Возен парк (ЈСП - двокатни автобуси)

Има посебна тема за П+1 автобусиве -

http://www.build.mk/forum/forum_posts.asp?TID=477

Како изгледа кога се возите во двокатен а пред вас стои дотраен Санос - глетка која ќе биде почеста откако ќе стигнат 60-тината двокатни кои патуваат навака ...

СКОПСКИТЕ АВТОБУСИ АТРАКЦИЈА ВО ЖЕНГЖОУ

Кинески свадби во двокатните

Инспирирани од нашите парови, кои веќе го користат двокатниот автобус за свадбени фотосесии, и младенците во Кина посакале да се венчаат во новите скопски автобуси. Церемонијата се случила во дворот на фабриката "Јутонг"

Скопските двокатните автобуси станаа атракција за венчавки и во Кина. Инспирирани од нашите парови, кои од неодамна автобусот на два ката го користат за свадбени фотосесии, и Кинезите одлучиле да прават свадби во скопските автобуси.
Но не во двокатниот кој веќе вози низ Скопје туку во автобусите кои сè уште се во фабриката "Јутонг", во кинескиот град Женгжоу.
Се започна со свадбата на Верче и Никола Димитревски од Скопје, кои први ја заменија свадбената лимузина со автобус. Откако пред два месеци во Матично го кожаа судбоносното "да" овој пар одлучи своите роднини и пријатели да ги изненади со свадбена прошетка со двокатниот автобус.
"Се возевме само една станица, но беше многу интересно", ни изјави тогаш Никола.
Младенците се провозија само еден круг пред да продложат со семејната прослава, но нивната приказна се слушна дури до Кина.
Идејата веднаш ја ископираа кинеските младоженци.
Пред роднини и пријатели, како и пред голем број гледачи што се собрале да ја гледаат атрактивната групна свадба, дваесет и осум парови неодамна го кажале судбоносното "да" во еден од скопските двокатни автобуси.
По дадената заклетва, младоженците се качиле во автобусот, декориран со цвеќиња во разни бои, и се возеле во кругот на фабриката производител.
"Црвената боја е специјална боја која асоцира на среќа и задоволство. Кинезите ја обожаваат бојата, го сакаат бракот, раѓањето деца и свечености, па скопските двокатни автобуси им беа знак дека групната венчавка треба да ја направат во нив", изјавија од фабриката "Јутонг", организатор на венчавката.
Радоста за црвените автобусите била толку голема што овие парови одлучиле сами да го осмислат дизајнот на дворот во кој биле паркирани два од нашите двокатни.
Меѓу нив поставиле бина, на која требале да застанат во моментот на венчавката, а пред неа бил постелан црвен тепих.
На денот на венчавката, во 7,45 часот наутро, тие се собрале пред фабриката и ја започнале церемонијата, која на крај завршила со возење во двокатниот автобус.
И нивните застапници во Скопје се среќни за големата популарност на скопските двокатни автобуси со ретро дизајн.
"Кога видов колку воодушевено скопјани го прифатија новиот двокатен автобус, морав за тоа да го информирам и нивниот производител. Им испратив фотографии од свадбените фотосесии на младите парови во него и тие беа изненадени од креативноста и искористеноста на автобусот. Ветија дека ќе ни ја ископираат идејата и уште веднаш организирале групна венчавка во нив. Додека да ни ги испратат автобусите, најавија дека ќе организираат уште свадби, оти интересот кај нивните млади бил огромен", вели Живанчо Пановски, застапник на "Јутонг" во Скопје, нагласувајќи дека посебно им се допаѓа ретро дизајнот кој го имаат само автобусите кои се прават за Македонија.
Од пред пет месеци, по градските улици вози првиот двокатен автобус. Тој ги шокира скопјани со необичниот ретро изглед, па освен што има редици кој прв да се качи во него, тој од скоро важи и за најатрактивна локација за откачени фотосесии.
Двокатниот автобус се најде и во списокот на најубави места за свадбена фотографија во Македонија, која ја објави "Вест" пред еден месец.
Заедно со кањонот Матка, пештерата Шаркова Дупка во Маврово, мегалитската опсерваторија Кокино, Канео, Трпејца и Куќата на Робевци во Охрид, битолскиот Широк сокак и двокатниот автобус "15" во Скопје високо котира на листата на мекодонски автентични локации за свадби и фотосесии.
Сите 202 автобуса треба да бидат во Скопје до крајот на 2013 година.

68 двокатни патуваат кон Скопје

Двокатните автобуси од Кина тргнаа кон Скопје пред три недели. 68 автобуси, од кои еден со отворен покрив за туристичко разгледување, веќе патуваат со бродот "Гранде Сиера Леоне ФН 119" и според пресметките на производителот треба да пристигнат во Атина до средината на август. Согласно договорот за испорака на двокатните автобуси, производителот ангажира транспортна компанија од Грција, која во три фази ќе ги транспортира автобусите до границата со Република Македонија.
http://www.vest.com.mk/default.asp?ItemID=7E9BEE9FEA9AB441B8529954FF916F91

требаше да се земат неколку двокатни како сеќавање на некои стари времиња,но акцентот да се стави на нископодни единачни или зглобни,ако неможиме барем тролејбуси да обезбедиме.вака се премногу овие двокатниве.Би сакал иднината да ме демантира,но кога на сите ќе им помине меракот за возење на кат,никој нема да се качува горе

11 кинески автобуси стигнаа во Скопје

Скопје со новите автобуси веќе го доби изгледот на метропола со модерен возен сообраќај низ градот. Пристигнаа уште 11 двокатни автобуси. Во наредните денови бројката се повеќе ќе се зголемува.

Производителот Јутонг од Кина во континуитет секојдневно ќе ги испорачува во 6 фази 67-те автобуса, кои се очекува да пристигнат до 25 август. Еден од нив е со отворен покрив за туристичко разгледување.

Свечено ќе бидат пуштени во употреба на 8-ми септември. Според договорената зделка, целосната испорака на 202 автобуса треба да заврши до 2013 година. Целосно ќе се обнови возниот парк на ЈСП, со 15 отворени двокатни автобуси, 80 нископодни и 16 минибуси.

Автобусите патуваа со брод од пристаништето во Хонг Конг до Грција, од каде што 11 возачи ги испорачаа во Скопје. Возачите што ќе сообраќаат со овие автобуси од понеделник ќе почнат да посетуваат обука со теоретски и практичен дел, по препорака на производителите, ќе добијат сертификат за завршен курс, а потоа ќе бидат тестирани.

Иако Јутонг е најголемиот производител на автобуси во Азија и меѓу првите пет во светот, за прв пат направи двокатни автобуси со ретро дизајн.

Бонус



http://www.mtv.com.mk/mk/vesti/makedonija/22466/11_kineski_avtobusi_stignaa_vo_skopje.aspx

Па еве Скопје нека им нуди на кинезите Скопје Опен Бас Вединг Тур.
Ќе ни стигнат некои овде. ЛоЛ

ОД ЈСП ДО МАШИНСКИ ФАКУЛТЕТ - ПРВА РЕЛАЦИЈА НА ПАНОРАМСКИОТ АВТОБУС


Двокатниот кабриолет е резервиран за дама


Пред официјалното дефиле на 68 возила кинескиот кабриолет на два ката позираше пред објективот на фоторепортерот на ВЕЧЕР


Скопје го доби и првиот двокатен панорамски автобус. Тој пристигна во последната пратка од вкупно 67 обични даблдекери кои во редовна линија ќе почнат да возат од 6 септември.

Пред официјалното дефиле кинескиот кабриолет на два ката позираше пред објективот на фоторепортерот на ВЕЧЕР. За жал, немавме можност да ја извозиме турата панорамско разгледување на метрополата, што ќе биде негова релација, туку ја овековечивме неговата прва средба со скопските улици од гаражите во ЈСП до Машинскиот факултет, каде што треба да ја помине хомологацијата.

Како и обичниот двокатен автобус и панорамскиот не помина незабележан од случајните минувачи. Тој беше покриен со жолта церада која ќе се става само доколку времето е врнежливо, а во убавите денови патниците на вториот кат ќе можат комплетно да уживаат во глетката. Како што дознаваме, првиот двокатен панорамски автобус ќе го вози една од возачките на ЈСП, која заедно со уште неколку нејзини колешки и колеги во моментов има обука од стручњаци од Кина.

Од Министерството за тарнспорт и врски информираат дека привршуваат со административните процедури и регистрирање на автобусите и се надеваат дека официјалното примопредавање на оваа пратка на Град Скопје, а потоа и на ЈСП ќе се изврши до средината на следната недела. Двокатните автобуси ќе возат на линиите: 3, 3б, 4, 4а, 5, 7, 7б, 9, 15, 16, 17а, 19, 21, 21а, 22, 24, 35, 41, 50, 57, 59, 65в.

202 двокатни автобуси се произведуваат во кинеската фабрика Јутонг" со која Владата има договорена зделка од речиси 40 милиони евра, а кои ќе пристигаат на неколку пати. Истата фабрика ќе произведува и уште 15 панорамски двокатни автобуси кои ќе чинат 2,5 милиони евра, а ќе треба да пристигнат до јули идната година.

Во текот на идната недела треба да се комплетира и пратката од 32 нископодни автобуси од Украина од вкупно 80 единечни и 4 зглобни автобуси, во вредност од 11 милиони евра. За разлика од кинески Јутонг", која досега автобусите ги испорачува и пред истекување на крајниот рок, украински ЛАЗЗ доцни по дваесетина дена, па Министерството за транспорт и врски му пресметува казнени пенали од 0,1 отсто дневно од вкупната вредност на неиспорачаните автобуси.

http://www.vecer.com.mk/?ItemID=008CBD3078053E43A271FCF18C40B934

Originally posted by elMakedoner Вака, ја отворив темата за што ме интересира ова веќе подолго време. Во одредени весници ги пишува линиите на кој ќе возат двокатните но сегде не се исти. Дале ќе ми помогнете да ми кажете на кој линии ќе возат двокатните. Поздрав

Најпрвин добредојде на форумов колега ! Со оглед на тоа што ќе дојдат поголем број автобуси и досегашната пракса на ЈСП, нема фиксно да возат одредени автобуси на одредени линии, туку истите ќе ротираат. Според тоа каде возат, мислам дека на линиите 50 и 57 нема да сообраќаат, затоа што на овие линии возат под ГТЦ и се превисоки.

Сметај дека ќе ги заменат сите стари едноделни автобуси заедно со новите автобуси од ЛАЗ на сите градски линии, така што без исклучок ќе сообраќаат низ целиот град.

Скопје го доби првиот панорамски автобус
 
http://www.makedonija24.mk/?ContentId=6985&CatId=10

Во право си Бојан , за Матка треба да има дури и редовна линија исто така линија треба да се воведе и до Св.Наум во Охрид, со оглед на тоа дека ќе има 15 панорамски.