Возен парк (ЈСП - двокатни автобуси)

Недообучени возачи на ЈСП од новите автобуси направија сауни!

Дури 33 степени покажувала температурата на вториот кат на новите двокатни автобуси кога ЈСП ги проверила поплаките на граѓаните. Оттаму велат дека пропустот е во обуката на возачите, кои не знаеле како да ракуваат со грејачите

Скопјани се сварија во новите двокатни автобуси. Наспроти редовните поплаки на граѓаните кои секое зиме почнуваа со жалење поради ладните автобуси, овојпат тие бараа да се намали греењето на вториот кат од двокатните возила бидејќи, како што тврдат, во горниот кат им бил како во сауна и неиздржливо за седење. За овој проблем е информирано и Јавното сообраќајно претпријатие (ЈСП). Дури неверојатни 33 степени покажувала температурата на вториот кат на двокатни автобуси кога ЈСП решила да ги провери поплаките на граѓаните. Оттаму, велат дека не станува збор за технички проблем, туку возачите не знаеле како да ракуваат со четирите грејачи на автобусите, од кои два биле за долниот, а два за горниот кат. Наместо да вклучуваат еден грејач за горниот кат возачите ги пуштале сите одеднаш.

"Корисник сум на линијата 41 и сакам да прашам дали во двокатните автобуси има термостат или нешто слично, за да може да се регулира греењето во автобусот бидејќи секое утро автобусот што тргнува во 6.05 часот и стигнува во Драчево кај пазарчето околу 6.13 часот затоплувањето е на максимум, можеби има 35 степени. На таа температура не може да се дише внатре, особено на горниот кат, прозорците секогаш не можеш да ги отвориш", им пишал некој граѓанин на интернет-страницата на ЈСП.

За да научат како треба да се справат со греењето, минатата недела јавното претпријатие возачите повторно ги испратило на обука. Директорот на претпријатието, Мишо Николов смета дека со дополнителната обука на возачите проблемот со загревање на автобусите е надминат.
- Пропустот е направен во делот на обуката кој е наменет за регулација на греењето во автобусите. Двокатните автобуси имаат четири грејачи за греење од кои два се долу, два се горе. Возачите, по навика, влегуваат во автобусите и го вклучувале системот за греење без да знаат дека грејачите се така распоредени. Бидејќи долу се отвораат вратите температурата не била толку висока, но на вториот кат каде што нема голема циркулација температурата стигнува и до 33 степени. По обуката тој проблем сега е надминат и возачите се задолжени за горниот кат на автобусите да вклучуваат само еден или пак ниеден грејач, додека на долниот кат ќе се вклучуваат двата - вели директорот Николов.

Проблеми со системот за греење постојано имаше во старите автобуси. Граѓаните се жалеа дека во некои од нив греењето воопшто и не функционира, иако надворешните температури се движеа под нулата. Од ЈСП признаваат дека постарите автобуси имаат проблеми со системот за греење, но велат дека оние што се останати да сообраќаат низ градот се посочуваните возила и во нив греењето треба да функционира.

Од приватните автобуски превозници, пак, не добивме одговор во каква состојба се системите за греење во нивните автобуси. Дел од нив увезоа половни автобуси од странство и кај нив во поголем дел функционира греењето, но се уште активни во сообраќајот се многу стари автобуси во кои одамна не функционира грејниот систем.

Сања Момировска

"Проблеми со системот за греење постојано имаше во старите автобуси. Граѓаните се жалеа дека во некои од нив греењето воопшто и не функционира, иако надворешните температури се движеа под нулата. Од ЈСП признаваат дека постарите автобуси имаат проблеми со системот за греење, но велат дека оние што се останати да сообраќаат низ градот се посочуваните возила и во нив греењето треба да функционира."

Дали кинеските автобуси во Скопје се безбедни!?

Понеделник, 28 Ноември 2011 20:24

Откако целиот свет е потресен од донацијата на автобуси од Кина За Македонија за кои граѓаните на најбројната земја на светот се сомневаат во нивниот квалитет, како прашање виси што е со автобусите кои владата ги нарача за цели 40 милиони евра?

Во несреќа во Кина пред неколку дена загинале 19 деца, додека училишен автобус од Кина направил сообраќајка, а превезувал ученици. Ова отвори голем број на прашања во Кина за квалитетот на автобусите.

Дека на граѓаните не им е сеедно покажува и фактот што голем број се јавија во нашата редакција.

Неодамна беше објавена и фотографија на која на еден од автобусите вредни четириесет милиони евра им биле помешани буквите на брендингот, па наместо мастер, пишуваше мсатер, што за познавачите покажува дека е многу несериозно. Некои велат дека тоа е исто како да нарачате возило Мерцедес, на кое ќе пишува Меркедес, и тоа би било нормално.

Најверојатно се работи за ова...

ФОТО: Двокатен автобус направи сообраќајка Петок, 30 Декември 2011 07:43 Еден од новите кинески двокатни автобуси направи сообраќајна несреќа. Сообраќајката се случила вчера околу пладне во населбата Лисиче. Засега не е позната причината за инцидентот и за тоа дали има повредени лица, но најверојатно автобусот се судрил со друго возило. Од фотографиите кои што се појавија на социјалната мрежа Фејсбук може да се забележи дека предниот дел од автобус е оштетен. Досега не се забележани сериозни оштетувања на новите автобуси, освен малите проблеми со дувалките од клима-уредот, предизвикани од несовесни патници. Инаку откако се набавија новите автобуси бројот на патници расте од месец на месец и во ноември бил за осум проценти поголем отколку во октомври. До овој момент половина од возниот парк на ЈСП Скопје е променет. Курир