Возен парк (ЈСП - двокатни автобуси)

Originally posted by lslcrew Ова со автобусиве како дете кога ќе запне: САКАМ ..........., и на крај добива шамар!!!

Па поентата ми беше дека за тие што стојат во гужвата изборот ќе биде или сардина доле, или малце повеќе место на скалите или горе......верувам одговорот ти е познат. 

Хмм... можеби си во право може ова беше лондонски филм... нели и они се малку оптеретени со таа традиција иако кај нив и камерите станаа прилично традиционални

Истажував малку по интернет и се потврди фактот дека на горната платформа на двоспратните автобуси не е дозволено стоење (претпоставувам ради проблемот што го имаат со стабилноста).
Ова директно се одразува и на нивниот капацитет. Артикулираните автобуси кои го немаат ова ограничување, а плус имаат континуирана платформа, имаат нормален капацитет (без тискање ко сардини) од над 140 патници. Двоспратниве имале до 90.
И тоа ова е оптимистички податок, зашто горната платформа кај нас ќе се користи во многу помал обем, од причините кои ги спомна пбанкс, а има и дополнителни причини зошто луѓето би ја избегнувале... Значи во суштина во Скопје двоспратните автобуси нема да донесат ниту една единствена предност, а ќе ги донесат сите свои недостатоци.

Кога веќе го спомнав проблемот со стабилноста, морам да кажам дека од пребарувањето што го направив по интернет, навистина се изненадив до која мерка било изразено тоа. 3-4 идиоти на горната платформа би можеле да превртат таков автобус во кривина! Па дури и да не земаме такви екстремни сценарија (иако со ншето ниво на едуцираност и култура се можни)... Останува можноста една единствена будала да ти го лула цел автобус чисто за „забава“.
Тука дополнително треба да се земе во предвид и квалитетот на нашите улици каде цели ендеци и бранови во асфалтот се нормална појава, што воопшто не оди во прилог на изразената нестабилност на двоспратните автобуси.

Понатаму, артикулираните автобуси се карактеризираат со поголема брзина на движење и поголема брзина на влегување и излегување на патници (повеќе и поголеми врати), што резултира со осетлива поголема брзина во оперирањето (поголема комерцијална брзина).

Континуираната платформа на артикулираните автобуси е предност и сама по себе, а не само во однос на капацитетот.

И конечно уште една компликација на која наидов додека пребарував (а која до сега ни промакна во дискусијава) е напојувањето за идниот трамвај... Напојувањето во Скопје ќе биде со висечки кабли, а двоспратни автобуси би значеле дека каблите ќе треба да бидат поставени повисоко. То ќе резултира со поскапа а понефункционална изведба на напојувањето за трамвајот.


Значи кажано во кратки црти, двоспратните во однос на артикулираните имаат бројни недостатоци кои се однесуваат на:

- капацитетот
- функционалноста
- безбедноста
- бараат опсежно прилагодување на инфраструктурата кон нивниот габарит
- бараат дополнителна обука на возачи
- други „помали“ компликации

Ама постои вистинска опасност дека сепак ќе ги воведеме масовно...  Без никаква потреба, само поради нечии каприц... 


Ме копка и нешто друго. Боцевски ете ги опишал компликациите како технички проблеми кои можеле лесно да се решат. Уште бил и категоричен (можам да го замислам ). Само што Боцевски ете не кажал кој ќе биде надлежен за „лесното“ решавање на тие технички проблеми... Дали „великодушната“ влада на пример ја превзема одговорноста да ја прилагоди инфраструктурата во градов за двоспратните автобуси???




Edited by Cloverstack - 21-Aug-2008 at 14:11

Originally posted by lslcrew Некако се успаничивме за автобусиве. Автобусите ако се покажат како неуспешни, а ќе се покажат, тогаш ќе ги бапнат на некој паркинг (пошто у гаража не ги собира) и така ќе си седат, или па ќе ги шитнат некаде за ефтина пара. Ова не е случај како со црквата кајшто ефектот е долгогодишен. За автобусиве немора до толку да се паничиме.

Богами, работата е дефинитивно за паничење.
Немаме ние пари за вакви скапи експерименти (кои секако се знае дека лошо ќе завршат), за после тоа да заклучиме дека било утка, па да ги паркираме автобусите да скапуваат или да ги продадеме за ефтини пари како што викаш. А во меѓувреме сме морале да ја прилагодиме цела инфраструктура и сепак сме имале понефункционален градски превоз... И после толку потрошено време и пари да се вратиме на денешнава ситуација...

Тоа споредување со црквата е само потсетување дека има и од лошо полошо, а никако не ги ублажува последиците што би ги чуствувале од двоспратните автобуси.

Originally posted by lslcrew Џабе ќе отидат финансии, ама школа се плаќа, а верувам дека школата ќе вроди со ефект кај надлежните.

Со преголема леснотија го кажуваш ова, како да е ситна работа.

Џабе ќе отидат и финансии и време, а школата нема да вроди со ефект (мада за оваа работа не гледам зошто воопшто треба школа, кога однапред се е кристално јасно). А последиците нема да завршат кога евентуално би се укинале двоспратните автобуси, туку ќе бидат пошироки и подалекусежни.

И кај кои надлежни очекуваш дека ќе вроди со плод таа школа??? Владата пред се не е надлежна за ова, ама кога веќе реши да си го бутне носот, колку години ќе ја чекаме за да изучи нешто што во суштина е основна школа???
Дур некој сељаци со „оргинални“ идеи ги изучат сите школи што им недостасуваат, за многу работи ќе ни биде касно. Со вакво однесување, на добар пат сме во не така далечна иднина да ни припадне титулата најзаостаната држава во Европа.

Туку ај забегав, поентата ми беше дека не е работата во некаква си школа, туку во неодговорност, ароганција, инает, горделивост и нарцизоидност на неколку луѓе, кои очигледно мислат дека се генијалци, а у суштина се обични дебили што тотално се преценуваат себе си.
Изгледа дека тоа е само мала неформална група, која ги измисли сите „брилијантни“ идеи што во последно време не снајдоа: двоспратни автобуси, 500 метарски облакодери, куполи насекаде, 80 тонски лавови на мостот Гоце Делчев, новиот мост до „Камени“, градба на неокласични објекти во 21 век, црква пред Лумикс...
Визиите и желбите очигледно им се на ниво на мало дете... Па дајте им нека си играат SimCity побогу, поголема одговорност од тоа навистина не смее да им биде доверена...


Edited by Cloverstack - 21-Aug-2008 at 18:50

Постирав неколку видео клипа што се однесуваат на специфичните безбедносни аспекти на овие автобуси, го имаше и овој конкретен случај. Доволна е една возачка грешка и можен е вистински масакар... А со оглед на тоа во каква очајна состојба е сообраќајната сигнализација кај нас, веројатноста за грешка расне...

Originally posted by Vladimir P Како што рече во подолните постови од интернет

Да, но го најде како како наведен податок, или во тој опсег се движеа оние модели за кои поединечно успеа да најдеш податоци?
Можеби грешам, но некои модели ми изгледаат повисоки од 4,5m. Нормално ова чисто од око, така да не го кажувам како факт, туку чисто како забелешка...
Во секој случај, дури и неколку сантиметри над стандардните 4m ги комплицираат работите, а камо ли пола метар.



Edited by Cloverstack - 21-Aug-2008 at 20:33

А знаат да коштаат од USD 10,000.00 до ~400,000.00 во зависност од производителот и опремата

Сигурно мислеше 100000, а не 10000 

Ако има нови двоспратни автобуси за 10000, тогаш ги повлекувам сите забелешки, одма нека ја заменат цела флота на ЈСП со двоспратни...

Никој не бара средба за двокатните автобуси Никој не бара средба на која би се донела конечната одлука за тоа какви нови автобуси ќе добие Скопје, иако беше најавено дека таа ќе се одржи до крајот на неделава, по несогласувањата што се појавија меѓу ЈСП, градот и Владата дали да се купат нископодни или двокатни возила. Јавното сообраќајно претпријатие и градската управа не можат да се спогодат кој треба да ја договори средбата со владините претставници, кои ќе ја финансираат набавката. Од Владата, пак, не можеа ништо да одговорат поради презафатеност. Александар Бошковиќ, в.д. директорот на ЈСП „Скопје“, објасни дека средбата треба да ја организираат градот и Владата, затоа што претпријатието е само извршител и нема таква надлежност. - Ако средбата се одржи до крајот на неделава и на неа се реши какви автобуси ќе се набават, веќе в понеделник ќе може да се објави тендерот - додаде тој. Од градската управа велат дека во нивните изјави никогаш не била најавена средбата меѓу ЈСП „Скопје“, градот и Владата и дека тој што ја најавувал средбата на која ќе се одлучува за набавката на автобусите треба и да ја закаже. Со средбата се очекува да завршат превирањата за обновата на возниот парк на ЈСП, откако по желба на Владата беше распишана јавна набавка на 52 двокатни автобуса, но потоа беше сменет директорот на ЈСП, а новиот го поништи тој тендер. Според в.д. директорот Бошковиќ, Владата ќе го има последниот збор за набавката, бидејќи од државниот буџет одвојува 4,4 милиони евра за неа, а на најавената но сè уште незакажана средба тие ќе се обиделе да ги убедат централните власти да се купат мал број двокатни и поголем број нископодни автобуси. Сообраќајни експерти предупредија дека т.н. „даблдекери“ се несоодветни за Скопје, затоа што улиците не се рамни, семафорите и подвозниците се ниски, како и бидејќи за нив треба дополнителна обука. Но Владата сè уште настојува да се донесат двокатните возила, а за проблемите вели дека се технички прашања, кои брзо ќе се решат.

http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=165&ArticleID=5980

Има две логични објаснувања за однесувањето на владата:

- Во суштина не сакаат да ги дадат парите кога градоначалникот не е „нивни“, па сега измислуваат проблеми за да не се заврши работата во овој мандат. Демек ете они великодушните сакаат да помогнат, ама Трифун недомаќинот се инаети - ем сака пари, ем сака да е по негово...

- Владата вистински решила да не вози во двоспратни автобуси (иако тоа не е нејзина надлежност), што би значело дека во државава одлуките се носат од страна на инаетливи малоумни бараби, за кој било какви аргументи немаат никакво значење...


Втората опција е застрашувачка (но се повеќе реална со оглед нма тоа какви други „идеи“ турка таа иста влада и цврсто стои зад нив).
Трета опција не ми текнува