Возен ред

Вагоните стари, но полни. Ниту дотраените возови не го намалуваат интересот за патување со железницата. Според статистичките податоци бројот на патници во железничкиот сообраќај лани се зголемил за дури 35 проценти. Пресудна е ниската цена на билетот, но и поголемата комоција при патувањето. Сепак патниците и понатаму забележуваат на гужвите и не хигиената во возовите.

„Патувам со воз затоа што е поефтино и е покомотно внатре за седење, зашто можеш да станеш да се прошеташ а во автобус ја немаш таа комоција„ , изјави еден од патниците.

Овој човек е редовен посетител на железничките станици, возовите се неговата страст. Постојано патува и ги проучува.

„Хоби ми е железницата, а посебно овој кој е полн посебно во петок , кога си заминуваат сите студенти„ изјави патникот.

Она што ја прави железницата конкурентна се ниските цени. Вака изгледа споредбата во цените за патување во патниот и железничкиот сообраќај. Доколку се возите со воз на релацијата Скопје Куманово ќе платите 58 денари, со автобус 100 денари. Во еден правец за Скопје - Прилеп со воз чини 166 денари, наспроти двојно поскапата автобуска карта која ќе ја платите 430 денари.

Иако од Македонски Железници велат и наплата е подобрена, се уште нема најави за драстични промени во железничкиот превоз.

Македонските возови се стари и по 30-тина години. Сепак поради ниската цена граѓаните и понатаму одлучуваат да патуваат со нив. Од МЖ иако најавуваа инвестиции поради финансиската криза сега најверојатно ќе ги одложат.