build.mk Homepage
Forum Home Forum Home > Главни теми > Инфраструктура > Железници
  Active Topics Active Topics
  FAQ FAQ  Forum Search   Register Register  Login Login

Возен ред

Bookmark and Share
 Post Reply Post Reply Page  123 36>
Author
Message Reverse Sort Order
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #1 Topic: Возен ред
    Posted: 25-Dec-2023 at 19:06
ВОЗИ САМО ПАТНИЧКИОТ ВОЗ ОД СКОПЈЕ ЗА ГЕВГЕЛИЈА, ОТКАЖАНИ СЕ ЗА БИТОЛА И ЛОКАЛОТ ЗА ВЕЛЕС

Во Македонија денес сообраќаа само два од шесте патнички воза кои се предвидени со возниот ред. Патничкиот воз за Битола од вчера попладне не вози, бидејќи нема дизел патничка гарнитура која е во возна состојба. Поради тоа, ниту утрово се вратил од Битола за Скопје и попладнево не тргнал за Битола.

Не се во сообраќај ниту вкупно три локали од Скопје до Велес и обратно. На оваа релација сообраќа еден електричен патнички воз, кој не бил во возна состојба. Од Македонски Железници (МЖ) само кратко кажаа дека возовите се откажани, без повеќе информации.

Единствено сообраќаат утринскиот и попладневниот патнички воз од Скопје за Гевгелија и обратно, со тоа што патниците се возат комбинирано воз-автобус. Поради оштетување на железничкиот мост на реката Црна од станица Градско до станица Неготино и обратно патниците се префрлаат со автобус, а потоа продолжуваат со воз.

https://sdk.mk/index.php/dopisna-mrezha/vozi-samo-patnichkiot-voz-od-skopje-za-gevgelija-otkazhani-se-za-bitola-i-lokalot-za-veles/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #2 Posted: 08-Dec-2023 at 14:59
Само осум воза предвидени со возниот ред за 2024, железницата во колапс [инфографик]



Патнички возови догодина ќе нема од Скопје кон Кичево, Кочани и Табановци, а ќе нема ниту меѓународен железнички сообраќај од македонскиот главен град. Објавен е возниот ред на Железници на РСМ-Транспорт, а во него е впишано дека од скопската железничка станица ќе поаѓаат само по осум воза дневно кон Битола, Гевгелија и Велес. Кон останатите релации нема да сообраќаат возови, со што и официјално без ова превозно средство ќе останат граѓаните од Куманово, Тетово, Гостивар, Кичево, Штип и Кочани.

Возниот ред за 2024 година стапува на сила на 10 декември 2023 година и ќе има важност до 14 декември 2024 година. Од Скопје за Битола се предвидени три поаѓања на возовите во 6:53, 14:30 и 20:05 часот. Од Битола за главниот град возовите ќе поаѓаат во 3:14, 12:47 и 18:23 часот. Предвидено е утринскиот воз од Скопје да сообраќа до Жабени во близина на македонско-грчката граница, кој од ова населено место за Битола ќе поаѓа во 11 часот.

Привремено во моментов не сообраќаат два од предвидените патнички возови меѓу Скопје и Битола, а Железници на РСМ-Транспорт допрво ќе определат кога повторно ќе бидат пуштени во сообраќај возовите кои од главниот град поаѓаат во 6:53 и 20:05 часот, како и од Битола за Скопје во 12:47 и 18:23 часот.

Од Скопје за Гевгелија од 10 декември е предвидено да сообраќаат по два воза дневно во 6:23 и 16:55 часот, додека од Гевгелија истите ќе поаѓаат во 4:48 и 17:02 часот.

Возниот ред предвидува и осум пара возови дневно меѓу Скопје и Велес, со поаѓања од престолнината во 6:23, 6:53, 9:00, 13:20, 14:30, 16:55, 20:05 и 22:40 часот, додека од велешката железничка станица во обратен правец ќе возат во 5:03, 5:46, 6:27, 12:10, 14:24, 15:24, 18:40 и 20:57 часот.

Железници на РСМ-Транспорт на почетокот од годинава ги укина возовите на релацијата Скопје-Табановце-Скопје, додека во 2021 година беше прекинат железничкиот сообраќај од Скопје кон Кичево, Кочани и Приштина. Веќе неколку години наназад не сообраќаат експресните возови од Скопје за Белград и Солун, така што граѓаните од земјава подолг период не можат да користат меѓународен железнички превоз.

Инаку, податоците од Државниот завод за статистика покажуваат дека заедно со укинувањето на возните линии, кај граѓаните опаѓа и интересот за патување со воз во Македонија. Од јануари до септември годинава со воз патувале само 231.000 патници, што е еквивалентно на бројката на превезени граѓани во времето на ковид-19 пандемијата, кога имаше подолготрајни полициски часови и рестрикции во движењето.

Годинава бројките во патничкиот железнички превоз се драстично опаднати и споредбено со лани. Па така, во периодот од јуни до септември 2022 година со возови патувале 108.000 лица, додека истиот период годинава од Железници на РСМ-Транспорт биле превезени само 56.000 патници.

Со ваквиот возен ред, Македонија ќе остане на самото дно во Европа по бројот на патнички возови. Помал железнички сообраќај во моментов има само во Албанија, со два воза дневно и во Косово, каде има по четири патнички возови дневно.

Мета.мк подолг период наназад пишува дека најевтиното и најеколошко средство за превоз на патници во земјава замира без неопходните инвестиции во железничкиот транспорт.

Статистичките податоци велат дека во периодот пред 2015 година, со воз на годишно ниво во земјава патувале и над милион патници, додека во периодот на Југославија железницата бележела и по над 6 милиони превезени патници со тогашните возови, како во внатрешниот, така и во меѓународниот сообраќај.

https://meta.mk/samo-osum-voza-predvideni-so-vozniot-red-za-2024-zheleznicata-vo-kolaps-infografik/
Carpe diem
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #3 Posted: 20-Jul-2023 at 17:45
Од 1 јули се укинуваат 10 железнички стојалишта

Македонски железници траснпорт од 1 јули, годинава укина десет железнички постојки-стојалишта долж пругите во земјава: Стоби, Смоквица, Нова Смоквица, Милетково, Ореше, Пчиња, Кадина Река, Клисура, Згрополци и станицата Даме Груев.

Како што појаснија од МЖ за МИА, укинувањето е поради тоа што овие стојалишта не биле рентабилни односно никој од патниците подолго време не се симнувал на нив. Тоа било заклучено по повеќе од едногодишното истражување спроведено од нивни тимови.

Воедно, појаснија дека со тоа МЖ ќе заштеди финансиски средства, бидејќи само едно запирање на возот, МЖ транспорт го чини 300 евра. Тие појаснија и дека од три воза, два не запираат на овие станици.

Како што посочија и со примери, увидено е дека голем дел од поранешните жителите од село Ореше кои таму одат повремено, користат сопствен превоз - автомобил. Тие, пак, кои патуваат со возот не запираат на станицата во Ореше, туку во Богомила, а потоа со такси до село Ореше.

На новинарско прашање што со групи граѓани кои сакаат да одат на пример до археолошкиот локалитет Стоби, како и за останатите стојалишта, кои се укинати, тие појаснија дека е потребно писмено или преку меил да достават барање до МЖ транспорт, кое треба да се одобри, во кој ден и час бараат возот повторно да запре на дадена постојка - стојалиште.

https://mkd.mk/node/520955
За сè има вторпат
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #4 Posted: 05-Dec-2022 at 12:07
Компаниите едвај го чекаат Бочварски да им ги додели Кочани и Кичево. Кој не би сакал да оперира со такви современи пруги, прекрасни станици и редовно сервисиран возен парк. Секако, битно е и што нема конкуренција од третокласни автобуси и комбиња од 98-ма на тие релации.

Држава со буџет од 5,3 милијарди не е способна да ги одржува единствените линии што ги према запад и исток. Нормално дека нема патници. Да имаше пристојни возови со атрактивен возен ред што ќе се движат барем со 120 км/ч, а цена на карта иста како автобус, кој нормален би одел со автобус накај Кичево и Кочани? Немаше потреба ни од субвенции да има ако се справеа со дифтарите превозници.
Back to Top
Macedonicus View Drop Down
Senior Member
Senior Member
Avatar
Google Maps: Regional Expert

Joined: 29-May-2011
Location: Czech Republic
Online Status: Offline
Posts: 398
  Quote Macedonicus Quote  Post ReplyReply #5 Posted: 05-Dec-2022 at 11:36
Originally posted by The Wild Boy

Што се подразбира со Либерализација?

Законско овозможување на приватни компании да оперираат низ македонските железници за транспорт на патници и товарен сообраќај

Edited by Macedonicus - 05-Dec-2022 at 11:37
ಠ_ಠ
Back to Top
The Wild Boy View Drop Down
Senior Member
Senior Member
Avatar

Joined: 19-Jan-2020
Online Status: Offline
Posts: 491
  Quote The Wild Boy Quote  Post ReplyReply #6 Posted: 05-Dec-2022 at 06:03
Што се подразбира со Либерализација?
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #7 Posted: 04-Dec-2022 at 15:08
ГОДИНА И ПОЛ НЕМА ВОЗОВИ КОН КИЧЕВО И КОЧАНИ ОТИ НЕМА ЛОКОМОТИВИ, БОЧВАРСКИ НАЈАВИ ЛИБЕРАЛИЗАЦИЈА НА ЖЕЛЕЗНИЧКИОТ ТРАНСПОРТ

Патничките возови кон Кичево и Кочани не сообраќаат од мај 2021. Од Македонски железници велат дека причината е поради недостиг на возни средства, патнички возови, локомотиви. Но, не е извесно кога железничкиот патнички сообраќај во овие два правци повторно ќе се воспостави. На прашањето до министерот за транспорт и врски Благој Бочварски, при пуштањето на гасоводот Неготино – Битола, дали се планира набавка на нови локомотиви, возови, тој не даде прецизен одговор, но не пропушти да каже дека државата одделува големи средства за Македонски железници. Причината за несообраќањето на возовите кон Кичево и Кочани, тој ја лоцираше во економската неисплатливост.

„Интересот на патниците за овие две делници е исклучително намален. Поради тоа сите оперативни линии, како Скопје – Велес и обратно, оперираат со голем број патници. Владата има одобрено средства за помош на ова претпријатие за да продолжи со патничкиот железнички превоз, за да опстане во овие тешки времиња. Тоа е од исклучителна важност за државата“, кажа Бочварски и најави либерализација на железничкиот транспорт.

Изминатава година имаше повеќе случаи кога поради расипување на локомотивите, патничките возови доцнеа со часови до крајната дестинација. Така имаше случај кога до Скопје до Битола се патуваше еднаш 8, другпат 10 часа иако по ред на возење е три и пол часа.

Железничарите стравуваат дека со немањето сообраќај кон Кичево и Кочани се уништува железничката пруга. Железничкиот патен правец Велес – Кочани е изграден во Кралска Југославија 1923-1926. Пругата од Скопје кон Гостивар и Кичево е градена во две делници, до 1952 и до 1969 година.

https://sdk.mk/index.php/dopisna-mrezha/godina-i-pol-nema-vozovi-kon-kichevo-i-kochani-oti-nema-lokomotivi-bochvarski-najavi-liberalizatsija-na-zheleznichkiot-transport/
Carpe diem
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 873
  Quote hcitrS Quote  Post ReplyReply #8 Posted: 07-Oct-2022 at 14:39
Во ноември патнички воз ќе ја отвори новата пруга од Битола за Лерин

БИТОЛА – Најдоцна во ноември ќе свирне возот од Битола до Лерин по новата пруга. Оптимистички се најавите на Македонски железници – инфраструктура, според кои, за еден месец ќе почне да сообраќа патнички воз од Битола до Лерин по новонаправената железничка пруга Битола-Кременица.

Долгоочекуваната вест за враќање на возот од Битола до Лерин, деновиве ја најави премиерот Димитар Ковачевски, без да открие детали.

Меѓутоа, од кабинетот на Хари Локвенец, директорот на Железници, за „Независен“ потврдуваат дека возниот ред е направен и првиот патнички воз се очекува да сообраќа за околу еден месец.

„Го направивме возниот ред, за брзо време ќе се објави таа траса и веќе имавме состанок со колегите од грчка страна да ја ставиме пругата во сообраќај. За максимум еден месец пругата ќе биде ставена во сообраќај со патнички воз“, потврдуваат од Железници – инфраструктура.

......

Обновата на пругата од Битола за Грција заврши во 2019 година, но поради корона кризата во последните две години не се покрена прашањето за нејзино пуштање во употреба, а уште помалку за подготовка на возниот ред, покрај затворените граници и здравствените мерки.

........

Изградбата на пругата Битола-Кременица се случува после 32 години, а ако се исполнат ветувањата за враќање на возот за Грција, тоа ќе значи дека после пауза од 36 години, повторно ќе сообраќа воз од Битола за Лерин.

Пругата е проект за кој се издвоија пари од државниот буџет и средства од европските фондови. Зафатот вреден 17,2 милиони евра е финансиран со грант од Европската унија (6 милиони евра) и со средства од државниот буџет (11 милиони евра).



Целата вест:

https://nezavisen.mk/vo-noemvri-patnichki-voz-kje-ja-otvori-novata-pruga-od-bitola-za-lerin/



Edited by hcitrS - 07-Oct-2022 at 14:41
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 873
  Quote hcitrS Quote  Post ReplyReply #9 Posted: 05-Oct-2022 at 11:26
Originally posted by Тркало

Originally posted by stef4o

Наскоро воз од Скопје и Битола до Солун, Лептокарија, Платамона?

- Грците имаат воз од Лерин до Солун, а ние од Скопје до Битола. Значи, да седнеме и да се договориме да ги поврземе нашите локални возови, на пример ако нашиот воз во Битола стасува во 10:15 часот во 10:30 да тргнуваат за Лерин. Кога ќе стаса во Лерин, после отприлика 15 до 20 минути да тргне нивниот локален воз за Солун и така би имале железничка врска Битола – Солун преку Лерин, појасни Јовановски.

https://skopjeinfo.mk/naskoro-voz-od-skopje-i-bitola-do-solun-leptokarija-platamona


Многу јака конекција, ако Битолчани би чекале воз од Скопје во 10:30 во Солун ќе се за ручек, а не за кафе.


Јас не разбирам што би правел тој воз цели 15 минути на станица Битола и уште 15 (па ид 20!) на станица Лерин. Тоа додава цели 35 минути на патувањето. Олигледно директорот во воз во живот се нема качено.

Мислам дека веќе никој нема збороави да повоторува кој грев е да инвестираш милиони во пруга и еден единствен проклет пат да не ја искористиш. Единствено место во државата е Пелагонија каде постои голем потенцијал меѓународна редовна линија да навистина го раздвижи економски (и културно) регионот.


полу офф-топик:
Никогаш не сватив дали на „патриотите“ кои се залагаат за Обединета: (а) никогаш не има текна дека инфраструктурното и културно поврзување на нашите реку граница е најбилското и најфикасно решение до „обединување“, (б) толку им сечи, или (в) едноставно секогаш ги болело увото за Македонците од двете срани на границата?

Edited by hcitrS - 05-Oct-2022 at 11:28
Back to Top
Тркало View Drop Down
Senior Member
Senior Member


Joined: 31-Dec-2010
Location: Охрид
Online Status: Offline
Posts: 1179
  Quote Тркало Quote  Post ReplyReply #10 Posted: 01-Oct-2022 at 21:51
Originally posted by stef4o

Наскоро воз од Скопје и Битола до Солун, Лептокарија, Платамона?

- Грците имаат воз од Лерин до Солун, а ние од Скопје до Битола. Значи, да седнеме и да се договориме да ги поврземе нашите локални возови, на пример ако нашиот воз во Битола стасува во 10:15 часот во 10:30 да тргнуваат за Лерин. Кога ќе стаса во Лерин, после отприлика 15 до 20 минути да тргне нивниот локален воз за Солун и така би имале железничка врска Битола – Солун преку Лерин, појасни Јовановски.

https://skopjeinfo.mk/naskoro-voz-od-skopje-i-bitola-do-solun-leptokarija-platamona


Многу јака конекција, ако Битолчани би чекале воз од Скопје во 10:30 во Солун ќе се за ручек, а не за кафе.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #11 Posted: 26-Jul-2022 at 13:23
УКИНАТИ ВОЗОВИТЕ СКОПЈЕ-КУМАНОВО, ПАТНИЦИТЕ ВЕЛАТ БЕЗ НИКАКВА НАЈАВА СЕ ОСТАВЕНИ БЕЗ ПРЕВОЗ

Повеќе од еден месец жителите на Куманово и околните села останаа без железнички превоз затоа што се укинати возови на редовната линија Скопје – Табановце. Од 22 јуни годинава, Железница Транспорт без најава ги повлекла од сообраќај сите четири возови кои сообраќаат во раните утрински часови и попладне. Овие возови најмногу ги користат патници од Куманово, но и од селата Табановце, Речица, Романовце Агино Село, Дељадрвце, Миладиновци, Илинден и Маџари, кои одат на работа во Скопје.

„Никој не нè извести, ниту пак најави дека е можно да ги сопрат возовите. Доаѓаме на станицата, нема воз и никој не знае дали ќе дојде. Така ден, два, три и видовме дека ги сопреле возовите. Имаме месечни карти и не смееја така да не извисат. Отишле луѓе на благајна да си ги бараат парите назад ама не им ги вратиле, им рекле пак ќе ги пуштат возовите. Прво кажаа од 1 јули, па сега од 1 август. Ништо не е сигурно, кога еднаш нешто ќе се укине тешко се враќа“, вели нашиот соговорник, жител на кумановското село Романовце.

На прашањето на патниците зошто се укинати возовите надлежните им кажале дека немаат доволно машини и возачи.

Откако е воведена линијата Скопје – Табановце оваа е првпат целосно да се укине. Возниот билет во еден правец чини 86 денари и 120 денари повратна карта. Тоа е многу поповолно во однос на автобускиот превоз каде картата до Скопје чини 170 денари. Затоа се повеќе патници се одлучувата да патуваат со воз.

„Како поскапе автобуската карта бројот на патници двојно се зголеми. Нели се воведе бесплатен превоз за студентите за да се поттикне користењето на железничкиот превоз. Во ударните термини наутро од Куманово во 5.25 и 8.15 часот и напладне во 16.25 часот од Скопје има најмногу патници. Тој во 20.20 навечер послабо и можеле само тој да го укинат, а не сите оддеднаш“, додава младиот човек, кој сега мора да патува со автомобил на работа во Скопје бидејќи сите други опции му се поскапи и покомплицирани.

Тој вели дека од нивното село Романовце има најмногу патници бидејќи тие немаат друга сообраќајна врска и затоа се најмногу засегнати од укинувањето на возовите. Тие поднеле барањето до Железница Транспорт за враќање на возовите, како и уште за два други проблеми за подобрување на железничкиот сообраќај во селото, но сè уште немаат одговор.

https://sdk.mk/index.php/dopisna-mrezha/ukinati-vozovite-skopje-kumanovo-patnitsite-velat-bez-nikakva-najava-se-ostaveni-bez-prevoz/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #12 Posted: 12-Jun-2022 at 10:11
Наскоро воз од Скопје и Битола до Солун, Лептокарија, Платамона?

Македонски железници Транспорт АД Скопје им предлага на Грчките железници да се воведат возови на релација Скопје-Солун со можност во летниот период за продолжување до Платамона, како и за железничка врска Битола-Солун преку Лерин.

Тие проекти се претставени при минатонеделната посета што ја оствари менаџерски тим од МЖ Транспорт во Грчките железници, од каде, според директорот на патнички сообраќај во МЖ Транспорт ад Скопје, Сашa Јовановски, рекле дека за такво нешто ќе се разговара во февруари или март следната година кога би се доекипирале со машиновозачи, кои им се дефицитарни.

- Отидов со понуда во Грција да воведеме воз Скопје – Солун, со можност во летниот период да се продолжи до Платамона. Ако прифатат Грчките железници во тој случај би се поврзале со нашите туристички агенции и би понудиле цена по договор, изјави за МИА Јовановски.

Редовната цена за Солун е 1.200 денари со воз, а со автобус 1.600 денари на редовна линија, но со агенции таа стасува до 900 денари. Затоа, посочува Јовановски, замислата е со Грчките железници да најдеме некоја прифатлива цена која ќе биде конкурентна на друмот и да ја понудиме на туристичките агенции. Таму Железничката станица е на излезот од Катерини кон Паралија и Олимпик бич, од каде има редовни автобуски линии со времетраење од 10-ина минути и патниците би можеле да патуваат. Пругата минува и низ Лептокарија, вагонот може да отиде до Неипори. Може да се договориме по примерот на ад хок возовите од поранешна Југославија како што беше возот од Скопје за Сплит. Идејата беше да воведеме некој таков воз или можеби само вагон од Скопје за да се приклучи на возот што е во Грција, вели Јовановски, дополнувајќи дека проектот за зимските месеци го нарекле „На кафе во Солун“.

По информациите од Министерството за транспорт дека пругата Битола - Кременица ќе биде готова до крај на ноември, од МЖ Транспорт предложиле да се пушти локален воз на релација Битола-Лерин. Првично би го користеле грчките државјани кои се почесто од различни причини се во посета на тој дел од државава.

- Грците имаат воз од Лерин до Солун, а ние од Скопје до Битола. Значи, да седнеме и да се договориме да ги поврземе нашите локални возови, на пример ако нашиот воз во Битола стасува во 10:15 часот во 10:30 да тргнуваат за Лерин. Кога ќе стаса во Лерин, после отприлика 15 до 20 минути да тргне нивниот локален воз за Солун и така би имале железничка врска Битола – Солун преку Лерин, појасни Јовановски.

Се прават напори и да се најде решение за опстојување и во зимскиот период на возот на релацијата Солун – Белград кој транзитира низ Македонија и е единствено железничко поврзување со Европа. Во тек на зимата таа линија е нерентабилна и има малку патници поради долгото патување и старите вагони. Според сегашните предлози на Грчката и Српската железница, возот би сообраќал до 30 септември.

Македонската страна би ги актуелизирала повторно предлозите во октомври во Скопје, кога Македонски железници ќе биде домаќин на Регионалната средба за патнички сообраќај на Југоисточна Европа, со која претседавач ќе биде директорот за патнички сообраќај на Грчките железници. - Ќе се обидеме колку што можеме максимално овие проекти да заживеат, но тоа не зависи само од нас, укажува Јовановски.

https://skopjeinfo.mk/naskoro-voz-od-skopje-i-bitola-do-solun-leptokarija-platamona
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #13 Posted: 26-Feb-2022 at 14:33
ПАТНИЧКИОТ ЖЕЛЕЗНИЧКИ СООБРАЌАЈ СЕ ОДВИВА СО ПОТЕШКОТИИ, ВОЗОВИТЕ ЗА КОЧАНИ И КИЧЕВО НЕ СООБРАЌААТ, ВО ДВА НАВРАТИ СЕ ЗАПАЛИ ЕЛЕКТРИЧНА ЛОКОМОТИВА ЗА ГЕВГЕЛИЈА

Дел од патничкиот железнички сообраќај во земјава се одвива со потешкотии. Не сообраќаат патничките возови на релацијата Скопје – Кочани -Скопје и Скопје – Кичево -Скопје. Првиот месец и повеќе, вториот три седмици. Во текот на месец мај во два наврати се запали електрична локомотива која превезуваше патници на линијата Скопје – Гевгелија и а на 4-ти јуни се расипа локомотива сред Велес и дојде до застој на сообраќајот во градот, при што велешани со часови не можеа а минат од левата на десната страна на градот и обратно. Овие случувања ја илустрираат состојбата во која се наоѓа возниот парк на Македонски железници – АД Транспорт. Причина е стариот и дотраен возен парк и со локомотива и со патнички композиции.

„Поради високите температури и густата вегетација по должината на пругата и фактот што при кочење на нашите превозни средства се јавува триење помеѓу две метални површини, се појавува искра, доаѓа до самозапалување на вегетацијата и на гумените елементи кои се наоѓаат на возните средства. Факт е дека возните средства се релативно стари, но постои редовно одржување на истите и тие по извршената секојдневна контрола се пуштаат во сообраќај“, објаснија како дојде до самозапалување на електрични локомотиви.

МВР за едниот од тие настани, кој се случи во сабота на 15-ти мај информираше електричната локомотива се запалила на Железничка станица Скопје. Второто самозапалување беше на 21-ви мај, околу 09.25 часот кога во Полициска станица Гевгелија било пријавено дека на Железничка станица „Смоквица“ се запалила локомотивата на патничкиот воз кој сообраќа на релација Скопје – Гевгелија. Настанот од 4-ти јуни кога се расипа електрична локомотива среде Велес по што се чекаше со часови друга локомотива, која го повлече товарниот воз, и дојде до застој на сообраќајот и животот во градот, па мораше да интервенира и полицијата, од МЖ Транспорт велат дека причината било кражба на железнички делови.

„За случајот во Велес, поради чести кражби во пратечката инсталацијата по должината на пругите во земјава, нема правилна информација за контрола на патните премини. Поради тоа според важечките железнички прописи, возот треба да застане и да се изврши обезбедување на патниот премин за да се продолжи со понатамошно возење на возот“, пишува во одговорот на МЖ АД Транспорт.

Патничките возови за Кочани и Кичево не возеле оти биле дефект.

„Возните средства кои го извршуваат превозот на патници на дадените релации се во дефекти од поголем обем за кој е потребно подолго време за поправка на истите. Поседуваме возни средства со просечна старост на истите преку 45 години и поради тоа кај нив се јавуваат чести дефекти. Се надеваме дека превозот кон дадените релации ќе започне нормално да се извршува на почетокот на следниот месец“, соопштија од МЖ Транспорт.

Во 2015 година за потребите на МЖ Транспорт Владата набави шест патнички гарнитури, кинеско производство. Тие беа платени 25 милиони евра, преку кредит од ЕБОР.

https://sdk.mk/index.php/dopisna-mrezha/patnichkiot-zheleznichki-soobrakaj-se-odviva-so-poteshkotii-vozovite-za-kochani-i-kichevo-ne-soobrakaat-vo-dva-navrati-se-zapali-elektrichna-lokomotiva-za-gevgelija/
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #14 Posted: 03-Dec-2021 at 20:37
А колку реално сообраќаа(т)?
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #15 Posted: 03-Dec-2021 at 18:11
Железница и догодина со идентичен возен ред, ќе нема возови за Белград и за Солун (инфографик)



Веќе трета година по ред нема промени во возниот ред на патничките возови во земјава. Железници на РСМ-Транспорт и во 2022 година ќе вози со идентичниот возен ред од годинава, така што нема да има возови кон Белград и Солун. Новиот возен ред којшто стапува на сила на 12 декември 2021 година веќе е објавен и предвидува сообраќање на 15 пара возови дневно од скопската железничка станица, а е со важност до 10 декември 2022 година.

Единствен воз во меѓународниот патнички превоз е брзиот за Приштина, којшто по возен ред треба да поаѓа од Скопје во 16:10 часот, додека од косовскиот главен град во 7:10 часот. Сепак, возот изминатава година воопшто не сообраќаше, како поради состојбата со ковид-19 пандемијата, така и поради реконструкцијата на пругата во Косово и недостатокот на возен парк на Железници на РСМ-Транспорт.

Во внатрешниот сообраќај, меѓу Скопје и Битола ќе сообраќаат по три пара возови дневно, со поаѓања од Скопје во 6:53, 14:30 и 20:05 часот и поаѓања од Битола во 3:15, 12:50 и 18:26 часот.

На релацијата Скопје-Гевгелија-Скопје, од главниот град ќе има поаѓања во 6:23 и 16:55 часот, додека од Гевгелија за Скопје возовите ќе тргнуваат во 4:40 и 16:55 часот.

Кон Кичево и Кочани од Скопје, и во 2022 година ќе сообраќа по еден пар возови дневно, кои од главниот град кон Кичево ќе поаѓаат во 16:45 часот, додека од Скопје за Кочани поаѓањата се во 15:23 часот. Во спротивен правец, возовите од Кичево тргнуваат во 5:30 часот, додека од Кочани во 5:26 часот. Идентично како и кон Приштина, од мај годинава патнички возови за Кичево и Кочани воопшто не сообраќаат поради недостиг на возен парк.

Меѓу Скопје и Табановце догодина ќе има четири пара возови дневно, додека на релација Скопје-Велес-Скопје ќе сообраќаат девет пара возови дневно.

Инаку, со предложениот државен буџет за 2022 година, којшто во моментов се наоѓа на комисиска расправа во Собранието на РСМ, за Железници на РСМ-Транспорт се наменети 390 милиони денари (околу 6,3 милиони евра) како државни субвенции за надоместување на услугите од јавниот интерес во железничкиот превоз на патници.

Мета.мк веќе пишуваше дека студентите бараат повторно да се воведат бесплатните билети за патување со воз. Претседателката на Универзитетското студентско собрание на УКИМ, Ева Цветковска ни изјави дека од Министерството за транспорт и врски им било ветено дека ќе ги земат во предвид нивните барања со новиот буџет за 2022 година.

Пред ковид-19 пандемијата, сите млади лица до 27 години имаа право на користење на бесплатни железнички билети за патување со патничките возови на било која дестинација, и тоа секој прв и трет викенд во месецот. Дополнително, студентите имаа право на бесплатно патување со воз секој четврток, додека учениците од средните училишта во земјава можеа бесплатно да патуваат со воз секоја среда.

https://meta.mk/zheleznica-i-dogodina-so-identichen-vozen-red-kje-nema-vozovi-za-belgrad-i-za-solun-infografik/
Back to Top
Тркало View Drop Down
Senior Member
Senior Member


Joined: 31-Dec-2010
Location: Охрид
Online Status: Offline
Posts: 1179
  Quote Тркало Quote  Post ReplyReply #16 Posted: 09-Aug-2021 at 00:07
Се почесто дизел моторни гарнитури одат кон Велес, Гевгелија и Куманово, регистрирано на слики, ете и според видеово...
Дали е во прашање недостиг на електрични локомотиви, на "новите" електромоторни гарнитури или комбинација од двете само ќе нагаѓаме.


Во меѓувреме од сите 661, мислам дека само една или две се активни (410 и можно да е236), а имало и нова тура сечење во депото.

Од Шпанците исто.


Сега е јасно зошто кон Кочани, а и кон Кичево воз два месеци НЕ СЕ ОБРАЌАЛ!

Edited by Тркало - 09-Aug-2021 at 00:14
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #17 Posted: 21-Jun-2021 at 17:32
Лекот е само да се дозволи приватен капитал да влезе во железницата, доста седиме со една нога во социјализам и државна економија. Неможе жеелезничкиот систем да биде жртва на носталгијата на југоносталгичарите! Макар и "перо-транс-2000"-like компании да оперираат со по два-три шинобуса, ќе биде поздрава ситуација со железницата отколку сега вака.

А МЖ транспорт да се расцепка на што повеќе компании и да се распродадат. Товарен посебна компанија, патнички посебна, канцеларии и простории посебно да се распродадат. И у секоја бранша по некој конкурент. Дури и Тетово-Гостивар-Кичево патничкиот да го земе XHEMAL-TRANS ќе биде поздраво и поодржливо од сегашниов загубар.
Back to Top
Тркало View Drop Down
Senior Member
Senior Member


Joined: 31-Dec-2010
Location: Охрид
Online Status: Offline
Posts: 1179
  Quote Тркало Quote  Post ReplyReply #18 Posted: 20-Jun-2021 at 21:49
Originally posted by user8642

Јас стварно неможам да разберам зашто возило што пренесува 100-тина патници мора да е во тро-цифрен број тони железо и да троши нафта или струја како да е железара. Не ли може да се набават некакви лесни возила, шинобуси некакви, за овие релации?

https://en.wikipedia.org/wiki/Railbus




Секако, ама парите им се наменети за нови службени возила.Само минатиот месец им се запалија две електро локомотиви, од кои едната отиде во пензија, а беше повреден и машиновозач.

Дури и да имаа малку осет за зачувување ова можеа да го спроведат со шпанските дизел гарнитури (Макоса), за делот до Тетово, па и до Гостивар.Пет такви гарнитури беа реновирани пред да дојдат кинеските.

Од друга страна (на youtube постојат неколку railfan корисници) пред некој ден имаше снимка на станица Илинден од дизел гарнитура за Куманово, веројатно поради недостаток на електро гарнитури.

Уште полошо е кога локомотива со 1 (ЕДЕН) вагон гледаме кон Велес или Куманово.

Или уште поскапата опција, дизел маневарка кон Кочани (моментално неисправна после излетувањето пред некој месец - два и линијата не знам дали е активна).

Исто е и за Кичево, тек тук некоја активна Макоса, маневарка со вагон или понекогаш од новите.Па и Кенеди со еден вагон се случувало.

Една од "новите" дизел гарнитури подолг период е неисправна, па и за Битола после подолго време одеше 661 со два вагони.

Уште еден доказ каква е организацијата таму.
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #19 Posted: 18-Jun-2021 at 10:39
Јас стварно неможам да разберам зашто возило што пренесува 100-тина патници мора да е во тро-цифрен број тони железо и да троши нафта или струја како да е железара. Не ли може да се набават некакви лесни возила, шинобуси некакви, за овие релации?

https://en.wikipedia.org/wiki/Railbus




Edited by user8642 - 18-Jun-2021 at 10:42
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #20 Posted: 18-Jun-2021 at 10:32
На секои два часа во текот на денот да се воведат патнички возови на релациите Скопје-Тетово, Скопје-Куманово и Скопје-Велес и предложило, на почетокот на годината, ЈП Железници -Транспорт на Владата. Предложената иницијатива се однесува на сообраќање на патнички возови од Скопје за Велес секојдневно во 7, 9, 11, 13, 15, 17, 19 и 22 часот додека од Велес за Скопје во 6, 8, 10, 12, 14, 16, 18, 20 и 21 часот.

За да ја реализира оваа Иницијатива, раководството на Железници од Владата бара да се набават минимум 10 нови возови. И тоа 6 дизел моторни гарнитури и 4 електро моторни гарнитури за поврзување на Скопје со околните градови.

Во предлогот до Владата исто така е предочена можноста како да се стигне до потребните нови патнички возови. Поточно средствата да се обезбедат преку заем од меѓународни финансиски институции или користење на средства преку Инструментот за претпристапна помош ИПА III, за периодот 2021-2027 година, “Прозорец 3: Зелена агенда и одржлива поврзаност”. Постапката за набавка, од распишување на тендер до воведување на возните средства во сообраќај, да трае околу 2- 3 години“.

Со предложената иницијатива Железници – Транспорт планира да ги мотивира граѓаните во државата да ја сменат навиката и наместо со автомобили до Скопје да патуваат со возови. Пилот-проектот, на среднорочен период има за цел да го ревитализира патничкиот железнички сообраќај на целата терииторија на државата и да отпочне период на подобрување на состојбата со железничките патнички услуги.

Во иницијативата се наведува дека новите патнички возови кои би се вовеле меѓу Скопје и околните градови би довеле до намалување на бројот на возила – автомобили и автобуси во главниот град, со што би се намалил метежот низ улиците, загадувањето и времето на патување низ Скопје.

Инаку, во моментов , билетот со воз од Велес до Скопје во еден правец чини 110 денари додека повратен 190 денари. Железници – Транспорт обезбедува попусти од 20 и 30 отсто за млади до 26 години како и за други категории на граѓани.


https://duma.mk/region/zheleznici-transport-i-predlaga-na-vladata-patnichki-soobrakjaj-veles-skopje-veles-na-sekoi-dva-chasa/?fbclid=IwAR3jHMARwwx9S-rVyoeQWElvqkjS_gaiMTpzx4U85rIOh2Xm_HWvNAQGO2c
За сè има вторпат
Back to Top
 Post Reply Post Reply Page  123 36>

Forum Jump Forum Permissions View Drop Down



This page was generated in 0.174 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.