Возен ред

Директна сезонска врска со Бар и Варна

Македонски железници - Транспорт обезбеди секојдневна сезонска директна железничка врска со Бар преку понудата Бар стар". Првиот воз кон Бар ќе тргне на 26 јуни, а превозот на патници до црногорското крајбрежје ќе трае до 28 август годинава. Возовите од Скопје ќе тргнуваат во 14:35, а во Бар ќе пристигнуваат во 10:52 часот. Во спротивен правец возот од Бар ќе тргнува во 18:00, а во Скопје ќе пристигнува во 13:30 часот. Цената на чинење на возниот билет во еден правец е 25, односно повратниот билет 50 евра. Како што информираат од МЖ Транспорт, оваа понуда важи само ако патникот истовремено купи и билет за легло за спиење. Во случај патникот да купи повратен билет од Скопје, тогаш мора да купи и повратен билет за спиење со точно утврден датум на враќање од Бар. Децата од 4 до 12 години имаат поволност од 50 отсто за патниот билет, а леглото за спиење го купуваат во цел износ. Кушет-леглото во понудата Бар стар" чини 6 евра, туристичкото легло 9, а двојното легло 13 евра. Со оваа понуда не може да се добие услуга за еден патник во кабина. Патниците кои сакаат да се возат кон Бар во седечки вагони, го плаќаат возниот билет според важечката меѓународна возна цена - 2.265 денари во еден правец и 4.066 повратен билет.

Истовремено, директната железничка врска (кушет-вагон) со Варна ќе се остварува еднаш неделно (од 25 јуни до 3 септември) и тоа секој петок од Скопје, а кушетот од Варна ќе тргнува секоја недела. Кушетот од Скопје ќе тргнува во 20:45, а во Варна ќе пристигнува другиот ден во 17:40 часот. Во спротиовен правец - тргнувањето од Варна е во 12:40, а пристигнувањето во Скопје во 7:06 часот. Возниот билет во еден правец чини 2.612 денари, а повратниот 5.223 денари. Кушет-леглото во еден правец е 10 евра во денарска противредност.

http://www.vecer.com.mk/default.asp?ItemID=19294410C65E1341A48615E96E309874

Навистина многу слабо организирано од страна на Македонски железници. Мислам дека секоја година ги воведуваат овие возови само колку да се рече дека се поврзани со морето.

Друже, ако планираш да одиш накај Прилеп со воз околу Пивофест, треба да очекуваш катанга во возот!
Сепак, од мое искуство, во работни денови утринскиот воз од Скопје е попразен од попладневниот и вечерниот, додека за време на викенди утринскиот воз е пополн. Избегнувај го петок попладне и недела попладне за патување, бидејќи тогаш има стандард многу гужва.

Владимир разбирам, црногорците ја заготвиле манџата! Сепак, за оние што сакаат да се возат од Скопје до Бар поволна останува картичката Balkan Flexipass(51 евро за младинци).
Инаку се сложувам со Владимир за воз до Прилеп, преку лето има помала гужва, ама од 15 до 18 јули е Пивофест во Прилеп, така што тогаш очекувај мнооогу луѓе.

Фала ви за информациите дечки, искрено воопшто немав идеја дека тогаш има Пивофест.   Ме спасивте, јас мислев на 15ти да патувам. По се изгледа на 19/20 ќе тргнам.
Логично е како се движат луѓето во одредени периоди од денот и неделата, но сепак... сакав да чујам од некој поискусен, во никој случај не штети. Уште еднаш, фала.

Не знам дали одбрав добра нишка, ама во секој случај имаме добра вест. Турската радио телевизија организира посебен проект „Балкан експрес“, специјален воз којшто ќе треба да ги обиколи балканските држави. Емисиите предвидуваат директно вклучување од главните железнички станици и посебни репортажи за градовите на Балканот. Проектот започна на 1 јули, а ќе трае до 19 јули. Во Македонија планира да се посетат Скопје, Тетово, Битола и Гевгелија, но се знае дали во сите градови ќе патува овој воз. Сепак, ова значи дека може конечно да обезбедиме фотографии од странски воз во земјава. Повеќе информации на: http://www.railfaneurope.net/pix/new/07_jul04-tr/pix.html

Има засилување за Пиво-Фест

Се практикувало други години или годинава е исклучок?

Возен ред на Македонски железници 12.07.2010. По повод „Фестивалот на Пивото 2010“, Македонска Железница Транспорт  АД – Скопје воведува во сообраќај еден пар на посебни возови на релацијата Куманово – Скопје – Велес – Прилеп и обратно во деновите 17 (сабота) и 18 (недела) 07.2010 година. Возовите ќе сообраќаат по следниот возен ред Куманово - Скопје - Велес - Прилеп за деновите 17 и 18.07.2010 Време на тргнување Време на пристигнување Станици на тргнување и застанување на возот 10:20 часот   Куманово 11:10 часот 10:50 часот Скопје 11:55 часот 11:51 часот Велес   13:10 часот Прилеп Прилеп - Велес - Скопје - Куманово за деновите 18 и 19.07.2010 год. Време на тргнување Време на пристигнување Станици на тргнување и застанување на возот 01:30 часот   Прилеп 02:57 часот 02:56 часот Велес 03:40 часот 03:35 часот Скопје   04:10 часот Куманово Последно ажурирање ( 12.07.2010. )

http://www.prilep.gov.mk/index.php?option=com_content&task=view&id=964&Itemid=1

Повторно не работи едниот од моторните возови. Вчера одев за Охрид со воз до Кичево, при што утринскиот воз појде во 8:20, наместо во 6:55 часот. Со оглед на тоа што во возот патуваше машиновозач свртивме убав муабет. Вака оди приказната, еден од моторните возови е расипан, па за Кочани мора да оди исправниот моторен воз од Кичево. Кон Кичево ноќта се пуштаат двата вагони за утринскиот воз за Кичево, а за возот во 6:55 часот НЕМА ЛОКОМОТИВА И ВАГОНИ. Е ондак се чека битолскиот утрински воз да дојде, па да се однесе во депо, да се состават два вагона и да се наполни чудовиштето 661-223 кое троши скоро тон нафта на релација Скопје-Кичево-Скопје.
Важно кон Кичево бичевме со 120 километри на саат со исклучен уред за мерење на брзината(заборавив како се викаше).
Секое патување е ново доживување со МЖ. 

На интернет страницата на Македонски железници е поставена новата објава на мрежа за 2011 година, па во согласност со тоа, ме интересира дали има некакви информации за новиот возен ред 2010/2011 година?

Во согласност со лошата постоечка состојба на возниот парк, ќе ме изненади ако се оддржат и сегашните патнички возови за наредната година, но еве еден мал предлог од моја страна:

1. Би било добро да се врати брзиот воз 392/393 во текот на целата година на релација Скопје-Ниш-Скопје околу 16 часот. И да има мал број на патници, нема да се оптоварува возниот парк со сегашниот воз Скопје-Табановци-Скопје што сообраќа во 16:00 часот.
2. Да се врати брзиот воз 390/391 на релација Скопје-Белград-Скопје. Имаше добар термин на поаѓање од Скопје рано наутро, со мала корекција во поаѓањето од Белград околу 12-13 часот.
3. Конечно да се премести поаѓањето на ноќниот воз 6900 Скопје-Кичево од 2:50 часот како воз 6904 во вечерните часови околу 19 часот. Мислам дека би имал многу повеќе патници и би бил порентабилен, а и возниот парк не би се оптеретил.
4. Да се премести поаѓањето на ноќниот воз 5901 Скопје-Кочани од 2:20 часот во околу 8 часот наутро. Всушност кон Кочани со две Макоси би направил комплетна промена на возниот ред, на пример, Скопје-Кочани 8:35, 15:45; Кочани-Скопје 5:30, 14:30;
5. Да се воведе воз Скопје-Богомила-Скопје којшто навечер би поаѓал околу 19:30 часот од Скопје, а од Богомила би се враќал околу 4:30 часот наутро. Една Макоса би влечела кон Богомила. Со тоа Битола конечно да добие утрински воз за Скопје околу 7 часот.

Не сум никаков стручњак за возни редови, но мислам дека со ваков возен ред кој би значел 1-2 воза повеќе од оваа година, би се доближиле до потребата на патниците. Имаме многу каспер-возови во сегашниов возен ред.

Владимир, во право си. Овие предлози што ги поставив горе се повеќе желба, отколку реалност.
Сепак, ако некој има некаква информација за возниот ред 2010/2011 година би било убаво да ја постави за да дебатираме малку и на таа тема.