОВЕДУВААТ СТАНДАРДИ ВО СТОЧАРСТВОТО ЗА ЗАЧУВУВАЊЕ НА ЖИВОТНАТА СРЕДИНА

Според закон треба да поседуваат интегрирана дозвола, но за неа сопствениците на свињарски и живинарски фарми се уште немаат слушнато.  

Од први јануари 2009 година сите објекти од ваков тип треба да имплементираат стандарди со кои ќе се зачува животната средина. Колку ќе ги чини овој дополнителен трошок, што треба да сменат на своите објекти и колку време имаат за тоа да го сторат сопствениците се уште не знаат.

Лиценците од типот А и Б се еден од условите при аплицирање за добивање средства од ИПАРД фондовите. Без овие дозволи македонскиот аграр тешко ќе влезе во Европа бидејќи искуствата на оние кои веќе го поминаа овој пат велат дека без комплетно имплементирање на сите закони од областа на животната средина нема да можеме да добиеме позитивен сигнал.

Фарма со капацитет од четири до десет илјади пилиња подлежи под интегрирана Б дозвола која треба да ја издаде локалната самоуправа. Дозволата А е во надлежност на Министерството за животна средина, а нивниот бројот на грла во оваа категорија треба да биде над илјада свињи или 700 маторици. Лиценците сите ќе треба да добијат до крајот на 2013 година, а за немање на истата следува и казна од 3.000 евра до затворање на фармата.

Сител - Борче Пауновски - 18.09.2009

 

Back to Top
 Post Reply Post Reply Page  123 21>

Forum Jump Forum Permissions View Drop Down



This page was generated in 0.172 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.