Возен парк (ЈСП - двокатни автобуси)

Ќе се поништи ли тендерот за двокатните автобуси?

Која од четирите компании кои учествуваа на тендерот за набавка на двоспратните автобуси е победник. Комисијата се уште ги разгледува понудите. Владата издвои повеќе од 50 милиони евра за компанијата која ќе ги произведе 302. автобуси.

Неофицијално во делот на цената води кинеската компанија, чии автобуси се за пет милиони евра поевтини, но по сите други карактеристики повеќе бодови има македонската поради што нејзината понуда се смета за најдобра.

Двете други заостануваат. За локален партнер на кинеската фирма се смета компанија блиска до поединци во владејачката коалиција. Кинезите биле толку сигурни во победата што веќе барале локации за чување и сервисирање на автобусите во Скопје.

И додека лобирањата кој да ја добие зделката добиваат на интензитет, во одбрана на домашното производство застануваат претставниците на Стопанската комора на Македонија. Велат дека генерално во време на криза на сите тендери предност треба да им се даде на домашните компании.

„Во услови кога предвидената од буџетот одредена сума за изградба за капитални инвестиции, во тендерските постапки да се даде предност на компаниите од земјата. Од друга страна се повеќе од загрижувачкиот факт од ефектите на глобалната економска криза е предноста која би ја добиле домашните компании во услови на добивање на тендерите“, изјави Јелисавета Георгиева, генерален секретар на Стопанска комора.

Ова е трет тендер за набавка на автобуси. Кој ќе биде победник одлучуваат квалитетот на автобусите, опремата, гаранцијата која ја нудат компаниите, сервисирањето, како и цената. Автобусите треба да имаат изглед сличен на они во старо Скопје. Неофицијално се дознава дека во Владата се размислува за поништување на тендерот откако дел од компаниите не доставиле банкарски гаранции. Од Министерството за транспорт не ги коментираат овие шпекулации.