Treska Residence - Центар

Руинираните објекти во фабрика „Треска“ тргнати, ќе надживеат дрвјата или зградите?









Не така одамна, граѓанската иницијатива „Во одбрана на Буњаковец“ во февруари 2020 година изброја околу 190 пораснати дрвја во кругот на фабриката „Треска“. Преку користење на сателитска снимка, уште пред речиси четири години тие докажаа дека идејата за зазеленување на локацијата и за изведба на парк не е далечна за овој дел од Центар.

„За да се добие парк кој ќе биде на располагање на сите граѓани и посетители на Скопје, доволно е: 1. Да не се исечат постоечките зрели дрвја; 2. Да се расчистат нефункционалните урнатини од некогашната фабрика; 3. Да се посади трева на расчистениот простор“, порачаа од иницијативата „Во одбрана на Буњаковец“ во 2020 година.

Од денешна перспектива, еден од условите за оформување на парк на местото на некогашната фабрика „Треска“ е исполнет, односно речиси во целост се расчистени некогашните индустриски објекти кои се наоѓаат на оваа локација. Сепак, двата други услова за оформување на парковско зеленило не се исполнети.

Од фотографиите што ги обезбеди Мета.мк може да се согледа дека дел од дрвјата кои беа избројани вкупно околу 190 на број во 2020 година се наоѓаат на локацијата, но и дека неколку од овие дрвја веќе се исечени изминатиов период. И покрај тоа што исчезнаа дел од неколкудецениските дрвја со широки крошни од оваа локација, Општина Центар и инвеститорот имаат можност да ги заштитат преостанатите дрвја во кругот на фабриката „Треска“ што се веќе изникнати.

Исто така, како никогаш претходно оваа локација не била толку блиску до оформување на парковско зеленило, бидејќи единственото нешто што треба да се направи во моментов е да се постави слој на земја и да се засади трева и вегетација за овој простор да се претвори во ретка, но нова зелена површина во центарот на Скопје.

Сепак, идеите на граѓанските активисти и на екологистите се чини дека не се совпаѓаат со намерите што ги имаат зацртано локалните власти. Иако летово се објави видео-снимка во дел од медиумите, со која се ветуваат ниски згради и зеленило на просторот на фабриката „Треска“, се поставува прашањето зошто постојното зеленило на оваа локација не се вклопи во најавениот урбан комплекс, туку најпрво ќе се издигнат станбени блокови, а потоа идниот простор ќе се уредува со зеленило.

Главната причина која може да доведе до целосно сечење на постојните дрвја во кругот на „Треска“ е Деталниот урбанистички план донесен во 2012 година за оваа локација. Наместо да се зачува постојното зеленило, овој ДУП предвидува изградба на нови згради. Дел од архитектонската јавност веќе реагираше дека не е променет актуелниот ДУП за да се овозможи препарцелација и задоволување на поголемиот дел од интересите на приватните инвеститори, но и оформување на простор со зеленило и површини од јавен интерес за овој значаен дел од центарот на градот.

Имено, Советот на општина Центар во 2020 година донесе заклучок за урбанистичко решавање на просторот на локацијата на „Треска“ со објава на конкурс, по што беше избрано победничко решение, но истото никогаш не беше вклопено во нов урбанистички план за делот на фабриката „Треска“.

Архитектонската фела реагираше дека предвиденото зеленило во актуелниот, непроменет ДУП од 2012 година се наоѓа на просторот каде што се лоцирани највредните објекти од комплексот „Треска“, кои се легализирани и приватизирани. Токму поради тоа, за општинските власти во иднина да оформат зеленило на оваа локација ќе треба претходно да ги обесштетат сопствениците на имотот и објектите. Наместо ова поскапа варијанта, процентот на зазеленување на целата локација би можел да се направи токму на оној дел од земјиштето каде се срушени руинираните објекти од „Треска“ и да се избегнат дополнителни, значително поголеми трошоци за оформување зеленило во иднина.

https://meta.mk/ruiniranite-objekti-vo-fabrika-treska-trgnati-kje-nadzhiveat-drvjata-ili-zgradite/

Каталог со станови

https://www.goldenart.mk/wp-content/uploads/2023/12/KATALOG-TRESKA-compress.pdf

https://megaakustik.mk/treska-residence/

Формата во брошурата е како П, на фотографијата личи на правоаголник. Или не е тоа истиот објект?

29.01.2024







https://www.goldenart.mk/dnevnikot-na-edna-zgrada-treska/

https://www.facebook.com/megaakustik.mk

Од вкупно предвидени 22 згради во градба се 2-означени со жолто

Со задоволство објавуваме дека е поставен и осветен камен темелникот на објектот Треска Т2, втор од Комплексот Треска кој ќе биде вистинска гордост на главниот град.





https://www.facebook.com/GoldenArtMKD

Се редат „наполитанкитe“ на просторот кај фабриката „Треска“, почна и продажбата на станови

Ништо од заложбите на активистите не се реализира, на просторот кај поранешната фабрика фирмата „Голден арт“ веќе интензивно гради зграда по зграда, а деновиве со видеоанимација за тоа како ќе изгледа новата населба, им понуди на граѓаните да си купуваат станови во овој комплекс.

На просторот кај поранешната фабрика „Треска“ сепак никнуваат згради „наполитанки“ на чија изградба со години се спротивставуваа граѓани, граѓански организации и архитекти, наведувајќи дека на овој централен простор бетонизацијата ќе го одземе и воздухот и провевот и дека е неопходно зеленило.



За тоа што и како ќе се гради кај „Треска“ се спроведе и јавен конкурс, чии најдобри решенија не само што не беа спроведени, туку воопшто не беа ни презентирани пред јавноста. Поранешниот градоначалник на Центар, Саша Богдановиќ, во чиј мандат се спроведе конкурсот, ветуваше дека нема да дозволи изградба на претходно зацртаните згради, дека ќе се прават усогласувања меѓу ДУП и ГУП.

Таму во претходен план од 2012 година, има вцртано нула проценти зеленило, сè се згради, кои јас ги викам „наполитанки“, кои се само бетон и ништо повеќе. Овој концепт што сега го размислуваме и кој очекуваме да произлезе во едно дефинитивно конкурсно решение, ќе даде нов облик на планирање, односно ќе даде можност да се задоволат потребите и параметрите што ќе произлезат од ГУП, но и да се вградат некои начела со кои ние се бориме – истакна тогаш Богдановиќ .

Сепак, ништо од заложбите на активистите не се реализира, а на просторот кај поранешната фабрика со месеци трае изградба на згради. Фирмата „Голден арт“ веќе интензивно гради зграда по зграда, а деновиве со видеоанимација за тоа како ќе изгледа новата населба им понуди на граѓаните да си купуваат станови во овој комплекс. Тоа предизвика бурни реакции по социјалните мрежи.

Зошто за фабрика „Треска“ имавме конкурс? Зошто фабрика „Треска“ не требаше да се решава според нелегален ДУП одобрен од Уставен суд и од Министерство за транспорт и со дозволи од актуелното раководство на Општина Центар? За да не го добиеме решението на „Голден арт“! За на конкурс да се добијат креативни решенија по кои ќе се прави нов план! Победи инвеститорскиот урбанизам и го упропасти просторот засекогаш. Уште се фалат со решението – посочија од „Шанса за Центар“.

Граѓанската иницијатива и нејзините советници во Советот на Општина Центар подолг период се спротивставуваа и се обидуваат да спречат кај „Треска“ да се изградат зградите зацртани во актуелниот ДУП. За овој ДУП Буњаковец 1 и 2 беше изработен и елаборат за суспензија од стручната служба на Општина Центар, токму поради неусогласеноста на планот со Генералниот урбанистички план, а беше распишан и конкурс за избор на идејно решение за локалитетот на фабриката „Треска“. Архитектката Даница Павловиќ Циги објавувајќи фотографија од изгледот на новиот комплекс, посочи дека тоа е токму она против што се бореле архитектите и граѓаните.

И скопјани не се воодушевени од зградите што никнуваат во строгиот центар. Велат дека зградите личат на кинески кварт или на населба од социјалистичкиот период, со еднолични згради со монолитна архитектура, кои не ги задоволуваат стандардите за урбано живеење. Според нив, нема доволно воздух, нема природна циркулација, нема зеленило, а според прикажаното, ќе нема ниту доволно паркинг-места за идните жители.

Уште минатото лето беше за првпат објавена визуализација на просторот, со објаснување дека на местото на „Треска“ ќе се изгради модерен комплекс со ниски станбени згради со квалитетна архитектура, која ќе остави впечатлив белег во околината, со уредено зеленило, модерна урбана опрема, меѓублоковски паркови и спортски игралишта. Кој и како ја подготвил оваа визуализација, никаде не беше соопштено, но од Општина Центар, на прашањето од „Слободен печат“ тогаш објаснија дека проектот и визуализацијата се презентирани од сопствениците на земјиштето што е во рамките на градежните парцели.

Во меѓувреме, се расчисти просторот кај „Треска“, се урнаа постојните стари објекти, а во септември фирмата „Голден арт“ почна да ја гради првата зграда на овој простор, за која Општина Центар издаде градежна дозвола.

https://www.slobodenpecat.mk/se-redat-napolitankite-na-prostorot-kaj-fabrikata-treska-pochna-i-prodazhbata-na-stanovi/