Возен парк (ЈСП - двокатни автобуси)

Некако двокатниве излегоа подобри од украинските.... Денес помина на партизанска... топ е!

 Денес се возев, автобусот е фантастичен. Како да седев кај мене дома во дневна со пуштено радио и се релаксирам. Немам некои замерки во однос на автобусот. Се е во рамките на дозволеното.

Но еве да нагласам некои мали нерегуларности кои ги забележав на денешното возење.

1. Дисплеите сеуште не работат. Мене не ми прави проблем, но мислам дека кога веќе ги има треба да проработат. Сепак има едно помало дисплејче кое покажува STOPPING кога автобусот застанува.
2. Купувањето на билет е малку отежнато. Има возач и човек кој ги продава картите, бидејќи автобусот е во движење и возачот не може во исто време и да продава билети и да го вози. Така да најавениот Смарт Кард систем би бил од голема корист. Незнам, ќе видиме.
3. Имаше еден човек (беше со две деца) кој беше сељак, добро ај да не навредувам, да речам дека не беше упатен и чекаше автобусот да застане на станица па да се симне, ама возачот ги затвори вратите и веќе беше на тргање, па овој викаше. Му отвори, ама мислам дека не заслужуваше. Мислам дека терба да се направи една мини кампања како треба да се користат автобусите, на пример со лепење на налепници или друг вид информирање.

Други нерегуларности на првото возење не забележав.

Морам да пофалам дека имаше пријатна музика, пријатен амбиент, комфор и пријатен ентериер. Се гледа камерата, се гледаат јасно дисплеите иако сеуште не работат, освен тој што го спомнав погоре и кој е на англиски (што мене не ми е проблем). Има одлично греење, најверојатно и клима, бидејќи имаше онакви издувни мини вентили, вентилатори како и да се викаат, како во патничките автобуси. Многу комфорни седишта. Одлична завршна обработка. И секако прекрасен поглед.

Исто така верувам дека и безбедноста е голема. Имаше и чеканчиња за кршење на стакло, ППА, а со самиот излгед делува безбедно.

Во секој случај е мнооогу подобар од ЛАЗ-овите, и единствен минус му е капацитетот најверојатно.

И секако ќе биде потребно малку повеќе и редовно одржување на дрвјата и кастрење на нивните гранки по скопските улици и булевари. Ако е тоа така, тогаш овој фантастичен автобус може да го освои Скопје без некаков проблем. Воопшто не претставува пречка или опасност за другите учесници во сообраќајот, освен овие неколку дена додека Скопјани не го изнагледаат и не се навикнат, зашто сечии погледи се вперени во него кога поминува.

Оценка во однос на автобусот, и од внатре и од надвор јас му давам две 10ки. Притоа не земајќи го во предвид капацитетот. Тој е повеќе проблем на организација на Јавниот Превоз во Скопје.

Не сликав зашто не носев ништо со мене, дури не слободна, па купував карта. Го начекав така непланирано. А и има слики постирани. Веродостојни се Но следниве денови ако има некои интересни моменти и детали од автобусов секако дека ќе ги сликам и ќе ги претставам тука.


Edited by FoSsiL - 17-Apr-2011 at 17:53

Јас не сум се возел со автобусот, но веќе ги наведов истите тие негативни карактеристики кои ми идат на нерви: билетите и дисплеите, но не го наведов и капацитетот.
 
Но сепак, и проблемот со капацитетот може да биде решен доколку зачестат автобусите на линиите, наместо на секои 15-20 минути по еден автобус на линија, нека доаѓа на секои 10-15 минути по еден автобус на линија.
 
Но најмногу ме разгневува ова со билетите и дисплеите.
Волкот го менува влакното, ама карактерот му останува ист.
Не сакам ова да важи и за ЈСП Скопје.

Автобусот е супер и јас исто така денес се возев во него само голем проблем е ТЕРМИНАЛОТ  на последна 15 во Ново Лисиче по кој врти автобусот.Истиот е затрупан со шут и отпадоци и навистина дава лоша слика.Надлежниве веќе редно време е да реагираат и да го  исчистат деновиве.


Edited by dule - 17-Apr-2011 at 19:35

Во горниот дел е предвидено само седење. НО дали во долниот дел можеби е подобро да се намали бројот на седиштата, на сметка на повеќе места за стоење?

Па да. Знам дека не е проблем отварањето. Јас лесно би ја отворил. Но повеќе прашањето беше дали има друго место и како би ја организирале нишката.

Навистина тешко, ако не и невозможно, е на интернет да се најде името на моделот на двокатниот автобус за Скопје. Сепак, тој би требало да е многу сличен на единствениот двокатен автобус од Јутонг - ZK6116HGS за првпат произведен во 2008:



Според оваа веб страна потрошувачката на 100 километри изнесува 23 литри.

Originally posted by OCB За момент помислив дека се работи за второто Христово доаѓање.

а од кој весник или портал е извадено?

Да ви кажам искрено едвај чекам да стигнат 67те во октомври мислам дека ќе вреди човек да се вози посебно горе!