build.mk Homepage
НАСЛОВНАВЕСТИ МАПАКОМПАНИИ БЛОГ ТАГОВИ ФОРУМ
Forum Home Forum Home > Главни теми > Урбани прашања > Јавен превоз
  Active Topics Active Topics
  FAQ FAQ  Forum Search   Register Register  Login Login

Возен парк (ЈСП - двокатни автобуси)

 Bookmark and Share
 Post Reply Post Reply Page  <1 2021222324 90>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #421 Posted: 04-Jun-2009 at 17:06

САНОС ТВРДИ ДЕКА ИМА НАЈПОВОЛНА ПОНУДА НА ТЕНДЕРОТ ЗА НАБАВКА НА 302 ДВОКАТНИ АВТОБУСИ

Странските понудувачи на тендерот за набавка на 302 двокатни автобуси не треба да се фаворизират на штета на домашниот производител на автобуси САНОС кој конкурира со најприфатлива понуда,   оцени денеска на прес-конференција сопственикот на  САНОС Славе Распашковски.

Според него, САНОС и стои на располагање на Владата најповолно и најквалитено да ги произведе бараните автобуси, да овозможи нивно одржување во периодот на експлоатација и да отвори  300 нови работни места.

- Нашата понуда е најповолна и практично најниска бидејќи за само 662 евра по автобус повеќе во однос на кинескиот понудувач, САНОС нуди мотор Еуро 5 и друга опрема чија вредност е над 10.000 евра,  рече на денешната прес-конференција Распашковски.

Тој тврди дека од почнувањето на постапката за набавка на новите автобуси во изминатата година  не е излезено во пресрет на ниту едно барање на САНОС за техничко прилагодување на бараниот тип автобус. Наспроти тоа, рече Распашковски,  имаше низа исполнувања на барањата на кинеските понудувачи.

Според Распашковски, со правилата на тендерот не се зема предвид фактот дека светската економска киза  ја чувствуваат и домашните производители и банки и оти ќе биде многу тешко да се издаде бараната банкарска гаранција. Тоа, укажа Распашковски, практично значи изложеност на износ од над 20 милиони евра, а една третина од тој износ останува блокиран капитал скоро три години. 

Покрај САНОС на тендерот за набавка на 302 новопроизведени двокатни автобуси од кои 300 од затворен тип и два од отворен тип за градскиот сообраќај, се пријавија и кинеската „групација Џенгџоу Јутонг“, бугарската „Кинг Лонг ООД“ и „Пре-ос ДОО“ од Словачка.

Министерството за транспорт и врски на 20 јануари најави дека комисија за спроведување на јавната набавка ќе изврши преглед на комплетноста и валидноста на доставената документација, како и евалуација на пристигнатите понуди, по што ќе одбере најповолен понудувач.

http://sitel.com.mk/?ItemID=CC0BBE746B869D4597CBE1F32A482F55
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422 		  Quote гитардемон Quote  Post ReplyReply #422 Posted: 04-Jun-2009 at 19:20
Стара е оваа вест. За поминатиот тендер е ова. Не спаѓа тука турската. Се знае дека турската ќе го земе, и над маса ќе даде пари, ама и под маса.
Arguing on the internet is like running at the special olympics. Even if you win, you're still retarded.
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859 		  Quote zabegan Quote  Post ReplyReply #423 Posted: 06-Jun-2009 at 11:50
негокаш си помислувам дека работава со двокатните автобуси ја измислија за воопшто да не добиеме автобуси
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422 		  Quote гитардемон Quote  Post ReplyReply #424 Posted: 18-Jun-2009 at 13:16
 

Скопјани ќе се возат во 300 кинески автобуси


 Коментари (1)   
18.06.2009 13:52
 

 

Кинеската компанија Zhengzhou Yutong Group co ltd (Џенгџоу Јутонг Групација) е избрана за најповолен понудувач за набавување на 302 автобуси.

Ова, како што пренесува Макфакс, денеска го соопшти Министерството за транспорт и врски.

Кинезите понудиле основна цена за 302 автобуси во износ од 51.000.000 евра и соодветни технички карактеристики, меѓу кои и мотор Cunnungs EURO 5, вкупен број на седишта за 60 патници, автоматска рампа и генерална гаранција за 36 месеци.

Јавната набавка се однесува на 302 новопроизведени двокатни автобуси, од кои 300 од затворен тип и два од отворен тип за градски сообраќај, кои ќе бидат испорачувани во периодот од следните три години, по склучување на договорот за јавната набавка.

Останатите компании што учествуваа на тендерот имаат рок од осум дена да го обжалат решението.

Групацијата Zhengzhou Yutong Group co ltd е основана во 1963 година и има производствен капацитет од 120 автобуси дневно, а претставува најголема и технички најнапредна база за производство на големи и средни автобуси во светот чиј обем на продажба е рангиран на второто место зад „Мерцедес Бенс“.


http://a1.com.mk/vesti/default.aspx?VestID=110197



Edited by гитардемон - 18-Jun-2009 at 13:17
Arguing on the internet is like running at the special olympics. Even if you win, you're still retarded.
Back to Top
ел_ченто View Drop Down
Newbiе
Newbiе
Avatar

Joined: 17-Jun-2009
Online Status: Offline
Posts: 0 		  Quote ел_ченто Quote  Post ReplyReply #425 Posted: 18-Jun-2009 at 15:09
ЈСП има 29 градски линии наспроти 38 приградски. Инфраструктурата ниту во градот не е на некое завидно ниво, а да не ја коментирам во околните села. А самата назнака made in china ме асоцира на сомнителен квалитет. Навистина не знам која е таа потреба од 300 двокатни автобуси. Чувствувам дека ќе има сериозни проблеми откако ќе се стават во функција.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422 		  Quote гитардемон Quote  Post ReplyReply #426 Posted: 18-Jun-2009 at 15:31
Добро тоа со Кинезите ни е предрасуда од евтините играчки и копиите на секоја можна кола (само со таа разлика што кинеските се кршат од судар со картонска кутија). Меѓутоа факт дека го купија хамерот Кинезите, Кина бележи преголем развој во последниве години, а плус и фирмава е втора во светот по испорака на автобуси по мерцедес (не дека е мерило тоа можеби во Камбоџа испорачуваат, ама пак), па можеби и не се лоши, туку баш напротив многу добри. Не дека го бранам изборот, меѓутоа никој не гарантира дека ако е од Словачка ќе биде подобра, уште помалку пак од Македонија. Проблемот беше, и уште останува, лудата идеја за двата ката. Ај што се двокатни, морале да бидат и „старовремски“, затоа и пропаднаа двата претходни тендери бидејќи не чинел изгледот (или не се согласија за парите под маса, едно од двете). Морам да кажам како јас го замислувам цел тој настан: Владата вика „сакаме антички автобуси!“, и потоа се јавуваат во мерцедес и Германците им викаат, „ама господине, немало автобуси во античко време!“ И владата, „епа дајте што имате најстаро на изглед!“. Не е проблемот што се кинески, проблемот е што нема постојки, нема улици, нема салам шофери, а нема ни салам патници, и јапонски да е ќе се распадни.


Edited by гитардемон - 18-Jun-2009 at 15:32
Arguing on the internet is like running at the special olympics. Even if you win, you're still retarded.
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859 		  Quote zabegan Quote  Post ReplyReply #427 Posted: 18-Jun-2009 at 15:39
не е толкав проблем производителот, колку што е проблем ретардираната идеја за двокатни автобуси
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #428 Posted: 18-Jun-2009 at 17:29
Ех, го истераа до крај овој идиотизам  Wallbash

Не знам веќе колку можеме да се надеваме на нови пресврти...

Сега останува уште да видиме каков „ретро дизајн“ испроектирале кинезите. И да ги чекаме да пристигнат двокатниве, со сите проблеми и главоболки што ќе ги донесат со себе... главоболки кои ќе не чинат дваесетина милиони долари повеќе отколку да беа купени нормални автобуси и плус уште многу инвестиции да го прилагодуваме градов кон овие двокатни срања.

П.С.
Едвај чекам да се повозам во двокатен автобус до Раштак, Бањане или некое друго село погоре на Скопска Црна Гораво. Ќе биде тоа уникатно доживување на светско ниво.




Edited by Cloverstack - 18-Jun-2009 at 17:31
Back to Top
ArchiTechTone View Drop Down
Senior Member
Senior Member
Avatar

Joined: 19-Jan-2009
Online Status: Offline
Posts: 280 		  Quote ArchiTechTone Quote  Post ReplyReply #429 Posted: 18-Jun-2009 at 18:07
Нема шанси да ги пуштаат по периферија, ќе бидат строго за дефиле низ центарските линии, пошо ипак за старо скопје станува збор. Башка стварно не знам како двокатен автобус ќе се матка по тоа тесниот пат накај раштак, какви кривини има.... Таму на 2 сантима снег ги укинуваат автобусите, со двокатниве може цела зима да не видат автобус....

К*р ги боли тие шо се под*баваат со автобусиве, они и онака нема никад да се возат. Ај може народов конечно ќе се свести...
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422 		  Quote гитардемон Quote  Post ReplyReply #430 Posted: 18-Jun-2009 at 18:33
„Историскиот центар на Скопје, со дозволен сообраќај само за градски автобуси, за да се заштитат скулптурите и старите градби од киселоста на издувните гасови.“

Да ви кажам право мило ми е што ќе останат крнтиите на приватните, барем да има човек со што да се вози, а да не се осеќа ко морон (колку е тоа иронично).

А за автобусите, истото важи и за црквите и за сè друго што смислиле. Навистина се само за сликање, на дента на сечењето на лентата, и тоа е. Сепак, во весник е пофаца да се слика со црвени стари автобуси, отколку со нови модерни. Во NY Times сите виделе некој да купи цитаро хармоника автобуси па ги прескокнуваат тие вести, ама кај виделе ваков генијален изум, кинески двокатни со британски шмек во посткомунистичка држава во транзиција? Сака да стане headline човекот (ако е негова идејата).


Edited by гитардемон - 18-Jun-2009 at 18:37
Arguing on the internet is like running at the special olympics. Even if you win, you're still retarded.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #431 Posted: 18-Jun-2009 at 18:53
@ ArchiTechTone

300 автобуси се премногу за да „ги собере“ само на градските линии. Еве податоци за бројот на возила со кои располага ЈСП превземени од нивниот сајт. Вкупно 357 градски автобуси. Тука спаѓаат и релативно новите Саноси со МАН мотори кои ги има во голем број, а кои имаат уште многу години работен век пред нив. Ќе си земам за слобода да претпоставам дека од останатите, добар дел се канти кои фигурираат само на хартија. Впрочем овие податоци го потврдуваат тоа:
* Просечна старост на возилата 17,78 години
* Вкупно дневно пуштени во сообраќај возила 250


Дури и на подолг период да се откажевме од трамвајот (што би било катастрофална одлука во однос на јавниот превоз), дури и да се имаше воља и обмислена програма како да се зголеми бројот на патниците на ЈСП, пак не ми е јасно како би успеале да „набутаат“ 300 двокатни автобуси исклучиво на градските линии. Се плашам дека или добар дел ќе скапуваат на паркинзи, или ЈСП ќе се претвори во хипертрофирано јавно претпријатие чиј капацитет значително ќе го надминува интересот за неговите услуги, па ќе нижи огромни загуби кои на крај ќе се покриваат со неразумно големи субвенции.

Од кој аспект и да погледнам на проектов двокатни автобуси, секогаш гледам целосно фијаско...



Возила

Видови на автобуси

Број на возила

       - Единечни

256

       - Двојни

101

       - Минибуси

14

          Вкупен број на линиски автобуси

371

       - Туристички автобуси

6

          Вкупно:

377



http://www.jsp.com.mk/kapaciteti.php?idJazik=1


Edited by Cloverstack - 18-Jun-2009 at 20:31
Back to Top
46&2 View Drop Down
Senior Member
Senior Member
Avatar

Joined: 04-Jan-2008
Location: Куманово
Online Status: Offline
Posts: 347 		  Quote 46&2 Quote  Post ReplyReply #432 Posted: 18-Jun-2009 at 19:45
Следно нешто нека купат државни кинески коли без ниедна ѕвезда на НКАП тестот и нека се возат нашите државни службеници, па ќе менуваме претседател и премиер на 1 година . Немам зборови за ваква глупост. Дај побрзо нека ги демолираат и нека ги има во темата Вандализми и примитивизми ...Трагедија
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954 		  Quote Andrej_LJ Quote  Post ReplyReply #433 Posted: 18-Jun-2009 at 21:27
... По темава е коментирано повеќе од доволно, а и лично сметам дека глупости ала Црква на Плоштад, Уставен Суд и автобусиве, се под нивото за коментар. СТАНА ТОА, ШТО НА СИТЕ НИ БЕШЕ ЈАСНО ДЕКА ЌЕ СТАНЕ, НО СЕ НАДЕВАВМЕ ДЕКА ЌЕ СЕ ИЗЈАЛОВИ! НЕЈСЕ, ГО ПРОТУРКАА. Факти:
-Кинеските автобуси имаат страшно ниска цена. 50 милиони делено на 300 автобуси, дава 166 000 евра на автобус. Цената е смешна во однос на европските двојни. Како за споредба можам да кажам од прва рака (сум зборел со шоферите македонци, во ЛПП Љубљана). Мерцедес Конекто зглобен со ЕУРО5 чини 330 000 евра, а новите хибридни, кои се белгијско производство чинат ненормални 440 000 евра. Значи ние добиваме  3 пати поефтини автобуси од врвните европски производители. Но, тоа сепак немора да значи и 3 пати послаб квалитет.
-Дизајнот и надворешниот старовтремски лик, најмногу ме плашат. Еве пример на двокатен, градски автобус од истата кинеска компанија, кој изгледа  барем надворешно како врвно возило:



-Мислам дека  НЕКАКО (да не збориме што тие издатоци се сосема непотребни и  вештачки, нус-продукт на  лудничавата желба да се протурка овој ништо-полезен проект) може да се приспособат на Скопје (семафори, дрвореди, обука, сервис...). Еве пример од Пловдив и Варна, каде што двокатните автобуси на некои линии возат доста долго време:
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422 		  Quote гитардемон Quote  Post ReplyReply #434 Posted: 18-Jun-2009 at 21:39
Не знам дали го имавме постирано сајтот, ама видете во вестите, не се баш за жалење. Испорачуваат автобуси на многу места.

www.yutong.com
Arguing on the internet is like running at the special olympics. Even if you win, you're still retarded.
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141 		  Quote pbanks Quote  Post ReplyReply #435 Posted: 22-Jun-2009 at 10:06

Кој ќе заработи од двокатните автобуси

Ден Дончев тврди дека автобусите чинат 28, а не 51 млн. евра

Деспина Трајковска

Скопски бизнисмен зад кого стојат низа афери и е близок на владејачката фамилија ќе ќари 23 милиони евра од тендерот за набавка на 302 двокатни автобуса, обвини вчера Ден Дончев, потпретседател на партијата Обединети за Македонија.

Според него, одлуката на Владата, односно на Министерството за транспорт и врски 302 двокатни автобуса да се набават од кинеската компанија „Џенгџоу јутонг групација“ била класичен пример на корупциски мегаскандал, за кој, најави Дончев, од партијата ќе побараат поведување кривична одговорност од одредени лица.

Дончев вчера не сакаше јавно да го посочи бизнисменот вмешан во зделката ниту, пак, да ја презентира наводната документација со која се потврдува оти максималната цена на 302 автобуса произведени во Кина според спецификациите побарани во тендерот изнесува 28 милиони евра, а на тендерот избраната кинеска компанија побара 51 милион евра, и тоа без царина и ДДВ. Неофицијално, уште од почетокот на проектот во јавноста се шпекулира дека во зделката е вмешан Орце Камчев.

„Ова е наш првичен апел и обид за евентуално поништување на тендерот. Нема да дозволиме грабеж на сметка на осиромашениот македонски народ. Доколку надлежните останат неми на нашите апелирања, ќе ги опоменеме со доставување на документацијата што ја поседуваме и со која се потврдува скандалот“, порача вчера Дончев. За него истовремено во случајов е симптоматично, како што истакна, тоа што тендерот за автобусите веќе еднаш беше поништен на кој, исто како и на последниот тендер, македонскиот производител „Санос“ имаше најповолна понуда.

Сомнителна, посочи Дончев, е и намерата за побараната севкупна банкарска гаранција од 15-ина милиони евра во тендерската документација. „Ваква сума речиси е невозможно да се издаде преку македонскиот банкарски систем. Дали овој критериум требало да го спречи ‘Санос‘ да ги исполни условите на тендерот? Очигледно е дека оваа Влада, наместо да ја поддржи македонската компанија, направи се' што е можно да го елиминира ‘Санос‘ од тендерот“, истакна Дончев.

На обвинувањата од Обединети за Македонија вчера експресно реагираа од Министерството за транспорт, посочувајќи дека обвинувањата се невистинити. „Од четирите компании што доставија тендерска документација, само една компанија достави банкарска гаранција, што претставува законски услов за учество на тендерот. Оттука нема никаква правна, ниту бизнис-логика за каква било провизија“, рекоа во писмената изјава од Транспорт, повикувајќи го Дончев доколку навистина има одредени сознанија и располага со некакви докази за наводен скандал, да ги достави до Јавното обвинителство.


http://www.utrinski.com.mk/?ItemID=A12E5E5608BAE549A30DEEC5159D4ADD
Back to Top
Dave Gahan View Drop Down
Senior Member
Senior Member
Avatar

Joined: 27-Oct-2008
Location: 42°0′N,21°26′E
Online Status: Offline
Posts: 986 		  Quote Dave Gahan Quote  Post ReplyReply #436 Posted: 26-Jun-2009 at 11:25
2 прашања, ако сте позапознаени:

1. Дали лепотаните на „Слобода-превоз“ или подобро познати како „приватњаците“(кој идиотизам од збор) уште ќе го оплеменуваат нашиот најубав град?
2. Кој е конечниот дизајн на автобусите што ќе ги донесат? Гледам погоре во темава нешто „ретро-дизајн“, па почна да ме фаќа вртоглавица...на сајтот на фирмата има по некоја слика, ама дали се работи за нашите идни автобуси или има специјален пакет за нас, да не речам антички!?

Малку офф-топик (може и не баш)...вчера влегов во градски превоз после некое време и морам да кажам дека некои искуства не се менуваат. Шоферот на сите ни покажа колку се во форма старудииве и го цепаше на Партизанска како луд, за среќа не прегази полн пешачки кај Буњаковец (значи и добри кочници имаат)....и на забелешките од патниците дека „не вози компири“, заедно со колегата, со кој цел пат си праеа муабет, изреагираа како хиени, па можеше некој и модар дома да си оди....
Значи уште 300 нови двокатни автобуси и 300 неоткриени Ф1 таленти ќе гледаме по улициве....може и тоа да биде дополнителна досега неоткриена туристичка атракција...
MAKE CAPITALISM HISTORY
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141 		  Quote pbanks Quote  Post ReplyReply #437 Posted: 26-Jun-2009 at 12:12
Originally posted by Dave Gahan


2. Кој е конечниот дизајн на автобусите што ќе ги донесат? Гледам погоре во темава нешто „ретро-дизајн“, па почна да ме фаќа вртоглавица...на сајтот на фирмата има по некоја слика, ама дали се работи за нашите идни автобуси или има специјален пакет за нас, да не речам антички!?


Пакетот е специјален и антички. Веројатно оној на сликата 2 поста поназад.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #438 Posted: 26-Jun-2009 at 12:30
1. Најверојатно ќе продолжат со оплеменување. Години наназад слушам дека само што не почнале да набавуваат нови автобуси и пак си тераат со старите лепотани. Не дај боже да се најдеш во близина на ауспухот на некој од нив...
Главната вина сепак ја гледам во институциите кои можат многу лесно да го решат проблемот со старото железо што се тркала по нашите улици. Не мора дури ни регулатива да носат, само да се осигураат техничките прегледи за овие возила да не се обична фарса.
Мада при моменталнава констелација не би исклучил конечно ваков развој на настаните, ама единствено доколку решат да ги притиснат да набават двокатни Crazy

2. Визуелно уште нема ништо сигурно, но дефинитивно се инсистираше на ретро-дизајн. Претходниот тендер наводно пропадна меѓудругото поради недоволно изразен ретро изглед во понудите и баш би ме изненадило доколку нешто во меѓувреме се сменило. Не дека им поверував дека навистина затоа пропаднал тендерот, ама сепак не очекувам дека се повлекле од тој дебилен услов. Тој им е сржта на целата малоумна филозофија и на сите приказни што ги продаваа до сега. Плус тоа знаеме колку тешко се откажуваат од будалаштините. Колку е побудалска работата, толку пофанатично работат на нејзе. Така да мислам џабе е да се надеваме дека ќе го избегнеме макар ретро филмот.


Edited by Cloverstack - 26-Jun-2009 at 13:02
Back to Top
Dave Gahan View Drop Down
Senior Member
Senior Member
Avatar

Joined: 27-Oct-2008
Location: 42°0′N,21°26′E
Online Status: Offline
Posts: 986 		  Quote Dave Gahan Quote  Post ReplyReply #439 Posted: 26-Jun-2009 at 13:01
Кое фајде ако има 300 нови (какви и да се, антички) и уште толку канти!?
MAKE CAPITALISM HISTORY
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #440 Posted: 30-Jun-2009 at 11:08

Две жалби на тендерот за автобусите

Македонската компанија „Санос“ и бугарската „Кинг лонг“ доставиле жалби на тендерот за набавка на 302 двокатни автобуса. На тендерот Министерството за транспорт и врски ја избра кинеската компанија „Џенгџоу јутонг групацијата“ која за набавка на автобусите побара 51 милион евра, без царина и ДДВ. Од Министерството вчера речиси и не одговорија на прашањето кој и со кое образложение се пожалил на тендерот и дали има рок за конечно решавање по жалбите.

„Во согласност со информациите кои ги има Министерството за транспорт и врски, до Државната комисија за жалби по јавни набавки се пристигнати две жалби, за кои е во тек процесот на одлучување“, штуро одговорија надлежните.

За „Утрински весник“ и од двете компании вчера накусо потврдија дека поднеле забелешки по конечната одлука на тендерот и посочија оти, според нивни сознанија, надлежната Комисија нема ограничен термин до кога треба да се изјасни по доставените жалби. Инаку, од турската компанија „Ѓиларус кобра“, веднаш по изборот на најповолниот понудувач на тендерот, рекоа дека нема да се жалат. За нив одлуката била конечна, а тендерот бил спроведен во транспарентна постапка. Тој се одржа трет пат и понуди доставија четири компании. (Дс.Т.)



http://www.utrinski.com.mk/?ItemID=03E398AC996E2D449C999450CBED8C7E
Back to Top
 Post Reply Post Reply Page  <1 2021222324 90>

Forum Jump Forum Permissions View Drop Down



This page was generated in 0.281 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.